اكذوبة السير علي سطح القمر

[mohamed-mekhamer]

لا اله الا الله
حتى الدين كمان دخل فى الموضوع ده!
انا بقيت خايف اطلب استفسار فى متور العربية الاقى واحد بيرد عليا بأية من القرأن الكريم

اسف مش حاقدر اكمل الحوار بالطريقة دى

الناس دى طلعت القمر اكتر من 10 مرات عايزين تصدقوا صدقوا مش عايزين خليكوا عاييشين الوهم

وحضرتك زعلان اوي كدة لية وبتدافع عن الناس دي اوى لية احنا بنتناقش في حاجة ممكن حضرتك تعترض دي حرية شخصية لكن بالاسلوب ده في الحوار مش ممكن حد يقبله لكن احنا لو عرفين دينا كويس هنعرف ان الدين يدخل في كل حاجة وحضرتك بتقول ان الناس دى طلعت القمر اكثر من 10 مرات اية دليلك علي كدة انت كنت معاهم و شكرا علي رد حضرتك

[mohamed-mekhamer]

http://krishna.org/did-man-really-walk-on-the-moon/
دة رابط لموقع باحث اميريكى (مش عربي ) عشان فية ناس بتشكك في الموضوع وانة فبركة عرب و الباحث دة هو اللي فجر الموضوع

[evoo90]

معلش هرد رد خارج الموضوع شويه
احنا لو بندخل ديينا فى كل حاجه كنا نفعنا وبقينا بنى ادميين ليها قيمه
الرسول (عليه الصلاة والسلام) كان كل ماحد يسأله عن حاجه 90% من رده عليه بأيه من القران او بحديث شريف..........

[محمد ابراهيم 1]

بصراحه انا مصدق انها تمثيليه
الناس ديه عندها طريقة اقناع ملهاش حل بصراحه
وحكايه area 51 انا بحثت عنها فى النت كتير وكل ما تكتشف انك قربت من الحقيقه تتوه تانى
الناس ديه عندها اسرار كتير جدا مش بعيد تكون حكايه السير على سطح القمر كمان تمثيليه
والله اعلم

كده برضه يا شكيل

دى آخرة تربيتى فيك

برضه نظرية المؤامرة بتجد الطريق والسبيل للإنتشار زى إن هجمات 11 سبتمبر من تنفيذ أمريكا !!!!!!!!!!!!!!!!!!!!!!!!!!!!!!!!!!!!!!!!!!!!!

وبعدين احنا مين عشان نتكلم

احنا مالنا بالقمر واللى مشوا عليه ولا ممشيوش

احنا لا عمرنا رحنا القمر ولا عمرنا حنروحه ولا حتى حنفكر نروحه إزاى ولا نعرف هو فين

لما نبقى نتعلم إزاى نصنع عربيه أو حتى نرصف الطرق نبقى نتكلم عن الناس دى


وبعدين أنا شفت برنامج بيرد على كل الكلام ده وزياده وبتفسير منطقى
إحنا بتقتصر علاقتنا بالعلم والتقدم على الإستخدام (ده إذا عرفنا إزاى نستخدمها )

[محمد ابراهيم 1]

http://krishna.org/did-man-really-walk-on-the-moon/
دة رابط لموقع باحث اميريكى (مش عربي ) عشان فية ناس بتشكك في الموضوع وانة فبركة عرب و الباحث دة هو اللي فجر الموضوع

لا يا باشا

العرب ميعرفوش يشككوا فى حاجه زى دى لإنعدام الأساس لديهم لأن عشان تقدر تتكلم فى موضوع وتحاول تكذبه أو تنتقده لازم تكون عندك من العلم والمعرفه الحد الذى يجعلك قادر على ذلك وطبعا العرب رافعين راسنا فى مسألة العلم والعلوم دى

[sasatony]

ايه ياجماعة في ايه وحدو الله
هنمسك في بعض عشان خاطر امريكا وانها طلعت القمر ولا مطلعتش ياريت نهتم بحاجة تفيدنا احسن اينعم لازم نبقي ملمين بكل الي بيحصل حوالينا بس برده ياريت نهتم بالدين بتاعنا وبحياتنا وساعتها هنبقي متقدمين
وحدو الله كده واهدو
شكرا علي المعلومات ياباشا وانا قريت الموضوع ده من مده ومستفدتش منه بحاجة غير اني عرفت معلومات جديدة مش اكتر

[evoo90]

انا عن نفسى ما اعرفش كتير عن الفضاء ولا المريخ ولا افهم حاجه عن الحاجات دى
بس ده مش معناه ان اى حد يقولى حاجه عنها اصدقه على طول طبعا لا
لازم يجيبلى الادله والبراهين اللى تخلينى ابتدى افكر الموضوع ده صح ولا غلط وابحث وراه لغايه ما اعرف الحقيقه
شكلكوا ماتعرفوش الدكتور/ابراهيم الفقى .

