مصيبة كبيرة اغلبنا واقعين فيها و مش حاسين

[meeezo333eg]

كلنا عندنا كمبيوترات و كلنا شغالين بالويندوز و بننزلها لنفسنا و لاصحابنا و كمان الاوفيس و الفوتوشوب و غيره و غيره كتير و بنجيب كراكات و نديها و العاب زى نيد فور سبيد و كل الالعاب

كل البرامج و الالعاب دى بفلوس مش ببلاش

و لما بتيجى تشغلها بيعرضلك اتفاقية و انت بتدوس agree على الاتفاقية و بيبقى من بندودها عدم النسخ غير الشرعى

و بقول الرسول عليه الصلاة و السلام "المؤمنون عند شروطهم"

يبقى انت قبلت الشرط و لازم تلتزم بيه و بما انك مش شاريها اصلية يبقى انت سارقها

و يوم القيامة هتيجى سارق و يقول الله لصاحب الشركة اللى عاملة البرنامج ليك حق عند حد هيقول اه و هيجيبك و يقول يا رب سرق منى حق استعمال البرنامج

اتقوا الله
لازم نصحى من الغيبوبة بتاعتنا
فيه بدائل كتيرممكن نستعملها و يلا نبتدى و نتوب عن اللى فات

[hazzan32]

سؤال بسيط ...هل انت ف مقدرتك او اى واحد منا انه يعمل فيزا وفيها حوالى 1000 دولار مثلا ويبتدى يشترى ( ويندوز أصلى - برنامج داونلود - اوفس - فوتوشوب - برنامج لتحويل الملفات - كل الالعاب الحديثه اذا كنت بتحبها ) وغيرها كتـيـــــــر على حسب اهتمامات كل واحد منا ؟
هاااا ايه رأيك ؟

[د.محمود صلاح]

هم اللى حطوا البرامج وهم اللى نزلوالها الكراكات !!

[1.8Tee]

سؤال بسيط ...هل انت ف مقدرتك او اى واحد منا انه يعمل فيزا وفيها حوالى 1000 دولار مثلا ويبتدى يشترى ( ويندوز أصلى - برنامج داونلود - اوفس - فوتوشوب - برنامج لتحويل الملفات - كل الالعاب الحديثه اذا كنت بتحبها ) وغيرها كتـيـــــــر على حسب اهتمامات كل واحد منا ؟
هاااا ايه رأيك ؟

يعنى الحل هو الواحد يسرق الحاجة اللى ميقدرش يشتريها ؟!؟!؟.

هم اللى حطوا البرامج وهم اللى نزلوالها الكراكات !!

ياريت توضح اكتر.

[lancerevolution]

الكراك دا غالبا بيبقى واحد عامل منتدى برامج و بينزل البرنامج و بيعملوا كراك عشان يشهر المنتدى بتاعه و يجيبله ناس
بالنسبة لمايكرو سوفت فبتنزل برامج كتير مجانا و كنت سمعت إن بعض الجامعات المصرية بتدفع فلوس لمايكرو سوفت فى مقابل برامج مجانا منها لإدارة الجامعة و طلاب الجامعة كلهم بلا إستثناء

[Ahmed Selim]

سؤال بسيط ...هل انت ف مقدرتك او اى واحد منا انه يعمل فيزا وفيها حوالى 1000 دولار مثلا ويبتدى يشترى ( ويندوز أصلى - برنامج داونلود - اوفس - فوتوشوب - برنامج لتحويل الملفات - كل الالعاب الحديثه اذا كنت بتحبها ) وغيرها كتـيـــــــر على حسب اهتمامات كل واحد منا ؟
هاااا ايه رأيك ؟

يا باشا ده مش مبرر خالص

اللى معهوش......ميلزمهوش

هم اللى حطوا البرامج وهم اللى نزلوالها الكراكات !!

مش هما يا دكتور اللى بينزلو الكراكات
اللى بينزلو الكراكات بيبقو ناس تانية عاملين زى الهاكرز كده بس أهتمامهم أنهم يعملو كراكس للبرامج

[abou_ruqi]

العرب هما اللي اخترعوا الزيرو
والتكنولوجيا الديجيتال مبنية على الزيرو والواحد ( 0 / 1 )
فلما يدفعولنا حقوقنا في استخدام الزيرو , نبقى ندفعلهم حقهم في استخدام الديجيتال تكنولوجي

والحضارة الغربية كلها مبنية على العلوم اللي اتعلموها في الاندلس من المسلمين في العصور الوسطى
والمسلمين كانوا بيعلموا الفرنجة ببلاش وفي الأخر حاربونا
فلما يدفعوا تمن علمنا اللي علمناهولهم في الأندلس يبقى يتكلموا عن البرامج

