الفيس بوك يضع لك اسئلة نفسية لخيانه اصحابك

[atamim]

السلام عليكم ورحمه الله و بركاته

عضو فاضل فى المنتدى حذر من كارثة جمع المعلومات عن الشباب العربى و المسلم و افكارة و مخاوفة

و للاسف الشديد فوجئت ببعض الاعضاء لا ياخذون الموضوع بجدية نهائية

عايز اقول لكم انا مبرمج و عارف طرق الهاكرز و سرقة المعلومات

و الفيس بوك بيعمل كدة و اى انسان عاقل بيفكر اكيد اخد بالة انه بيحط لك مجموعة اسئلة عن اصحابك

اسئلة نفسية و دينية و ثقافية و اجتماعية و غريزية

نعم يسئلك عن كل شيئ من هذة الموضوعات عن صحابك فى مقابلك حصولك على عدة نقط فى رصيدك

يسئلك عن طبعة و هل يخون اصحابة و هل ممكن يعرف حد فى الحرام و عدة اسئلة كثيرة لو حد جربها قبل كدة




الحذر

ثم الحذر

ثم الحذر


انت بتخون اصحابك و اهلك و بلدك و دينك و دنياك و اخرتك كمان لما تكتب اى بيانات او صفات و اى معلومة لحد ممكن يستغل غيرك فيها

اعمل بحث عن توقيعك الذى تستخدمة كثيرا فى كل مكان

ستفاجئ بوجود الوف من بيانات السابقة ممكن لاى حد يشوف مراحل تغيير تفكير و تصرفك على مدار عدة سنوات سابقة

الله انى بلغت اللهم فاشهد

الله انى بلغت اللهم فاشهد

الله انى بلغت اللهم فاشهد


إن كل واحد منكم ـ على ثغر من ثغور الإسلام فالله الله أن يؤتى الإسلام من قبله ، وكل واحد منكم على ثغر من ثغور مجتمعه ، فالله الله أن يؤتى مجتمعه من قبله ،


كل مسلم على ثغر من ثغور الإسلام...
فلينظر أحدكم ألا يؤتى الإسلام من قبله.

كلمات خطيرة ومهمة جداً
وللأسف لا أجدنا نطبق شيئاً منها
بل وحتى لا نستشعر بحقيقة مسؤوليتنا

[SeMo_SiRiOnY]

جزاك الله خيرا علي المعلومات الرائعة
الحمد لله مليش تقل علية اصلا

[badblood]

شكرا جزاك الله خير

[أبو عبدالله]

لا متقلشي كده
ده لازم اي حاجه مش عاجبانا عالطول تطلع اوهام مش عارف ايه
بدون حتى ما نفكر للحظات او ندرس الموضوع او نبحث فيه

عالطلو الموضوع مش داخل دماغك تروح مطير اللي قاله او اللي بيدعوا له بدون تفكير

ربنا يحفظنا ويهدينا جميعا للحق

بس قولي حضرتك كلامك ده بنيته على ايه ؟؟؟

[Mzeid]

شكرا على التنبيه ....

[ams]

انت بتخون اصحابك و اهلك و بلدك و دينك و دنياك و اخرتك كمان لما تكتب اى بيانات او صفات و اى معلومة لحد ممكن يستغل غيرك فيها

يعنى ايه ؟ من فضلك وضح وجهة نظرك اكتر ؟ يعنى ايه اللى ممكن ياخدوه منى و يضرو بيه حد تانى ؟

اعمل بحث عن توقيعك الذى تستخدمة كثيرا فى كل مكان

ستفاجئ بوجود الوف من بيانات السابقة ممكن لاى حد يشوف مراحل تغيير تفكير و تصرفك على مدار عدة سنوات سابقة

و ايه المشكلة انهم يعرفو ؟
ثم مش احنا بس اللى على الموقع كعرب او مسلمين فى كتيييير غيرنا غربيين كانوا او شرقيين . يعنى اللى بنعمله هم برضه بيعملوه . انا مش قادر ادرك المنطق فى كلام حضرتك

[atamim]

لا متقلشي كده
ده لازم اي حاجه مش عاجبانا عالطول تطلع اوهام مش عارف ايه
بدون حتى ما نفكر للحظات او ندرس الموضوع او نبحث فيه

عالطلو الموضوع مش داخل دماغك تروح مطير اللي قاله او اللي بيدعوا له بدون تفكير

ربنا يحفظنا ويهدينا جميعا للحق

بس قولي حضرتك كلامك ده بنيته على ايه ؟؟؟

لسبب بسيط جدا دا تخصصى فى البرمجة و عارف طرق جمع البيانات و مراقبة الزوار و الحصول على بياناتهم

بالله عليك لو واحد متعرفهوش سئلك اسئلة شخصية و اجتماعية و دينية عن واحد صاحبك يبقى غرضة اى ؟

انت سميت ابنك لية عبد الله؟ اوعى تقولى الاسم جميل
لا طبعا اكيد و مفروض علشان يكون فخر للاسلام و المسلمين و يكون فعلا فى رحاب الله و طاعة الله

لو فعلا كان دا قصدك اكيد حتتحرى ما هو خير لدينك و دنياك و اخرتك
و اكيد جمع معلومات عن من تعرفهم ملهوش غير حاجة وحدة اى انسان حيفهمها بوضوح مش محتاجة اى شرح

[atamim]

يعنى ايه ؟ من فضلك وضح وجهة نظرك اكتر ؟ يعنى ايه اللى ممكن ياخدوه منى و يضرو بيه حد تانى ؟