[for_ever]

شكرا علي الموضوع الجميل
بس للاسف احنا ما نقدرش نقول صح و للا غلط عشان احنا معندناش من العلم و الحجة اللي تخلينا نقدر نحكم
بس بردو انا مش بحب اصدق كل اللي يقوله الامريكان :)

[samcar]

حنقول ان طلعهم القمر خدعه - ماشى
طيب لصالح مين -هل لو السوفيت كانوا عرفوا كانوا حيسكتوا ؟؟؟؟؟

ثم هل القنبله الذريه خدعه- هل اقمار التجسس والغوصات النوويه خدعه
هل الادويه والاجهزه الطبيه خدعه- لو كان خدعه- والكلام عن الرشاوى علشان شرا السكوت - يبقى مش دى امريكا اللى اقل فضيحه فيها بتعمل ملايين للى يكشفها
ثم لو الكلام ده صحيح ما جريتش هوليود ليه تعمل فيلم زى فيلم مصرع كنيدى - اهى دى بصحيح اللى كانت مسرحيه واستغفال للشعب الامريكى كله

شئ مؤسف ان شباب الجيل ده يفكر كده
عارفين سنة ماطلع الامريكان للقمر - صحفى امريكى قابل بواب عربى فى بلد غالبا الجزائر او المغرب - الراجل قال للصحفى ده دجل شيخ الجامع قال القمر نو ونار مش ممكن حد يمشى عليه الصحفى قال انا انبسطت لان كده العرب ما فيش منهم خوف
بعد سنه الصحفى رجع نفس الفندق وصادف نفس البواب اللى قال له هو لو لقوا مياه على المريخ يبقى فى حياه هناك - الصحفى قال انا ساعتها اترعبت
لان الناس اللى تستوعب التغير والتطور فى مده قصيره كده لازم نخاف منهم

عيب يا شباب ما تخلوش حد يضحك عليكم - الهند رايحيين القمر
ياترى برضه حيون فيلم هندى

[فادى]

هى الناس دى فاكرينا مغفلين قوى كده دول عالم هبل اوى
انا سمعت مره ان كان فى حاجه بتتعمل فى الفضاء مش فاكر ايه بالظبط بس كان فيها اميركا واليابان ورغم تقدم اميركا على اليابان فى الفتره دى الا انه حصل موقف اثبت للجميع ان رواد الفضاء الاميركيين مغفلين جدا
واللى حصل انهم كانوا بيكتبوا حاجات على ورق بالاقلام الجاف وطبعا مافيش جاذبيه وده كان بيسبب مشاكل فى الكتابه وماكانوش عارفين يكتبوا بيها شوفوا بقى كان ايه الحل
اميركا الدوله المتقدمه علميا واقتصاديا على حسب مابيقولو صنعت قلم جاف مضاد لانعدام الجاذبيه وممكن يكتبوا بيه فى الفضاء القلم ده اتكلف الاف الدولارات
بصوا على اليابان اللى على قد حالها علميا واقتصاديا (بالمقارنه بأميركا)
لغت استعمال الاقلام الجاف وكتبوا بالرصاص!!!!!!!!!!!!!
لاتعلييييييييييييييييييييييييييييييييييييق

الحكاية دى صحيحة لكن أبطالها كانوا الأمريكيين و الروس مفيش يابانيين فى الموضوع خالص.
الأمريكان فعلا واجهوا مشكلة هو ازاى نكتب بقلم جاف مادام مفيش جاذبية, و صرفوا مبالغ طائلة على ابحاث تهدف الى تطوير قلم جاف لا يتأثر بالجاذبية.
بعد ذلك سألوا الروس كيف واجهتم هذه المشكلة العويصة لما طلعتم الفضاء.
فكان الرد الروسى, استخدمنا القلم الرصاص!!

[itsonlyme]

الحكاية دى صحيحة لكن أبطالها كانوا الأمريكيين و الروس مفيش يابانيين فى الموضوع خالص.
الأمريكان فعلا واجهوا مشكلة هو ازاى نكتب بقلم جاف مادام مفيش جاذبية, و صرفوا مبالغ طائلة على ابحاث تهدف الى تطوير قلم جاف لا يتأثر بالجاذبية.
بعد ذلك سألوا الروس كيف واجهتم هذه المشكلة العويصة لما طلعتم الفضاء.
فكان الرد الروسى, استخدمنا القلم الرصاص!!

http://en.wikipedia.org/wiki/Space_Pen#Uses_in_the_U.S._and_Russian_space_programs