همه ليه عمالين يناشدوا الجماهير عشان يروحوا ماتش مصر و زامبيا؟

[Dr.A.Nabil]

الحمد لله انهم اتنين واحد بيلعب قى جيوبنا و التانى بيلعب فى فريقنا

هاتوحشني يا طارق والله

[pro_samir]

ولو مفيهاش سقالة يعنى ولا مؤاخذة .. هيا مصر هتلاعب مين اصلا و تصفيات اية ؟

اة سورى هتلاعب زامبيا مخدتش بالى من اسم الموضوع
طيب تصفيات اية ؟

[aif]

ولو مفيهاش سقالة يعنى ولا مؤاخذة .. هيا مصر هتلاعب مين اصلا و تصفيات اية ؟

دي يا فندم التصفيات المؤهلة لبطولة كأس العالم بجنوب افريقيا سنة 2010
ومنتخب جمهورية مصر العربية سيلعب مع منتخب زامبيا في استاد القاهرة
زامبيا...... طب وزامبيا انا ايه ؟؟؟؟؟

[eslam_wega]

منك لله يا شوبير هو السبب خالى الناس تخاف من حاجة اسمها الاستاد

[CryptonX]

حنكسب يا جدعان ؟

كام كام !

[osamaesm]

ان شاء الله نكسب من غير ما نروح الاستاد
بدام قال هنكسب يبقي هنكسب

[Terrible_DaRsH]

عصام عبد المنعم بيقول امبارح ..

ال ايه مفيش ولا تذكرة من امبارح و الاستاد هيتملى على اخره ..

هههههه بضحك لما بقارن مجتمعنا بدولة زى ايطاليا مثلا

هما هناك بيتمنوا يفوزوا بكاس العالم كل مرة واحنا بنتمنى ندخله بس ..

[eslam_wega]

عصام عبد المنعم بيقول امبارح ..

ال ايه مفيش ولا تذكرة من امبارح و الاستاد هيتملى على اخره ..

هههههه بضحك لما بقارن مجتمعنا بدولة زى ايطاليا مثلا

هما هناك بيتمنوا يفوزوا بكاس العالم كل مرة واحنا بنتمنى ندخله بس ..

انت مش متابع كورة كويس ولا اية
دلوقتى دخول كاس العالم بقا انجاز وحاجة صعبة
ودة نتيجة الدول الى مستوها بقا احسن كتير من الاول وبقا تنافس الفرق الكبيرة على مقاعد كاس العالم
شوف تصفيات اوربا عاملة ازى
الدنيا مولعة هناك
دة لينك جدول التصفيات

http://www.kooora.com/default.aspx?c=312

الى تلقى جمبها نجمة يبقا فرصة اكبر فى التاهل والى جانبها سهم لفوق يبقا هى فى خطر وخد عندك بقا يا سيدى
فرق كبيرة بتقع زى الدنمارك واليونان والتشيك وروسيا والمجر واسبانيا رقم 1 على العالم والنرويخ وتركيا وسويسرا
وفرق متسمعش عنها واخدة المراكز الاولة اوكرنيا وصربيا الى عمر حد فى الدنيا يتوقع انها تتطلع فوق الاول على العالم اسبانيا الى لسة واخدة بطولة اوربا يعنى تخيل انت ممكن نشوف 2010 من غير اسبانيا وصربيا هى الى تتدخل مكانها وتقولى بنتمنى ندخلة طبعا نتمنى اننا نبقا وسط احسن 32 دولة فى العالم
دخول كاس العالم دلوقتى بقا حلم للجميع وهدف صعب تحقيقة

[Terrible_DaRsH]

