حد بيفهم فى الاسنسيرات؟ (المصاعد)

[Sherif Khalifa]

فى حد بيفهم فى الاستسيرات او يعرف حد بيشتغل فيهم؟

حصل عندى مشكلة فى الاسنسير و مش مقتنع برد مسؤول الصيانة
فمحتاج اسئل حد تانى ؟

[egyptianmafia]

in waseet there are ads about companies offering install and service for elevators...

[Sherif Khalifa]

thx
but i was asking if any one knows a trusted one
but i will take a glance on waseet

[ابوهاشم]

طيب ممكن تشرح المشكله يمكن حد يفيدك

[Sherif Khalifa]

المشكلة ان من كام يوم كان راكب فى الاسنسير 2 ستات كبار و 3 اطفال

فالاسنسير قبل ما يوصل للارضى البكرة بتعتة فلتت و صقط نصف دور

فنى الصيانة قال ان دا عادى علشان كان فى وزن و كدة الاسنسير يعتبر كويس
و انت كدة اطمنت علية

فا انا مش مقتنع بالكلام دة فا كنت عايز اسئل حد تانى و اجيب حد يكشف علية

[Ahmed Eraqy]

المشكلة ان من كام يوم كان راكب فى الاسنسير 2 ستات كبار و 3 اطفال

فالاسنسير قبل ما يوصل للارضى البكرة بتعتة فلتت و صقط نصف دور

فنى الصيانة قال ان دا عادى علشان كان فى وزن و كدة الاسنسير يعتبر كويس
و انت كدة اطمنت علية

فا انا مش مقتنع بالكلام دة فا كنت عايز اسئل حد تانى و اجيب حد يكشف علية

كلام مش مقنع فعلا هات حد يكشف عليه احسن علشان تطمن خصوصا ان معظم الفنيين فى بلدنا بيفتوا

و خصوصا ان الموضوع فيه ارواح

[mahmoud4871]

I have studied the elevators in my high technical studies and I CAN TELL YOU THIS IS BULL SHET because if there was over weight

1- The elevator MUST not move and MUST give alarm signal.

And if the elevator does not have this safety YOU MUST NOT GET INTO IT, and I think yours doesn't have and it stopped by the emergency break, in this case the service technician has to check and may need to replace some parts above the cabinet and reset the system, of course this will take some times from him about 4 to 6 hours.

The emergency break called the parachute the name same as the one used to jump from an airplanes.

YOU MUST CHECK AND TEST THE OVERWEIGHT ALARM SAFETY . AND GET SOME THING WRITTEN ABOUT THE PROBLEM AND ENSURE THAT THIS WILL NOT HAPPENED AGAIN.

TAKE CARE.

ممنوع الكتابه باللون الاحمر حيث انه مخصص لمداخلات الاداره
مشرف فرعي 1

[عزيز محمد]

باشمهندس سبعاوى كان ذكر قبل كده إنه بدأ حياته المهنية فى مجال المصاعد الكهربائية، لو شاف الموضوع إن شاء الله هيرد عليه، لو ماردش كلمه على الخاص.

[مصراوي جدا]

طبعا الموضوع ده في غاية الخطورة وكلام الاستاذ محمود مظبوط

دلوقتي البكره فلتت من ستر ربنا عند الدور الأول فسقط الاسانسير نص دور
طيب لا قدر الله لو كان الكلام ده حصل في دور عالي كان حصل ايه

طبعا المفروض ان في كل الاسانسيرات فيه فرملة بتمسك الاسانسير في مكانه اول لما السلك يقطع او البكره تفلت او ما الى ذلك محافظة على ارواح الناس اللي جوه وطبعا الموقف ده حصل كتير كمان نتيجة الصناعة السيئة والصيانة الأسوأ

وفني الصيانة اللي بيقول ده عادي كان المفروض يتسجن على اهماله الجسيم

[ahmed_su]

وفني الصيانة اللي بيقول ده عادي كان المفروض يتسجن على اهماله الجسيم

+1111111111111

[Ahmed Eraqy]

طبعا المفروض ان في كل الاسانسيرات فيه فرملة بتمسك الاسانسير في مكانه اول لما السلك يقطع او البكره تفلت او ما الى ذلك [/SIZE]

+1

صحيح لان فرامل الاسانسير عبارة عن (clutch) زى دبرياش العربية

يعنى هو على طول ماسك و يبتدى يسيب الفرامل لما يبتدى يطلع و ينزل

[Sherif Khalifa]

ما هوا دا الى حصل تقريبا

[msms90421]

والله لسه الموضوع ده حاصل عندي النهاردة
ان الاسانسير يسقط بتاع نص متر كده

بس انا اقدر افيدك انا في هندسة قسم مدني

اقولك ياسيدي وانا واثق من كلامي ان شاء الله

ان الاسانسير بيتحرك لفوق ولتحت واللي مش مصدقني يروح يشوف اي اسانسير
هتلاقيه بيتحرك يطلع الناس لفوق وينزلهم لتحت بين الادوار العليا
شوفت بقى الفن والهندسة

[sab3aawy]

