بخصوص الهندسة الخاصة

[Fadi Ezzat]

انا يشباب المنتدى كنت عايز اعرف
الهندسة الخاصة بتاخد من كام مجموع
لانى بجد خايف اوى انى ماجبش مجموعها
فياريت تعرفولى اى كلية هندسة خاصة بتاخد من كام مجموع وبالذات هندسة 6 اكتوبر
انا جبت السنة الى فاتت 81 فى المية وكنت مظلوم كتير اوى اوى اوى
والسنة دى باين كدة 60 فى المية لانى فقدت الامل ومذاكرتش من اول السنة
يعنى المجموع 70 فى المية على حسب توقعات مش مظبوطة
فهل دة يدخلنى كلية هندسة
خاصة ياريت الرد عليا لانى تعبان بجد

[NaviGator_13]

كل معهد خاص او جامعة بيبقى ليها مجموع او تنسيق يختلف عن الاخرى

[lancerevolution]

شد حيلك كله بالحنية بيفك بس أنت قطع نفسك دلوقتى و إن شاء الله ربنا هيكرمك

[Fadi Ezzat]

طيب مانتو ماقلتوش بردة بتاخد من مجموع كام ياوحوش

[Dr_Mido]

بص نظريا الكليات العمليه على مااتذكر ممكن 75% او %80


و النظرى بحد ادنى 65%

و غاالبا الحجز فى الكليات العمليه بيخلص فى خلال يوم او انين بالكتير

و غالبا بياخدو اعلى شريحه مجاميع متقدمه فحاول تشد حيلك

[nabil246]

عن المعاهد والكليات

[بخصوص المعاهد:
يوجد حوالى 10 معاهد تعطى بكالوريوس هندسة، اعلى مجموع يكون لمعهدين مشهورين هما (الشروق) بمدينة الشروق وكان 83% العام الماضى وفى الأعوام السابقة اعلى من 90%.
والمعهد التانى هو (العاشر) واخد العام الماضى اقل من 80%.
باقى المعاهد تحتاج مجاميع اقل بكتير وبعضها يقبل 50% ، لكن باقى المعاهد هذه لا يوجد بكل منها كل التخصصات.
معظم المعاهد معترف يها بنقابة المهندسين ، وبعضها يوجد بها اقسام معترف بها واقسام اخرى غير معترف بها.
يوجد ب 6 اكتوبر 3 معاهد منهم 2 معهد قديم.

بخصوص الكليات:
رسميا تبدأ تاخد من مجموع يقوم بتحديده المجلس الأعلى للجامعات كل عام ويكون غالبا 75%
فعليا تمتلىء الأماكن بأعلى مجاميع تقدمت إليها ، والسنة الماضية وضعت بعض كليات الهندسة لنفسها حد ادنى للمجموع ...80 او 90% مثلا، وذلك لأن العام الماضى كان الإقبال كبيرا بسبب ضعف المجاميع.

الدراسة فى بعض الجامعات عاوزة مذاكرة متواصلة ، وبعض الجامعات اقل صعوبة

لو مجموعك 65% مثلا غالبا ستجد مكان فى معهد يعطى بكالوريوس هندسة ، لكن كلما إرتفع المجموع كلما زادت فرصتك فى مكان افضل.

[amrico]

يارب تجيب مجموع كويس

[PoweRPassioN]

بص انا هقولك على حاجه
""لا تعبر جسرا قبل ان تأتيه""
يعني ركز بس في المذاكره دلوقتي علشان تحصل على اعلى مجموع ممكن وربنا يكرم بعد النتيجه ويديك اكتر من مجهودك كمان

بالتوفيق

[Fadi Ezzat]

انا اساسا يئست من التعليم الزبالى بتعانا دول بيقعدو الطالب مش بيدرسو لية
بجد
طيب بالنسبة لمستر نبيل انت بتقول
ان الكيات بتاخد بحد ادنى 75 ممكن تاخد اقل لو دفعت فلوس اكتر ولا اية نظامها

[Terrible_DaRsH]

عليك و على ال FUE ...

جامعة نظيفة جدا و مفيش بعد كده . و نظام دراسة زى الفل :)

بس هيختبروك اختبار English الاول و يشوفوا مستواك فى اللغة و خلاص .

و سمعت ان السنة اللى فاتت الطلاب الجدد اخدوا لاب توب هدية قبل ال ويلكم بارتى ...

شوف و ربنا معاك .

[Fadi Ezzat]

عليك و على ال FUE ...

جامعة نظيفة جدا و مفيش بعد كده . و نظام دراسة زى الفل :)

بس هيختبروك اختبار English الاول و يشوفوا مستواك فى اللغة و خلاص .

و سمعت ان السنة اللى فاتت الطلاب الجدد اخدوا لاب توب هدية قبل ال ويلكم بارتى ...

شوف و ربنا معاك .

طيب بتاخد من مجموع كام

[Terrible_DaRsH]

طيب بتاخد من مجموع كام

بص هى درجات ..

يعنى ممكن تكون انت درجة A او B او C ... كده يعنى .

و مصاريف هندسة فيها 22000 LE ..

بس النظام فيها مفيهوش هزار نهائي او استهتار .

[Fadi Ezzat]

بص هى درجات ..

يعنى ممكن تكون انت درجة A او B او C ... كده يعنى .

و مصاريف هندسة فيها 22000 LE ..

بس النظام فيها مفيهوش هزار نهائي او استهتار .

طيب حضرتك ماتعرفش معلومات عن جامعة 6 اكتوبر الخاصة او
او جامعة اكادمى دى

[Terrible_DaRsH]

هسالك عنها ان شاء الله .

بس الجامعة دى سُمعتها وحشة اوووى ...

[evoo90]

انا اسمع ان المعاهد فلوس وبس ؟؟؟