"الفيس بوك" صهيوني بامتياز! ........... فالحذر الحذر

[samoevil911]

ممكن اسأل سؤال بردوا زيادة ..؟؟
ايه هؤ السبب القوي اللي مخلي الناس بتدافع عن الفيس بوك وبتقول انه مفيهوش اسهم اسرائيلية ؟؟؟
انتو ليه مستبعدين الموضوع دا .. بجد العضو اللي بيقول ان الفيس بوك لو تبع الصهاينة دا تفكير سطحي.. بجد احب اقولوا ان احنا بالعكس لو استبعدنا ان الفيس بوك تبع الصهاينة تفكير سطحي..
والعضو اللي بيقول ان دا للترفيه .. مهما مش هيخبطوا علينا ويقللنا احنا جيين نتجسس عليكم او نعرف انتوا بتحبوا ايه وبتكرهوا ايه ..
والعضو اللي بيقول انهم لو عايزين يعرفوا عننا اي حاجة هيعرفوزا مش لازم من الفيس بوك .. مهو الفيس بوك دي طريقة من الطرق بتاعتهم .. ودي اسهل طريقة .. لأنهم وهما قاعدين في مكانهم هيقدروا يعرفوا تفكيير ملايين من الناس ومن غير ميحتكوا بيهم ..
ام العضو اللي بيقول ان حياتنا ايه الاهمية اللي فيها عشان يتجسسوا علينا .. اقوله سياتك اكيد عارف ان احنا اهم اهداف الصهاينة .. لأن اولا احنا بقيت امبراطوريتهم المزعومة .. دا علي كلامهم طبعا .. دا غير ان احنا الد اعدائهم .. ثانيا حياتك اللي حضرتكم شايفها مش مهمة دي في نظرك انت بس .. لكن هما شايفين اللي احنا مش شايفينوا في نفسنا .. وعارفين ثرواتنا اكتر مننا ودي للأسف مصيبتنا ..

انا مش بأجزم ان الفيس بوك صهيوني .. بس انا مبستبعدش بردوا كدا .. اللي يخلي ناس يحطوا خطة بلادهم لميت سنة قدام .. اكيد متستبعدش انهم يتجسسوا عليك بأهيف الطرق.. عشان كدا بسأل ليه الناس مستبعدة اوي ان الفيس بوك ممكن يكون تبع الصهاينة ..؟؟؟؟

[smax]

هو لازم الواحد يعمل و يتقدم 24 ساعة في اليوم ..و لو حد فتح الفيس بوك او راح ماك و شرب كوكاكولا يبقى بيضيع وقته و بيتأخر عن ركب التقدم ..
الفيس بوك موقع غرضه الترفيه و التسلية في وقت الفراغ بعيدا عن التقدم و التخلف و الاخلاق و المفاهيم المدسوسة و بقية الكلام المجعلص الي بيطلع في الهايفة و المليانة..
و لو هو تضييع وقت يبقى نايل موتورز كمان تضييع وقت ..و لا فيه حد فيكو بيحضر دكتوراه في نايل موتورز .. ?

استاذ tyler durden احييك علي كلامك انا معاك 100*100
انا اقصد بتضيع الوقت افكار المؤمرة الي مسيطرة علينا و مش فلحين غير فيها و الناس التانية عمالة تشتغل و احنا لحد دلوقتي عايشين علي رأفت الهجان.

أرجوا انك تراجع كلامي انت فهمتني غلط.

[samoevil911]

لو كنت كلفت خاطرك وقريت الكلام من الاول هتلاقيني مش بتكلم عن مصر بوجه خاص ياريت تبقى تقرى الكلام كويس سيادتك :)



فيه نقطه انا عايز افهمه ايه سبب الدفاع المستميت الل انتو بدفعوه ده وحقد ايه وكلام فاضى ايه الل انت كاتبه ده ؟؟ عيب الكلام ده على فكرة

احنا كل الل بنطلبه ان الشباب ياخد باله وميحطش بيانته الحقيقيه كلها ياخد باله فى التعامل لا أكثر ولا أقل

والله دا اللي انا بقوله .. انا حسيت ان الفيس بوك دا بتاع حد من الاعضاء اة ليه اسهم فيه ..
يا جماعة هو الفيس بوك ليه اهمية اوي كدا .. ياريت الناس تشتغل اد مبتشيت وترغي علي النت في كلام فاضى .. خصوصا الشباب .. ربنا يهدي الناس

[Terrible_DaRsH]

ايه يا جماعة فى ايه ...

يخرب بيت الفيس بوك .. هو محدش بيتفق على حاجة ابدا ..

رجاء من الكل احترام وجهات النظر المتبادلة ..

[لجنة فض المنازعات]

تهيب لجنة فض المنازعات بالسادة الأعضاء إحترام الرأى الآخر وقبولة والسماح للآخرين بالإختلاف معنا فى الرأى ما دام هذا الرأى لا ينفى الثوابت والأشياء المعلومة من الدين بالضرورة