موضوع العصر

[ahmed k]

تعالوا نناقش قضية ملحة

تهم الشباب و البنات


لقد أصبح التعارف عن طريق الانترنت شيئا مألوفا

فى كل المجتمعات

و أصبح من العادى أن يتبادل الولد والبنت

حديثى التعارف

الحديث فى شتى مناحى الحياة وقضاياها

و قد تتطور العلاقة بين الاثنين من الصداقة إلى الإعجاب

ثم إلى الحب أحيانا

و قد يكون الاثنان صادقين مع بعضهما البعض

و ربما يكونا كاذبين

وقد يكون أحدهما صادق و الآخر كاذب



فإذا كانا صادقين

ربما تتطور الأمور ويلتقيان

إذا سمحت الظروف بذلك

وقد يزداد كل منهما تعلقا بالآخر

و قد تعرف هذه العلاقة طريقها إلى النور

و يرتبطا فى النهاية .


و إننى أطرح هذه القضية للنقاش فيما بيننا


فى رأيك ، هل من الممكن أن ينجح التعارف

عن طريق الإنترنت

بين الولد والبنت

فى بلادنا العربية

فى أن يكون وسيلة للارتباط الحقيقى بينهما

بحيث ينتهى نهاية سعيدة [IMG]file:///C:/DOCUME%7E1/MERONO%7E1/LOCALS%7E1/Temp/moz-screenshot-5.jpg[/IMG]

بالزواج ؟

[M.Mokhtar]

انا شايف النت زيه زى
- النادى
- الشارع
- الكليه
- الاوتوبيس
اى مكان فيه اختلاط

كان فى فتره كانت السنما ماسكه فى موضوع التعارف فى الجامعة
وازاى البنت بتخبى انها بنت غساله والواد ابن رجل الاعمال معجب بيها
والواد مخبى انه ابن بواب والبنت الوزير معجبه بيه

دلوقت مسكوا فى النت وان كل اللى عليه كدب وضحك وهزار وقلة ادب

وكام سنه وهتلاقى تقليعه جديده هيمسكوافيها برده
والناس هتتكلم عنها برده وكام سنه وتبقى حاجة طبيعيه

هو ده التطور الطبيعى للحاجة الساقعة

من رأيى الكدب موجود فى كل مكان

لو فى سلامه نية من الاول اكيد الموضوع ممكن يكلل بالنجاح

لكن لو فى نية للغدر او الكدب
حتى لو قرايب الموضوع هيبقى غلط

[badblood]

اعرف ناس اتعرفوا على بعض من الشات واتجوزوا
وعجبي

[bmw323]

انا موافق وبأؤيد التعارف من على النت طيب بس هو الواحد يقدر يحب واحدة عمرة ما شافها؟؟ يعنى بمجرد انها بعتتلة صورة وكلمتة فى الموبايل وقعدوو يتكلمو كتير يقوم يحبها حتى من غير ما يقابلها ولو لمرة واحدة؟؟

[kemo0o]

انا شايف النت زيه زى
- النادى
- الشارع
- الكليه
- الاوتوبيس
اى مكان فيه اختلاط

كان فى فتره كانت السنما ماسكه فى موضوع التعارف فى الجامعة
وازاى البنت بتخبى انها بنت غساله والواد ابن رجل الاعمال معجب بيها
والواد مخبى انه ابن بواب والبنت الوزير معجبه بيه

دلوقت مسكوا فى النت وان كل اللى عليه كدب وضحك وهزار وقلة ادب

وكام سنه وهتلاقى تقليعه جديده هيمسكوافيها برده
والناس هتتكلم عنها برده وكام سنه وتبقى حاجة طبيعيه

هو ده التطور الطبيعى للحاجة الساقعة

من رأيى الكدب موجود فى كل مكان

لو فى سلامه نية من الاول اكيد الموضوع ممكن يكلل بالنجاح

لكن لو فى نية للغدر او الكدب
حتى لو قرايب الموضوع هيبقى غلط

بصراحة كلامك انت جبت الموضوع من الاخر

[M.Mokhtar]

انا موافق وبأؤيد التعارف من على النت طيب بس هو الواحد يقدر يحب واحدة عمرة ما شافها؟؟ يعنى بمجرد انها بعتتلة صورة وكلمتة فى الموبايل وقعدوو يتكلمو كتير يقوم يحبها حتى من غير ما يقابلها ولو لمرة واحدة؟؟

هو ممكن يكون اعجاب
بالشخصية - بالتفكير - بالثقافه - بطريقة الكلام -....
لكن حب اعتقد صعب
الشكل فعلا مش اهم حاجة فى الحب
بس اعتقد من غير ما يشوفوا بعض يبقى حب خيالى
والحقيقه ديما غير الخيال وغالبا بتكون اوحش بكتيييير (مش قصدى الشكل بس)
لو شافوا بعض وفعلا لسه فى اعجاب اعتقد العلاقه ممكن تستمر

[ainshouka]

