هنروح للأشكيف

[Dr_Ahmed_Abdelghany]

خلال العمل الطبى نواجه العديد من العقبات التى تمنع الوصول للنتائج المرجوة بسهولة ويسر ، ربما يكون الكثير منها نابع من المعتقدات والسلوكيات الخاطئة والمتوارثة لدى الغالبية العظمى من شعبنا الحبيب...

من هذه التصرفات ما يهدد به الآباء والأمهات الطفل بقولهم "إذا لم تفعل كذا فسنذهب بك للدكتور" أو "سنعطى لك حقنة" ، وشيئا فشيئا يتحول الطبيب ل "عفريت" أو "أشكيف" نخيف به الطفل وتتحول الحقنة التى تحمل بإذن الله الشفاء إلى "فلكة" بشعة للعقاب... ويظهر هذا جليا وقت إجراء الكشف على هؤلاء الأطفال التعساء حيث يصابون بما يشبه الانهيار العصبى عند إدراكهم مقابلة هذا الوحش "الدكتور" واحتمال التعرض لسلاحه الرهيب المؤلم "الحقنة"...


رفقا بالأبناء !!!
لماذا تدمرون العلاقة بين الطبيب ومرضاه وتحولونها لصراع ومعركة وكره؟
هل نفذت كل أسباب التربية بل والتهديد ليتبقى التخويف بالطبيب والعلاج؟


أرجوكم نريد سلاما مع أطفالنا
--------------
من مدونتى - تحت الانشاء

[samoevil911]

يااااااه هو الدكتور بس.. والحلاق.. وهقص ودنك.. وامنا الغولا تاكل عينك.. ومش عاف مين لسانك.. بيفصصوا العيل ..
لا وايه يا باشا بيتفننوا .. مفيش حد ياكل حاجتين .. لأ حاجة واحدة . امنا الغولا ودان بس .. مينفعش عيوون .. تخصصات بقي..
وكل دا ليه ؟؟ نتيجة الساذاجة _اسف)
ونتيجته.. اطفال معقدة .. بتخاف من خيالها .. وبتتكون عندهم عقد من الاشخاص دي.. انا مرة شفت طفل مستخبي تحت سلم عمارة وبيعيط.. بقولوا في ايه يا حبيبي.. قالي ابو رجل مسلوخة بيلف في الشارع ويلم العيال .. قلتلوا مين قالك كدا .. قالي ماما
..
لا تعليق ..

[Dr_Ahmed_Abdelghany]

يااااااه هو الدكتور بس.. والحلاق.. وهقص ودنك.. وامنا الغولا تاكل عينك.. ومش عاف مين لسانك.. بيفصصوا العيل ..
لا وايه يا باشا بيتفننوا .. مفيش حد ياكل حاجتين .. لأ حاجة واحدة . امنا الغولا ودان بس .. مينفعش عيوون .. تخصصات بقي..
وكل دا ليه ؟؟ نتيجة الساذاجة _اسف)
ونتيجته.. اطفال معقدة .. بتخاف من خيالها .. وبتتكون عندهم عقد من الاشخاص دي.. انا مرة شفت طفل مستخبي تحت سلم عمارة وبيعيط.. بقولوا في ايه يا حبيبي.. قالي ابو رجل مسلوخة بيلف في الشارع ويلم العيال .. قلتلوا مين قالك كدا .. قالي ماما
..
لا تعليق ..

معاك طبعا فى الخيبة القوية والجبن اللى ناس كتيرة اتربت عليه وبتربى عيالها عليه

لكن مع الدكتور بالذات محتاجين علاقة الطفل تبقى حلوة معاه والدكتور يبقى صاحبه وحبيبه وزيارته تبقى فسحة مش علقة وتمويه لحد ما يدخل ويفاجأ بالوحش المفترس هيكشف عليه وياكله

وللا اتفرج على الأطفال وهم بياخدوا الحقن فى الصيدليات .... معركة حربية بمعنى الكلمة بالذات مع الأطفال الأشداء وكل ده لييييييييييييييييييييه!!!

الحوار بين الآباء والأبناء محتاج رؤية وخبرة مش أى كلام

[أبو عبدالله]

انا مرة شفت طفل مستخبي تحت سلم عمارة وبيعيط.. بقولوا في ايه يا حبيبي.. قالي ابو رجل مسلوخة بيلف في الشارع ويلم العيال .. قلتلوا مين قالك كدا .. قالي ماما

هههههههههههههههههههههههه
موتني من الضحك بجد

عارف حلها ايه ساعتها
الواحد يعمل مكياج فعلا ان رجله مسلوخة وشويه تقطيع هدوم
ويطلع لأمه يقولها انت بتخوفي الواد مني ليهههههههههههههههههههههههههههه

ههههههههههههههههههه
ده حلها فعلا

[Dr_Ahmed_Abdelghany]

هههههههههههههههههههههههه
موتني من الضحك بجد

عارف حلها ايه ساعتها
الواحد يعمل مكياج فعلا ان رجله مسلوخة وشويه تقطيع هدوم
ويطلع لأمه يقولها انت بتخوفي الواد مني ليهههههههههههههههههههههههههههه

ههههههههههههههههههه
ده حلها فعلا

هههههههههههههههههههه
طب افرض امه طلعت امنا الغولة؟

[نور القمر]

والله ضحكتني يا ابو عبد الله بس على رأي دكتور احمد لو طلعت امنا الغولة هتعمل ايه :POINTI~2[2]:
ابني كان بيترعب من الدكتور بسبب سماعته السقعه عملت له عقدة
وطبعا الحقنة كدة كدة هايتعقد منها مدام جربها
يعني مش بالضرورة تكون الام سبب خوف الاولاد من الاشكيف ... سوري قصدي الدكتور
بس مرة شوفت دكتور بيدفي السماعه بالاحتكاك قبل ما يحطها على الولد علشان الخضة اللي بتعملها برودتها

