ياترى هاتعمل أيه يف الموقف ده (الجزءالتاني)

[Abdallah]

الذ ما في الموضوع واحدة صاحبتي جاي بعدها بيومين تقولي ما شوفتش اختي الصغيرة حصلها ايه
واحد ب 128 بيضاء زي بتاعتك زنق عليها علي الكوبري وخبطها وقل ادبة عليها (حسب رواية اختها) وخد منها 500 جنية
بس الجواب اللي سالتني عليه كتير ومارديتش انت عربيتك فين بقالها اسبوع :!: :?: :roll: :roll: :roll:
:mrgreen: :mrgreen: :mrgreen: :mrgreen: :mrgreen: :mrgreen:[/color]

طب متدينى نمرة تليفونها اصلى عايز ارش الباب اليمين :D

[hazem_khidr]

انا بقي مش حتفرق معايا حلوه او وحشه و الله اي بني ادم بيخبطني و بينزل يتكلم بزوق حتي لو غلطان بقوله خلاص و ربنا يعوض عليا و بمي انما بقي لو قليله الزوق و قليله الادب و مستهتره حديها كلمتين في جنابها و م بعيد اتصل بالشرطه علشان تتربي

[PRO-DRIVE]

اممم مش عارف انت بتجيب الافكار دى منين :mrgreen:

بس لو حصلت عيييب لازم انزل و اعمل نفسى متعصب و اخليها تقعد تتحايل عليا شوية بعد كدة اقلها ورايا مشوار مستعجل هاتى رقمك عشان نتفاهم بعدين فى حتة هادية :mrgreen:

[abo3bdolrahman]

بتهيألى الناس اللى شايفة إنها تتصل بالشرطة دى عايشة فى الأوهام لأن الشرطة لو جت و الواد أمين الشرطة شاف البنت الحلوة هيريل علىنفسه و اللى هيتربى هيكون سعادتك :mrgreen:
و طبعا حيطلعوك إنت الغلطان.
و أفضل حاجة إنك تحاول تاخد حقك منها مباشرة و بقين ناشفين هايخوفوها و هاتحاول تدفعلك تمن اللى أتلفته و تمشى و ده فى حالة لو كانت بنت ناس أما لو كانت بنت ...
فاحتمال تتصل بحد صاحب بابى و لا مامى و ده لو جه إنت هاتتبهدل جدا و مش بعيد تطلع عربيتك هى اللى خرشمت كاوتش عربية سعادتها و ربنا يسترها معاك فى اللى هايحصل بقى بعد كده :twisted:
:lol: 8) :lol:

[Abdallah]

يا ابو عبده مينفعش الاحباط الى بتحبطهولنا دة , الواحد بيتفك هنا بكلمتين يا اخى وبعدين انا فعلا حصل معايا موقف زى دة قبل كدة , بس الغريب انى كنت راكن صف تانى وهيا كانت راكنة بضهرها ومش عارف الظاهر اتهيألها انها ممكن تنط من فوق عربيتى وفعلا ريحت على الباب اليمين الخلفى عندى وللاسف كانت مراتى معايا واضطريت انزل ابهدلها :D

[abo3bdolrahman]

يا عزيزى و لا إحباط و لا حاجة أنا بس خايف على الناس اللى بتصدق إن الشرطة عندنا ممكن تعمل حاجة إنهم يتصدموا .
و ربنا يسترها مع الجميع . :lol: 8) :lol:

[ايهاب]

عينين زرقا وشفايف كريز---؟؟

هاطلب منها توقع علي مكان الخبطة لاني هاخليها للذكري بدون تصليح---واديها الكارت بتاعي علشان لما تحب تخبط العربية تاني
---يااخوانا لازمتة اية الشكل بس :
DR/EHABABDELHAFEEZ

[baher]

أ،ا بقى حصل لي موقف شبيه لده بس البنت ماكنتش للأسف حوريه زي ما أنت بتقؤل بس كانت مزه متوسطه الامكانيات المهم أنا وهيا بقينا صحاب وبنكلم بعض لحد دلوقتي :lol:

[Hazem Salah]

أم العربية
المهم الانسانية

[PAYOO]

أنا أكتشفت إن عندنا في Nile Motors خلابيص كتير جدا في ومن ردود كل خلبوص من دول عرفت أنه خلبوص أكتر من التاني ودي قايمه بخلابيص نايل موتورز

sh_masry
Mo3taz Selim
mr_midoo0
Midzy
911 turbo
ايهاب
Baher
Hazem Salah
Mohsens
وطبعا أنا المفروض أحط أسمي على رأس قائمة الخلابيص

الحقوديين هههههههه (طبعا مش لازم أقول إن أنا بهزر)
Abonora
أبو نورا حس بس إن معتز سليم شاب أمور زي حسين فهمي أو توم كروز راح شايطه ومنفسن عليه

المعتدلين
hazem_khidr

الواقعيين
abo3bdolrahman


أما بقى مستر جنيدي فأنا شايف عن أبتعاده عن مصر خلاه يتخيل إن هنا زي عنده في هولندا
للأسف يا جنيدي باشا هنا مافيش الكلام ده

نيجي بقى للشاب المرعب memo_hefnawy إللي كان بيتكلم بعصبيه شديده جدا خلته يطلع إللي جواه مع انه كان عاوز يثبت لنا حاجه تانيه
حفناوي قال:- إلا طبعا فى حالة قلة الأدب أو التعمد ده لازم يكون فيه رد بالإيد و بقوة كمان
يعني عاوز يفهمنا انه ممكن يضرب واحده ست (طبعا ده مستحيل يبقى هوه كان عاوز يداري على إللي جاي)

حفناوي قال:- بس أنا بطبعى مش هاقل أدبى بس عادة هاديها درس سواقه
وطبعا هوه ماقلناش الدرس عملي وللا نظري؟ (بس أكيد عملي مما يتطلب مقابلات ومواعيد وحصص وخلافه)

وقال:- هاديها درس سواقه و إهمال و تسيب لحد ما تعيط عشان الأشكال دى هى إللى خاربه الطرق و مبهدلين عربياتنا

أنا مش فاهم يعني أيه يديها درس اهمال وتسيب ؟ (طبعا هوه من الغلوشه إللي بيغلوشها على إللي جواه مش عارف يقول أيه

الوحيد إللي شارك وأصطاد الناس كلها هو سنيور Abdallah

وأقدر أقول إن أفضل رد كان لـ"حازم خضر"

[MMamdouh]

لسبب او لاخر مشوفتش الموضوع... عموما انا ليا مبدا... عض قلبى و لا تعض عربيتى... لو هيفاء وهبى خبطت عربيتى حتخانق معاها

MMamdouh

[ابوحميد]

اعتقد ان موضوع تتتصل بالشرطة دا مجرد اوهام
اساسا مش حييجو غير بعد ساعتين على الاقل اما لو حظك حلو وكان فيه عسكرى فى الشارع فبرده مش حيعرف يتصرف و هوا بيبص للقمر اللى خبط عربيتك
احسن حاجة انك تتصرف بنفسك كام بق ناشف لو قلت ادبها او انك عوضك على الله لو كانت مؤدبة