مفيش حاجة بتقوى اشارة النت

[bee]

بالنسبة لموضوع السلك كلام احمد عبد المقصود صح .. افضل حاجه السلك ال cat 6
بس هو غالي ..
بعيدا عن انك تلحمهم او تركب كونكتور او اي حاجه من الحلول السابقة انا شايف ان المشكلة عندك الي بقتول عليها دي من كارت الشبكة .. جرب كارت شبكة تاني وهتشوف
وابقى قولنا عملت ايه

[maka]

هقول لحضرتك على حل الاول ممكن تجربه وممكن ينفع
ادخل على البيوس عندك فى الجهاز وخلى كارت اللان عندك لوحده يعنى يفضل محتفظ بالاشارة حتى لو الجهاز مش شغال وبتلاقى اللمبه بتعته قايده ورا طول ما الفيشه موجوده فى الكهربه حتى لو الجهاز مطفى
واول ما تحط الفيشه فى الكهربه اللمبه هتنور لو منورتش اقلب الفيشه (اعكسها اقصد) هتلاقى ان شاء الله اللمبه نورت يعنى النت وصله الحركه دى سعات بتنفع ومش هتكلفك حاجه

طاب ما تقولى الخطوات كده علشان تسهل عليا وربنا يكرمك ان شاء الله

[amohsen]

Try to use static IP address, gateway & DNS instead of automatic configuration on your desktop

[_Khaled_]

cat5 نظريا بيوصل ل 100 متر وعمليا وصل ل 180 اما cat 6

بيوصل ل 200 نظريا و عمليا وصل ل 380 و هينزل نوع جديد اسمع cat6 e

وسمعت ان المتر منه هيوصل ل 16 جنية مصرى

اما انا مركب نوع امريكانى cat5

ممكن حضرتك تقول مصدر معلومه 200 متر نظريا لل Cat6
بالنسبه لموضوع عمليا دى انا مبحبهاش و مبقتنعش بيها

التوصيل بين سويتشين بيكون بنفس الترتيب

وشكرا

التوصيل الطبيعى بين السويتشات بيكون كروس. لكن دلوقتى فى سويتشات بتحس بكده وتقلب لوحدها ويكفى يكون واحد فيهم كدا. وبرضه دلوقتى فى اجهزه بتقلب كروس لوحدها لو اتوصلوا ببعض.

[lancerevolution]

مينفعش طيب تجيب الشوتس متر أو مترين ناحيتك شوية و جرب تنضف السوتش عشان التراب بيخليه يهيس عندى مهيس و عايز ينضف بس أنا مكسل أنط و أعمل عشان أنضه بيفصل واحد خالص واحد بعينه و لما السوتش يترستر سعات يشتغل و سعات لأ

[sherif_m72]

معلش انا عاوز افهم حاجه
مهو بدل التعب ده كله متخلى صاحب الشبكه يغيرلك السلك من بدايه او يحولك على سوتش قريب ليك واكيد انت مش لوحدك اللى بعيد عن الراوتر وده هيريحك انت واللى جنبك من المشتركين
وبعدين المفروض ان طلاما القطع حصل بره شقتك بالتالى هو ملزم انه يوصلك النت تانى لغايه عندك وده عن تجربه ليا
انا فى مره النت قطع من عندى ومبقتش عارف فين العيب وكل اما اتصل بحد من جيرانى واسئله يقولى شغال وانا الوحيد اللى عطلان فأتصلت بيه (وبصراحه هو قمه فى الاخلاق والادب) جانى وعمل مجهود كبير جا على الجهاز عندى و عنده على مدار يومين وبرضه النت موصلش وانا من البدايه قولتله ان ده اكيد عيب فى السلك وهو كان بيقول لآ المهم اقتنع فى الاخر وغيرى السلك وطلع فعلا ان السلك كان مقطوع منه طرفين في نص المسافه تقريبا واما بتكلم معاه في فلوس قالى لا ده بره الشقه وده يعتبر من الصيانه بتاعتى لكن لو جوه شقتك كنت هتدفع تمنه
فانت المفروض انك تاخد حقك ده وهيوفر عليك الوقت والمجهود والفلوس