الورق دخل أوروبا عن طريق أسير صليبي طلياني كان اتأسر في عصر صلاح الدين , والعرب كانوا بيشغلوا الأسرى في المصانع والمزارع , و الأسير ده طلع حظه في مصنع للورق و اتعلم الصنعة و راح إيطاليا وعمل مصنع في مدينة اسمها فبريانو (أشهر نوع ورق رسم لحد دلوقتي) ولولا العرب كان زمانهم لسه بيكتبوا على جلود الحيوانات
فلما يدفعولنا تمن كل ورقه كتبوا عليها نبقى ندفعلهم تمن البرامج

والا هي لما جت عندهم قعدوا يعيطوا ويقولوا حقنا حقنا ؟؟؟ هو حلال ليهم حرام علينا ؟؟؟

[meeezo333eg]

الصراحة الرجالة ردت و ما سابتش حاجة تتقال

بس بالنسبة لمشاركة الاستاذ abou_ruqi

اولا ايام لما العرب اخترعوا الصفر او غيرها ما كانش فيه قانون الملكية الفكرية و بعدين العرب ما اشترطوش على الغرب انه يدفع تمن الاختراع و هما ما رضيوش و ما كانش فيه اى نوع من تنظيم للموضوع ده (ما ينفعش تدى حاجة لواحد ببلاش و لما بعد كده ييجى هو يبيعلك حاجة تقوله مش هدفع و دى ادام دى)

اهم ما فى الموضوع ان احنا نبتدى ننفذ و نبعد عن الغلط و مانبقاش بنعمل زى مؤتمرات الرؤساء العرب نشجب و ندين و نؤيد و نوصى بس ما فيش تنفيذ
مين عارف يمكن الحاجة دى واحدة من اسباب غضب ربنا علينا

على فكرة فيه فتاوى فى الموضوع ده للشيوخ العثيمين و ابن باز و ان كان الموضوع واضح مش محتاج فتاوى

فيه رد برضه بيقول ان دول كفار و اموالهم غنيمة لنا مش هنجادل فى كفرهم و ايمانهم و هسلم معاك بانهم كفار
ارد و اقول فيه كافر حربى و كافر غير حربى و الحربى اللى الدولة اللى انت فيها فى حالة حرب مع الدولة صاحبة الشىء و فى الحالة دى يبقى اموالهم غنيمة لنا فعلا
بس مش معنى كده انك مع نفسك تقول انا فى حالة حرب معاهم و تستحل اموالهم

[abou_ruqi]

اولا ايام لما العرب اخترعوا الصفر او غيرها ما كانش فيه قانون الملكية الفكرية و بعدين العرب ما اشترطوش على الغرب انه يدفع تمن الاختراع و هما ما رضيوش و ما كانش فيه اى نوع من تنظيم للموضوع ده (ما ينفعش تدى حاجة لواحد ببلاش و لما بعد كده ييجى هو يبيعلك حاجة تقوله مش هدفع و دى ادام دى)

لا طبعا ينفع !
لإن ده الأصل طول عمرها الحضارات بتفيد بعضها وألا هي علشان جاتلهم ؟؟؟

على فكرة فيه فتاوى فى الموضوع ده للشيوخ العثيمين و ابن باز و ان كان الموضوع واضح مش محتاج فتاوى

فيه رد برضه بيقول ان دول كفار و اموالهم غنيمة لنا مش هنجادل فى كفرهم و ايمانهم و هسلم معاك بانهم كفار
ارد و اقول فيه كافر حربى و كافر غير حربى و الحربى اللى الدولة اللى انت فيها فى حالة حرب مع الدولة صاحبة الشىء و فى الحالة دى يبقى اموالهم غنيمة لنا فعلا
بس مش معنى كده انك مع نفسك تقول انا فى حالة حرب معاهم و تستحل اموالهم

الموضوع مالهوش علاقة بالكفر والايمان ديننا مقالناش نكون حرامية مع الكفار ونكون أمناء مع المؤمنين بس , ده دين اليهود اللي كده , إحنا لا

وبعدين يجوز الشيوخ الأفاضل معندهمش إلمام تام بالأمر

وأخيراً موضوع إن ما كنش في قوانين بتنظم زمان , يبقى الأولى الشعوب اللي عاملة متحضرة لما تعمل قوانين , تطبقها على نفسها الأول , يعني تشوف هي عليها حقوق إيه للناس وبعدين تدور على حقها

لما يدفعلنا الغرب تمن الحاجات اللي أخدها منا اللي قلتهالك
ويدفع تعويضات عن سنين الإحتلال اللي نهب فيها ثرواتنا و بالفلوس دي عمل الأختراعات بتاعته

