Goooooood Observer

[Dr_Ahmed_Abdelghany]

توقفت عن كتابة مذكراتى وملاحظاتى الحياتية منذ سنين طويلة ، ومن حينها تزدحم الأفكار والملاحظات فى رأسى حتى أكاد أكلم نفسى ، فوجدت أنه ربما يشاركنى بعضكم الرغبة فى تسجيل ملاحظاته وأفكاره وآهاته هنا فى هذا الموضوع بدلا من كبت هذه الأفكار أو كتابتها فى مواضيع متفرقة...

أنت حر أكتب ما رأيته وما تفكر فيه ودعنا نشترك فى مناقشة ملاحظتك لأنك بالتأكيد ملاحظ جيد... good observer

[Dr_Ahmed_Abdelghany]

أكتب هنا ملاحظتى اليوم 6-5-2009

عن البنات والموبايل
هل تحولت البنات الصغيرات فجأة إلى سيدات أعمال؟
هل أصبح لبنات إعدادى وثانوى أسهم فى البورصة يتابعنها طوال اليوم بالمحمول؟
هل أصبحن طبيبات للطوارئ؟
إذا كانت الإجابة ب "لا" فلماذا أرى 90% من بنات الاعدادى والثانوى والأكبر قليلا ممسكات بالهواتف المحمولة على آذانهن أثناء سيرهن بالشوارع ولمسافات طويلة رايح جاى؟
هل لا تصبر "صديقتها" حتى عودتها المنزل أو مقابلتها؟
أم أن هؤلاء لا يمسكن هذا التليفون فى المنزل أصلا وينتهزن فرصة وجودهن بالخارج للتحدث؟
هل أحسن الظن أم أيقن بالشك أنهم يتكلمون مع "الجو"؟؟؟؟؟

ليتنا نحافظ على بناتنا ونحترس من المحمول ومصائبه.

[m7nsh]

للأسف يا دكتور اعتقد انها الأجابه الأخيره :(

ملاحظاتى ع اليومين دول ,, جو متقلب بطريقه غريبه لحد ما لبست فى دور برد ابن ناس اهو,, ربنا يستر عشان الأمتحانات خلاص

شكرا يا دكتور ع الموضوع :)

[SHNORY]

اولا وحشتني يا دكتور وملحقتش اشبع منك يوم ما اتقابلنا
واتمني اني اشوفك قريبا باذن الله

خواطر 6-5-2009
الموضه
ايه هي الموضه
اني البس اللي يليق عليا ويكون شكله حلو ولا اني البس اللي الناس لابساه
امشي في الشارع الاقي لون بنفسجي او اخضر او احمر علي حسب الموضه في وقتها بكل درجاته واشكاله تنزل بعينك تحت تلاقي يا جيبه او بنطلون ابيض يا جينز ازرق
تقرب تكتشف انها بنت
الاف مؤلفه من البنات بنفس اللون مع اختلاف الموديل
سواء موديل الحشو لو موديل الهدوم
و90% منهم مش لايق عليهم الموضه دي
تبدا تتخنق
تحس انهم 10 بنات بيلفوا حواليك وهما هما منتشرين في كل حته
تبقي تلاقي واحده ممشوقه والشعر سايح
تقرب علشان تشوف وشها تلاقيه ولد
يا ساتر وعامل في روحه كده ليه
اصلها الموضه في امريكا
طيب يبني والبنطلون واقع ليه وفيه الكائن المنقرض اللي اسمه حزام
يقولك هي الموضه كده
هي فعلا الموضه كده بس في السجون في امريكا
لانهم بيعتبروا ان توكه الحزام اله حاده ومانعينها علشان محدش يعور التاني
احنا نروح نجيب بنطلون مقطع زي ما يكون كلب عنده صرع طلع عليه فرتكه ونقول دي موضه
وندفع فيه اضعاف تمن البنطلون الرجالي السليم
وشاب صابغ شعره
وواحد تاني صابغ سوالفه وعاملها ازرق اصلها موضه
والي مربي شعره زي راس العبد وراس العبد دي مكنسه منكوشه بايد طويله كانت جدتي بتشيل بيها خيوط العنكبوت من علي السقف العالي زمان
ويقولك اصلها موضه في ايطاليا
والام منقبه وبنتها ماشيه قدامها مشاء الله منوره من كتر الترتر اللي علي البادي وفرحانه بيها علشان علي الموضه
فايه هو تعريف الموضه
تعبت وحاولت افسرها بكل طريقه
لحد ما عرفت اني احب ابقي دقه قديمه
والبس البنطلون اللي مش علي الموضه
وعليه حزام علشان اثبت ان الحزمه منقرضتش
وكفايه كده علشان قله النوم ماثره عليا
ولو كملت حتطرد من المنتدي
فاصل ونواصل