[sha2e]

طاب ما تقولى الخطوات كده علشان تسهل عليا وربنا يكرمك ان شاء الله

انا معرفش السيت أب بتاع البيوس بتاع حضرتك عامل ازاى وهل بيدعم كده ولا لأ بس هقول لحضرتك على حاجه أعملها الاول افتح الجهاز بتاع حضرتك لو ملقتش فيه شبكه أقفله واقلب الفيشة بسرعه فى الكهربه وشغله تانى بسرعه اول ما تقلب الفيشه

وياريت حضرتك متبقاش تخليه يشيل السلك بتاعك من السويتش ويحطه خليه يرستر السويتش أحسن عشان كل مره بره بيشل السلك فيها من عمر تأريجة السلك وحاول برضو انك تغير الارجهين الل عندك والل فى السويتش باتنين جداد ويستحسن ان ترتبهم يكون بطريقه مختلفه عن الترتيب القديم

[sha2e]

مينفعش طيب تجيب الشوتس متر أو مترين ناحيتك شوية و جرب تنضف السوتش عشان التراب بيخليه يهيس عندى مهيس و عايز ينضف بس أنا مكسل أنط و أعمل عشان أنضه بيفصل واحد خالص واحد بعينه و لما السوتش يترستر سعات يشتغل و سعات لأ

لما السويتش عندك بيرستر سعات بيشتغل وسعات لأ ويجبلك علامة تعجب فى مثلث اصفر على ايكونه النت ورك الل جنب الساعه ولازم ترستر السويتش تانى عشان يشتغل
حاول تدخل الايبهات بتعتك مانيول وان شاء الله لما يترستر هتدخل بدون مشاكل

[_Khaled_]

انا معرفش السيت أب بتاع البيوس بتاع حضرتك عامل ازاى وهل بيدعم كده ولا لأ بس هقول لحضرتك على حاجه أعملها الاول افتح الجهاز بتاع حضرتك لو ملقتش فيه شبكه أقفله واقلب الفيشة بسرعه فى الكهربه وشغله تانى بسرعه اول ما تقلب الفيشه

ممكن حضرتك تفسر لى النظريه فى موضوع انه يقلب الفيشه !!

[sha2e]

ممكن حضرتك تفسر لى النظريه فى موضوع انه يقلب الفيشه !!

قلب الفيشه دى انا مصدقتهاش الا لما شوفتها بعيني

طبعا لازم نكون عارفين عشان الاتصال يحصل لازم يكون فيه سريان لشحنه كهربيه "تيار كهربي محدود" عبارة عن عدة فولتات صغيرة
المشكله الل الموجوده ان مقومة السلك مكافئه او متساويه تقريبا مع قوة الاشارة الصادره من السويتش
بمعنى تانى المقاومة بتاعت السلك بتوقف السريان الكهربي وبتالى انتقال الاشارة
ده الل بيحصل لا بتحط الفيشه فى الكهربه اول مره

لما انت تشيل الفيشه وتعكسها بتعمل ايه ساعتها ؟؟ بتعكس القطبين بتخلى السالب بقى موجب والموجب بقى سالب يعنى الل كان ارضى بقى هوا الل فيه الكهربه والل كان فى الكهربه اتوصل بالارضي وحصله تفريغ للكهربه الل فيه وهوا دا المهم

الحركه دى بتصحصح السويتش شوية كأنك شيلت الارجيه وركبته فيه تانى

بس الحركه دى نفعت مع كارت اللان الل بيفضل محتفظ بالاشارة ( مش سعات بتلافى بعض الاجهزه لمبت كارت اللان منورة حتى وانت قافل الجهاز طالما الفيشه فى الكهربه ) وبرضو بتلاقيه منوره فى السويتش برغم انه مش فاتح الجهاز

