العضو رقم 2000 وصل يا رجالة

[AlmAhAtmA]

و يكون متخصص في المشايات و البسكلتات اللي بمسند و العاده
و الالقاب ما فيش بقه مشرف و عضو فعال و الكلام ده 8)
فيه بامبرز و بزازه و سكاته و كلام من ده :arrow:

اصل انا عندي ولع بالاطفال :lol:
سالتني الولع ده جي منين
كل عيال العيله علشان انا شعري خفيف :!: :!:
فاكرني بابي زيهم بس كبير

ملحوظه استغفر الله انا مش شعري خفيف انا ما فيش اصلا شعر

[abo3bdolrahman]

المنتدى ده بالنسبة ليا هو بيتى و هو مصر اللى انا غايب عنها
و الناس اللى فيه بكلمهم و أحاورهم أكتر من أسرتى فى مصر
بصراحة أنا بلاقى نفسى جدا معاكم
و لكم منى كل الحب من غابات نيجيريا :lol:

[Casio2000]

و يكون متخصص في المشايات و البسكلتات اللي بمسند و العاده
و الالقاب ما فيش بقه مشرف و عضو فعال و الكلام ده 8)
فيه بامبرز و بزازه و سكاته و كلام من ده :arrow:

اصل انا عندي ولع بالاطفال :lol:
سالتني الولع ده جي منين
كل عيال العيله علشان انا شعري خفيف :!: :!:
فاكرني بابي زيهم بس كبير

ملحوظه استغفر الله انا مش شعري خفيف انا ما فيش اصلا شعر

:lol: :lol: :lol: :lol:

[Ahmed Anwer]

ربنا يبارك لمؤسسي هذا المنتدي و يجعله في ميزان حسناتهم
أنا برده المنتدي عندي إدمان ،، و أحلي حاجة فيه الرقي و التحضر ، اللي بيثبت إننا ممكن من غير قوانين و تحكم ، برده نبقي متحضرين و راقيين
بس ده لا يمنع إن ده يكون حافز لينا إن المنتدي يتطور و يتحسن و لو فيه عيوب نتلافها ، سر نجاح أي شئ هو المتابعة و التطوير المستمر
و احب اجدد افتراح بوجود باب ثابت للتقييم و الإستفتاء لكافة أنواع السيارات و الوكلاء ، تكون نتيجته كل أربع أشهر مثلآ ،

[محمدايهاب]

أنا من كتر الكلام الجميل إلي بسمعه من الأعضاء عن الموقع و أنا كمان الموقع بالنسبة لي إدمان يا رب يكبر كمان و كمان و يتحول من إدمان بانجو و حشيش إلى إدمان هروين و كوكايين :mrgreen:

[mab]

السلام عليكم يا اخوانى
بصراحة يا جماعة المنتدى ده رائع جدا جدا
انا بقالى حوالى 3سنين عندى نت و مشترك فى منتديات كتيرة و لكن لم ارى
مثل هذا المنتدى الرائع الذى يقدم كل ما تحتاجه من معلومات سهلة و مرتبة و منظمة بشكل جميل
ولكن الميزة الكبرى هى اخلاق الا عضاء و المشرفين
فطريقة الرد بصراحة رائعة و مهذبة فلا يبخل اى عضو او مشرف بالرد فى حدود معلوماته
بدون تضليل او فزلكة سواء كان السائل محترف او مبتدىء


وهذا يجعلنى اطلب طلب بسيط من القائمين على المنتدى
اقترح من المشرفين على كل نوع سيارة ان يعطوا تقييم شامل لكل نوع سيارة من مميزات و عيوب
عن طريق معلومات عن الوكيل و قطع الغيار.السعر لكل موديل.الميكانيكا وهكذا .....
لان فى المنتدى الخاص بكل سيارة توجد معلومات مختلفة عن السيارة بعضها متضاد و هذا فى بعض الاحيان يشتت الذهن.

اخيرا اشكركم
وارجو ان لا تعتبروا هذا تطفلا منى
وكل عام وانتم بخير

[Dr Ahmed]

شكرا لإقتراحك أخى
فكرة تقييم السيارات موضوعيا تحتاج لعدد كبير من المحترفين ..

لكن ممكن عمل تقييم بواسطة الغير محترفين إذا نجحنا فى وضع عناصر أساسية للتقييم ودرجات من 10 لكل عنصر ، ويتم جمع المجموع وإصدار المتوسط كتقييم إجمالى لآراء مستخدمى السيارة يمكن الاسترشاد به لمن يفكر فى شرائها ولمن يقارن بين السيارات..

إقتراح جدير بالدراسة خاصة أنه سبق طلبه من العديد من الأعضاء.

[Ahmed Anwer]

مش عارف إمتي الإقتراح يدخل حيز التنفيذ
فعلآ لغة الأرقام ابلغ و اوضح

[tmz9111]

فكرة رائعة

[eng_elnaggar]

فكرة ممتازة وتحتاج الى دراسة على ان يتم عمل هذا التقييم على الأقل من مالكي السيارة او مجربيها لفترة طويلة حتى تكون النتيجة مرضية وقريبة من الواقع.... لأن عنصر الفتى والسمع يدخل بقوة احيانا ويشتت الذهن كما اوضح صاحب الاقتراح.
من الممكن ان توضع اللبنات الاساسية للموضوع عن طريق محترفي السيارات بالموقع ثم يتم بلورة الفكرة على مراحل هذا هو الحل الوحيد...
وشكرا جزيلا لكل من يساهم في تطوير وتحديث هذا المنتدى الرائع والمتفرد....

[tmz9111]

ألف مبروك وعقيال 1000000 عضو

[mab]

شكرا يا اخوانى على تقبل اقتراحى
وهذا هو المتوقع من السادة المحترمين القائمين على المنتدى
ونتوقع المزيد باذن الله

[Akram]

انا عايز اقوم من بدري علشان عندي شغل و لكن مش عارف أقوم و اسيب المنتدى,
يا ريت حد يقومني :)
تصبحوا على خير

[Dr Ahmed]

انا عايز اقوم من بدري علشان عندي شغل و لكن مش عارف أقوم و اسيب المنتدى,
يا ريت حد يقومني
تصبحوا على خير

قوم بقى ياراجل علشان تلحق تتسحر و تصلى الصبح ..

وأنت من أهل الخير..

[Andria]

بصراحه أنا مش عارف أرد بإيه من ذوق حضراتكم إنكم قبلتونى عضو فى هذا المنتدى الرائع
ومكنتش أتوقع إنى أكون العضو رقم 2000
أشكركم للمره رقم مليون