ارفع سروالك يا ولد..!! (وائل عطية)

[Abdallah]

المشكلة إن دى بقت ظاهرة جماعية مش فردية وإدخل اى محل هدوم دلوقتى وشوف الموديلات الى فيه عاملة ازاى, العملية بقت تقليد اعمى فاضح وانعدام للحياء والترباط الاسرى, تقدر تقولى فين الاب والام الى بيشوفوا ولادهم كدة سواء الشباب او البنات ؟؟؟
فين دور الاسرة فى تقويم سلوك اولادها وفين دور الدولة فى التعليم والتربية اذا كان هناك تربية لسة ؟؟؟؟
إسمحلى يا تربو الموضوع مش موضوع كل واحد حر ولكن انا منظر زى دة بيأذى عينى وبالطبع لما مراتى تبقى ماشية جنبى اكيد منظر يأذيها ولما بنتى تكبر وتقولى يا بابا هو عمو طالع من هدومه كدة ليه هرد عليها واقولها ايه؟؟؟
كل مجتمع له عادات وتقاليد خاصة بيه ومناسبة ليه ولو حاولنا نستورد عادات وتقاليد من برة مش هتصلح لينا.

[analyzer]

الاخوة الافاضل
السلام عليكم جميعا .

تتحدثون عن الشباب الى طالع من هدومه وتعترضون بشده وانا كذلك نعكم ولاكن ماذا عن الشباب الى مش لابس هدوم علشان يطلع منها . ممكن نعمل معاهم ايه ؟ هنتصرف ازاى ؟
طيب اقولكم على حاجه من ضمن المهازل الى شوفتها
بنات من الخليج راكبين حنطور ( وهركب الحنطور واتحنطر ) وشباب راكين عربيه هامر واخرى كامرى وبيلفى حوالين الحنطور وبيرشو على البنات سبراى الفوم والبنات بترش عليهم ( ده بعد الساعه 2 صباحا عند رمسيس هيلتون )
بلاش كده : يلا ندخل الكوفى شوب بنات على شباب بيشربو شيشة ( ايوة شيشه ) وسجائر و .................. وده شفته بعينى
فبقول لصاحبى الى كان معايا ايه ده قالى ايه هو انت مبترحش كافتيريات او نايت كلب دى البنات بقوا اكثر من الشباب هناك وقاعدين يشربو الشيشا ........... يبقى سلملى على الاخلاق وكمان وزارة التربيه والتعليم ( الى انا شغال فيها ) وكمان على الترابط الاسرى ومتابعه الوالدين . طيب احنا نعمل ايه علشان نحافظ على ديننا . نهاجر لا مينفعش وكمان هنلاقى انيل واضل ( وشوفت بردو بعينى فى بلجيكا وفرنسا والمانيا ) . الخليج هنتبهدل هناك السعوديه خلاص مبقاش .
طيب نعمل ايه ؟

[hazem_khidr]

هو كلام حضرتك مضبوط و غياب الوعي الديني و القدوه و المثل الاعلي هيا اللي بتعمل كده.
لكن موضوع البناطيل دا كوم تاني ماهو من زمان و الصبيان بيعاكسو البنات و من زمان و البنات بتشرب سجاير و عادي برضه لكن في حاجات مذمومه لما واحد يبقي ماشي مسقط بنطلونه كده بجد شكلها بايخ اوي عن واحده قاعده بتشرب سيجاره ولا بتدخن شيشه.

[sab3aawy]

كان فيه مثل بسمعه زمان من جدتى -الف رحمة ونور ينوروا مثواها- يقصد به الكناية اكثر من المعنى اللفظى، كان بيقول:

البلد اللى محدش يعرفك فيها ، إمشى فيها معرى ( )( ) ك

لكن واضح ان المثل اتعكس الآن ، بقى : البلد اللى يعرفوك فيها، إتمنظر على صحابك ب ( )( )

جتهم القرف، اللى وصلوا من انعدام الكفاءة والإقتقار لادنى مقومات التميز الى إنهم مبقاش فاضل عندهم غير ( )( )هم يتمنظروا بيها

[MMamdouh]

حلوة اوى فكرة ال ()() دى :mrgreen: :mrgreen: :mrgreen:

كدة المثل يبقى: الصياعة ادب مش هز ()() ()() ()() ()() ()() :lol: :lol: :lol: :lol:

MMamdouh

[Dr Ahmed]

البلد اللى محدش يعرفك فيها ، إمشى فيها معرى ( )( )

هههههههههههههههههههههههههههههههههههههههه

بس المثل مش كده ، المثل بيقول: البلد اللى محدش يعرفك فيها .. شَ لّ ح واجرى فيها!!

[Abdallah]

ههههههههههههه كدة يا جماعة مقص الرقابة هيشتغل :twisted:
انت عارف يا دكتور احمد المثل دة ابلغ دليل عن الانحطاط والاسفاف الى بقى مجتمعنا فيه النهاردة, المثل دة كان ايام جدى وجدك وكان اقصى ما تصوروه ايامها من قلة ادب ان الواحد يشَلحَ جلبيته !!!!
طبعا فى ناس هتقول يعنى ايه شَلحَ ؟
هنرد ونقول شَلحَ لفظ فلاحى اصيل ومعناه رفع الجلباب من اسفل لاعلى وهو كان اكثر ما يفعله الانسان من قلة ادب فى الزمن الجميل وهو ان يشَلحَ جلبابه ويجرى وبالطبع كلنا عارفين انه بيبقى لابس تحت الجلباب الكلسون الصوف وتحتيه " ابو سيالة " الى لا مؤاخذة زى الشورت الشرعى دلوقتى وممكن نسميه ( بوكسر فلاحى ) علشان اخوانا الى مشافوش الحاجات دى يفهموا قصدى ايه , بالله يا شيخ لو كان عندى صورة ليه كنت حاطيتهالكوا :mrgreen:

[وائل عطية]

ههههههههههههه كدة يا جماعة مقص الرقابة هيشتغل :twisted:
انت عارف يا طكتور احمد المثل دة ابلغ دليل عن الانحطاط والاسفاف الى بقى مجتمعنا فيه النهاردة, المثل دة كان ايام جدى وجدك وكان اقصى ما تصوروه ايامها من قلة ادب ان الواحد يشَلحَ جلبيته !!!!
بطعا فى ناس هتقول يعنى ايه شَلحَ ؟
هنرد ونقول شَلحَ لفظ فلاحى اصيل ومعناه رفع الجلباب من اسفل لاعلى وهو كان اكثر ما يفعله الانسان من قلة ادب فى الزمن الجميل وهو ان يشَلحَ جلبابه ويجرى وبالطبع كلنا عارفين انه بيبقى لابس تحت الجلباب الكلسون الصوف وتحتيه " ابو سيالة " الى لا مؤاخذة زى الشورت الشرعى دلوقتى وممكن نسميه ( بوكسر فلاحى ) علشان اخوانا الى مشافوش الحاجات دى يفهموا قصدى ايه , بالله يا شيخ لو كان عندى صورة ليه كنت حاطيتهالكوا :mrgreen:

جامدة قوي بوكسر فلاحي دي :lol: :lol: :lol:
معنى كده إن البوكسر موضة أصيلة وإن اختلفت وسائل الإشهار أقصد " التشليح " لإبرازه .

[hazem_khidr]

البوكسر موضة أصيلة وإن اختلفت وسائل الإشهار أقصد " التشليح " لإبرازه

:D :D :D :D :D :D :D

[amr mokhtar]

انا قريت المواضيع و وضحكت عليها
بصراحة البلد دى ما بقاش فيها حاجة مظبوطة أو حاجة نقدر نقول عليها تمام اوى... كل حاجة بقت غلط.. الناس تصرفتها بقت غلط ..و ال.... طول عمرها غلط .. الشباب طالع ما بين قنوات غريبة و كل حاجة فيها باينة و المخدرات و الأهل فى البيت بيعملوا اللى يقدروا عليه بس التيار بقه جارف و العوض على ربنا
انا عندى 20 سنة و فى كلية و بشوف مهازل
يعنى مثلآ لما يبقى السكشن بتاعنا 22 طالب ( بخلاف البنات ) يكون فيه حوالى 18 واحد بيشربوا سجاير!!!! و الله دى حقيقة
و ما خفى كان أعظم ... موضوع البنطلون الواقع ده أقل حاجة النهاردة .. و انا فعلآ بعانى من لما أنزل أشترى بنطلون ( زى ما فى ناس كتير هنا كتبوا نفس الكلام ) بلف كتير اوى لحد ما لاقى حاجة تتلبس

و ربنا يعافينا

[وائل عطية]

انا قريت المواضيع و وضحكت عليها
بصراحة البلد دى ما بقاش فيها حاجة مظبوطة أو حاجة نقدر نقول عليها تمام اوى... كل حاجة بقت غلط.. الناس تصرفتها بقت غلط ..و ال.... طول عمرها غلط .. الشباب طالع ما بين قنوات غريبة و كل حاجة فيها باينة و المخدرات و الأهل فى البيت بيعملوا اللى يقدروا عليه بس التيار بقه جارف و العوض على ربنا
انا عندى 20 سنة و فى كلية و بشوف مهازل
يعنى مثلآ لما يبقى السكشن بتاعنا 22 طالب ( بخلاف البنات ) يكون فيه حوالى 18 واحد بيشربوا سجاير!!!! و الله دى حقيقة
و ما خفى كان أعظم ... موضوع البنطلون الواقع ده أقل حاجة النهاردة .. و انا فعلآ بعانى من لما أنزل أشترى بنطلون ( زى ما فى ناس كتير هنا كتبوا نفس الكلام ) بلف كتير اوى لحد ما لاقى حاجة تتلبس

و ربنا يعافينا

والله يا عمرو كلامك دا في حد ذاته بيقول إن الخير مازال موجود، وإن مش الكل غلط، يعني انت عندك 20 سنة ومع كده مش بتجاري الموضة المُخجلة دي، ربنا يثيتك على الصواب وشكراً على مداخلتك

[Akram]

لما تلاقي بنطلون ابقى قوللي جبته منين :mrgreen:

[amir]

يا جماعه الموضوع مش موضوع موضي ولا حاجه, اصل كلمه موضه دي معناها فيما اعتقد طريقه لبس جديده من باب التغيير ذي البدل اللي بزرارين و تلاته و هكذا , لاكن موضوع البنطلونات المدلدله ده فعلن حاجه تكسف, و يبقي الواحد من دول مضايق لما تقوله ايه القرف اللي انتا لابسه ده, و تحس انه بيدافع باستماته و هو بيقولك هي دي الموضه!!!!!!
يا اخي روح في داهيه انتا و اللي بتقول عليها موضه دي, الشباب ( و الكلمه هنا احتراما للمنتدي لاني كان نفسي هنا بالذات يكون في حريه اختيار اقذع الالفاظ و السباب ) المهم الشباب اللي في الشوارع بقي اصلن صعب معرفته نوعه!!!!!
و اظن البركه في قطاع الاغاني الفضائيه اللي لما بالصدفه بشوف حاجه عليها بحس انها بتدي الاوامر للمنحلين من جميع الاوجه لاتباع الاوامر المثلي لللبس و المرقعه.
ربنا يحفظنا