[Samah AbdAllah]

ملاحظاتى عن الجو العام ان الناس على طول معترضة ومحدش عاجبه حاجة وطول ماانت ماشى فى الشارع تلاقى ناس بتكلم نفسها وبتشتم مين وليه ماتعرفش
بس حالة غضب واعتراض عامة
وفى المقابل تلاقى شباب صغير ماشى مش شايل هم حاجة صوت عالى ضحك بطريقة مستفزة ولا فارق معاهم مذاكرة ولا امتحانات ولا نجاح ولا مستقبل ولا شايلين هم حاجة خصوصا الصغيرين اللىفى ثانوية عندهم حالة لامبالاة
واحنا ماشيين نتفرج على دول ودول

[mohmd76]

عن البنات والموبايل
هل تحولت البنات الصغيرات فجأة إلى سيدات أعمال؟
هل أصبح لبنات إعدادى وثانوى أسهم فى البورصة يتابعنها طوال اليوم بالمحمول؟
هل أصبحن طبيبات للطوارئ؟
إذا كانت الإجابة ب "لا" فلماذا أرى 90% من بنات الاعدادى والثانوى والأكبر قليلا ممسكات بالهواتف المحمولة على آذانهن أثناء سيرهن بالشوارع ولمسافات طويلة رايح جاى؟
هل لا تصبر "صديقتها" حتى عودتها المنزل أو مقابلتها؟
أم أن هؤلاء لا يمسكن هذا التليفون فى المنزل أصلا وينتهزن فرصة وجودهن بالخارج للتحدث؟
هل أحسن الظن أم أيقن بالشك أنهم يتكلمون مع "الجو"؟؟؟؟؟

----------------
موبايل فقط
الان سيدى الفاضل لاب توب كمان شىء كثير جدا مستفز كما ان الموبيل ابل (اى فون )

[نور العمر]

ملاحظة ... غياب القدوة
............ غياب القيم والمبادئ
............ غياب الإيمان الحقيقي

[Dr_Ahmed_Abdelghany]

اولا وحشتني يا دكتور وملحقتش اشبع منك يوم ما اتقابلنا
واتمني اني اشوفك قريبا باذن الله

خواطر 6-5-2009
الموضه
ايه هي الموضه

صديقى العزيز
سعيد جدا جدا جدا بالتواصل معك من جديد

الموضة؟؟؟؟؟؟؟؟؟؟؟؟؟؟؟؟
مبلااااااااااش

الحقيقة اللى تاعبنى فى الموضة مش اللون خالص
اللون مش مهم
فكرة الموضة هى الكارثة
بالذات موضات البنات..........
الموضات الحالية بتتلخص فى: الضيق والمجسم تمااااااما وبلون الجلد وللمحجباااااااااااااااااااااااات والبيبى دول و و و حاجات كتير مش عارف إسمها (أحسن)

يااخوانى أرجوكم اللى ليه بنات أوأخوات ينصحهم بالنصيحة دى:
ثبت عن النبي صلى الله عليه وسلم أنه قال : " صنفان من أهل النار لم أرهما بعد : رجال معهم سياط كأذناب البقر يضربون بها الناس ، ونساء كاسيات عاريات مائلات مميلات على رؤوسهن كأسنمة البخت المائلة ، لا يدخلن الجنة ولا يجد ريحها ، وإن ريحها ليوجد من مسيرة كذا وكذا "
رواه أحمد ومسلم في الصحيح

بالذمة مش الحديث ينطبق تماما على الأشكال اللى ماشية فى الشارع دى؟
محجبات (وهن غير محجبات) وغير محجبات
إختفى لقب "محتشمة" من العرض
هل فكرت إحداهن عن كم الذنوب التى تعود بها من كل نظرة من رجل على ما يجب أن يستر؟ كام ذنب؟؟؟ ألف ؟ ألفين؟ مليون؟ كل ساعة؟ كل يوم؟ طب وفى الشهر وفى السنة ........ وفى العمر؟ جبال ذنوب؟
هل فكرت فيم يفكر هذا الشاب الذى يتأمل ما تصفه هذه الموضة بكل وضوح؟؟؟؟؟؟
طب وأخوها وأبوها و و و و و .....مين يرضى كده مين؟

يارب إهدينا وشبابنا وبناتنا ومعذرة للصراحة...الموضوع دا بالذات زايد جدا عن حده وبيهدد الأخلاق فى مقتل.

