هوا ايه اللى بيحصل فى البلد ده ؟؟

[Mohamed.Fawzy]

انا خلاص جالى إكتئاب



من كتر اللى بشوفه و بسمعه

.... ادخل على المنتدى الاقى اللى اتسرقت الجنوط و الكاوتش بتاع عربيته واللى اتنصب عليها من الصناعيه واللى اتسرق من عربيته لابتوب الى اخره

.... اقعد مع اصحابى اسمع اخبار زى الزفت و حوادث وخلافه

.... اقعد مع اهلى نفس الموضوع شفت فلانه دخلوا عليها البيت دبحوها و سرقوها والله العظيم مبهزر دى الحقيقه ودى اخر حادثه حكيتهالى الست الوالده عن واحده معرفه

.... افتح التلفزيون لسه امبارح بس واحد ابن تييت قتل طفلين قرايبه فى الهرم علشان فى عداوه مع ابوهم اللى هوا اصلا قريبه وغيره وغيره

انا مش عارف هوا النصب و القتل و السرقه بقه سهل اوى كده فى مجتمعاتنا

كل حاجه فى البلد بقت مقرفه

طب هوا ايه اللى بيحصل انا مش عارف السبب

هل هو الفقر والا المخدرات اللى انتشرت بفظاعه ولا العرى و الأفلام الهابطه و الأغانى المستفزه ولا الثراء الفاحش ولا البعد عن الدين ولا ايه بالظبط

كل اللى قادر اقوله دلوقتى هوا ربنا يلطف بينا


والله العظيم انا مكنتش قادر انزل الشغل النهارده من كتر الأكتئاب و حاله القرف و الخنقه اللى عندى


دعاء خاص

يارب تخرجنا منها على خير(قصدى البلد مش الدنيا)

معلش نكدت عليكوا بس هعمل ايه يعنى اتنكد لوحدى يعنى

[aboelnagah]

احب اطمنك انك مش لو حدك اللى مكتئب انا كمان قرفان


يارب استرها معانا وارحمنا برحمتك

[pro_samir]

طيب جرب تفتح التلاجة يمكن تلاقى اخبار حلوة

[SeMo_SiRiOnY]

كل دة بسبب غياب الرقابة
ربنا يستر من الي جاي

[youssefmustang]

هل هو الفقر والا المخدرات اللى انتشرت بفظاعه ولا العرى و الأفلام الهابطه و الأغانى المستفزه ولا الثراء الفاحش ولا البعد عن الدين ولا ايه بالظبط

ده عامل رئيسى والله يسبب الاسباب والناس نسيت ان القيامة قريبة جدا جدا جدا
ومن علاماتها :
كثرة الهرج والمرج (القتل) ولا يدرى القاتل لماذا قتل والمقتول فيما قتل.
يكذب الصادق ويصدق الكاذب
انتشار الزنا والفواحش
كثرة الربا (الرشاوى) طبعا سايبة علامة مع الحكومة
كثرة البنيان وارتفاع البنيان (كل اللى بيبنى دلوقتى بيبنى ابراج)
الخ.................
فعلا ربنا يطلع من مصر على خير
لان دلوقتى خلاص ما بقتش (ادخلوها بسلام امنين)
اخوكم يوسف

[mahmoud_magdy]

في اسباب كتير بتودي الناس لطرق اخرتها وحشه
بطاله وجهل وانعدام الثقافه وعدم الالمام بالدين والتعمق فيه بداية من الصلاه حتى الحج والزكاه .....الخ
وكل واحد بيقول يلا نفسي
المهم
انت ازيك

[Haytham1212]

اخى لا تحزن على حال الدنيا ولا حال الناس
وتذكر قول الملك الجبار الصمد (الله) جل جلالة ولا إلة غيرة



سورة القصص الاية 56




اعذرونى على عدم التشكيل ولكن يمكنك مراجعة المصحف

بسم الله الرحمن الرحيم


((( إنك لا تهدى من احببت ولكن الله يهدى من يشاء وهو اعلم بالمهتدين )))


ولا كلام بعد كلام الملك سبحانة وتعالى

[kingtefa]

كلنا يأسى يبنى

[Dr.SherifMansy]

كل دة بسبب غياب الرقابة
ربنا يستر من الي جاي

تمام بس الأهم من كده غياب الوازع الدينى و البطالة و سوء تربية الأجيال القادمة

[AshTurbo]

طبعاً الحالة الأقتصادية السيئة للغاية منذ قديم الأزل في مصر سبب كبير في اللي بيحصل دلوقتي يعني مش عاوزين نقول أن السبب الأزمة العالمية لأ دة أحنا عندنا أزمة محلية من زمان أقوى بكثير من الأزمة العالمية ولكن الأخيرة زادت الطين بلة , وبالطبع تعدد وسائل الأعلام والبرامج الحوارية ودخول التلفزيونات والدش الي أغلب بيوت مصر سلط الضوء بشكل أكبر على الأحداث اليومية وطبيعي أن بلد فيها 85 مليون تحدث فيها جرائم بشكل يومي .

على هامش الموضوع دة أمبارح مكانش جايلي نوم ممدد على السرير لحد الساعة 7 الصبح عنيا الأثنين مفتوحين على الآخر بفكر في اللي بيحصل في البلد وأنا بقالي فترة متخذ قرار أني أهاجر أستقر في بلد تانية تكون أهدى شوية ومفيهاش البلاوي والمصايب اللي عندنا ولكن زي ما تقولوا كدة نزل عليا الوحي وقالي يا أبني أنت مؤمن بالله وعارف أنه لن يصيبك الا ما كتبه الله لك يعني مهما هتروح هتلاقي نصيبك وقدرك ولو كنت في برج مشيد ومتحصن فأكتشفت أن الحل أننا نقرب من ربنا أكثر ونزيد في فعل الخير ومساعدة الفقراء والمحتاجين وبالتالي ربنا هيرضى عننا وفي نفس الوقت يحصل تكافئ أجتماعي يحول دون وقوع المزيد من العنف ويبقى كسبنا ديننا ودنيانا والواحد يعيش مطمئن ومرتاح البال وربنا يهدي الجميع .