الملك فاروق ... عاشق السيارات

[zobaaa]

يا خساره المرسيدس ! تحفه زي كده تتقطع خرده ! هوه ده الغباء بعينه .. اهو كده انا النهارده هنام متكدر ...

ياعم ما يخلصنيش ارق ساعاتك

[zobaaa]

والسؤال الاهم هو باعها قطع غيار لمين اذا كان مفيش زيها في مصر أصلا؟؟؟؟؟؟؟؟

مش مشكله اتباعت لكين اتباعت ليه؟!!!! دي تاريخ

[Terrible_DaRsH]

عربية موديل سنة 1937 و 7650 سي سي !!!

واحنا فى 2009 لما بنركب 2000 سي سي بنبقي فرحانين !!

وتكييف و زجاج اوتوماتيك !

لا اله الا الله .. عجيبة الدنيا دى بجد .

[AudiQ7]

ياعم ما يخلصنيش ارق ساعاتك

:) .. اصلها عربيات حرام يتعمل فيها اللي الشعب المصري بيعمله ده ..

[lancerevolution]

زعلتنى حكاية المرسيدس دى خردة حرام و الله دا لو التاجر دا عايش كان عض صوابعه من الندم

[zobaaa]

عربية موديل سنة 1937 و 7650 سي سي !!!

واحنا فى 2009 لما بنركب 2000 سي سي بنبقي فرحانين !!

وتكييف و زجاج اوتوماتيك !

لا اله الا الله .. عجيبة الدنيا دى بجد .

ومتنساش خمس نقلات في عربيات من التلاتينات والاربعينات اللي كان راكب عربيه خمس نقلات فالتسعينات كان ايييييييييييييييييييييييييه ياعم طول عمر الشعب ده مكتوب غليه كده

[zobaaa]

انا هبقى اجمعلكوا موضوع لو عرفت عن عربيات جمال عبد الناصر والسادات واشوفهم راحوا فين هما كمان

انا اسمع ان في عربيه سودا كاديلاك كانت بتاعت عبد الناصر موديل اواخر الستينات كده اشتراها القويري بتاع الشمعدان

[ابو حسين]

شكرا على الموضوع الجميل

[zobaaa]

شكرا على زوقك وردك الجميل يا ahah

[zobaaa]

ودي كمان صوره نادره احب اضيقها للصور للي فالموضوع وهيا عباره عن صوره ل جراج قصر عابدين

[EslaM_NagY]

موضوع غاية فى الروعة

تسلم ايدك بجد

[zobaaa]

شكرا على زوقك وردك يا اسلام

[lancerevolution]

ودي كمان صوره نادره احب اضيقها للصور للي فالموضوع وهيا عباره عن صوره ل جراج قصر عابدين

انا لو عندى العربيات دى كلها مش هعرف أركب ولا واحدة منهم
بس أنا عايز أعرف تاجر الخردة الى إشترى العربية المرسيدس ب 70 جنية و قطعها و باعها إيه كان شعوره بعد لما عرف إنها كانت هتتباع بملون جنيه ؟؟؟

نت اكثر سيارات الملك تفردا هى المرسيدس الحمراء التى اهداها هتلر اليه بمناسبة زواجه من الملكة فريدة ، فتلك السيارة النادرة لم ينتج منها سوى نسخ قليلة تكاد تعد على اصابع اليد الواحدة ، وكان الزعيم النازى هتلر يستخدم احداها وهى اليوم فى حوزة متحف كندى ، وحصل عليها بمبلغ يقال انه تجاوز المليون دولار ، اما سيارة الملك فاروق فما يعرف عنها هو انها كانت مصفحة ومزوده بزجاج سميك يقى ركابها من الرصاص ، وكان طول السيارة يبلغ حوالى 6 امتار ، وعرضها اكثر من مترين ، وارتفاعها 1.8 متر ، اما محركها فكان 6 سلندر بسعة 7655 سى سى ، ويتصل بنظام نقل ذى 5 سرعات ، ووصل وزن تلك السيارة الى 4800 كيلو جراما ، ويذكر فى شأن تلك السيارة انها لم تعرض فى اول مزاد اقيم لبيع السيارات الملكية بعد ثورة يوليو ، حيث اعتبرتها لجنة المزاد ملكا خاصا لم يتم حسم امرها بعد ، ولكن تقول مصادر اخرى انها بيعت فى مزاد لاحق بسعر 70 جنيها ، رغم ان بعض الالمان حاولوا شرائها بسعر يصل الى مليون جنيه ، ولكن تاجر خرده من وكالة البلح سبقهم وعندما وصلوا اليه كانت السيارة قد صارت قطع غيار

[zobaaa]

انا مش متغاظ من التاجر على قد مانا متغاظ من اللي باع العربيات دي كلها

ياجماعه الملك حسين عندو شوية عربيات تعتبر خيبانه مقارنه بالعربيات دي وعملوا بيها متحف فالاردن ومعظم عربيات العائله المالكه الاردنيه من فترة اواخر الخمسينات والستينات والسبعينات

العائله المالكه المصريه فعلا سياراتهم دي كنوز كان يتعمل بيها متحف فظيع في نسبه كبيره منهم من التلاتينات وقبل كده كمان بس يلا اكيد اللي باعهم مكنش عارف قيمتهم
واللي اشتراهم كمان

[mohmd76]

حسب معرفتى عدد السيارات يقارب ال 50 سيارة اين هم
قيل تم تهريبهم فى الخارج وبيعهم فى مزاد هل هذا حقيقى
اما المزاد هنا الله اعلم
ولكن نعود الى انهم تم تهريبهم خارج مصر مرة اخرى هل هذا حقيقى
ثروة قومية تقارب 50 سيارة اين هى الان