تصميم موقع خادع

[abo3bdolrahman]

حضرتك بتشتم العلمانين

و انا علماني والعلمانيه ببساطه ما هي الا فلسفه متعلقه بأهمية عزل التأثير الديني و الطائفي و المذهبي عن مؤسسات و اجهزة الدوله حتى تقوم بدورها في خدمة الجميع باختلاف اديانهم و اطيافهم و مذاهبهم. الجميع يدفعون ضرائب للدوله لتقوم بخدمتهم..لذا فالحكومه لهم جميعا و بها يشتركون

ليه الشتيمة بقي؟؟

ليست الدول الشيوعيه و الغربيه الكافره هي فقط التي تطبق العلمانيه.. بل كثير من الشعوب المتدينه حول العالم تعرفت على محاسنها و تطبق النظام العلماني في الحكم و السياسه لتحقيق العداله بين افراد المجتمع

أول مرة أشوف التعريف ده للعلمانية إلا إذا كنت بتتكلم عن علمانية تانية غير اللى نعرفها :!:
و إذا كنت بتؤمن بالكلام ده فليه بتتعرض للمواضيع الدينية إذا كان الدين مش عاجبك إنت حر بس ما تفرضش ده علينا و اللى اعرفه من عملى و زياراتى لأوربا عند الغربيين أن حريتك تنتهى عندما تبدأ حريات الآخريين.
يعنى إنت حر فى معتقداتك بس ما تفرضهاش علينا :twisted:
:lol: 8) :lol:

[za3bolla]

طب ايه العلمانية اللي حضرتك تعرفها؟؟

[PRO-DRIVE]

اعرف بن كريشان و اتباعه :mrgreen:

[Dr Ahmed]

يازعبلة باشا عايزين نعرف إسمك علشان نخاطبك بيه..
ثانيا: ليه لم تقرا كلام د / أحمد سمير؟؟؟؟؟؟؟؟
وإذا قرأته هل فهمته!!!!

ثالثا: العرب طول عمرهم همج وطول تاريخهم بهدلة .. ولم يصلحهم إلا شئ واحد: الإسلام الذى أتى به محمد خير الخلق...

يبقى لما تركّب للعربى ترانزستور مش هينفع.. هم العرب المصلح الوحيد لهم إتباع ما أتى به محمد..

وأخيرا: أنت تلعب بالألفاظ وتغير من كلامك كل شوية.. لما تقول إن الدين سبب التخلف فى الأول غير لما تقول إنه مش السبب الوحيد للتقدم .. وانا بقى بقول إنه السبب الأوحد للتقدم فى بلدنا واللى يجيب وراه كل الأسباب، ومرة أخرى أدعوك لقراءة الكثير عن دينك لأنه سيكفيك عن المواقع الإلحادية والعلمانية التى تنجذب إليها ، وتذكر ان كلمة ينطقها اللسان ربما تلقى صاحبها فى النار سبعين خريفا فتأنى قبل أن تكتب رأيك فى الدين الذى هو رسالة الله فى الأرض.

[analyzer]

د/ احمد قال :

يازعبلة باشا عايزين نعرف إسمك علشان نخاطبك بيه..
ثانيا: ليه لم تقرا كلام د / أحمد سمير؟؟؟؟؟؟؟؟
وإذا قرأته هل فهمته!!!!

ثالثا: العرب طول عمرهم همج وطول تاريخهم بهدلة .. ولم يصلحهم إلا شئ واحد: الإسلام الذى أتى به محمد خير الخلق...

يبقى لما تركّب للعربى ترانزستور مش هينفع.. هم العرب المصلح الوحيد لهم إتباع ما أتى به محمد..

وأخيرا: أنت تلعب بالألفاظ وتغير من كلامك كل شوية.. لما تقول إن الدين سبب التخلف فى الأول غير لما تقول إنه مش السبب الوحيد للتقدم .. وانا بقى بقول إنه السبب الأوحد للتقدم فى بلدنا واللى يجيب وراه كل الأسباب، ومرة أخرى أدعوك لقراءة الكثير عن دينك لأنه سيكفيك عن المواقع الإلحادية والعلمانية التى تنجذب إليها ، وتذكر ان كلمة ينطقها اللسان ربما تلقى صاحبها فى النار سبعين خريفا فتأنى قبل أن تكتب رأيك فى الدين الذى هو رسالة الله فى الأرض.

_________________
مع تحيــاتى
د / أحمــد



معاك فى الرئى

[cupid]

ان نعلم ان الاديان وحدها لن تفعل لنا شيء ملموس و لن تجعلنا خير امة
فكم من شعوب صلت و صامت و بعدين؟؟ ها ؟؟ ولاحاجة

انت بتقول إيه؟
يا أخى إتق الله و فكر فى كلامك قبل ما تكتبه!
الكلام ده إنكار لقيمة الدين وإعتقاد أنه فقط وسيلة لجنى المال..