و ايه المشكلة انهم يعرفو ؟
ثم مش احنا بس اللى على الموقع كعرب او مسلمين فى كتيييير غيرنا غربيين كانوا او شرقيين . يعنى اللى بنعمله هم برضه بيعملوه . انا مش قادر ادرك المنطق فى كلام حضرتك

المقصود بيها تصنيف الناس فئات حسب حالتهم النفسية و اتجاههم
الغرض هو توجية الفكر و الرئى الى الاتجاة الى عايزنه
اديك مثال

لقيت عربيتك مخبوطة حتفكر السبب يا قضاء و قدر يا اما مقصودة

طيب لو واحد معدى قال ليك ربنا يعوض عليك او قال ربنا سلمك من حادث
دا حياكد فى نفسك انه قضاء و قدر

اما لو واحد قالك دا جارك الى انت اتخانقت معاة من كام يوم كان واقف صف تانى جمب عربيك تلاقية هو الى خبطك
بكدة تفكيرك حيروح ان حد فعلا قصدك

دا مثال بسيط لتوجهات الرائ و التحكم فيه

و الفيس بوك بيتعمل بالبريد الالكترونى فاى مقالات او مواضيع عايزين يبعتوها لفئة معينه من الناس حيكون بالنسبالهم فى منتهى السهولة

بريدك موجود و راى صحابك فيك موجود خلاص خلصت

[aif]

بغض النظر عن صحة هذا الكلام او عدم صحته ... الله أعلم
انا بأعتبر الفيس بوك زي الحمام اللي من غير باب
آسف للتعبير
لكن فعلا الخصوصية فيه منتهكه .... انا عامة مش بأقدر اقعد عليه كتير ومش بارتاح فيه
بألاقي نفسي رجعت على نايل موتورز علطول

[ams]

المقصود بيها تصنيف الناس فئات حسب حالتهم النفسية و اتجاههم
الغرض هو توجية الفكر و الرئى الى الاتجاة الى عايزنه

احترم وجهة نظرك لكنى غير مقتنع بها
لكن على اقل تقدير ساكون اكثر حذرا فى المستقبل
و شكرا لك

[bee]

بغض النظر عن صحة هذا الكلام او عدم صحته ... الله أعلم
انا بأعتبر الفيس بوك زي الحمام اللي من غير باب
آسف للتعبير
لكن فعلا الخصوصية فيه منتهكه .... انا عامة مش بأقدر اقعد عليه كتير ومش بارتاح فيه
بألاقي نفسي رجعت على نايل موتورز علطول

ههههههههههههه بجد احلى تعبير سمعته يا باشا ..
بس على فكره فيه اوبشنز تخلي فيه بابا للحمام
وانا رأيي دايما ان اي حاجه في الدنيا ليها الصح والغلط واحنا الي بنختار ..
وزي ما ليه مساوئ كتير ليه فوائد في رأيي أكثر بكثيرررررر ..
الرك على المستخدم ..
تحياتي

[Sameh]

هو عموماً كل أنشطتنا على النت هى تحت عنيهم وتسجيلاتهم بمنتهى السهولة سواء فيس بوك أو حتى البريد الشخصى بتاع أى حد ، وكل إتصالاتنا بتمشى فى كابلاتهم وسيرفراتهم فلا داعى للمبالغة فى القلق ، ليه ؟ لأن اللى يسرى على الفيس بوك يسرى على نايل موتورز وعلى إيميلك وإيميلى وكمية الداتا مهولة وبرضوا أساليب البحث خيالية ، بس فى النهاية إحنا اللى بنحدد إزاى نستخدم الأدوات دى حتى تحت مراقبتهم وتسجيلاتهم وبحثهم ، ببساطة كل المنتديات والمواقع والإيميلات والجروبات الدينية والوطنية هى نصر لينا ضدهم ، وفى نفس الوقت إحنا فى إيدينا إننا ماننشرش معلومة نعتقد إنها حساسة وماحدش كان هيعرفها إلا لو قولناها سواء على فيس بوك أو حتى نايل موتورز أو بأى طريقة إلكترونية

[Terrible_DaRsH]

نعم يسئلك عن كل شيئ من هذة الموضوعات عن صحابك فى مقابلك حصولك على عدة نقط فى رصيدك

ممكن توضح النقطة دى من فضلك لانى مش فاهم حكاية الرصيد دى .

و كمان ممكن تقولى هل الاسئلة دى اجبارية ولا احنا اللى بخنتارها بمزاجنا بس علشان يبقي فى وضوح ...

[aboelnagah]

عن نفسى انا مش بحب الهاى فايف ولا الفيس بوك لان كل دول عبارة عن هجس وضياع للوقت

والفيس بوك كان سبب انى انفصل عن خطيبتى

واقسم بالله العظيم الفيس بوك والمواقع الشبيه به ما هى الا دمار للحبارة الزوجية وحياة الناس وياريت ننتبه لنفسنا شوية ونقدر نعمل حاجة تفدنا

انا لما بشوف حالنا وحال الدول الاوروبية ببكى والله من جوايا احنا اخر اخر اخر شعوب العالم مش ناجحين الا ننقض بعض فقط لا غير ونقول لكل واحد انت غلط وعمر ما واحد بص لعيوبه

بالله علينا كلنا نبدا نغير فى نفسنا ونشوف الصح ونعمله

ومن وجه نظرى ولا الشات ولا مواقع زى الفيس بوك وتاجد وزوربيا والهاى فايف ما هى الا ضياع للوقت

بحلم اننا نكون متقدمين فى حاجة ونقدر نعمل حاجة كويسة لينا ونبهر العالم

[M.Osman]

لا اعتقد ان اللي عايز يحمع معلومات عننا منتظر الفيس بوك ..

مش مقتنع بصراحة بالكلام دا ...