الصيد بالفهد

[Abdo_Eldesokey]

أنا شايف إن الموضوع مش وحشى ولا حاجة

الغزال بيتصاد عادى ويتاكل ... وبيقولوا إنه من ألذ اللحوم

الجميل في الموضوع ده بقى إنه عرف يروض فهد بالطريقة دي ، وإن الفهد مسك الغزالة بس مموتهاش لحد ما صاحبه جه دبحها تبع الشرع

[mohmd76]

قتل الانسان ما أكفره
قران كريم

حديث فى ما معناه وقت الذبح او القتل فى الحرب
فى الذبح يكون بسرعه والسكين حاميه جدا
وفى القتل فى الحرب ضربه واحده فقط

اما هذا فيتعدى الانسانيه فهو فوق القسوة والعنف وسيحاسب على هذا

زعلان منك جدا يا بسكوته

[الطنطاوي]

الصيد بواسطة

بالكلاب أو الوحوش أو الصقور حلال وربنا حلله

[Abdo_Eldesokey]

قتل الانسان ما أكفره
قران كريم

حديث فى ما معناه وقت الذبح او القتل فى الحرب
فى الذبح يكون بسرعه والسكين حاميه جدا
وفى القتل فى الحرب ضربه واحده فقط

اما هذا فيتعدى الانسانيه فهو فوق القسوة والعنف وسيحاسب على هذا

زعلان منك جدا يا بسكوته

لأ أنا أختلف معاك يا باشا

الموضوع مفهوش أي عنف ... ربنا خلق حيوانات مفترسة بتتغذى على حيوانات تانية ضعيفة

والطبيعى إن الفهود والنمور والأسود بيتغذوا على الغزلان ، وطبعا ً ربنا سبحانه وتعالى الي وضع النظام الكونى ده ، وإحنا مش هنكون أحن على الكائنات دي من ربنا ، هيا دي سنة الحياة

فكل الي حصل في الموضوع هنا إن الإنسان روض الفهد ده ، خلاه يصطاد الغزالة وبدل ما يقتلها وياكلها ويبقى لحمها حرام على الإنسان ، استنى صاحبه لحد ما جه ودبحها

[Terrible_DaRsH]

خلاه يصطاد الغزالة وبدل ما يقتلها وياكلها ويبقى لحمها حرام على الإنسان ، استنى صاحبه لحد ما جه ودبحها

طب كده الرجل ذبحها بعد ما الفهد قتلها و خنقها و موتها .

صاحبها قطع الراس فقط .

[badblood]

اكيد الغزالة دي هتتاكل

[abou_ruqi]

لو كانوا بياكلوها فده حرام شرعا لانها تعتبر ما اكله السبع
ولو كانوا بيرموها فده حرام شرعا لانه قتل بلا سبب، الحيوان ربنا خلقه لنفسه و للانسان واذا كان الانسان لن يستفيد من قتله فليتركه لنفسه !!!

[Abdo_Eldesokey]

طب كده الرجل ذبحها بعد ما الفهد قتلها و خنقها و موتها .

صاحبها قطع الراس فقط .

لو ركزت يا مصطفى في الصور هتلاقى الفهد مسكها من وسطها ... مش معقول يعني الغزالة تكون ماتت من العضة دي

لو شفت فيديوهات الافتراس التانية الأسود أو الفهود بيمسكوا الفريسة من رقبتها لحد ما تتخنق وتموت

[Terrible_DaRsH]

اعتقد انه فى الصورة دى يا عبده ان الغزالة كانت ماتت خلاص ..

صح ولا ايه ؟

[Karim_Monir]

لو كانوا بياكلوها فده حرام شرعا لانها تعتبر ما اكله السبع
ولو كانوا بيرموها فده حرام شرعا لانه قتل بلا سبب، الحيوان ربنا خلقه لنفسه و للانسان واذا كان الانسان لن يستفيد من قتله فليتركه لنفسه !!!