انت مش متابع كورة كويس ولا اية
دلوقتى دخول كاس العالم بقا انجاز وحاجة صعبة
ودة نتيجة الدول الى مستوها بقا احسن كتير من الاول وبقا تنافس الفرق الكبيرة على مقاعد كاس العالم
شوف تصفيات اوربا عاملة ازى
الدنيا مولعة هناك
دة لينك جدول التصفيات

http://www.kooora.com/default.aspx?c=312

الى تلقى جمبها نجمة يبقا فرصة اكبر فى التاهل والى جانبها سهم لفوق يبقا هى فى خطر وخد عندك بقا يا سيدى
فرق كبيرة بتقع زى الدنمارك واليونان والتشيك وروسيا والمجر واسبانيا رقم 1 على العالم والنرويخ وتركيا وسويسرا
وفرق متسمعش عنها واخدة المراكز الاولة اوكرنيا وصربيا الى عمر حد فى الدنيا يتوقع انها تتطلع فوق الاول على العالم اسبانيا الى لسة واخدة بطولة اوربا يعنى تخيل انت ممكن نشوف 2010 من غير اسبانيا وصربيا هى الى تتدخل مكانها وتقولى بنتمنى ندخلة طبعا نتمنى اننا نبقا وسط احسن 32 دولة فى العالم
دخول كاس العالم دلوقتى بقا حلم للجميع وهدف صعب تحقيقة

هههههههههههه

كل ده واحنا محلك ســــــــــــــــــــرررر ..

فكرتنى بفيلم ( يا عزيزى كلنا لصوص ) .. :)

[eslam_wega]

متقلقش ان شاء الله احنا على جنوب افريقيا رايحين ودة ل3 اسباب بعد فضل ربنا طبعا أولها أن منتخب مصر يحمل لقب كأس الأمم الإفريقية مرتين علي التوالي عامي 2006 و2008 ومرشح للفوز بالبطولة القادمة
لأن نفس الجيل الذي حقق البطولتين السابقتين لا يزال مستمراً..
السبب الثاني أن مجموعة مصر في التصفيات النهائية المؤهلة للمونديال ليست صعبة للدرجة التي تجعلنا نعيش منافسة حقيقية.. فالفارق واسع بين منتخب مصر وباقي منتخبات المجموعة الجزائر وزامبيا ورواندا - مع كل احترامي لجنون كرة القدم وتقلباتها..
أما السبب الثالث وهو الأهم أن مصر تضم حالياً عدداً كبيراً من اللاعبين الموهوبين المهرة الذين من الصعب أن يتجمعوا بهذه الصورة في جيل واحد أو فريق واحد.. وكل لاعب في كل مركز هو فعلاً نجم كبير من الممكن أن يبني عليه المدربون فريقاً بأكمله.. ان شاء الله على كاس العالم راحين وهنحقق مفاجات من العيار التقيل هناك بس انت قول يا رب

[msobhy]

منك لله يا شوبير هو السبب خالى الناس تخاف من حاجة اسمها الاستاد

كلامك صح يا اسلام باشا بس عايزين الناس تفهم معنى كلامك
انا هاقول تجربتى يا جماعة انا من اكتر الناس اللى راحت الاستاد فى حياتها
عارفين روحت كام مره مرتين
الاولى ماتش الاهلى والاسماعيلى فى استاد الكلية الحربية
الثانية ماتش الاهلى والزمالك والله يخرب بيتك يا شوبير
نتكلم على المره الثانية
ذل بشع علشان ندخل الاستاد
تفتيش ذاتى بطريقة حقيره تقريبا عشر مرات لغاية لما ندخل
واحد هو وابنه الصغير كانوا بيفتشوهم ومبهدلين الواد الصغير ف أبوا الولد بيقوله باللفظ براحة على الواد ده صغير - رد عليه وقال له انت مخفتش على ابنك وجبته هنا / يبقى انا اللى هاخاف عليه
وديه كانت قائمة الممنوعات اللى انا فاكرها
ممنوع الاعلام
ممنوع التي شيرت الاحمر
ممنوع الصفرات
ممنوع الاكل
ممنوع الشرب
ممنوع الرسم على الوش
ممنوع الطواقى
ممنوع السجاير (حقهم)
المصيبة ممنوع الكاميرات وارمى كامرتك فى اى مصيبة
وطبعا انا واحد من الناس كنت هاعتبر الخروجه ديه حاجة لذيذة ابقى افسح فيها الواد مروان بس بعد اللى حصل يولعوا بجاز وسخ
فيه معلومة محدش يعرفها غير اللى راح الماتش
تقريبا الناس كانت بتتفرج على الماتش بنسبة 30% وبنسبة 70% قاعدين يشتموا فى شوبير
الجميل انى اول لما روحت البيت لاقيت شوبير فى البرنامج بتاعه قاعد بيشكر فى الجمهور الملتزم اللى مش بيعمل اى حاجة
وبالمناسبة فى ناس كتير فعلا بتشجع على عدم الذهاب للماتش ده علشان يحترموا ادمية الناس شوية