نبقى ساعتها ندفعله

أو يعتبرنا شركائه في حضارته هو بالمجهود وإحنا بالتمويل , ساعتها حيكون لنا في الحاجات دي زي ما هو له بالضبط

مش هو ده العدل ؟؟؟

[SeiffoZ]

السلام عليكم ورحمة الله وبركاته


نسخ البرامج والكراك والسيريال

سؤال:
لدي موقع يوجد فيه برامج والحمد لله قمت بإزالة الكراك والسريال منها ولكن يوجد لدي منتدى وفيه أعضاء يشاركون ويقومون بإنزال الكراك والسريال للبرامج , وتتّبعهم لإزالة الكراك والسريال يتعبني جدا حتى إنني لا أستطيع ذلك , فما حكم ترك المجال لهم ، وهل آثم في فعل ذلك ؟ وهل لو وضعت عنوان في أعلى المنتدى أنه ممنوع وضع الكراك والسريال ومن وضعه فليتحمل وزر ذلك فهل يكفيني ذلك ؟

الجواب:
الحمد لله

الحكم في وضع الكراك والسيريال مبني على حكم نسخ البرامج نفسها ، فما جاز نسخه منها جاز وضع الكراك له ، وما منع نسخه منع وضع الكراك أو السيريال له .

وقد بينا حكم نسخ البرامج في أسئلة سابقة ، وهذا حاصل ما ذكرناه :

أولا :

إذا كانت برامج الحاسب قد نص أصحابها ومعدّوها على أن الحقوق محفوظة لهم ، وأنه لا يجوز نسخها نسخا عاما أو خاصا ، فالأصل هو الوفاء لهم بهذا الشرط ، ؛ لقوله صلى الله عليه وسلم : ( الْمُسْلِمُونَ عَلَى شُرُوطِهِمْ ) ولقوله صلى الله عليه وسلم : (من سبق إلى مباح فهو أحق به) ، وهذا ما استدل به الشيخ ابن باز رحمه الله في فتواه مع اللجنة الدائمة. انظر: "فتاوى اللجنة الدائمة" (13/188).

ويتأكد هذا بأن حق التأليف والاختراع والإنتاج ، وغيرها من الحقوق المادية والمعنوية ، مكفولة لأصحابها ، لا يجوز الاعتداء عليها ، ولا المساس بها ، من غير إذن أصحابها ، ومن ذلك : الأشرطة ، والاسطوانات ، والكتب .


ومما لا شك فيه أن أصحاب الأشرطة والاسطوانات ، قد بذلوا في إعدادها وقتا وجهدا ومالا ، وليس في الشريعة ما يمنعهم من أخذ الربح الناتج عن هذه الأعمال ، فكان المعتدي على حقهم، ظالما لهم .


ثم إنه لو أبيح الاعتداء على هذه الحقوق ، لزهدت هذه الشركات في الإنتاج والاختراع والابتكار ، لأنها لن تجني عائدا ، بل قد لا تجد ما تدفعه لموظفيها ، ولا شك أن توقف هذه الأعمال قد يمنع خيراً كثيراً عن الناس ، فناسب أن يفتي أهل العلم بتحريم الاعتداء على هذه الحقوق .

ثانيا :

إذا لم يكن هناك نص على منع النسخ الخاص ، فيجوز نسخها بغرض الاستفادة الشخصية ، دون التربح .


قال الشيخ محمد بن صالح العثيمين في هذه المسألة :

" يُتبع فيها ما جرى به العُرف ، اللهم إلا شخص يريد أن ينسخها لنفسه ولم ينصّ الذي كتبها أولاً على منع النسخ الخاص والعام فأرجو أن لا يكون به بأس ، أما إذ نصّ الشخص الذي كتبها أولاً على المنع الخاصّ والعامّ فلا يجوز مطلقا " انتهى.

ثالثا:

ما ذكرناه في الحالتين هو الحكم باعتبار الأصل ، ولكن قد تعرض بعض الحالات التي يجوز فيها النسخ والتصوير بدون إذن أصحابها ، وذلك في حالات :

1- إذا لم تكن موجودة بالأسواق ، فيجوز نسخها ، للحاجة ، وتكون للتوزيع الخيري ، فلا يبيع ولا يربح منها شيئا .

2- إذا اشتدت الحاجة إليها وأصحابها يطلبون أكثر من ثمنها ، وقد استخرجوا تكلفة برامجهم مع ربح مناسب معقول ، يعرف ذلك كله أهل الخبرة ، فعند ذلك إذا تعلقت بها مصلحة للمسلمين جاز نسخها ، دفعاً للضرر ، بشرط عدم بيعها للاستفادة الشخصية.