بس مش عارف ان كانت هتنفع مع كارت اللان العادى ولا لأ

وعلى فكرة الحركه دى ليها تأثير حلو اوى على الماذر بورد ال ام اس اى الحمرا الفري لو تعرفها

[maka]

ياجدعان بعد اذنكم انا عاوز اعرف اللى استخدام الوصلة استخدامها مع سلك طوله كام متر ؟؟؟

لانى لسه مكلم الراجل من 3 ساعات علشان انزل اشترى سلك جديد قالى

حرام لان السلك 80 % متعلق فى الهواء واتفقنا لحد يوم الاتنين هنسال انا

وهو كذا واحد ونجرب ولو منفعش هنجيب سلك جديد

فانا دلوقتى عاوز حلول منطقية مش مجرد اقتراحات ومناقشات بعيدا عن

الموضوع لانى اتخنقت

وتقبلوا احترامى

[sha2e]

الحلول من غير ما تتنرفز علينا
1- جرب تغير السويتش بأى سويتش تانى وشوف هتتحل المشكله ولا لأ لو اتحلت اشترى سويتش جديد
2- غير تأريج السلك عشان التأريج ليه عمر افتراضى وبعد كده لازم يتغير ( الارجيه مكون من 8 قطع نحاسيه متصله بالسلوك بتجنزر بعد فتره من الاستخدام )

جرب الخطوتين دول الاول قبل ما تدفع فلوس فى حاجه

وبعدين موضوع الفيشه ده انا شايفه بعيني والله مش سامعه من حد بس معرفش ان كان هينفع معاك ولا لأ

[maka]

الحلول من غير ما تتنرفز علينا
1- جرب تغير السويتش بأى سويتش تانى وشوف هتتحل المشكله ولا لأ لو اتحلت اشترى سويتش جديد
2- غير تأريج السلك عشان التأريج ليه عمر افتراضى وبعد كده لازم يتغير ( الارجيه مكون من 8 قطع نحاسيه متصله بالسلوك بتجنزر بعد فتره من الاستخدام )

جرب الخطوتين دول الاول قبل ما تدفع فلوس فى حاجه

وبعدين موضوع الفيشه ده انا شايفه بعيني والله مش سامعه من حد بس معرفش ان كان هينفع معاك ولا لأ

واتنرفز عليك بتاع ايه !!!!

انا طلبت حلول منطقى مش مناقشات

وشكرا على اقتراحتك هجربها باذن الله

[maka]

فيه بادرة امل ظهرت والحمدالله وشكرا لكل الاعضاء اللى تعبتهم معى من اول الموضوع

الاول انا عندى الويندوز فيستا وكارت اللان بليت ان وبيتعرف لوحده قولت لنفسى لما اجرب اعرفه مانيوال.

المهم عرفته وعملت ريستارت لقيت اللمبة البرتقالى بتنور وتطفى والخضراء مش بتقيد خالص ودخلت على الوندوز لقيت فيها نت بس بطىء جدا

قولت اعمل زى ما الاستاذ sha2e قال واعكس الفيشة . ولما عكست الفيشة مرضاش النت يجى تانى

المهم رجعت الفيشة لوضعها الاول و النت رجع بس بطى وابطىء كتيير من دايل اب

انا عندى كام سوال ياريت حد يجاوبنى عليهم

1- ازاى النت رجع واللمبة الخضراء منورتش؟؟

2- لو ركبت الوصلة (السرعة هترجع زى قبل القطع - السرعة هتتحسن شوية - السرعة مش هتتحسن خالص)اختار

3-الوصلة تفرق ايه عن طريقة اللف العادية ؟؟؟ ( ما كل منها بيغير مساحة مقطع السلك)

4- هل فيه برنامج ممكن يزود السرعة؟؟

[Ahmed Selim]

اللى أعرفه أن اللمبة الخضراء مش منورة خالص يبقى فى مشكلة فى التأريج.......بس مش متأكد

أسهل حل ليك أنك تفك التأريج الحالى و تأرج تانى و تتأكد من ترتيب الأسلاك.