الصين اول مرة

[Abohmaid]

يا جماعه انا ان شاء الله مسشافر الصين (بكين) ومش عارف ليه حاسس كأنى مسافر أدغال افريقيا ومش عارف هاتصرف هناك ازاى ياريت ياجماعة لو حد له تجربة فى السف للبلد دى يدينى خبرتة
ناس كتير قالولى ماتمشيش باليل فى الشارع وماتخدش فلوس كتير معاك وحاجات كدة تخللى الواحد يتلخبط ويحس انة مسافر لعصابات المافيا
ساعدونى يااهل الخبرة وحسنة قليلة تمنع بلاوى كتيرة....انا اتجننت

[Sameh]

أنا ماروحتش الصين ، هو السؤال إنت سافرت قبل كدة ولا لأ ؟ لو سافرت يبقا خلاص قلقان من إيه ؟
صحابى راحوا الصين ، النصيحة اللى استشفيتها منهم هى إنك فى البيع والشرا تفاصل على قد ما تقدر أكتر من العتبة والموسكى ! وتنزل الحاجة ل 50% لأن المنتجات كتير جداً والمنافسة نار والقرش صياد هناك وإنت طبعاً بالنسبة لهم خواجة وفلوسك كتير ، أما بخصوص الأكل والشرب فده كارثة طبعاً فى الصين ولا يقارن بالمطاعم الصينى اللى بتشوفها هنا ، هناك هتلاقى شوربة كلاب ولحمة ماعرفش إيه وكلام غريب ، يعنى من الآخر خليك فى الخضروات والأسماك فقط
ومن الآخر ماتقلقش من حاجة ، أنا روحت العراق أثناء الغزو وروحت باكستان والحمد لله كله تمام ، خليك مركز وإتعامل بثقة ، ولازم لازم لازم قبل السفر تبقا عارف كويس أوى إيه أسماء المناطق اللى عايز تروحها وتجيب خريطة من المطار أول لما تنزل عشان تعرف إيه المواصلات اللى هتركبها ، ده غير شوية خرايط طرق وجوجل من على النت خليهم معاك
بالنسبة للقبلة هتصلى غرب ، يعنى تشوف الشمس بتطلع منين وتديها ضهرك وتصلى

[hossam_elwani]

اطلع على اللينك ده حيفيدك

http://travel.maktoob.com/vb/travelarab157/

[Abohmaid]

شكرا يااستاذ سامح هوة انا مش اول مرة اسافر ولا حاجة بس المرة دى رايح للتجارة غير كل مرة سافرتها ودايما الواحد لما بيروح مكان اول مرة وخاصة ان دى بلد كبيرة جدا بس ان شاء الله الواحد لازم يجرب بس هوة موضوع الاكل دة هوة المشكلة .....

اشكرك يااستاذ حسام على اللينك دة

[akram2010]

الصينى حرامى وليسوا اهل ذمه ولاضمير فلا دين لهم . وخلى بالك انتى بتشترى ايه وباى جودة ونزل معاهم 80% من السعر ال يقول لك عليه

[MMamdouh]

الصينى حرامى وليسوا اهل ذمه ولاضمير فلا دين لهم . وخلى بالك انتى بتشترى ايه وباى جودة ونزل معاهم 80% من السعر ال يقول لك عليه

خللوا بالكم يا جماعة الراجل دة شغال فى توكيل هيونداى و مبيعملش اى حاجة فى المنتدى غير انة يقول على اى عربية زبالة و ان الهيونداى احسن منها و يمجد فى توكيل هيونداى

MMamdouh

[abzoabzo]

طول عمرك لماح يا دوحة
وبتقفشها وهى طايرة

[member]

أحذر جدا من السرقة هناك وخد بالك من متعلقاتك وشنطك كويس جدا

أعرف واحد سائق تاكسي سرق كل حاجته فخد حذرك

[Sameh]

خللوا بالكم يا جماعة الراجل دة شغال فى توكيل هيونداى و مبيعملش اى حاجة فى المنتدى غير انة يقول على اى عربية زبالة و ان الهيونداى احسن منها و يمجد فى توكيل هيونداى

mmamdouh

أنا بصيت على مشاركاته وهى فعلاً معظمها حاجة واحدة ، كله وحش ماعدا هيونداى

[Ahmed Anwer]

الصينين شعب محترم و ودود لأقصي درجة

و بيعاملوا الاجانب بمنتهي الاحترام

و انا شخصيا مشفتش و لا حكاية السرقة و لا النصب دي

بالعكس حسيت انها بلد امان

لكن طبعا الفصال في التجارة و النصب ده شئ وارد لاقصي درجة

و بخصوص التجارة فانتا لازم تعرف البلد اللي مركز للحاجة اللي انتا عايز تستوردها

لان عندهم اسواق و بلاد متخصصة في كل سلعة

و طبعا تكون مضبط مكتب امين و ليه سمعته

سواء مكتب اصحابه مصريين او صينين

غالبا بياخدوا عمولة 5% مش اكتر من كده

و لو كمية كبيرة العمولة بتقل كمان

و تراجع و تاكد علي كل بند

و يستحسن انك تستلم البضاعة بتاعتك قبل ما تسافر

عشان كتير بيلخبطوا

الاكل المنطقة الجنوبية ،، كانتون ،، و جوانزو و شوندا و كده

مليانه مطاعم عربي ،،

او تركز بقه علي ماكدونلدز سمك

[MMamdouh]

اللى اعرفة ان جوانزو فيها مصانع اداوت كهربائية و الكترونية كتير

MMamdouh

[mostafabakry]

ياباشا انا لقيت الموضوع دا و عجبني فقلت يا ريت تجيب لنا شوية حاجات من دي و انت في الصين

سوبر ماركت في الصين
بتلاقي أشياء فريدة من نوعها ..!!

و المشكلة انهم ياكلون هذي الأشياء ..

أولاً ؛
قسم المعلبات

أفخاذ الضفادع سادة .. بالبصل .. او بالفلفل الحار ..!!


جراد بالكاري الأحمر ..!!

هذا أكرمني الله وإياكم
صراصير الماء العملاقة بالكاري الأصفر ..!!


ثانياً ؛
قسم الحاجات الطازجة

النمل مع بيتهم .. <<< من المزرعة الى مائدتك ..!!

هذا الفصفص تبعهم يكيفوا عليه ..

هذا مكتوب على الورقة .. عقارب محمرة ..!!

وهنا .. مكتوب ..
مجموعة من سبعة حشرات محمرة .. إنتاج تايلاند ..!!


ثالثاً ؛
قسم المخللات ؛

عندك بيض الحشرات ..!!

هذا شكله صحي للغاية ..!!

و عندك ثعابين من كل الأنواع ..!!




سحالي ..
مع نوع من الجذور النباتية عشان النكهة ..!!

العقارب ..
في انواع مختلفة من الويسكي ..
أحمر .. برتقالي .. أزرق .. أخضر ..!!



يلا كل عضو يختار اللي يعجبة والف صحه وعافيه
منقول
تحياتى

[DR.M]

أع ع ع ع ععععع

[M.Mostafa80]

ايه ياعم وجع البطن ده
حرام عليك

[totaman]

ايه يا عم انت هتخوف الراجل
وتخليه يلغى السفر ههههههههههههه