حلم كل زوج .... ولا في الاحلام

[نور القمر]

طبعا اكيد 99,9 % من الازواج بيحلموا الحلم ده
بس انسواااااااا هيفضل مجرد حلم عمره ما ها يتحقق

:

:

:

:

[Lion_Heart]

و الله ما استبعدش انهم يعملوا واحدة صينى بالريموت او حتى بالكاتالوج بعد ما عملوا عروسة المولد و سجادة الصلاة ..

[أبو إياد]

هههههههههههههههههههههههه
موضوع بجد مضحك
بس فى الواقع والله ما حلم ولا حاجه
طول مافى اتفاق وفى توافق وكل واحد عارف اللى ليه واللى عليه
الدنيا بتفضل جميله
انا واحد من الناس مش بلاقى راحتى الا فى بيتى
وشكرا ع الموضوع

[ابو فرح]

هههههههههههههههههههههه واللهى عندك حق وخصوصا زرار كتم الصوت كتير بحتاجه

[wesam_salom]

:k32:

جميل الريموت ده

يا ريت تحجزى لى دسته اول ما ينزل

علشان معنديش ولا ريموت سليم فى البيت

بس انا ممكن استغنى عن التليفزيون او الريسيفر

انما ده لو جبته مش هفرط فيه ابدا

[ASKAFRAWY]

لا ولا حلم ولا حاجة...الريموت دة بيلغى الاحاسيس والمشاعر!
طيب ما اتجوز روبوت احسن!!
على ما اعتقد غير مجدى فى الزواج

[نور القمر]

مش واخدين بالكم من العنوان ولا ايه
بقول حلم ... مجرد حلم ... وعمره ما هيتحقق ...

[نور القمر]

لا ولا حلم ولا حاجة...الريموت دة بيلغى الاحاسيس والمشاعر!
طيب ما اتجوز روبوت احسن!!
على ما اعتقد غير مجدى فى الزواج

عندك حق لو في ريموت بالطريقة دي فعلا يبقه المشاعر والاحاسيس انتهت للابد

[wesam_salom]

مش واخدين بالكم من العنوان ولا ايه
بقول حلم ... مجرد حلم ... وعمره ما هيتحقق ...

كل الاختراعات كانت احلام فى الاول

وكانوا بيتهموا صاحبها بالجنون

يعنى زمان من 100 سنه كده لو كانوا سمعوا ان الاكل هيبقى ديليفرى والستات مش هتطبخ فى البيت

كانوا قتلوا اللى قال كده

وكانوا قالوا ده اتجنن

مع ان مفيش حاجه غريبه فى كلامه غير كلمه موبايل وموتوسيكل

ولو واحد كان نايم من سنه 90 وصحى دلوقتى

كان قال الناس اتجننت

كل واحد مركب لمبه زرقا فى ودنه وبيكلم نفسه مع اننا دلوقتى بنسميه موبايل وبلوتوث


بس اللى هينفذ الاختراع ده يستحق جايزه نوفل فى الهدووووء

[wesam_salom]

على ما اعتقد غير مجدى فى الزواج

فعلا مفيش حاجه بتنفع

[abdalla45]

هو ممكن يتحقق لما تكون انسانه فهماه وبتحبه تتكلم وتتناقش معاه لما يكون مزاجه حلو تطيعه وتسمع كلامه بصمت لما يكون مشغول او مزاجه وحش بتعمل شغلها من غير محد يطلب منها يبقى كده تمام

[نور القمر]

هو ممكن يتحقق لما تكون انسانه فهماه وبتحبه تتكلم وتتناقش معاه لما يكون مزاجه حلو تطيعه وتسمع كلامه بصمت لما يكون مشغول او مزاجه وحش بتعمل شغلها من غير محد يطلب منها يبقى كده تمام

اكيد لما تكون فهماه وبتحبه الحياة كلها هتكون وردي وطبيعي هتطيعه وتسمع كلامه مدام مقتنعه بيه
اما موضوع تسمع بصمت دي ليه بقه
بتحسسني انها شغالة او جارية وظيفتها مجرد تنفيذ الاوامر
الزوجة شريكة في الحياة وفي كل حاجة ولازم كل حاجة بينهم تكون بالتفاهم والاقتناع مش مجرد تنفيذ اوامر

[Jato.33]

على فكرة في رموته
زي رموتها كده
شوفتيه ؟
أنا جالي الأتنين ميل تحت بعض كان شكلهم بصراحة مش لذيذ أوي
مش عارف حسيت إن كده كتير على الموضوع ده
كده هزار بايخ

ريموت ليه لو كانت بتحبني مش هتحتاج لريموت ولو مكنتش بتحبني مش محتاج غير زرار واحد

[نور القمر]

الموضوع for fun لكن لو جينا للجد طبعاً مفيش واحدة متعلمة ومن اسرة وليها شخصية وكيان ترضى بالمعاملة دي واكيد في الحالة دي مفيش قدامها غير زرار واحد

[wesam_salom]

الموضوع for fun

هى النقطه دى اللى بتجننى

كل ما نيجى نضحك

نلاقى الناس قلبتها جد

ولما نتكلم جد الناس تقفش على بعض وتقوم حريقه

بس لسه مفيش اخبار بكام الريموت ده وهينزل السوق امتى