طب ما تقولولنا اخر نكتة ايه ؟؟؟؟؟؟؟؟؟؟؟؟

[kingtefa]

بصو يا جماعة

كل عضو يقولنا نكتة جديدة يكون لسه سامعها قريب
و انا حبتدى

مرة قنبلة وقعت على قهوة عملت بن راح القهوجى ماسك رشاش و عمل كاكاوكاكاو كاكاو

انا عارف ان نص النكتة الاولانى قديم بس النص التانى حد سمعه قبل كده يلا ورونا نكتكو

[A.Saad]

اخر نكتة ليه
هيا النكت هتخلص

[kingtefa]

اخر نكتة ليه
هيا النكت هتخلص

انا قصدى اخر نكت فى السوق
و بعدين مع البلاوى اللى احنا بنعشها اليومين دول شكلها حتخلص

[pro_samir]

والله انا بجد مستغرب من الحكاية دى ، زمان كان الواحد بيسمع نكت بالعبيط وكل شوية نكت جديدة .. علشان كدة كنت تسمع الجملة دى كتير "سمعت أخر نكتة"

لكن دلوقتى النكت بقت نااااادرااااااا ما تسمع نكتة جديدة .. مش عارف فى اية

[kingtefa]

والله انا بجد مستغرب من الحكاية دى ، زمان كان الواحد بيسمع نكت بالعبيط وكل شوية نكت جديدة .. علشان كدة كنت تسمع الجملة دى كتير "سمعت أخر نكتة"

لكن دلوقتى النكت بقت نااااادرااااااا ما تسمع نكتة جديدة .. مش عارف فى اية

الناس مخنوقة يا ريس

[kingtefa]

[marq="3;right;3;alternate"]شكل الاعضاء معندهمش نكت يقولوها[/marq]

[mohmd76]

فى فرح صعيدى جامل احد المدعوين فى الفرح باطلاق نار
فذهب اخو العريس الى والده يخبره ان فلان ضرب نار مجامله فى الفرح
فاخبره كيف نرد له المجامله فى افراحهم
قاله يا ولدى لا تخف سوف نحضر لهم قنابل من الجيش ههههههههه

منقول من الراديو

[أبو إياد]

انفلونزا الطيور

تدابير الحكومة لمنع انتشار انفلونزا الطيور بق بق بق بق

اغلاق كوبرى ابو الريش حتى اشعار آخر.


اعلان منطقة العصافرة بالاسكندرية والنعام بعين شمس مناطق حظر صحى.

- منع عرض أفلام

دعاء الكروان
السمان والخريف
عصفور من الشرق
حتى زوال الازمة والاكتفاء بعرض فيلم
افواه وأرانب
حيث لم يثبت بعد امكانية انتقال العدوى للارانب.

- منع اذاعة الاغانى التالية:-

طير الوروار - طير فى السما - الدنيا ريشة ف هوا - الطير المهاجر.

- عمل كمائن مرورية فى جميع الطرق لاجراء فحوصات طبية على السيارات من طراز
كيا العصفورة
اللانسر البطة
المرسيدس الزلمكة
لاحتمال اصابتها بالعدوى.

- التحفظ على الفنانة
فاتن حمامة
المخرج سمير العصفورى
المخرج بشير الديك فى مناطق عزل صحى.

الغاء الجناح الايمن والايسر من جميع تشكيلات فرق كرة القدم والاكتفاء بالهجوم من الوسط.

- محاصرة الزواج ( العرفى ) .

- تأجيل عرض حفلات باليه بحيرة البجعة بدار الاوبرا حتى اشعار اخر.

- الغاء قصة زرقاء اليمامة من مناهج القراءة بالمدارس وكذلك الغاء كتاب ال (ورك) بوك من مناهج اللغة الانجليزية.

- ستقوم الحكومة باعادة جميع الحقوق الى اصحابها حتى لا يصدق فيها المثل القائل (الحداية ما بترميش كتاكيت).

الاعراض

1 إنك تحس إن كل الناس فاقسينك
2 الخوف الشديد من الصقور و الحدايات
3 انك تكح وتقول كااااااااااااااااك
4 انك يطلعلك ريش تحت باطك
5 هز الرقبة بطريقة غير عادية
6 الميل إلى الرقود على البيض من وقت إلى آخر
7 الشعور با لخجل والكسوف عند رؤيه اي ديك

8 الميل إلى سماع أغنية كوكو واوا طوال اليوم
9- ترى في الكوابيس دائماً انك مذبوح من الناس