ليه بنتجوز

[ahmed k]

ليه بنتجوز

هو احنا بنتجوز ليه؟!سؤال لمّا تسأله لحد تلاقيه بيبص لك باستغراب ويقول لك حاجات مش مفهومة ..يقول لك مثلا زى الناس ..وهى الناس بتتجوز ليه؟ويبقى السؤال ..ومادامت اجابة السؤال مش واضحة، فإزاى هيتم الاختيار؟؟؟ما تيجوا نفكر فى السؤال دا ..هو احنا بنتجوز ليه؟؟لتكوين أسرة ..ولاّ لتكوين عزوة أولاد كتير .. ولاّّطاعة لله .. ولاّ إعمارًا للأرض؛ لتحقيق مراد الله في خلافة الإنسان ولاّعشان كل دا ..لازم الهدف يبقى واضح عشان نعرف نفكر ازاىنختار ؟يعني كل واحد فينا اول ما يفكر في الزواج ويحس ان سنه بقي يعني لازم يعد مع نفسه ويسالها انا ليه عاوز اتجوز وايه الاسباب وايه نيتي في الزواج وعاوز حياتي الزوجيه يبقي شكلها ايه والمفروض اعمل ايه علشان احقق ده والاقي الحياه اللي انا عاوزها وازاي اختار الانسانه اللي تساعدني علي كده....والخ
كل دي اسئله المفروض تدور في دماغ كل واحد فينا قبل ما يقدم علي اي خطوه في الزواج لانه بالاجابه عليها هيبقي حط رجله علي اول الطريق وعرف هو هيمشي منين ورايح فين ومحتاج ايه مناسب وانه عاوز يتجوزلازم يحط ادام عنيه هدفه وغايته من الزواج
كل الناس بإختلاف معتقداتها وأديانها ومذاهبها وقبائلها وكل البشرية عبر كل القرون وعبر جميع الحضارات كلهم اختاروا الجواز كصيغة للعلاقة بين الرجل والمرأة أيضا ورغم ان علمانيين كتير وناس كتير مروا بتجارب فاشلة جدااا في الزواج بيشتموا فى الجواز
ويقولوا مشروع اجتماعى فاشل بيدمر العلاقة بين الراجل والست وانه خنيق وبيجيب لورا وكلاااااام كتييييييييير من النوع دة .. رغم كل دة الا اننا برضه لسة بنتجوز



طيب ليه؟؟؟؟؟

احنا مش بنتزاوج زى الحيوانات .. احنا بنتجوز ونعيش مع بعض للأبد


غالبا يتخانقوا المتجوزين .. يبهدلوا بعض .. يقطعوا بعض
يكسرلها ذراعها .. تفتح له دماغه
يحدف مراته من البلكونة.. يمكن عشان الطراوة
تقطع جوزها وتعبيه فى اكياس لحمة .. يمكن عشان اللحمة غالية
برضه البشرية بتتجوز .. وتفرح بالجواز
ويشجعوا المتجوزين الغير متزوجين على الجواز رغم انهم تعبانين مع الشريك
طب ليه العذاب!!!!

ليه المجتمع أصلا منذ بدء الخليقة لم يجد صيغة غير الزواج للعلاقة بين الرجل والمرأة؟
فكرت كتير وقلت أكيد العلاقة بين الرجل والمرأة محتاجة دة عشان تبقى أحسن

احنا محتاجين لبعض .. محتاجين نعيش مع بعض .. نشارك بعض حياة
كل واحد محتاج للاستقرار
كل واحد محتاج يحصن نفسه يعفها عن الحرام
كل واحد مننا محتاج حد يعيش معاه حياته بتفاصيلها من خير وشر وصحة ومرض وحلو ومر
كل واحد مننا محتاج يكون له ذكريات يحكى عنها ويفتكرها مع شخص ما
يبقى مشاركة الحياة هى الهدف عشان نكمل نص دينا ولا عشان نتناسل
كل واحد مننا محتاج حد يهتم بيه ويعنيه امره
كل واحد مننا محتاج حد يخاف عليه ويحبه
وقبل كل ده وده ربنا قال (ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لأيت لقوم يتفكرون)


بجد عشان كل ده احنا بنتجوز

[ahmed k]

[badblood]

اهي شوطة في البلد
ونشوط زي الناس مابتشوط
وعجبي

[samo9992003]

بنتجوز عشان لقينا الانسانه اللى قدرت تضحك علينا وتفهمنا انها متقدرش تعيش من غيرى وان الدنيا من غيرى ولا حاجه وانها مستعده تعيش معايا فى عشه بس طبعا كله بيبان بعد الجواز بس بعد فوات الاوان

[SmartMega]

No Women No Cry

[Terrible_DaRsH]

كل مرحلة فى حياة البنى ادم لها بداية ونهاية .

من اول الطفولة لغاية العزوبية لغاية الزواج .

دى سنة الحياة .. كل واحد فى الدنيا له دور بيعمله و من الادوار اللى الواحد لازم يقوم بيها هى الزواج .

الرجل بيحتاج المراة فى حاجات كتير و المراة مينفعش تعيش من غير رجل بس فى مرحلة معينة من العمر .

لما يكون الشاب مؤهل للزواج ( مؤهل نفسيا قبل ماديا ) و تكون البنت مؤهلة برده يبقي يدخلوا فى المرحلة القادمة من العمر اللى هى الزواج ...

