فيس بوك و السيارات و الموت

[mbluethunder]

هوفعلاَ ال feedback علي فيس بوك مرعب .. انا نمت و صحيت لقيت الردود عدت 100

و كل دقيقتين تقريباَ بيجيلي ايميل إن فيه جديد

شكراَ ليكي يا علا :)

فعلا يا جماعه الموضوع ده إنتشر يسرعه جدا جدا

أنا من رأيي يا محمود إنك تعمل جروب بعنوان الموضوع ده وسيبه ينتشر مع نفسه وأكيد هاينتشر أسرع من اللينك

[aif]

هوفعلاَ ال feedback علي فيس بوك مرعب .. انا نمت و صحيت لقيت الردود عدت 100

و كل دقيقتين تقريباَ بيجيلي ايميل إن فيه جديد

شكراَ ليكي يا علا :)

الموضوع مؤثر جدا وبيمس وتر شديد الحساسية ...واسلوبك رائع يا محمود
ربنا يكتبلك اجر بكل من قرأة واعتبر به

[MoToRiZeR]

سؤال يا جماعة..هو فيه limit للتعليقات علي النوت في فيس بوك ؟
أصل عدد الكومينتات دلوقت 144 .. بس اما باجي أعمل view
الكومنتس القديمة مش بتظهر .. بيظهر من نص الكومنتس .

[SS]

بعد أذنك يا سيد موتو هانقل حاجة من لتعليقات اللى ع note بتاعتك عشان الناس اللى مش هاتدخل هناك
ده تعليق واحد من الناس طبعا تعليق طبعاً اقل ما يقال عنه انه تعليق سخيف
مش عشان انا مختلف معاه او عشان التعليق سخيف او ان صاحبه نفسه سخيف
لأ عشان اسلوبه .....هو من حقه يقول رأيه و من حقه أن رأيه يحترم...بس مش من حقه يستفز اللى بيكلمه بأسلوبه....انا ممكن اتكلم بالاسلوب ده مع حد أعرفه لكن لو هناقش او ادافع علانية قدام عدد كبير من الناس يبقى بأسلوب كويس عشان أقدر أقنع الناس
نفسى نبطل الطريقة ديه فى المناقشة و أبداء الرأى....لأن الموضوع ده فى كل حتة كله بيصادر ع رأى التانى.....لأن لو شايف نفسك صح و متأكد ان الطرف التانى غلط...يبقى مفروض أن نيتك من مناقشته أنك توصل بيه انه يقتنع و يعمل الصح ...مش دفاع مستميت و سخرية لأثبات انك الصح فقط
معلش انا عارف انى طلعت بره الموضوع بس الكلمتين كانوا تاعبنى و عايز اطلعهم
و موتو خلاص ع ما اعتقد اتعود

النوت دى مهمة جداً....لو تسمحلى اعلق عليها...

انا ماعرفكش و انت ما تعرفنيش...انا لقيت ناس اعرفها معلقين عندك فقريتها فعجبتنى فقلت ارد عليك

اللى انت بتقوله ده...لو بيوضح حاجة..فهو بيوضح مدى جمود و ضيق افق تناولنا للدين...

السؤال بيطرح نفسه...ايه حكم السيئات و الحسنات لأعمالك على الفيس بوك...هل صورتك و انت ماسك ازازة بيرة ديه و الناس شايفاها...بتزودك سيئات؟ و ايه نوع السيئات؟ هل هى سيئات افتراضية زى ما الكان البيرة ديه افتراضية؟ (لأن موضوع الكان ده مثير للجدل جداً...لأنها مش حقيقية خالص)

و هل فى الملف اللى موجود فوق فى السما...فى جزأ جواه مخصص لأعمالك على الأنترنت؟و بعدين لو السيرفر بتاع الفيس بوك ده ولع و الصور اتمسحت...هل تتلغى الأعمال؟

هل المفروض نعمل ابليكشن "صدقة جارية" على روح اللى مات عشان يفضل ياخد حسنات؟ و ديه تتعمل ازاى ديه؟

اظن ان الموضوع اللى انت فتحته ده...بيبين اد ايه ان وجهة نظرنا للحسنات و السيئات محدودة جداً... و ان نظام "العداد" فى حساب اعمالك ده نظام فاشل. (لو شربت البيرة ديه اخد ٥٠٠ سيئة بس ممكن اقعد تلات تيام اصوم فأخد ٦٠٠ حسنة فيبقى ده طار مع ده)