[Terrible_DaRsH]

كلامك صح يا اسلام باشا بس عايزين الناس تفهم معنى كلامك
انا هاقول تجربتى يا جماعة انا من اكتر الناس اللى راحت الاستاد فى حياتها
عارفين روحت كام مره مرتين
الاولى ماتش الاهلى والاسماعيلى فى استاد الكلية الحربية
الثانية ماتش الاهلى والزمالك والله يخرب بيتك يا شوبير
نتكلم على المره الثانية
ذل بشع علشان ندخل الاستاد
تفتيش ذاتى بطريقة حقيره تقريبا عشر مرات لغاية لما ندخل
واحد هو وابنه الصغير كانوا بيفتشوهم ومبهدلين الواد الصغير ف أبوا الولد بيقوله باللفظ براحة على الواد ده صغير - رد عليه وقال له انت مخفتش على ابنك وجبته هنا / يبقى انا اللى هاخاف عليه
وديه كانت قائمة الممنوعات اللى انا فاكرها
ممنوع الاعلام
ممنوع التي شيرت الاحمر
ممنوع الصفرات
ممنوع الاكل
ممنوع الشرب
ممنوع الرسم على الوش
ممنوع الطواقى
ممنوع السجاير (حقهم)
المصيبة ممنوع الكاميرات وارمى كامرتك فى اى مصيبة
وطبعا انا واحد من الناس كنت هاعتبر الخروجه ديه حاجة لذيذة ابقى افسح فيها الواد مروان بس بعد اللى حصل يولعوا بجاز وسخ
فيه معلومة محدش يعرفها غير اللى راح الماتش
تقريبا الناس كانت بتتفرج على الماتش بنسبة 30% وبنسبة 70% قاعدين يشتموا فى شوبير
الجميل انى اول لما روحت البيت لاقيت شوبير فى البرنامج بتاعه قاعد بيشكر فى الجمهور الملتزم اللى مش بيعمل اى حاجة
وبالمناسبة فى ناس كتير فعلا بتشجع على عدم الذهاب للماتش ده علشان يحترموا ادمية الناس شوية

بس برده لو حضرتك كنت اخدت ضربة ماطوه ولا اتحدف عليك شمروخ و لا واحد رمى عليك حاجة كنت هتعذر شوبير ..

الحلقة اللى شوبير قال فيها لازم الاجرائات تتشدد شوية ..
كان جايب صور لخناقات فى المدرجات و شماريخ بتتحدف وبتولع فى الناس ..
منظر يوجع القلب ..

علشان كده البلطجية اللى معرفوش يدخلوا باسلحة ولا اى حاجة راحوا شاتمين شوبير وطبعا علشان انت اتعاملت معاملة وحشة على الباب فرحت شاتم معاهم او لو حتى مشتمتش بس كنت فرحان ان الناس بتاخد لك حقك من شوبير ...

حضرتك لو شفت الاجرائات اللى فى اوروبا وخاصة انجلترا مش هتقول كده على شوبير ..

انا معاك يا شوبير 100 % ..

وبعدين فى حد يودى مروان الاستاد برده :)

[msobhy]

بس برده لو حضرتك كنت اخدت ضربة ماطوه ولا اتحدف عليك شمروخ و لا واحد رمى عليك حاجة كنت هتعذر شوبير ..

حضرتك بتتكلم صح

علشان كده البلطجية اللى معرفوش يدخلوا باسلحة ولا اى حاجة راحوا شاتمين شوبير وطبعا علشان انت اتعاملت معاملة وحشة على الباب فرحت شاتم معاهم او لو حتى مشتمتش بس كنت فرحان ان الناس بتاخد لك حقك من شوبير ...

حضرتك بتتكلم صح لأننا فى اليوم ده كنا 60,000 بلطجى

حضرتك لو شفت الاجرائات اللى فى اوروبا وخاصة انجلترا مش هتقول كده على شوبير ..

