هم يبكى وهم يضحك

[Ahmed Samy]

يا جماعة انا قصدى واضح
ان الشخص ده ماينفعش يجيب فلوسه من حلال
انا مش بتكلم على احمد بهجت
انا بتكلم عن احمد بس احمد تاني
ماينفعش واد من صغار رجال الاعمال يبقى ملياردير في كام سنه من حلال صافى
مش ممكن
كل تقارير الاقتصاد بتقول كدة ده مش كلامي
وبعدين ده اكتر واحد طلع عليه اشاعات في مصر
اكتر واحد اتعمله تهم واستجوابات
اكتر واحد احتكر صناعة من اهم الصناعت الاساسية في مصر
واللي بسبب احتكارها اترفعت اسعار العقارات في مصر 400%

ده اللي بتكلم عنه
لكن انا قبل كدة قولت
طالما الوحد طلع زكاته وصدقاته ليه مايمتعش نفسه
لا ربنا اداله فلوس وعوضها في نقص في حاجات تانية
يبقى لازم امتع نفسي بيه(بالحلال)

مش تقوللي يا كيمو انه حمادة عزو ..........

و سايبنى أقول و ماله يا جماعة و سيبوا الناس تنبسط بفلوسها

تصدق ان الواد ده أنا ما بحبوش لله في لله كده

يعنى شكله بينرفزني

ان شاء الله وهو بيفتح الدولاب ..اللمبة هاتضرب في وشه و السيستم يهيس يقفل عليه الدولاب و يفتح التكييف على الأخر (ساقع) و هو لسه ما يكونش لبس هدومه لسه

[Samah AbdAllah]

مش فى حاجة اسمها من اين لك هذا ولا ده سؤال بيتسأل لناس ناس
يعنى للحرامية تحت حد معين اللى فوقه مانسالهومش

[Ahmed Samy]

يا دكتور أحمد أعذرنى إذ لم أفهم ما دلالة هذه القصة على أن بعض الصحابة كان ينفق ببذخ على متعته.

ظاهر العبارة محل التساؤل "صحابة ينفقون ببذخ على متعتهم" يشير إلى رجال ينفقون أموالهم على ما قد يراه غيرهم سفاسف الأمور ولكنه يحقق لهم متعة مادية ما. ومن الصعب على قارىء هذه العبارة أن يفهمها على أنهم رجال ينفقون أموالهم فيما يظنونه مرضاة لربهم بحيث تتحقق لهم متعة روحية.

أعتقد فيه فرق بين من يتخلى عن أحب أمواله إليه طمعا فى ما هو خير منه فى الدار الآخرة، وبين من يتمتع بماله الحلال بإنفاقه على ما تشتهيه نفسه من متاع الدنيا، وعلشان قصدى يكون واضح أنا لا أناقش موقف هذا الرجل الثانى لإنى لا أصدر أحكام على أحد وليس لى أن أتدخل فى كيفية إنفاق أى شخص لماله.
إنما فقط لم أستسغ أن يتم الدفاع عن فكرة ما بمحاولة تفسير موقف بعض الصحابة بحيث يبدو مساندا لهذه الفكرة.

أرجو أن أكون قد أوضحت.

ولك منى بالغ الاحترام

اقنعتني جدا

و أجد أنني قد خانني التعبير في سرد هذا المثال للتشبيه بين الحال هنا و هنا

تقبل كل احترامي

[نور العمر]

مش تقوللي يا كيمو انه حمادة عزو ..........

و سايبنى أقول و ماله يا جماعة و سيبوا الناس تنبسط بفلوسها

تصدق ان الواد ده أنا ما بحبوش لله في لله كده

يعنى شكله بينرفزني

ان شاء الله وهو بيفتح الدولاب ..اللمبة هاتضرب في وشه و السيستم يهيس يقفل عليه الدولاب و يفتح التكييف على الأخر (ساقع) و هو لسه ما يكونش لبس هدومه لسه

هههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههه
:k49:

[memohamada]

مع الاسف انا من البلد إلى اسمة اية دة طبق فوق نفسها ودخل بيها مجلس الشعب , اياميها انا كنت فى ابتدائى لما رشح نفسة اول مرة ولحد دلوقتى مسبهاش و مش هيسبها

و كنا بنهتفلة فى المدرسة بأحمد ..... حرامى الوز عيال بقى محدش بياخد على كلامنا

انا فاكر كويس كان عامل دعايا لنفسة على انة من الاشراف , قال اية الشريف احمد ..... اكيد دفع كام الف و اشترى اللقب هو هيغلب يعنى

[نور العمر]

على فكرة
موضوع الأشراف ده بقا الحاجة الوحيدة
إللي محدش يقدر يشتريها ... والله لو عمل إيه
هو ممكن يكون ادعى بغير الحقيقة
والناس صدقت من غير ما تطلب دليل
دي قصة وشجرة عيلة وسجل في النقابة وموضوع كبير

[Dr Zezo]

يعني ايه ابقي عايش في بلد تقريبا نصف اهله عند خط الفقر او تحته وبعدين تقولي مدام فلوسي حلال و دفعت صدقتي و زكاتي اعمل اللي انا عايزه حتي لو حبيت اني اشتري اباجورة ب مليون جنيه !!!!!!