اشتريت له طقم عدة الطبيب لعبه علشان يتعود عليها ومبقاش يخاف خلاص

اما عمو الحلاق فبغمي له عينيه لما نعدي من قدامه عشان الموضوع عاجبه اوي ولو عليه نفسه يروح كل يوم يحلق عند عمو الحلاق

[أبو عبدالله]

ساعتها يبقى الواد كان عنده حق انه هربان تحت السلم فعلا

[icehearted girl]

الولاد عندهم حق


الدكترة مرعبين


وغالبا معظم دكترة الاطفال بيكونوا ضخمين جدا

والولد بيكون حجمه صغير يلاقي انسان مضروب في ستة واقف امامه يجرده من ملابسه


ويزعجه بقوله آه


وكله كوم والحقن كوم

والدوا اللي ريحته وحشه

علي راي المثل

خدت اي منك يا بصله ونتي كل قطمة بدمعة

[Dr_Ahmed_Abdelghany]

الولاد عندهم حق


الدكترة مرعبين


وغالبا معظم دكترة الاطفال بيكونوا ضخمين جدا

والولد بيكون حجمه صغير يلاقي انسان مضروب في ستة واقف امامه يجرده من ملابسه

هههههههههههههههههههههه

عايز الرعب بقى بجد؟
العيال اللى فى المستشفيات لإجراء عمليات و"بتتخطف" من أهاليها علشان ياخدوهم لحجرة العمليات المليانة بالأشخاص المرعبين

فى العمليات الخاصة لازم الأب أو الأم يدخل مع الطفل لحد ما ياخد التخدير...
فى المستشفيات الحكومية الطفل يدخل لوحده!
ويتم أخذ الطفل من أهله بالعافية أو بالتحايل ويدخل لحجرة كبيرة مضيئة مليئة بأغراب يرتدون ملابس غريبة وبعضهم يرتدى أقنعة ويمسك أسلحة..
فى ذهن الطفل هتكون إيه الأوضة دى غير أوضة أشباح؟

فى اعتقادى إن دى بتعمل صدمة وعقدة نفسية أبدية عند الطفل وحلها فى غاية السهولة لكن ... هنا القاهرة!

[nazaryia]

والولد بيكون حجمه صغير يلاقي انسان مضروب في ستة واقف امامه يجرده من ملابسه

[icehearted girl]

ههههههههههههههههههههههههههههههههههههههههه


انا ان شاء الله هتخصص اطفال


واول حاجة هحافظ عليها هي وزني

رحمة بالاطفال يا عيني


وهعالجهم بالبون بون والشوكولا والايس كريم

يلا خلي دكترة السنان يشتغلوا

[أبو عبدالله]

هههههههههههههههههههههه

عايز الرعب بقى بجد؟
العيال اللى فى المستشفيات لإجراء عمليات و"بتتخطف" من أهاليها علشان ياخدوهم لحجرة العمليات المليانة بالأشخاص المرعبين

فى العمليات الخاصة لازم الأب أو الأم يدخل مع الطفل لحد ما ياخد التخدير...
فى المستشفيات الحكومية الطفل يدخل لوحده!
ويتم أخذ الطفل من أهله بالعافية أو بالتحايل ويدخل لحجرة كبيرة مضيئة مليئة بأغراب يرتدون ملابس غريبة وبعضهم يرتدى أقنعة ويمسك أسلحة..
فى ذهن الطفل هتكون إيه الأوضة دى غير أوضة أشباح؟

فى اعتقادى إن دى بتعمل صدمة وعقدة نفسية أبدية عند الطفل وحلها فى غاية السهولة لكن ... هنا القاهرة!

على فكره ابني دخل عمليات
ولما قعد في المستشفى اسبوع مع والدته
كان كل ما يجي الطقم الطبي بيلف اول ما يشوفهم يمسك في والدته ويتكهرب ويقعد يعيط
ولما شوفته كده في زيارة
سألت والدته هو ايه اللي حصل قبل العملية
قالتلي هيا طلعته لحد الخط الأحمر والممرضه اخدته وكان لسه المخدر مشتغلشي
فتقريبا الواد دخل الغرفه وهو شبه فايق او شبه مخدر
وشاف البلاطي
وبعدها كان كل ما يشوف الطقم الطبي داخل يتكهرب عالطول
وفضل فتره خايف من الدكتور اللي دائما بنكشف عنده
ولكن هو دكتور محترم وحبوب كده مع اناه كبير في السن ولكن هو كان بيلاعبه والعملية مشت
ولكن مجربتش بصراحه من بعد العملية انه يشوف نا لابسه بلاطي وداخله عليه هيحصله ايه

والحمد لله

[Dr_Ahmed_Abdelghany]

حمدا لله على سلامته وشفاه الله وعافاه

[icehearted girl]

جبتش حاجة من عندي

اكيد تعاملوا مع ابن حضرتك زي مشغاله صحتها عافية بتستفرد بسجادة في البلكونة

[Dr_Ahmed_Abdelghany]

وهعالجهم بالبون بون والشوكولا والايس كريم

يلا خلي دكترة السنان يشتغلوا

الكلام دا مضبوط

أنا فى أول كام سنة من عيادتى كنت فعلا شايل حلويات فى الدرج وبادى لكل طفل قبل أو بعد الكشف حاجة حلوة ، لكن بمرور الوقت نسيت!

شكرا أنك فكرتنى