اسكندرية العجوز المنسية

[zyadahmed]

مدينة اسكندرية بنيت من 2300 سنة ولم تتطور تخطيطيا من 1300 سنة مع ان مساحتها زادت 300 مرة وسكانها زادو 30 مرة
يا اللى بتخططوا البلدنا خططونا .... ياللى بتهندسوا الطرق هندسونا ....والله احنا مصريين ومحتاجنكم افتكرونا ..... ولو مش قادرين ارحمونا وفارقونا ..... عشان بجد جننتونا ....
وحسبى الله ونعم الوكيل

[AshTurbo]

هو منه لله اللي عليه القصد والنية اللي خربها وقعد على تلها أنا شايف أننا لازم نتجمع على كلمة واحدة ضد المحافظ الحالي على الجرائم اللي بيعملها في أسكندرية هو وأي مسئول يسيئ أستخدام سلطته في تدمير أسكندريتنا الحبيبة لازم أحنا نعمل لوبي نضغط بيه على الناس اللي فوق علشان يغيروا المحافظ دة لازم يا جماعة ناقصنا أيه فلوس ؟ معانا كثير هل تنقصنا الخبرة ؟ عندنا خبرات في كل المجالات من أبناء المحافظة ومن الأبرة للصاروخ هل تنقصنا الثقافة ؟ أحنا عاصمة الثقافة عاوزين تكنولوجيا ؟ عندنا تكنولوجيا أفهم ناقصنا أية عشان نقول كلمتنا بطريقة حضارية وسلمية ونوصلها لأعلى قيادات في البلد .

- أسكندرية العاصمة الثانية لجمهورية مصر وكانت العاصمة الرئيسية لمصر قديماً وهي أكبر مدينة بعد العاصمة القاهرة وفيها أكبر ميناء في مصر .

- أسكندرية يمثل الإنتاج الصناعى فيها 30% من جملة الإنتاج الصناعى فى جمهورية مصر العربية.

- أسكندرية ميناء رئيسى ومركز تجارى هام حيث يمر عبر مينائها حوالى 80% من تجارة مصر الخارجية.

- أسكندرية هي عاصمة الثقافة الإسلامية للمنطقة العربية لعام 2008م .

- أسكندرية يمكن عن طريق أستثمار آثارها أن تصبح أكبر متحف آثار عالمي تحت الماء وفوق الماء لأنها مدينة بنيت على أنقاض 6 مدن أخرى بعضها مازال كاملا تحت الأرض تجد تحت الميناء الشرقي مدينة كاملة تضم الكثير من الآثار الغارقة. الإسكندرية التي بناها الفنان المبدع ''الحلواني'' المهندس دينوقراطيس وضع لها تخطيطا أشبه بقطعة الشطرنج عبارة عن شارعين رئيسيين متقاطعين بزاوية قائمة تحيط بهما شوارع أخرى فرعية تتوازى مع كل من الشارعين، عمرها يزيد على 2300 سنة كانت مركزا للعلم والمعرفة على مدار 300 عام ق.م. احتلت مكانة مرموقة ترمز إليها منارة فاروس إحدى عجائب الدنيا السبع التي اندثرت في أعماق البحر منذ 600 عام، والتي أقيمت في الطرف الجنوبي الشرقي لجزيرة فاروس لإرشاد السفن في عهد الملك بطليموس الأول والتي يروي ان مرآتها كانت تحرق الأعداء عند اقتراب سفنهم من الإسكندرية، حيث كان أهلها يوجهون المرآة نحو السفن فتنعكس أشعة الشمس عليها وتحرقها على الفور ولو قعدنا نعد مش هنكفي حقوق أسكندرية .لازم نلحق أسكندرية قبل فوات الأوان .

[zyadahmed]

تخيلوا لسه فى مناطق فى وسط اسكندرية لسه ما دخلهاش الاسفلت زى الحضرة الجديدة اللى اتخططت بعشوائية القرون الوسطى تحت سمع وبصر مهندسى حى شرق ووسط واللى الشارع فيها لا يزيد عن 4 امتار او 5 ومعظم الشوارع اما ملتفة زى الثعبان او لو كانت مستقيمة بتكون شوارع سد

[zyadahmed]

فى اسكندرية يجرى الان تركيب الغاز الطبيعى
لحد كده الكلام طبيعى
بس اللى حاصل من تكسير للاسفلت والعربيات هو اللى مش طبيعى