أنت لا تعلم عن دينك ما يؤهلك للكلام عنه فلا تلق بنفسك إلى التهلكة ..

والرسالة مش كلام أقرع ، الرسالة تذكرة لمن له عقل وقلب ، أما مدمنى الجنس وفاقدى العقل فلن تفرق معهم شئ ، ومنين تكون كبت للحريات وهى مجرد نصيحة؟؟ مش بقولك فكر قبل ما تكتب!!

ولو لم تكن الدعوة هى الحل فلماذا أرسل الله الأنبياء يدعون إليه وترك من بعد آخر أنبيائه سنة نبيه الخاتم يدعو بها من اتبع هديه؟؟؟؟

رأيى فى كلامك أفظع من أن اكتبه #

معنديش كلام اقدر اقوله اكتر من كلام الدكتور احمد

[محمدايهاب]

العلمانية عند علماء الفقه و الشريعة انحراف عن العقيدة شأنها شأن المذاهب الأخرى و الأصل في العقيدة هو منهاج القرآن و السنة ( هذا منهج الإسلام على اعتبار أن حضرتك مسلم طبعا مع كامل الاحترام للأخوة المسحيين ) والدين ببساطة هو السياسة و العلم و الحياة الإجتماعية و الأقتصاديةو الأنسانية بكل مظاهرها و اشكالها
و الدلائل كثيرة ومنها الشورى ( مظهر سياسي حديثا يعرف باسم الإنتخابات ) - البيعة ( مظهر سياسي حاليا يعرف باسم مراسم التتويج )- طرد المشركين من مكة و المدينة ( مظهر سياسي ديني حاليا يعرف باسم تكوين أقليات و عزل أماكن سكن أصحاب العقائد المتلفة ) -إلزامية التجنيد ( مظهر عسكري سياسي بدأ في العصر الإسلامي ) - رفض الانصياع للحاكم في ما يخالف الشرع ( مظهر سياسي ممكن يندرج تحت مبدأ الثورة ) و الأمثلة كثيرة جدا

[الريس]

بسم الله الرحمن الرحيم
قبل ما اشارك
انا يا اخواننا مسلم و موحد بالله و باصلي و بعرف ربنا و الحمد لله

في كذا حاجة يعني عاوز اناقشها في كلام اللي انكتب كله

اولا مقولة ان الدين فقط هو الطريق الوحيد للتقدم العلمي دي غلط لان الناس حوالينا تقدموا فعلا و هم مش مسلمين
في واحد هيرد عليا و يقول لي ماهو علشان احنا مش بنطبق الاسلام صح
اقول له انا متفق معاك بس لحظة
هو لو احنا طبقنا الدين بحذافيره ... و بقينا متقدمين ... هل ده ينفي التقدم العلمي عن غيرنا .. ما هم برضو متقدمين لسة
اذن ... التقدم العلمي ... وسيلته هي البحث و الاجتهاد
و السؤال
و الاعراب كانوا يسألون الرسول (ص) اسئلة في غاية الغرابة ... علشان عاوزين يفهموا
الدين بتاعنا دنيا و اخرة
يعني مينفعش انت قاعد في معمل و بتعمل تجربة ... على اساس ديني
في هنا معادلات و قوانين فيزيائية (لا تتعارض مع الدين) و لكن الدين ليس له مجال في الحكم هنا
الدين هو الاطار العام
مش لازم احشره في قوانين تخطيء و تصيب
انا اعتقد ان الاخ زعبلة و من يفكر مثله
يعاني من خلط الدين بالعلم و محاولة لي عنق العلم ليوائم الدين و العكس
و كتير من مشاكلنا سببها كده

تيجي تقول الميكانيكي هتخلص العربية امتى ... يقولك سيبها على الله ...
تسمع ناس عاوزة تحرر المسجد الاقصى بالدعاء ان ربنا يخسف باعدائهم الارض
تقابل واحد متدين يكرهك بس علشان لبسك او لانك مشغل اغنية في كاسيت عربيتك (مرة مهندس فحص شرك لي العربية علشان كنت مشغل فيروز و قال لي يا اخي شغل قران على الصبح.. الظريف انه بياخد رشاوي ... و ده مش مثال عام بس باوضح وجهة نظري)

المقصود
صحيح الدين بيقول آمن بربك .. و اتعب و اشتغل و فكر بعقلك
ماهو العقل ده ربنا مديهولنا علشان نستخدمه

مفيش فضل للي بيؤمن بالله و لا يعمل (و عادة ربنا بيخسف بيه الارض و يوقع عليه العذاب زيه زي الكفرة)
و من لا يؤمن و لكته يعمل
لان الاول كمان بيعطي صورة سلبية و غير حقيقية عن الدين
و سايب الفرصة كاملة للتاني انه يتقدم و يعلى و يركب كمان

و قل اعملوا فسيرى الله عملكم ورسوله والمؤمنون

و اسف للاطالة