هل قوم عاد هم بناة الاهرام

[wesam_salom]

اللي بناها بناها مش مشكلة.. المهم احنا بنينا ايه و عملنا ايه.

متهيألى لو قلبوا الهرم هيلاقو مكتوب تحته

made in china

بس فعلا

ايه يعنى ابويا بنى بيت كبير

وانا عايش من ايجاره

ومش قادر اعمل حاجه جديده

انا قريت الموضوع ده قبل كده

وسمعت كلام كتير عن الموضوع ده

بس مش قادر افهم ايه المطلوب منه

الاهرام والاثار دى موجوده فى ارضنا

حتى لو بناها الجن والعفاريت تبقى بتاعتنا

المهم نستفاد منها

ونحاول نعمل حاجه احنا كمان الاجيال الجايه تفتكرنا بيها

زى ما بنشوف قناه السويس والسد العالى

انما احنا فى بلد الاموات فيها بيصرفوا على الاحياء(الاثار وقناه السويس)

واحنا كمان بنشكك فى اللى عملوها

شكرا لكل من ساهم فى بناؤها حتى لو كان من محتلين بلدنا

دلوقتى بقت بتاعتنا يا رب نقدر نحافظ عليها وننميها ونستفاد منها ونمنع اى حد تانى انه ياخد خيرها

[evoo90]

تاااااني

الموضوع ده اتفتح في المنتدى قبل كده
و محمود Motorizer اكتشف ان الصور دي مضروبة بالفوتوشوب و بعضها من أعمال فنية و جاب مواقعها على النت

و الأخ waw برضه عمل مجهود قوي جدا في الحوار
لدرجة ان الأستاذ كاتب الكتاب دخل المنتدى يدافع عن كتابه
و تطور الوضع من نقاش الى اتهام بالجهل و التسفيه
و أغلقت الادارة مشكورة واحدا من أعنف مواضيع الاجتماعي التي شهدتها

و الحوار رسخ عندي وجهة نظر في الكتاب انه فبركة و تلصيق و تلفيق ليس الا (مع ان الكلام كان عاجبني في الأول و ممكن يكون صح) بس الكتاب ضااايع

حتى دى متفركه هو مافيش حاجه صح فى الدنيا دى ولا ايه111111

[Imhotep]

حقائق:
المصريون و ليس اى احد اخر هم من بنوا الاهرام، والادلة الاثرية تتمثل فى مقابر العمال المتاخمة لموقع اهرام الجيزة. برجاء ايضا مراجعة هذا اللينك:

http://en.wikipedia.org/wiki/Pyramid...t_construction

اعتذر عن عدم استطاعتى ترجمته بالكامل، و ياحبذا لو تمكن احد الاخوة من ترجمته بالكامل لتعم الفائدة، و اترجم لكم احد اهم فقراته:
(Archaeologists now believe the Great Pyramid of Giza at least was built by tens of thousands of skilled workers who camped near the pyramids and worked for a salary or as a form of tax payment (levee) until the construction was completed. Worker's cemeteries were discovered in 1990 by archaeologists Zahi Hawass and Mark Lehner.
يؤمن علماء الاثار الان بان الهرم الاكبر على الاقل قد تم بناؤه بواسطة عشرات الالاف من العمال المهرة الذين كانوا يقيمون بالقرب من الاهرام و كانوا يعملون مقابل اجر او فى مقابل الضرائب المفروضة عليهم، وذلك الى ان تم البناء. مقابر هؤلاء العمال تم اكتشافها فى 1990 بواسطة زاهى حواس و مارك لينر.)

وفى رأيى الشخصى فهذا الاكتشاف هو اعظم الاكتشافات التى تخص الاثار المصرية على الاطلاق لانه ينهى اللغط حول مسألة من بنى الاهرام.

- هذه الصور غير حقيقية لان كل ما تم اكتشافه من هياكل عظمية لانسان ما قبل التاريخ مثل انسان جاوة و انسان نياندرتال (حسب علم الانثروبولوجى الحديث) هى لبشر ذوى ابعاد عادية جدا تماثل متوسط طول و عرض الانسان المعاصر.

- لو حدث و كان قد تم اكتشاف مثل هذه الهياكل العظمية لانقلبت الدنيا راسا على عقب، و تغيرت كافة العلوم الانسانية بشكلها الحالى الذى نعرفه، من انثروبولوجى (علم دراسة الانسان) و سوسيولوجى (علم العمران البشرى، او علم الاجتماع)، و جيولوجى (علم دراسة الارض)، الخ الخ الخ.