بيتهيألى ان الواحد لما يقول ياجواز بيدوخ عشان يلاقى بنت الحلال ونفس الحال بالنسبة للبنت اهلها بيسألوا على اللى جاى يتقدملها فييجى كدا واحد يكلم واحده على الشات وطبعا لو اتكلموا فى اى موضوع حيتكلموا فيه وحيحكوا فيه فيلاقوا نفسهم متوافقين فى الاراء فى مواضيع شبه مستهلكه ومعروفه فيوهم نفسه وتوهم نفسها انهما متفقين وهو لقى النص التانى وهى لقت نصها التانى وبعدين يتقدملها ويتجوزها
ايه ياجماعه هو نازل يشترى جوافه دا جواز يعنى استقرار واولاد ومشاركة حياه فمينفعش فيه الكلام دا اصلا

غير اصلا انه مينفعش ان واحده تكلم واحد كده فى الشات لا احبذ هذا الوضع

[M.Mokhtar]

بيتهيألى ان الواحد لما يقول ياجواز بيدوخ عشان يلاقى بنت الحلال ونفس الحال بالنسبة للبنت اهلها بيسألوا على اللى جاى يتقدملها فييجى كدا واحد يكلم واحده على الشات وطبعا لو اتكلموا فى اى موضوع حيتكلموا فيه وحيحكوا فيه فيلاقوا نفسهم متوافقين فى الاراء فى مواضيع شبه مستهلكه ومعروفه فيوهم نفسه وتوهم نفسها انهما متفقين وهو لقى النص التانى وهى لقت نصها التانى وبعدين يتقدملها ويتجوزها
ايه ياجماعه هو نازل يشترى جوافه دا جواز يعنى استقرار واولاد ومشاركة حياه فمينفعش فيه الكلام دا اصلا

غير اصلا انه مينفعش ان واحده تكلم واحد كده فى الشات لا احبذ هذا الوضع

وايه الفرق بين انه يكلمها فى الشات او يكلمها فى النادى او يكلمها فى الجامعه؟
مادام فى حدود ومسافات واحده ومحفوظة فى كل الاماكن دى؟

ولا انت من رأيك الجواز يبقى من وحده محترمه ما اتكلمتش معاها قبل كده واهلك تعبوا على ما لاقوها وشافوها مناسبه
عشان بنت الدكتور الفلانى ودى عيله محترمه
لا وايه دى خريجه صيدله او اقتصاد وسياسه ويا سلام لو ألسن
والبنت عنيها مش بتترفع من على الارض
ولما تخطبها وتقرب منها اوى تعرف انها كانت ليها اكبر شله فى الكليه؟ وماكنتش بتفوت رحله الا وتطلعها؟ و و و

على فكره الاول عشان مش نزعل من بعض انا مش بتكلم باسلوب شخصى انا بشرح حاله ممكن تحصل وبتحصل فعلا

انا مش قصدى انها كده تبقى مش كويسه
بس اقصد ان مش العيله والشكل والمنظر وطريقه التعارف هى اللى بتحدد البنت الكويسه من اللى مش كويسه
ونفس الكلام بالنسبة للشاب

[ainshouka]

ياعم محمد مفيش زعل ولا حاجه لان فيه موضوع بنتناقش فيه فطالما فيه نقاش فمفيش أى زعل

المهم

انا مقصدتش ان يكون فيه بنت متكونش اتكلمت مع ولد لأن دا شبه مستحيل أصلا
بس كلام عن كلام بيفرق
يعنى لما يكون فيه ولد بيتكلم مع بنت كأنه بيتكلم مع واحد صاحبه ويهزروا مع بعض بطريقه مش كويسه ومبهاش لاى بنت كمان

لكن بالنسبه لان بنت تكلم ولد فهذا شئ وارد ولكن يكون فى حدود الضرورة

لكن بالنسبة بإن البنت ممكن تكون من عيلة كبيره ولكن هى ممكن تكون عامله شلة كبيره فى الجامعه فهو دا اللى معقدنى ومجننى ومخلينى اقول ان اختيار شريكة الحياة مش مهمة سهلة والموضوع دا برضه بالنسبه للبنت برضه لما تيجى تختار من تتزوجه

لكن فى النهاية بحاول اصدق مع الله حتى يصدقنى
كما قال رسول الله صدق مع الله فصدقه الله

[memohamada]

النت ممكن تكون المرحلة الاولى بس فى التعرف بين البنت و الولد زيها زى لما واحد يشوف بنت فى الشارع او فالجامعة و تعجبة شكلا فقط و بعد كدة يتقدم لخطبتها عشان يعرفها كويس و يعرف تفكيرها و اهلها...الخ قبل ماياخد قرار بالجواز

احب بس اوضح شوية نقط
1- النت متغنيش ابدا عن الخطوبة , يعنى محدش هيعرف بنت من الشات النهاردة و يتجوزها بكرة
2- مش ديما الخطوبة بتنتهى بجواز و دة الهدف من الخطوبة ان كل واحد يشوف التانى على حقيقتة قبل مايتورط طول عمرة
3- النهاردة كل بيت فية كمبيوتر و متوصل بالنت ,فمش معنى ان البنت بتعمل شات انها بنت مش كويسة