لا تقاس الحياة بنبض القلوب

[Samah AbdAllah]

لا تقاس الطيبة ببشاشة الوجه

فهناك قلوب تصطنع البياض

فهناك من يجيد تصنع الطيبة

ويخبئ بين زواياه خبثاً وريبة

لا يقاس الجمال بالمظهر

ومن الخطأ الاعتماد عليه فقط

فقد يكون خلف جمال المظهر قبح جوهر

لا تقاس حلاوة الإنسان بحلاوة اللسان

فكم من كلمات لطاف حسان

يكمن بين حروفها سم ثعبان

فنحن في زمن اختلط الحابل بالنابل

في زمن صرنا نخاف الصدق

ونصعد على أكتاف الكذب

لا يقاس الحنان بالأحضان

هناك من يضمك بين أحضانه

ويطعنك من الخلف بخنجر الخيانة

والفرق شاسع و مدفون بين المُعلن والمكنون

لا تقاس السعادة بكثرة الضحك

هناك من يلبس قناع الابتسامة

وتحت القناع حزن دفين وغصات ألم وأنين

لا تقاس الحياة بنبض القلوب

فهناك من قلبه تعفن داخل أضلعه

وهناك من مات ضميره وودعه

وعلى الضفة الأخرى آخر كتمت أنفاسه

وثالث قتل إحساسه مقبرته

في عينيه شاهد حزن عليه

لا يقاس البياض بالنقاء ولا السواد بالخبث

فالكفن أبيض والكحل لونه أسود

وبينهما يسكن الفرق

لا تقاس العقول بالأعمار

فكم من صغير عقله بارع

وكم من كبير عقله خاوي فارغ

لا تقيسوا محبتكم بحجم حروفي
فما يحمله قلبي يعجز عن نثره قلمي

وما يسكبه مداد حبري

قليل من كثير في دمي يجري

منقول

[mohmd76]

كانت اسرار ومدفونه الان كشفتيها للجميع



لا تقاس العقول بالأعمار


فكم من صغير عقله بارع


وكم من كبير عقله خاوي فارغ

[Samah AbdAllah]

كانت اسرار ومدفونه الان كشفتيها للجميع



لا تقاس العقول بالأعمار


فكم من صغير عقله بارع


وكم من كبير عقله خاوي فارغ

تفتكر فى زماننا هذا لازال هناك اسرار؟؟؟؟؟؟؟

[mohmd76]

اقصد اسرار النفس البشرية من جميع الاوجه التى تكلمتى فيها


هناك من يضمك بين أحضانه


ويطعنك من الخلف بخنجر الخيانة


والفرق شاسع و مدفون بين المُعلن والمكنون

[نور العمر]

عارفين
انا عشت تسع سنين صداقة لا توصف يوميا اتصالات وكل يومين على الأكثر مقابلة مع واحدة كانت صديقتي الصدوقة ... وانتهت العلاقة ... بصفعة على وجهي من شدة ذهولي في حقيقتها...
وباعتراف منها هي شخصيا بعد حاجات كتيير واجهتها بيها
انتهت العلاقة فورا ... بعد ما اكتشفت غيرة وحقد دفين تجاهي ورغبة منها في إتعاسي .. وأن تأخذ مكاني في كل شيء ولو في قلوب الغير ... ده غير الاستغلال المادي ... سابت جرح كبير ... سابت انعدام ثقة في الناس ... قابلت وصاحبت واتصاحبت ... بس قررت يوم ما تبان حقيقة حد قدامي... مش حنهار تاني ولا حنظر ورايا....
لا تقاس الناس بالكلام الحلو .. ولا بالإثناء عليك .. ولا بالابتسامة في وجهك .. ولا بأي حاجة .... بتقاس بالعشرة والزمن إللي بيوضح الحقائق

[Samah AbdAllah]

عشان كده يانور الصداقة الحقيقية بقت نادرة ولما بنلاقيها بنتمسك بيها المهم نلاقيها

[نور العمر]

ربنا بيعوض يا بسكوتة وفعلا لاقيت صديقة لا تعوض ربنا يخاليهالي
... ومش واحدة بس كتيير حوالية متمسكين بيا ومصرين يصادقوني
واخدين فيا مقلب إظاهر وفاكرني طيبة ههههههههههههههههه
أجمل حاجة يا بسكوتة حب الناس ... بتحتاجيه قوي ... خصوصا لما بتحسي انك لوحدك ... ربنا يديم المحبة ويبعد عنا النفاق .. لإنه اسوأ شئ في الدنيا ...

[Samah AbdAllah]

ده كلام يانور
انا كمان حبيتك من غير ما اعرفك بصورة شخصية بس من كلامك واسلوبك انتى والسفنتينا اللى مدوخاكى دي ربنا معاكى

[محمد فريد]

يا بنتى مفيش حاجة اسمها أصحاب
انسى الكلام ده
صحبى ذراعى وعمى قرشى (ده بالنسبة للرجالة)

[zyadahmed]

زى ما فى حب عذرى ........ وحب لغرضا ما
برضو فى صداقة عذرية ..... وصداقة لهدفا ما
وزى ما الحب العذرى انتهى من عدة قرون ........
برضوا الصداقة العذرية انتهت من عدة عقود

وعلى راى الشاعر الشعبى اياه ( صاحبت صاحب يا خسارة طلع كداب ........ ولما هرشته كرشتوا رديت فى وشه الباب )

[Fadi Ezzat]

شكرا ليكى يابسكوتا
الموضوع دة كان ناقص حاجة واحدة
انك انتى الى تبقى كاتباة
ياة كنت هحسبك استاذة فى علم النفس

[نور العمر]

زى ما فى حب عذرى ........ وحب لغرضا ما
برضو فى صداقة عذرية ..... وصداقة لهدفا ما
وزى ما الحب العذرى انتهى من عدة قرون ........
برضوا الصداقة العذرية انتهت من عدة عقود

وعلى راى الشاعر الشعبى اياه ( صاحبت صاحب يا خسارة طلع كداب ........ ولما هرشته كرشتوا رديت فى وشه الباب )

نفسي أقولك ... عندك حق
بس ... ما تيجي نتوهم إن لسة الدنيا بخير
والحرص واجب ماقولناش حاجة

ربنا يطيب النفوس

[zyadahmed]

انا عن نفسى وعن تجربة عميقة نسيت مصطلح الصداقة ( اللى بدون غرض ) لانها انتهت
لكن ربنا عوضنى بحاجة اهم وهى الاخوة فى الله وهى ايضا ( بدون غرض ) اللهم الا رضا الله