3- إذا كانت ملكا لغير معصوم فلا حرج من نسخها ، والمعصوم هو المسلم والذمي والمستأمن ، بخلاف الحربي .

وبناء على ذلك ، فما كان نسخه ممنوعا ، فإنه يلزمك منع رواد المنتدى من وضع روابط لتحميله أو لتحميل الكراك الخاص به ، ولا يكفي وضع إعلان بالمنع ، لأنه منكر تقدر على إزالته .

والله أعلم .

[mahamedaraby]

لما يدفعلنا الغرب تمن الحاجات اللي أخدها منا اللي قلتهالك
ويدفع تعويضات عن سنين الإحتلال اللي نهب فيها ثرواتنا و بالفلوس دي عمل الأختراعات بتاعته

نبقى ساعتها ندفعله

أو يعتبرنا شركائه في حضارته هو بالمجهود وإحنا بالتمويل , ساعتها حيكون لنا في الحاجات دي زي ما هو له بالضبط

مش هو ده العدل ؟؟؟

طيب وسنين الاحتلال اللى مرت بيها مصر طول تاريخها نسال فيها مين

ونهب البلد وثرواته كل ده نكلم مين فيه

والحروب اللى حربنا علشان نرجع ارضنا وكلفتنا امول لسه بندفع تمنها لحد دلوقتى نسال فيها مين ؟!!!!!

[sherif_84]

ياجماعة هدوا نفسكم شوية الموضوع مش مستاهل اللمة دى كلها يعنى احنا سايبين كل حاجة وجايين نتكلم على الكراكات ونسخ الويندوز وده حلال ولا حرام
معلش فى السؤال مع الاعتذار لصاحب الموضوع : هو انت ليه فتحت الموضوع ده اصلا يعنى عايز تعمل دوشة وخلاص ومشاركات ؟؟ ماعتقدش موضوع زى ده له اهمية يعنى
وبص بقى اجبلك من الاخر الواحد قرفان اصلا من الغرب كلهم من ساعة الاستعمار و خربوا البلاد ونهبوا ثروات المسلمين يبقى بعد كل ده حلال عليهم السرقة
ياراجل ده بعد سقوط الدولة العثمانية الكلاب ( بريطانيا وفرنسا وايطاليا ) قعدوا يتعازموا على تقسيم الدول الاسلامية ومعذرة انى فتحت مواضيع بعيدة عن الموضوع بس دى وجهة نظرى

أخوكم شريف

[wkisho2005]

العرب هما اللي اخترعوا الزيرو
والتكنولوجيا الديجيتال مبنية على الزيرو والواحد ( 0 / 1 )
فلما يدفعولنا حقوقنا في استخدام الزيرو , نبقى ندفعلهم حقهم في استخدام الديجيتال تكنولوجي

والحضارة الغربية كلها مبنية على العلوم اللي اتعلموها في الاندلس من المسلمين في العصور الوسطى
والمسلمين كانوا بيعلموا الفرنجة ببلاش وفي الأخر حاربونا
فلما يدفعوا تمن علمنا اللي علمناهولهم في الأندلس يبقى يتكلموا عن البرامج

الورق دخل أوروبا عن طريق أسير صليبي طلياني كان اتأسر في عصر صلاح الدين , والعرب كانوا بيشغلوا الأسرى في المصانع والمزارع , و الأسير ده طلع حظه في مصنع للورق و اتعلم الصنعة و راح إيطاليا وعمل مصنع في مدينة اسمها فبريانو (أشهر نوع ورق رسم لحد دلوقتي) ولولا العرب كان زمانهم لسه بيكتبوا على جلود الحيوانات
فلما يدفعولنا تمن كل ورقه كتبوا عليها نبقى ندفعلهم تمن البرامج

والا هي لما جت عندهم قعدوا يعيطوا ويقولوا حقنا حقنا ؟؟؟ هو حلال ليهم حرام علينا ؟؟؟

+111111111111111111

[waleedrahmy]

النهضة ال نهضها الغرب دي من دم البلاد ال أحتلوها ومصوا دمها لأخر قطرة

[abou_ruqi]

النهضة ال نهضها الغرب دي من دم البلاد ال أحتلوها ومصوا دمها لأخر قطرة

الغريب إن الامريكان اللي مش مؤمنين بحق الحياة أصلا للمستضعفين , هما اللي بيتكلموا عن حقوق الملكية الفكرية

استباحوا ارضنا وعرضنا ودمنا , ومتدايقين إننا بنزل كراك معمول بايد واحد من عندهم و مرفوع على سرفر عندهم , طيب ما تتشطروا على الناس اللي عندكم !!!

ناهبين شعوب في ترليونات دولارات ويقولك أنا ليا عندك 300 دولار !!