ربنا يهدينا

و ده ردك برده اللى يعتبر تكملة للموضوع

طب انا عايز أوضح حاجة يا جماعة
انا أول حاجة اما كتبت التوبيك كان علي شكل رسالة لكل واحد يفكر فيها حسب شخصيته و ميهمنيش هيتفاعل معاها إزاي المهم يتفاعل معاها .. يعني مش مهم يكون مسلم أو
مسيحي .. متدين أو لأ .. أو هيفكر فيها من أنهي زاوية .. ده كان مجرد توضيح لأن الإنترنت حالياَ و فيس بوك مثلاَ بيعملنا شبه "تأريخ" لحياتنا .. يعني اللي مننا بقاله كذا سنة علي فيس بوك لو دخل شاف صوره هيلاقي شكله إتغير ما بين أول صورة و أخر صورة حطها .. ممكن مثال اللي مات و سايب صورته ماسك إزازة بيرة دي تختلف من حد للتاني .. ممكن واحد يشوفها و يدعيله ربنا يغفرله .. ممكن حد كان قريب منه تجبله إكتئاب لأن دي ذكري سايبها للناس كان نفسه تبقي أحلي من كدة، ممكن واحد يشوفها يقولك و الله ده كان شاب كووول!! كل واحد و شخصيته و الزاوية اللي بيشوف منها .. لكن فكرة إننا ممكن نموت و نسيب حاجات مؤرخة علي الإنترنت كانت فكرة نوعاَ ما مش في البال .. لذلك انا وضحت فكرتي و كل واحد يتناولها حسب أسلوب حياته و شخصيته

يا ريت تكمل بقى ردودك كلها بنفس المنوال

معلش انا عارف انك بتتكعبل فيه فى حتت كتير و انك ندمان على اليوم اللى شوفتنى فيه بس معلش ...نصيبك

[MoToRiZeR]

ههههههه شهاب باشا

انا هوريك بقي رد غريب فعلاَ !

welnaby 2r7amona men 2l sera deh ba2ah
2ah menkom ya 2omat 2l mawt

she3oub tefakar fel 7ayah

we she3oub fashalet fel 7ayah fa fakaret fel mout

و ده كان ردي عليه

انا متقبل كلامك رغم إني معرفش قصدك مين ب"أه منكم يا أمة الموت" .. ماهو كلنا أمة واحدة هو حضرتك مش معانا ولا إيه :)

يا ريت يكون فيه مناقشة مش كلام مرسل .. يعني حضرتك قلنا انا مش عاجبني واحد إتنين تلاتة و رأيي إن المفروض نعمل كذا كذا كذا يبقي إحنا كدة فيه إيجابية في المناقشة بينا...

إنما حضرتك هتقولي أمة الموت و انا أقولك متشكرين يبقي إحنا كدة بنضيع وقت

و رد عليا قال

maho law feh faida :))) mafesh faida ya 2ostaz

la 2l mayel bit3edel walah 2l baiz bitsala7

2oma lel mawt la ta3ref ma3na walah qimat 2l 7ayah ...

و انا مردتش تاني عشان محرقش دمي و عشان منضيعش وقت فعلاَ و خلاص و المناقشة العامة تبوظ .

[SS]

يا سيدى الفاضل ده ما يتردش عليه لأنه رده التانى ده بليغ و فيه الفايدة
هو و وصف لك وضعه
الراجل قالك:
لا المايل بيتعدل و لا البايظ ينصلح
و طبعاً كان ناقص يقولك :
على رأى المثل فاقد الشىء....يدور عليه
بص ان اللى خلانى انقل اتعليق هنا انى عارف اللى هتشوفه...
و اللى بتشوفه ده مش عشان انت غلط...او حتى صح ...من الواضح انه ديه سياسة التعبير عن الأراء
فمن الأخر أنت ما دام مقتنع باللى بتقوله..و نيتك فيه لربنا...يبقى ناقش اللى عنده استعداد يناقش و ممكن يتفاهم...و عنده استعداد يغير رأيه لو اقتنع...و لو انى لسه مشفتش حد بيقتنع...اذا كان انا نفسى صعب انى اقتنع
بقية الناس الحل الامثل بالنسبة لى عدم اهدار الوقت معاهم....و تطبيق نظرية الأسطا صاحبناا اياه
ع فكرة انا كنت بفكر ارد بس تراجعت لأنى مش فى موود يسمح بتطبيق الحكم و المواعظ اللى واكلك نفوخك بيهم .....و بصراحة كنت هاولعهالك عشان اصلى بقيت مخنوق من الناس ديه عشان الطريقة السخيفة فى مصادرة الرأى

بس ايه الفرانكو الهباب اللى بيكتبوه ده...حقيقى انت محترف فى الموضوع ده

[OlaOsman]

اللي بيعترضوا لمجرد الاعتراض دول أكيد ماقروش النوت لآخرها.. صعب يكونوا قروها كلها و يكون ده ردهم في الآخر

[eslam_wega]

ربنا يبارك فيك والله الموضوع عامل شغل هايل على الفيس بوك

[MoToRiZeR]

يا جماعة النوت بتنتشر بسرعة غير طبيعية بجد !
عدد المشاركين دخل في عدا ال 500 !