ديه فعلا عندك حق فيها لأنهم بره بيمنعوا دخول المأكولات والمشروبات والفانلات الخاصة بالفريق اللى بتشجعه و الاعلام والطواقى والكاميرات ده غير المجانين اللى بيروحوا ورا الشمس - طبعا عارفهم القلة المنحرفة اللى بترسم على وشوشهم

انا معاك يا شوبير 100 % ..

وانا كمان
لأنى ولا أنا ولا أولادى هانروح الاستاد تانى والمفروض فى المرحلة اللى جايه انهم يقلعوا الناس هدومهم ويتعملوهم كعب داير علشان يعرفوا ان الله حق
بس كده - كده انا مش هاروح فيعملوا فيهم اللى هما عايزين

وبعدين فى حد يودى مروان الاستاد برده :)

والله العظيم غلطة والحمد لله انى استوعبتها
بجد مش هزار انا روحت الاستاد مرتين مع اصحابى على سبيل الهزار والضحك
المره الاولى كانت رائعة وفعلا استمتعنا جدا وضحكنا من قلبنا
لكن يوم الاهلى والزمالك انا كنت قاعد فى فصل وكل لما نيجى نقوم تلاقى واحد يقعدك يا أما يخرجك بره الاستاد
المصيبة ان انا مليش فى الكوره طيب ليه بقى حرقة الدم
مع احترامى ليك يا درش باشا بس اللى انت بتقوله ده مش صح
الصح ان لما واحد يتمسك معاه مطوه يتلسع 20 سنة ولا حاجة وكده نكون خوفنا الناس
لكن اننا شبة نتقلب والعيال اللى بتشرب سجاير يقلبوهم وهما جوه فى الاستاد عملين يشربوا (انا مش بشرب سجاير) ده اسمه قلة أدب
وعلى العموم انا بفكر حضرتك بحاجتين
انا مع شوبير 100%
وانا مش هاروح الاستاد تانى

مجرد سؤال ينفع اشوف الماتش النهارده ولا الموضوع هايضيقك - لو فى اى مشكلة قول يا باشا وانا اروح اولع فى التليفزيون النهارده
المهم سعادتك متزعلش

[Terrible_DaRsH]

مجرد سؤال ينفع اشوف الماتش النهارده ولا الموضوع هايضيقك - لو فى اى مشكلة قول يا باشا وانا اروح اولع فى التليفزيون النهارده
المهم سعادتك متزعلش

هههههه انت زعلت يا عم ولا ايه ..

الموضوع مش كده والله ..

بس كل ما فى الامر ان البلطجية خربوا البلد من كل ناحية ..

دلوقتى الاستاد ده بقي عامل زى المطار بالظبط ..

طب انت تعرف انهم مسكوا واحد بيبيع 20 تذكرة هيروين فى الاستاد ؟؟ و كمان كان بايع منهم كتير ..

مادام انت يا باشا فى السليم خلاص ..

انا كل اللى كنت اقصده .. ان لو حصل لك حاجة لا قدر الله من البلطجية دول كنت هتقول هما ازاى دخلوهم اصلا وهتشتم فى الامن ..

اما بالنسبة لحكاية الاكل والشرب و الاعلام فبصراحة انا معرفش عنها حاجة ولو حصل كده بجد مع كل الناس يبقي الموضوع عايز شوية نظام ..

و تخيل نفسك كنت موجود فى ماتش الاهلى والاسماعيلى الاخير و كنت قاعد مع الجمهور البرتقالى ده لانهم حرام يتقال عليهم جمهور اساسا ..:(
كنت هتقول ايه ؟

[msobhy]

يا مصطفى باشا والكلام ده شامل حاجات كتير غير الكورة
اللى يغلط لازم يتعاقب عقاب بشع علشان الناس تلتزم
لكن الناس اللى عايشة جنب الحيطة فعلا الناس ديه المفروض تاخد كل حقوقها على طبق من فضة
على العموم يا مصطفى باشا انا بهزر وياريت ميكونش فى كلامى اى حاجة ضايقت حضرتك
وبجد من غير تريقة هو الماتش الساعة كام - أوعى محدش يرد