خلعت درس العقل

[powerofhelll]

بعد عناء اكتر من اسبوع خلعت درس العقل النهارده و المعاناه الحقيقيه ان درس طالع بدرفت و الجدر فيه درفت كمان الدكتور ساعه و ربع بيحاول معاه لحد لما شاله و حسيت ان الفك هيتشال معاه ده طبعا مع 3 ابر بنج

وجع السنان ده فظيع

[algeneral]

الف سلامه
ويا رب تكون بخير

[ASKAFRAWY]

ان شاء الله هترتاح......بس الله يكون فى عونك

ساعة وربع تحس انها حرب عالمية ضرسية

قلبت عليا المواجع

[MoToRiZeR]

الله يطمنك .. أصلي هشيله قريب

[ASKAFRAWY]

الله يطمنك .. أصلي هشيله قريب

ربنا معاك ياموتو...حضر نفسك للحرب

[Ahmed Eraqy]

الف سلامة

انا شلته من شهرين و محستش بحاجة

[eslam_wega]

غريبة اكتر من حد عايز يشيل الدرس دة
طيب اية السبب ؟؟؟

[Dentellawy]

حمد الله علي السلامه
كل ضرس و انت طيب

[samoevil911]

طب قولي ايه لزمة الموضوع دا في المنتدي..حرم عليك.. انا مفروض ان بيطلعلي.. بقيت خايف لما اشيلو هيحصلي ايه.. اسد الجلد عشان ميطلعش طيب.

[ahmednabeel]

ضرس العقل الدكاترة بتقول انه ملوش لازمة بس معتقدش ياريت حد يفيدنا في الموضوع ده

[د.محمود صلاح]

يفيدكم الدكتور احمد سامى .....

[أبو إياد]

انا جبت ليكوا معلومات عن ضرس العقل

نظرا لأنه آخر الأسنان الطبيعية التى بالفم . ويظهر عادة بين سن الثامنة عشرة والخامسة

والعشرين ، وهى فترة النضج العقلى والفكر المتزن ، ومن هنا جاء اسم ضرس العقل .. وفى

تصور أن ضرس العقل يظهر فى سن متاخرة ليضم جميع الأسنان ويغلق المسافات المفتوحة بين

الأضراس فتمنع تراكم الفضلات وعدد ضرس العقل أربعة إثنان بالفك العلوى واثنان بالفك

السفلى.ونظراً لأنها اخر الأسنان التى تظهر بالفم ففى اغلب الاحيان لاتجد لها مكاناً بالفم وبالتالى

إما ان تظل مدفونة فى عظام الفك كلية ، أو تحاول البزوغ جزئياَ، أى يظهر جزء منها بالفم والباقى

مدفوناَ بعظام الفك .

قد يصبح ضرس العقل بؤرة تسبب الألم بين الحين والآخر نتيجة لضغط ضرس العقل على عصب الفك السفلى ، وقد يمتد الألم إلى الأذن
والعين أو أسنان الفك

في ميزة مهمة لضرس العقل كمان احب اضيفها انها بتوري الانسان العاقل شدة االم بزوغ الاسنان وما مرينا به ونحن اطفال وما يمر به اطفالنا من عذاب عند بزوغ اسنانهم ونحن نتضايق من بكائهم وسهرهم

[powerofhelll]

الله يسلمكم جميعا
ومحدش يشوف المعركه الي كانت مع الدكتور

[powerofhelll]

طب قولي ايه لزمة الموضوع دا في المنتدي..حرم عليك.. انا مفروض ان بيطلعلي.. بقيت خايف لما اشيلو هيحصلي ايه.. اسد الجلد عشان ميطلعش طيب.

اردم عليه علشان ميطلعش
ممكن تجبلوا قرار ازاله

[muslimah_dentist]

السلام عليكم و رحمة الله و بركاته

أولاً حمد لله على سلامة حضرتك ، بس أكيد انت خلعت الضرس بعملية جراحية لأنى الخلع الطبيعى لا يستغرق كل هذه المدة حتى و ان كان لضرس العقل.

ضرس العقل سُمى هكذا لأنه يبدأ فى الظهور فى التجويف الفمى بداية من عمر السابعة عشرة عاما اذا عند بداية النضوج الفكرى و العقلى و ليس له أى علاقة بسلامة العقل .

سأل بعضكم أنه ليس له أى أهمية و يُفضل أطباء الأسنان خلعه ، بما أن ضرس العقل هو آخر ما يظهر فى التجويف الفمى فاذا ظهر و كان هناك استواء له مع باقى الضروس و لا توجد فيه أى مشاكل فمثله مثل أى ضرس فى التجويف الفمى أما اذا كان الشخص يُعانى من فك صغير و عند بداية ظهور ضرس العقل بدأت الضرس تتزاحم على بعضها البعض حتى يجد مكان ليخرج منه فلم يستطع أن يخرج فى مكانه الصحيح فأصبح مدفوناً أو ظهر جزء بسيط منه فى التجويف الفمى و دُفن الجزء الآخر فى عظام الفك فيجب خلعه جراحياَ.

و هناك مشاكل أخرى مُصاحبة مع ضرس العقل مثل وجود لحمية تُغطى الضرس مما يؤدى الى تراكم البكتيريا فيما بين الضرس و اللحمية فيؤدى الى تشنج فى عضلات الفك فلا تستطع أن تفتح الفك فتحة طبيعية و يؤدى الى ظهر عدوى فى الغدد الليمفوية مما يستوجب نزع هذه اللحمية جراحياَ.

بالنسبة لسؤال ممكن أن يرد على الذهن : هل حقيقة أن ضرس العقل ليس له فائدة؟

ضرس العقل كما عرفنا هو آخر ضرس يظهر فى التجويف الفمى و اذا استوى مع استواء الفك الطبيعى و لم يُسبب أى مشكلة فطبعاَ له افادة عظية أما اذا سبب أى من المشاكل الوارد ذكرها فيجب التعامل معه لأنه فى بعض الأحيان لا يؤثر على نفسه فقط بل يكون مدفونا بشكل أفقى و ضاغط على الضرس الذى بجواره مما يؤثر على صحة هذا الضرس أيضا.

و هذا رابط يتحدث بالتفصيل و بشكل علمى مُبسط عما تحدثت عنه

http://http://doctorspiller.com/extractions_2.htm