لحوم الخنازير أساسية فى صناعة البلوبيف و اللانشون ( منقول )

[Karim_Monir]

فار
فار مين يا عم
قول فيران
كان ليا نصيب اشتغل في مصنع شركتي في العاشر من رمضان لمدة 4 سنوات
والعمال عندنا ليهم قرايب عمال في مصانع تانية
بيقولو ان بالليل الفيران والقطط بتتسلل عشان تاخد قطع لحوم من المفرمة وكدة

بيصحو الصبح يلاقو بقايا شعر في المفرمة من كمية الفيران والقطط اللي بتتفرم

نييييييههههههههههههههههههه

مش مصدق
لو كلت لانشون رخيص ولقيت فيه حتت عضم صغير قوي قد نص حباية الحمص ما تستغربش
بس ما تسالش ده عضم فار ولا قط
لاني مش هاعرف غير بال DNA
ها ها ها

[Dr_Smart]

فار
فار مين يا عم
قول فيران
كان ليا نصيب اشتغل في مصنع شركتي في العاشر من رمضان لمدة 4 سنوات
والعمال عندنا ليهم قرايب عمال في مصانع تانية
بيقولو ان بالليل الفيران والقطط بتتسلل عشان تاخد قطع لحوم من المفرمة وكدة

بيصحو الصبح يلاقو بقايا شعر في المفرمة من كمية الفيران والقطط اللي بتتفرم

نييييييههههههههههههههههههه

مش مصدق
لو كلت لانشون رخيص ولقيت فيه حتت عضم صغير قوي قد نص حباية الحمص ما تستغربش
بس ما تسالش ده عضم فار ولا قط
لاني مش هاعرف غير بال DNA
ها ها ها

طيب انا رايح أرجع واعمل غسيل معده وجاي تاني اكمل الموضوع ده

[hossam_elwani]

كان فيه اتصال من برنامج الحياة اليوم تقريبا بمهندس محمد فرج عامر رئيس مجلس ادارة شركة فرج الله ودي طبعا من اكبر شركات تصنيع اللحوم في مصر ... من لانشون وهامبورجر وكل الكلام ده ...

الراجل أكد انه لا يمكن دخول لحوم الخنازير في مكونات هذه المنتجات وذلك بسبب اختلاف تكنولوجيا التصنيع للحم البقري عن لحم الخنزير

بمعنى ان المصنع اللي بيصنع اللحم البقري لا يمكنه تصنيع لحم الخنزير وده شيء معروف في تكنولوجيا صناعة اللحوم

وده بسبب اختلاف طبيعة الدهون واختلاف الاضافات اللي المفروض تضاف على اللحم

وبعدين معروف ان اللانشون والحاجات دي الفول الصويا بيدخل بنسبه كبيره فيها فهما مش مضطرين يستخدمو لحم الخنزير عشان مكسبهم يزيد

الخوف من ايه بقى ؟؟؟ من مصانع بير السلم ... يعني مانشتريش حاجه مجهولة المصدر او سعرها يثير الشك ... لكن الماركات المعروفه دي عليها رقابه ومش ممكن يضحو بسمعتهم ... ولو كانت الاداره فاسده فمش معقول الاف العمال في المصنع هيكونو معدومين الضمير

بس فيه حاجه اخطر من لحم الخنزير في الموضوع ده ... وهو مستوى النظافه في هذه المصانع ... انا واحد من الناس سمعت اشاعات ان ممكن فار يكون بيتفسح في المصنع وهوب يقع في مكنة فرم اللحم !!! واستخدام مخلفات الابقار زي الامعاء

ده غير مكسبات الطعم والحاجات الصناعيه دي المعروفه بضررها

الخلاصه ... بلاش أكل لحوم في أي مطاعم وجبات سريعه لاننا مش واثقين من مصدرها
ماتشتريش لحوم مصنعه من ماركه مش معروفه
بلاش اكل لحمه مشويه او كفته او شاورمااااااااااا ( فيه مطعم جنبي عامل سيخ شاورما قد كده والسندوتش بجنيه !!!! )
وعموما بلاش الاكثار

ده رأيي والله اعلم

انا معاك فى كل كلامك انا ليه واحد صحبى كان شغال فى مصنع لانشون فرجلوا وشاف بعينية فار بيخش سكاكين تقطيع اللحم وطبعا معرفوش يطلعوه وشغلو المكن على كده والفار جوه وافرم يامعلم وكل يا شعب وما خفيا كان اعظم

[mohmd76]

غش بالجمله

ماله الفول و الطعمية ؟ حيغشوا فيه ايه ؟ :)

الطعميه سيدى الفاضل بتتعمل من الخبز الجاف الذى لا ينفع للاكل ويتم شراؤة من البيوت وناس كثيرة تعرف هذه الطريقه وهى ان يبل هذا الخبز طبعا عند محلات الطعميه وتوضع عليه الخضروات وبعدها فى ماكينه الفرم

اما الفول فهو فول اذا وجد واضافه عدس ولوبيا وحمص واى بقوليلت رخيصه والاضافه الجديدة فهى كربونات الصوديوم التى تسمى كربوناته وهى فى كل بيت

وزهذه جديدة فى محلات بيع اللبن واللبن الذى فسد او قبل فسادة بيتعمل زبادى
طب لو فسد اللبن كله هل يعمله زبادى لالالالالالالا
نعود الى الكربوناته وفى اناء صغير وبه لبن وعليه كربوناته او بيكينج باودر ويغلى ويضاف الى اللبن ويعود كما كان

شواهد من ناس رات هذا بعينيها

[harphosh]