و كمان عملوا جروب إمبارح مكنتش متوقع بصراحة حد يخشها .. جيت أبص عليها لقيت 200 واحد !! في يوم واحد !

إيه الرعب ده :k47:

انا أصلاَ شغال في مشروع للجامعة و ببص تخاطيف كدة عالنت و بلاقي فروق مهولة في وقت قصير ! انا اصلاَ مش في بيتنا انا بايت في شركة إنتاج ههههه ، من شوية نمت ساعتين و صحيت لقيت 86 كومينت جديد !

ميرسي لعلا و لكل اللي إقترح أحول الموضوع ده لشبه تدوينة لأن انا أول مرة في حياتي يجيلي feedback ضخم و سريع زي ده علي حاجة عملتها .

[OlaOsman]

يا جماعة النوت بتنتشر بسرعة غير طبيعية بجد !
عدد المشاركين دخل في عدا ال 500 !

و كمان عملوا جروب إمبارح مكنتش متوقع بصراحة حد يخشها .. جيت أبص عليها لقيت 200 واحد !! في يوم واحد !

إيه الرعب ده :k47:

انا أصلاَ شغال في مشروع للجامعة و ببص تخاطيف كدة عالنت و بلاقي فروق مهولة في وقت قصير ! انا اصلاَ مش في بيتنا انا بايت في شركة إنتاج ههههه ، من شوية نمت ساعتين و صحيت لقيت 86 كومينت جديد !

ميرسي لعلا و لكل اللي إقترح أحول الموضوع ده لشبه تدوينة لأن انا أول مرة في حياتي يجيلي feedback ضخم و سريع زي ده علي حاجة عملتها .

[Terrible_DaRsH]

للاسف كنت بفكر فى الموضوع ده من كام يوم و نفس الموقف حصل معايا كتيررررر ..

وكمان لما يكون لك صديق على الماسنجر وتلاقيه بطل يدخل وانت متعرفش عنه حاجة غير اسمه و شخصيته ..

اللهم احسن خاتمة المسلمين اجمعين ...

اصدقاء السوء للاسف هما بيبقوا اول ناس ماشية فى الجنازة ..

[om mohammed]

السلام عليكم ورحمة الله وبركاتة

على الرغم من عدم مشاركتى منذ فترة طويلة إلا إن هذا الموضوع المؤثر بعد أن قرأتة أجبرنى على الرد

أولا جزاك الله خيرا أخى الكريم على هذا الموضوع

لأنّى بعدما قرأت عدد لا بأس بة من ردود الشباب ( على الفيس بوك خاصا) شعرت بشئ جميل وهو أن شبابنا ممكن ينصلح حالة مش زى ما ناس كتير بيقولوا دة شباب بايظ ومش نافع لا بالعكس النصيحة لو جاتلة من أى باب بتأثر فية مباشرة ودة شئ مبشر لأن الشباب الأن إلا من رحم ربى نسىّ تماما ( الموت )ونسىّ معة التفكر والتدبر فى الدنيا ولماذا خلقنا الله فيها وكل ما يفكرون فية حب الدنيا وكراهية الموت
( أسأل الله أن يهدى شباب وبنات المسلمين إلى ما يحب ويرضى )
عشان كدة لازم كل واحد يحاول ينصح ويتفاعل مع الشباب فى الخير لعلك تكون سبب فى تغيير شخص ما إلى الأفضل أو حتى تغيير شئ من سلوكة إلى الافضل ،

والموضوع اللى حضرتك عملتة أنا شايفة أنة جاب نتيجة إيجابية بدليل إن بعض الشباب والفتيات قرروا تغيير صورهم وتوقيعاتهم التى لا ترضيهم ولا يرضى عنها من يراها .

اللهّم أرزقنا حسن الخاتمة
اللهّم اغفر لي ولوالدي وللمؤمنين والمؤمنات الأحياء منهم والأموات