[Dr_Ahmed_Abdelghany]

كاارفور

شاهدت يوم الجمعة أحد إعلانات عروض كارفور "المميزة"
ذهبت الخميس التالى لشراء كاميرا كوداك وشاشة إل سى دى من العرض

إشتريت كوداك ب 666 ج والشاشة ب 799 جنيه

الكاميرا جربتها فى المنزل : سيئة جدا صورة وفيديو ... لا تصلح ... لعبة
رجعت فى نفس الليلة لهم وأبدلتها ب كاميرا أوليمبس ودفعت 350 ج فرق!

الظريف:
تانى يوم سألت قدرا عن سعر الشاشة فى بنها... وجدته 670 ج فقط!!!!! والعرض ب 799!!!!!!!!!!!!!!!!

ودلوقت الكاميرا الجديدة رغم جودة صورها إلا إنها حريقة وتستهلك أقوى البطاريات المشحونة فى وقت قصير جدا

أنا اتنصب عليا لكنى استفدت قاعدةجديدة:
حتى مع أقوى "العروض": إسأل عن الأسعار فى أكثر من مكان قبل الشراء

[Sameh]

المعاملة مع الناس فى الشارع علمتنى إنك لازم تشك ، دايماً إفترض سوء النية قبل حسن النية ! للأسف أنا ياما إتضحك عليا فى معاملات ، مش بيع وشرا إنما وعود وإتفاقات لأنى كنتى بدى الأمان لأى حد
النهاردة لما إبتديت أشك بإراداتى لقيت إنى (للأسف) نجحت إنى ماينضحكش عليا من حد ، وكأن سوء الخصال أصبح ميزة فى الزمن ده

[M_55]

السواقة
تعبت خلاص من السواقة ، من التاكسي اللي بيقف في اي حتة
من الميكروباص الذي يقوده احد المجانين
من المطبات والحفر والنقر والبالوعات
من قلة الذوق والاخلاق والادب

وعلي المستوي الاجتماعي

من خوفي علي بنتي وسلوكها المكتسب في المدرسة
من اصحابها اللي مفاهيهم كلها غلط
من البنطلونات الساقطة ، والبدي الستومك
من فتنة الاعلانات والكليبات

وعلي مستوي الشغل

من والاسفنة والنفسنة
من الكسل وتكبير الجي وترويق الدي

خـــــــــــــــــــــــــــــــــــــــــــلاص كفاية

[wesam_salom]

خواطر

11-5-2009

ياترى الدنيا رايحه فين

كل يوم الحلقه بتضيق اكتر

اطفال صغيره بتضحك لينا وبنضحك عليها بكيس شيبسى

يا ترى بكره هيضحكوا فى وشنا ولا هيتهمونا بجريمه انجابهم فى هذا الزمن

البنت هتلبس زى امها ولا هترفض زى ما اهلنا رفضوا لبس الطرابيش

الولد هيحافظ على الادب ولا هيتخمنا بالتخلف لو قلنا عيب

هيحبوا البلد ولا هيلعنونا علشان مهربناش منها فى وقت ممكن فيه الهروب

رايحه فين الدنيا ولا هى قاعده واحنا اللى رايحين

[مؤمنة]

ملاحظاتى ان قليل قوى من البنات ال عندهم حياء وادب بحس ان بقيت كل حاجه عادى عندهم انها تكلم ده وتمشى مع ده ومخطوبه لده وبتسلى مع ده مش عارفه هو فى ايه

[Dr_Ahmed_Abdelghany]

14-5

كنت أشترى بعض الأدوية من صيدلية وسمعت الحوار التالى:
شخص ومعه مريض يستشير ال"دكتور" الصيدلى:
الراجل ده عنده ...... فى عينه وكشفنا عند فلان وعلان وفلان قال الراجل يلزمه عملية .. وإحنا جايين ناخد رأيك يلزمه عملية وللا لأ !!!!!

--------
الصيدلى فى مصر أصبح الفيصل فى تحديد عملية فى العين من عدمها
آدى ثقافة المصريين

[lancerevolution]

ملاحظة مهمة جدا
مينفعش المرتبات تزيد للموظف المصرى
لأن طول لما المصرى جعان المصرى هيشتغل و كل لما يجوع أكتر يشتغل أكتر
أى حد معاه فلوس أو ورث فلوس أو أراضى بيفضل قعدة البيت و إنتظار عائد البنك من الفلوس دى أو ريع الارض