لو كانوا فعلاً بيدخلوا البلاوى والقذارة دى فى صناعة مأكولات البنى آدمين
حسبى الله ونعم الوكيل

[CryptonX]

الطعميه سيدى الفاضل بتتعمل من الخبز الجاف الذى لا ينفع للاكل ويتم شراؤة من البيوت وناس كثيرة تعرف هذه الطريقه وهى ان يبل هذا الخبز طبعا عند محلات الطعميه وتوضع عليه الخضروات وبعدها فى ماكينه الفرم

اما الفول فهو فول اذا وجد واضافه عدس ولوبيا وحمص واى بقوليلت رخيصه والاضافه الجديدة فهى كربونات الصوديوم التى تسمى كربوناته وهى فى كل بيت

وزهذه جديدة فى محلات بيع اللبن واللبن الذى فسد او قبل فسادة بيتعمل زبادى
طب لو فسد اللبن كله هل يعمله زبادى لالالالالالالا
نعود الى الكربوناته وفى اناء صغير وبه لبن وعليه كربوناته او بيكينج باودر ويغلى ويضاف الى اللبن ويعود كما كان

شواهد من ناس رات هذا بعينيها

انا عامة ابتديت DIET! و كدة انت شجعتني اكتر !

حشرب مياه معدنية و اكل بلح بس !

حتقولي الماء المعدني مغشوش !

حشرب من فلتر بيتنا !!!

البلح حقطفه بايدي من النخل !

[vet mitcho]

وانخفاض سعر كيلو اللانشون أو البلوبيف يؤكد على أن اللحوم المستخدمة هى لحوم خنازير وليست لحما بقريا.

ما دام اللانشون خارج من مصنع معروف اسمه لا تخف اطلاقا من الكلام ده
وكمان مفيش حاجة اسمها ان فار يدخل او كلام فاضي من ده
انا كنت مؤمن جودةquality assurance في مصنع لحوم صغير و مكنش ينفع اساسا ان دبانة تتواجد في صالة الانتاج
مادام شركة ليها اسم مينفعششششششش بتاتا

[Mohamed.Fawzy]

طيب انا رايح أرجع واعمل غسيل معده وجاي تاني اكمل الموضوع ده

ههههههههههههههههههههههههههه
انا وقعت فى الأرض من كتر الضحك

[Ahmed Sharaf]

ماله الفول و الطعمية ؟ حيغشوا فيه ايه ؟ :)

الفول كمان بيتغش , احكيلك على واقعة شفتها بنفسى , ايام الجيش - منطقة الابجية أمام القلعة - كان فية واحد بتاع فول حلوووو قوى كنا بنجيب منة كل يوم وكان كل يوم واحد مننا يروح يجيب الفول ولما جة الدور عليا ورحت اجيبة عارف لقيت مكتوب اية على شكارة الفول - عامبة زى شيكارة الاسمنت - أولا لقيتها منتهية الصلاحية من سنة ثانياً ودة الهم لقيت مكتوب عليها English HORSE bean اية رأيك , وطبعا عرفت بعدها كنا كلنا بننهق فى الطوابير لية

[Dr_Ahmed_Abdelghany]

الفول كمان بيتغش , احكيلك على واقعة شفتها بنفسى , ايام الجيش - منطقة الابجية أمام القلعة - كان فية واحد بتاع فول حلوووو قوى كنا بنجيب منة كل يوم وكان كل يوم واحد مننا يروح يجيب الفول ولما جة الدور عليا ورحت اجيبة عارف لقيت مكتوب اية على شكارة الفول - عامبة زى شيكارة الاسمنت - أولا لقيتها منتهية الصلاحية من سنة ثانياً ودة الهم لقيت مكتوب عليها English HORSE bean اية رأيك , وطبعا عرفت بعدها كنا كلنا بننهق فى الطوابير لية

هههههههههههههههههههه
لأ دى طبعا مقصودة علشان الجنود تبرطع فى التدريب بذمة

[mobitic]

واضح اننا شكلنا هناكل طوب فى الآخر
والله حرام اللى بيحصل ده ، مبقاش فى أمان لأى حاجه فى البلد دى

[مؤمنة]

يا خبر ايه ال انا عماله اقراه ده مش ممكن لحم خنازير وفيران وقطط ونسيتوا كمان لحم الحمير بجد حرام حسبى الله ونعمه الوكيل فى الناس ال معندهاش ذمه ولا ضمير

[M_55]

كفــــــــــــــــــــــــــــــــــاية كدة

[fady]

ثانياً ودة الهم لقيت مكتوب عليها English HORSE bean اية رأيك , وطبعا عرفت بعدها كنا كلنا بننهق فى الطوابير لية

على حد معلوماتي نقلا عن احد الاصدقاء الذي سافر من قبل اكثر من مره الي المملكة المتحده فان الفول العادي الذي ناكله هنا هو بعينه الذي تاكله الخيول هناك و لذا فاسمه هناك English HORSE bean .

[otefa]

يا خبر ايه ال انا عماله اقراه ده مش ممكن لحم خنازير وفيران وقطط ونسيتوا كمان لحم الحمير بجد حرام حسبى الله ونعمه الوكيل فى الناس ال معندهاش ذمه ولا ضمير

معلش الموضوع مش موضوع ضمير التجار والصناع .......الموضوع ضمير حماية المستهلك,وزارة التجارة,الجهات الرقابية ,لان لو سبت الناس لضمائرهم هتخرب ولا ايه
الي معندوش ضمير ياخد علي دماغه بالقانون