دا منتهي الاستفزاز و الانانية

امال الناس زي بيل جيتس و امثاله من الاغنياء لما بيتبرعوا بنصف ثراوتهم دول يبقوا ايه اغبياء!!!

[lancerevolution]

يا ريت بردوا ما ننساش الأية الى بتقول" و أما بنعمة ربك فحدث"
إتمتع بكل المتع الى ربنا مديهالك بشرط ما تعصيش ربنا بالحاجة دى و إلا كدا تتحول لكبر و تكبر و ساعتها يبقى كدا كفاية عليك الدنيا

[Ahmed Samy]

يا ريت بردوا ما ننساش الأية الى بتقول" و أما بنعمة ربك فحدث"
إتمتع بكل المتع الى ربنا مديهالك بشرط ما تعصيش ربنا بالحاجة دى و إلا كدا تتحول لكبر و تكبر و ساعتها يبقى كدا كفاية عليك الدنيا

لا يقول نحن ضعفاء ، وليس عندنا شيء . . لا . بل يشكر الله ويتحدث بنعمه ، ويقر بالخير الذي أعطاه الله ، لا يتحدث بالتقتير كأن يقول : ليس عندنا مال ولا لباس . . ولا كذا ولا كذا لكن يتحدث بنعم الله ، ويشكر ربه عز وجل . والله سبحانه إذا أنعم على عبده نعمة يحب أن يرى أثرها عليه في ملابسه وفي أكله وفي شربه ، فلا يكون في مظهر الفقراء ، والله قد أعطاه المال ووسع عليه ، لا تكون ملابسه ولا مآكله كالفقراء ، بل يظهر نعم الله في مأكله ومشربه وملبسه . ولكن لا يفهم من هذا الزيادة التي فيها الغلو ، وفيها الإسراف والتبذير .

المصدر :
مجموع فتاوى ومقالات متنوعة الجزء الرابع - لابن باز رحمه الله وغفر له

[نور القمر]

مش فى حاجة اسمها من اين لك هذا ولا ده سؤال بيتسأل لناس ناس
يعنى للحرامية تحت حد معين اللى فوقه مانسالهومش

من اين لك هذا ده لفئتين بس من الحرامية
الفئة الاولي وهي الفئة اللي ملهاش ضهر
الفئة التانية هي الفئة المغضوب عليها

[SeiffoZ]

بس إللي شاغلني ... لما حساسات البيت بالشكل ده وسيستم بمليون جنيه ... سيستم العربية عنده بكاااااااااااااااااااااااام؟؟؟؟؟

أكيد مركب فى الشاهين بتاعتو سيستم غالى قوى و مظبتها!

[M.Elhamy]

أنا نفسي في بسين من غير نور

[pro_samir]

يعني مثلا في مولات دبي الكبيرة عاملين حنفيات المية اللي اول ما تحط ايدك تحتها تنزل ميه ولما تشيل ايدك تقفل عشان ترشيد استخدام المية

عاملين قاعدة التواليت اللي بتنزل ميه لوحدها لما تقوم من عليها منعا لانتشار الامراض من الناس اللي مش نضيفة

فكرة الحنفية اللى بتفتح لوحدها عندى من زمان جدا وانا صغير بس منفذتهاش طبعا وكان عندى فضول اعرف موجودة ولا اية

لكن موضوع التواليت دة اللى جديد هههههه

اوتو فشش فشاش :k49:

[Ahmed Samy]

فكرة الحنفية اللى بتفتح لوحدها عندى من زمان جدا وانا صغير بس منفذتهاش طبعا وكان عندى فضول اعرف موجودة ولا اية

لكن موضوع التواليت دة اللى جديد هههههه

اوتو فشش فشاش :k49:

احنا كان عندنا في البيت زمان و انا عيل صغير برضه حنفية بتفتح لوحدها

...و جبنا عمو يشوفها و قاللنا ان العيب مش في السيستم ...طلعت عايزة جلدة

[pro_samir]

احنا كان عندنا في البيت زمان و انا عيل صغير برضه حنفية بتفتح لوحدها

...و جبنا عمو يشوفها و قاللنا ان العيب مش في السيستم ...طلعت عايزة جلدة

هههه
عمار يا دبى ، مركبين حنفيات من غير جلدة وبيشتغلو الناس