فيه سببين ممكن يخلو الأسانسير يسقط نص دور

السبب الأول ان الفرامل ضعيفة ولم تتحمل وزن الركاب وبالتالى معرفتش تلم الأسانسير فى مكانه الطبيعى(فرملة الأسانسير بتكون متركبة على عمود المحرك ولها 2 تيل بيمسكو على طارة المحرك زى فرامل العربية بالظبط، وفى هذة الحالة يبقى الموضوع مش خطير ويقتصر على صيانة الفرامل

اما السبب التانى فهو ان يكون حصل خلل جسيم فى نظام الأسانسير( انقطاع ويرات، بوظان الفرملة ، خلل فى الكونترول او ضفيرة الكهرباء ادى الى عدم عمل الفرامل، سقوط احد اثقال الموازنة من مكانها) مما ادى الى انزلاق الكابينة وعمل نظام عدم السقوط(ألباراشوات) والذى يعتبر اخر منظومة امان فى المصعد وهو عبارة عن منظومة ميكانيكية بسيطة تؤدى الى "كلبشة" الأسانسير فى قضبان الحركة الخاصة به فى احلة نزلوه بسرعة غير طبيعية لأى سببة مما يحميه من السقوط حتى فى حالة انقطاع الويرات او انفراط ثل الموازنة وهى اكبر كوارث قد تحدث لمصعد

وبالتالى فانه لتقدير حجم المشكلة لابد من اجابة الأسئلة الأتية :

1- هل البارشوت ضرب وللا لأ : يمكن اجابة هذا السوال باحد الوسائل الآتية ، سؤال الركاب عن لحظة التوقف هل كانت انصلاق يشبه السقوط ثم اتبعه توقف مفاجى بشكل خبطة عنيفة، الوسيلة الثانية هى ان الباراشوت لما يضرب لا يتحرك المصعد من مكانه بأى وسيلة سوى بعد حضور الفنى وفك كلبشة الباراشوت، اما الوسيلة الثالثة فهى مراجعة اعمدة مسار المصعد فى مكان توقف المصعد وقت حدوث المشكلة ، وهل توجد عليها آثار (عضة) الباروشوت ام لا

لو كان الباراشوت ضرب فده معناه ببساطة مشكلة جسيمة تستلزم مراجعة اشياء كثيرة ، لابد من مراجعة فرملة الأسانسير وتماسك الويرات مع طارة الكابينة وطارة الثقل، وسلامة كادر الثقل(ألشاسيه الذى ترص به اثقال الموزانة) وسلامة اثقال الموازنة وعدم سقوط او انكسار اى منها، ومراجعة الكونترول والضفيرة بالكامل

لو الباراشوت مكانش ضرب فغالبا هى مشكلة اما فى الفرملة التى لم تستطع ايقاف الكابينة فى المكان المناسب بسبب الوزن الزائد بداخلها، او مشكلة فى تماسك الويرات مع طارات الكابينة والثقل بسبب قله الاحتكاك(يحدث ذلك مع تآكل الويرات، او مع الاستغناء عن عدد من الوايرات، للعلم فأن واير واحد يكفى لحمل الكابينة والثقل لكن عادة يتم استخدام من 4 الى 7 وايرات فى المصاعد الصغيرة وذلك لللامان اولا وللتحكم التالم ثانيا حيث ان درجة احتكاك الويرات مع الطارات وعدم انزلاقها هى المسئولة عن وقوف الكابينة امام الباب بالمللى بدون انزلاق) كما يمكن ان يحدث ذلك اذا قام فنى صيانة مستجد او ابله بتزييت الوايرات بدرجة زائدة تؤدى لانزلاق الويرات على الطارة، والاحتمال الثالث ان تكون مشكلة فى المفتاح المغناطيسى المركب على الكابينة والذى يقوم بعد الأدوار او الراية الخاصة بهذا الدور والتى تقوم بتفعيل المفتاح المغناطيسى، لكن عادة فان مشكلة من هذة النوع تتكرر دائما فى نفس المكان، كما يمكن ان تكون المشكلة فى الكونترول بسبب ان احد الريليهات مثلا علق فى هذة اللحظة ولم يقم بتشغيل الفرملة فى الوقت المناسب

ملخص الكلام: لو كان الباراشوت ضرب لازم الأسانسير يتراجع مسمار مسمار لحد ما نعرف الكارثة حصلت منين
لو مكانش الباراشوت ضرب يبقى اول حاجة نراجعها ونصينها ان لزم الفرملة، تليها الوايرات، يليها الكونترول والسويتشات الخاصة به فى البير لو لزم

اتمنى ان اكون كنت مفيد فى هذة الصدد

[Sherif Khalifa]

الف شكر على الرد الوافى

المشكلة ان الى حصل معاة الموضوع مش من العمارة
مش هعرف اجيبة تانى

القصة دى من البواب و مش عارف تفصيل اكتر من كدة
و الفنى قال ان البكرة فلتت من الوزن الزائد
و ان مفيش مشكلة تانى

انا مش فاهم يعنى اية البكرة فلتت

تانى حاجة انت او اى حد من الاعضاء يعرف شركة او فنى موسوق فية يجى يبص علية ؟