هو الكلام ده بجد ؟

[casperinoo]

اشاااااااااااااااااااااااعه
ديه كانت البلد اتقلبت.
كان زمان نايل موتورز فيه اربع خمس مواضيع عن الموضوع ده
.احلي حاجه ان الناس كلها سمعت..انا نفسي الاقي حد شاف الحلقه..

[maka]

يا نهار اسود!!!!!!!!!!!!!

يعني هيك الواحده اساسا تقلق تروح تجيب لبس لحالها بعد كده.

و لا تمشي في الشارع لحالها اصلا.

دي تبقي مصيبه.

يعني ممكن دكاترة حلفوا القسم و المفترض انو عندن ضمير يعملوا هيك شي؟

ربنا يستر معانا.

انا بعد كده مش هاخلي اختي او ماما ينزلوا لحالهم يشتروا شي من السوبر ماركت حتي.

انا عاوز الترجمة!!!!

انت قلبتى لبنانى ليه . انا اول ما دخلت المنتدى كنتى بتتكلمى لكنة مصرية عادى جدا :k10:

ولا ده تناسك الارواح

[A_H_M_A_D]

عمليات نقل الأعضاء دي بتحتاج تجهيزات عاليه جدا , و لازم الشخص اللي حايتنقله العضو يكون موجود هو كمان في نفس غرفة العمليات و جاهز للإستلام لأن أعضاء الجسم بتفسد بعد خروجها منه بفترة بسيطة و لازم تتنقل من جسم حي إلى جسم اخر حي ويكون متوافق معاه في الأنسجه , و ده طبعا بيحتاج إلى تحليلات مسبقة
دي مش عربيات بتتقطع و تتركن في المخازن

[TaoTao]

الحكاية دي سمعتها بتحريف بسيط، إن نفس الشخص مع خطيبته راح المحل وخطيبته دخلت تقيس فستان في البروفة وقعد الراجل مستنيها 3 ساعات، اتخانق مع اللي في المحل وقالوله نفس الكلمة "ماحدش بالمواصفات دي دخل هنا" راح القسم ورجع لقي غرفة البروفة عبارة عن إسانسير للدور الخامس والبنت تقطعة وجنبها 3 جثث !!!!!!!!!

إبداع متجدد :):)

وربنا يستر بجد

[elassar2010]

لوكان صح كان الخبر نزل فى جميع الجرائد صفحة اولى
بس دة ميمنعش انة ممكن يحصل فى مصر

[osamaesm]

الحكاية دي سمعتها بتحريف بسيط، إن نفس الشخص مع خطيبته راح المحل وخطيبته دخلت تقيس فستان في البروفة وقعد الراجل مستنيها 3 ساعات، اتخانق مع اللي في المحل وقالوله نفس الكلمة "ماحدش بالمواصفات دي دخل هنا" راح القسم ورجع لقي غرفة البروفة عبارة عن إسانسير للدور الخامس والبنت تقطعة وجنبها 3 جثث !!!!!!!!!

إبداع متجدد :):)

وربنا يستر بجد

انا برده سمعته مع تحريف اخر عنوان المحل مش مصر الجديده انما تحديدا في شارع جسر السويس
واسانسير والناس اللي في الشارع هما اللي دخلو المحل وكسروه

[hamedo0]

انا برده سمعتها وكانت في شارع احمد عرابي في عين شمس ومحدش عارف الحقيقه فين

[أبو إياد]

انا بقا امبارح شوفت كوميدى كلوب بتاع وائل علاء
وكان بيتكلم عن الاشاعات
والمقصود من الحلقه ان الشعب المصرى اكتر شعب فى العالم يتطلع وفى نفس الوقت يصدق الاشاعات
والكلام بتاع محل الملابس ده مش مقنع نهائى وبدون تفاصيل ماينفعش
خطه فاشله وصعبه ده محل ومعروف المكان بتاعه مش عربيه هاتخطف وتختفى

ادينى عقلك >>>>>>>>>>>>>>>>>>>>على العسال

[أبو إياد]

ظهر امبارح مصاصون دماء احتلوا رست الماستر الصحراوى
والحمد لله فلت منهم باعجوبه بعد مطارده دامت الى اول طريق العلمين

[mohamedbook]

انا مشفتش الحلقة
بس الكلام دة حقيقي سمعتة من مصدر موثوق فية والكلام دة من فترة وحظرني من اني ادخل محل لوحدي واقيس في اي حاجة
بس فية تعتيم اعلامي
وبعدين تجارة مربحة جدا وهما يعرفة يخفوا بقية المعالم بطرقهم الخاصة
عموما ربنا يستر

[osamaesm]

[quoteظهر امبارح مصاصون دماء احتلوا رست الماستر الصحراوى
والحمد لله فلت منهم باعجوبه بعد مطارده دامت الى اول طريق العلمين ][/quote]

انتا بقي اللي فلت مننا معرفناش نلحقك عشان الشمس كانت بدأت تطلع

[yehia]

[quoteظهر امبارح مصاصون دماء احتلوا رست الماستر الصحراوى
والحمد لله فلت منهم باعجوبه بعد مطارده دامت الى اول طريق العلمين ]

انتا بقي اللي فلت مننا معرفناش نلحقك عشان الشمس كانت بدأت تطلع[/QUOTE]



طب اثبت عندك .... دقيقة واحدة أجيب السيف الفضة وأرجعلك تانى ....

[evoo90]

انتا بقي اللي فلت مننا معرفناش نلحقك عشان الشمس كانت بدأت تطلع

طب اثبت عندك .... دقيقة واحدة أجيب السيف الفضة وأرجعلك تانى .... [/QUOTE]

مش قدام الناس كلها
كده هتسيح لنا
انا سمعت ان منظمه سريه هنا فى البلد هى اللى بتحمينا من مصاصين الدماء والوحوش
كانوا لسه امبارح ماسكين اتنين مصاصين دماء وهما عمالين يتخانقوا على جثه ديناصور
قال ماشافوهمش وهما بيصطادوا شافوهم وهما بيتخانقوا

[EZABY]

اعتقد ان الموضوع ده له علاقه بأول ابريل

[karimone]

سيراميك و اسانسير و مصاصي دماء...

الموضوع وسع قوي... بس عموماً لحد دلوقتي محدش قال انه شاف الحلقه بنفسه...

كله هايبان... لأن اكيد برامج تانيه غير البيت بيتك هاتتكلم عن الموضوع ده لو حقيقي...