ولو كل واحد دور على بنت الحلال ( المحترمة ) المتدينة المتربية مش اللى بتلبس ضيق و شعرها طويل . ربنا هيبارك له .

[Michael_Lanos]

انا شايف ان تعب الزواج اكتر من المتعه اللى فيه وفى تكوين اسره

الواحد عازب حر نفسه، ملك زمانه

وعلى رائي خواجه اعرفه عايش عازب بيقولى
"عيش ملك وموت زي الكلب، احسن ما تعيش كلب وتموت زي الملك"

[PoweRPassioN]

عشان مينفعش الواحد يقعد كدا زي قرد قطع
اه هتعيش يومين حلوين من غير وجع دماغ ومسئوليه
بس بعد ما تخلص السنين الحلوه هتبص وراك هتلاقي مفيش حد جانبك
وبعدين من ضمن الحسنات اللي بتقعد ليك بعد الموت
""ولد صالح يدعو لك""
وبالنسبه للستات
يعملوا ايه بس لو مفيش جواز !!!!!!!!!!


""الجواز"" سنه الله التي فطر الناس عليها

[MEMES]

قال صلى الله عليه وسلم: "الدنيا متاع وخير متاعها المرأة الصالحة"
صدق رسول الله صلى الله عليه وسلم
وبجد اللى يلاقى المرأة الصالحه مايسبهاااااااااش (ماسه) تنور حياته وتخلى لحياته قيمه.
الحمد لله رب العالمين على نعمته على فى زوجتى .

[shady_hamdy]

قال صلى الله عليه وسلم: "الدنيا متاع وخير متاعها المرأة الصالحة"
صدق رسول الله صلى الله عليه وسلم
وبجد اللى يلاقى المرأة الصالحه مايسبهاااااااااش (ماسه) تنور حياته وتخلى لحياته قيمه.
الحمد لله رب العالمين على نعمته على فى زوجتى .

و تلقيها فان فى الغابة الى احنا فيها

[الطنطاوي]

دي فطرة ربنا اللي فطر الناس عليها والحياة لا تستمر بدون زواج

[compuland]

قال تعالى : [ يا أيها الناس اتقوا ربكم الذي خلقكم من نفس واحدة، وخلق منها زوجها، وبث منهما رجالا كثيرا ونساء، واتقوا الله الذي تساءلون به والأرحام، إن الله كان عليكم رقيبا ] (النساء 1)
[ هوالذي خلقكم من نفس واحدة وجعل منها زوجها ليسكن إليها ]
(الأعراف 189) [ ومن آياته أن خلق لكم من أنفسكم أزواجا لتسكنوا إليها، وجعل بينكم مودة ورحمة إن في ذلك لآيات لقوم يتفكرون ] (الروم 21) وأي فضل وأية منة من الله أعظم من أن يخلق لكل امرئ زوجا له يسكن إليه ويحمل عنـه هموم الحياة ويواسيـه، ويشد من أزره في مـودة ورحمة هي حقا من أجل وأعظم آيات الله، فالزوج يصبح لزوجه بمجرد إتمام البناء كل شئ في الحياة، والزواج هو خط فاصل وعميق في مشوار الحياة، بل هو أهم أحداث الحياة
وقد نهى رسول الله صلى الله عليه وسلم المسلمين عن هجر النساء، وقد قال صلى الله عليه وسلم: " يا معشر الشباب من استطاع منكم الباءة فليتزوج فإنه أغض للبصر، وأحصن للفرج" متفق عليه، وروى ابن ماجة أنه قال صلى الله عليه وسلم: " من كان موسرا لأن ينكح ثم لم ينكح فليس منيّ " وقال صلى الله عليه وسلم: "إن كنتم من رهبان النصارى فالحقوا بهم إني أصوم وأفطر، وأقوم وأرقد وأنكح النساء، وهذه سنتي فمن رغب عن سنتي فليس منيّ"
وحكمة تشريع الزواج لها جوانب عديدة، أهمها ما يبثه في نفس الزوجين من طمأنينة وأمان في مواجهة الحياة، وإقامة أسرة تكون مجتمعا صغيرا يرجى له الصلاح، حتى تكون لبنة قوية في البناء الاجتماعي الأكبر، ومن أهم هذه الجوانب حرص الإسلام على نشر الفضيلة والخلق القويم في المجتمع، والبعد عن كل ما يدنس حياة البشر، فالزواج بما يبيحه للزوجين من تمتع تام لكل منهما بالآخر من جماع ومقدماته فإنه يحدث بالتالي عفة للزوجين، ويـؤدي إلى بقاء البشرية إلى ما شـاء الله، والأهم هو منع اختلاط الأنساب ومنع الزنا لما فيه من فساد شديد يضرب بجذوره في كل جوانب المجتمع،

[MEMES]

و تلقيها فان فى الغابة الى احنا فيها

بنات الحلال كتييييير و الدنيا لسه بخير
انوى انت الخير (الطيبون للطيبات) وربنا هيوفقك بأذن الله

[sab3aawy]

الزواج هو افضل شئ تفعله عندما لا تجد شيئا أخر لتفعله

[Rsarabia]

3shan el beet w el estkrar w 3shan n5lf