(اسف على تكرار المشاركة بالخطأ فى موضوع اخر له علاقة بهذا الموضوع)

[zeka127]

متهيألى لو قلبوا الهرم هيلاقو مكتوب تحته

made in china

بس فعلا

ايه يعنى ابويا بنى بيت كبير

وانا عايش من ايجاره

ومش قادر اعمل حاجه جديده

انا قريت الموضوع ده قبل كده

وسمعت كلام كتير عن الموضوع ده

بس مش قادر افهم ايه المطلوب منه

الاهرام والاثار دى موجوده فى ارضنا

حتى لو بناها الجن والعفاريت تبقى بتاعتنا

المهم نستفاد منها

ونحاول نعمل حاجه احنا كمان الاجيال الجايه تفتكرنا بيها

زى ما بنشوف قناه السويس والسد العالى

انما احنا فى بلد الاموات فيها بيصرفوا على الاحياء(الاثار وقناه السويس)

واحنا كمان بنشكك فى اللى عملوها

شكرا لكل من ساهم فى بناؤها حتى لو كان من محتلين بلدنا

دلوقتى بقت بتاعتنا يا رب نقدر نحافظ عليها وننميها ونستفاد منها ونمنع اى حد تانى انه ياخد خيرها

هيفرق ان كل الى كنا بندرسه والى نعرفه من زمان كان اشتغالات

[eslam_wega]

هيفرق ان كل الى كنا بندرسه والى نعرفه من زمان كان اشتغالات

مع احترامى لحضرتك بس انت عايش فين
مش فى مصر بردوا ولا اية ؟
الاشتغالات بتحصل فينا يوم وراء التانى وعلى عينك يا تاجر

[evoo90]

اهدوا ياجماعه انتوا سخنتوا على بعض كده ليه ده انتوا داخلين تساعدوا الراجل

[samoevil911]

انا ليا عدة اراء في الموضوع دا :
1- احنا مش علماء عشان نجزم اذا كان الموضوع دا صح او غلط.. انا عن نفسي شايف ان الكلام مقنع .. بس انا مش عالم عشان اقول صح او غلط . لازم الاول اشوف رد العلماء علي الكلام دا .. وانا مشفتش ولا عالم رد .
2- ان مين اللي بني الهرم دا ميهمناش اد ميهمنا انها موجودة في حضارتنا وبنفتخر بيها.
3- لما الواحد بيقف اودام الهرم بيحس اد ايه هو صغير.. لو قلنا ان قوم عاد هما اللي بنوا الهرم ..-نفترض- يعني برعوا في العمارة. والفراعنة اللي هما بردوا اجددنا برعوا في الفن والحلي والذهب.. واللي بعديهم برعوا في العلوم ..الخ .. كل دول اجددنا .. يعني كدا كدا بتوعنا .. طب احنا فين من كل دا.. ايه الحاجة اللي احنا بارعيين فيها .. انا عايز حاجة واحدة بس ؟؟
احنا وبلا فخر معندناش اي حاجة نفتخر بيها حتي للأسف وانا اسف جدا . حتي كرامتنا .. احنا العالم كله مداينا .. واحنا مشيين ورا اللي يدينا ويعطف علينا ... ايه اللي خلانا مثلا بيتقال علينا في دول الخليج مرتزقة . وايه اللي خلانا يتقال علينا من السياح ان احنا جشعين .. وللاسف كل حاجة بنقول البلد والحكومة .. معاكم ان البلد مقصرة بس احنا كمان قبل مالحكومة تكون بتقصر محنا كمان مقصرين في حق نفسنا .. وبعدين وهي الحكومة دي مثلا حد من را البلد وجه احتلنا .. مهما مواطنين من الشعب بردوا .. الكلام دا كبير وبجد انا بفكر اعمل بيه موضوع لواحدو..
بس كل اللي انا عايز اقوله ان لو كل واحد فينا ادي دوره البلد دي هتنجح..
عذرا علي الاطالة

[Hany A Fattah]

مع احترامى لحضرتك بس انت عايش فين
مش فى مصر بردوا ولا اية ؟
الاشتغالات بتحصل فينا يوم وراء التانى وعلى عينك يا تاجر

+1
احنا مابقناش عارفين ايه اللى فى حايتنا حقيقى وايه اللى اشتغاله

[sa3dawy]

كلام كلة تحت بند .. "ممكن يكون " لكن مفيش كلام علمى اكيد 1% حتى
انتو عارفين لو كانو لقوا بجد huge skeleton كان بقا اية !!!
دا كانت الدنيا هتتقلب !! وكانو عرفوا حاجات كتير اوى .. مش واحد زى دا يجيى يجيب التايهة !!ههههههه
الموضوع دا هجس بس الى كاتبى بس مصدق نفسة اوى علشان كدا الحوار طالع شكلة واثق اوى .... شوفو اصلا الرجال دا بيقول اية فى مواضيعة التانية .. دا بيقوا ان محدش طلع القمر ودا كلة كان هجس الامريكان الغرب الكفرة الزناديق :S
هوا دا بقا الى اسمة جايب التايهة

[Ahmad_Nawwara]

[Ahmad_Nawwara]

الحقيقه انا سعيد جدا بالمناقشات دي وفعلا انتم أكثر أعضاء منتدى على النت ثقافة ورقي وخفة دم ... مش مجامله بس دي الحقيقه
وعموما يكفينا كمصريين قول الرسول الأعظم عليه أفضل الصلاة والسلام : "إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد الأرض" قال أبو بكر: ولم ذاك يا رسول الله؟ قال: " إنهم في رباط إلى يوم القيامة".

[Terrible_DaRsH]

متهيألى لو قلبوا الهرم هيلاقو مكتوب تحته

made in china

طب محدش قال ان المقاولون العرب هى اللى صنعته ليه ؟ :)