عفوا
لو كلب الصيد قتلها ولم يأكل منها حلال حتى ولو شرب من دمها
كلب الصيد المدرب
ممكن تقروا النص ده وعذرا للاطالة
وتعليقي قبل انهائي انها رياضة وليس فيها غبار شرعا ولها قواعدها
وانها مهنة ايضا ولها اصولها والاسلام شرع لنا منهاج الحياة كلها :

قال عدى بن حاتم: يا رسول الله، إنا قوم نرمى فما يحل لنا.
قال ( :"ما ذكرتم اسم الله عليه فخزقتم (خرقتم) فكلوا فإذا لم ينفذ السلاح فى الحيوان المراد صيده، ولم يخرقه ومات هذا الحيوان لم يجز أكله.
وإذا كان الصيد بالحيوانات المدربة كالكلاب فيشترط أن يرسله صاحبه للصيد، لا أن يخرج من تلقاء نفسه للصيد، وإذا أرسله صاحبه فاصطاد وأكل من الحيوان الذي اصطاده لم يجز لصاحبه الأكل من ذلك الحيوان، لقول رسول الله ( لعدى بن حاتم:"إذا أرسلت كلابك المعلمة وذكرت اسم الله عليها، فكُلْ مما أمسكن عليك إن قتلن، إلا أن يأكل الكلب، فإن أكل الكلب فلا تأكل، فإنى أخاف أن يكون مما أمسك على نفسه". [ابن ماجة]. فإذا لم يأكل الحيوان المدرب من الصيد، ولكنه شرب من دمه فلاشيء، وهو حلال عند أكثر الفقهاء.
وإذا استخدم الصائد خدعة أو مصيدة فوقع فيها صيد فهو له ولا يحل لأحد غيره أن يأخذه، فإذا وجده الصائد حيَّا فذبحه فهو حلال وإن مات فلا يحل أكله. وللصائد أن يصطاد بعصا أو حجر، ولكن بشرط أن يدرك الحيوان الذي ضربه فيذبحه قبل موته.
وإن أطلق الصائد السهم أو الرمح أو غيرهما، فجرح الحيوان نظر الصائد، فإن كان الجرح الذي تسبب فيه السهم أو الرمح مميتًا جاز أكله بعد موته. وإذا لم يكن الجرح مميتًا لم يحل أكله للصائد إلا بعد ذبحه.
وإذا وجد الصائد الحيوان الذي اصطاده مقتولا، فإن تأكد من أن موته كان بسبب صيده حل أكله، وإن كان نتيجة سبب آخر كالوقوع من على شىء مرتفع أو نتيجة غرق أو نتيجة هجو مسبع عليه، لم يَحِل أكله، لقول رسول الله ( لعدى بن حاتم:"إذا رميت بسهمك فاذكر الله، فإن وجدته قد قتل فكل، إلا أن تجده قد وقع فى ماء، فإنك لا تدرى الماء قتله أم سهمك" [متفق عليه]، وقد روى عن عدى أنه قال: قلت يا رسول الله أرمى الصيد أجد فيه سهمى من الغد. قال:"إذا علمت أن سهمك قتله ولم تر فيه أثر سبع، فكل" [الترمذي وقال:حديث صحيح".

[Mostafa Hessen]

بصراحة مش عارف هما طالعين يصطادو ولا بيعلموا الفهد الصيد حاجة غريبة

وعلشان استمتع انا يعنى لازم أشوف فهد بيطارد غزال ويفترسها لازم الرعب ده

[semsem67]

دي وحشية ومرض نفسي . أولا :الغزال حيوان جميل ليه أقتله و أذبحه بالسكين علشان الفهد يشرب من دمه؟؟
ثانيا : ما هي المتعة في ذلك ؟ وإذا لم يكن هذا التصرف يمثل السادية بعينها فماذا يكون؟
ثالثا : في أي دين أو ملة أقتل حيوان لم يؤذي أحدا ولا يؤكل لحمه ؟
رابعا : بعيدا عن الدين والأخلاق والمباديء : ما الفائدة التي تعود على هؤلاء الناس؟
خامسا : أين تمت هذة العملية الوحشية ؟ هل تمت في مصر ؟ ( لأن هؤلاء يحافظوا على الحيوانات البرية في بلادهم أما هنا فلا يحافظ أحد على أي شيء!!

[SHNORY]

دي وحشية ومرض نفسي . أولا :الغزال حيوان جميل ليه أقتله و أذبحه بالسكين علشان الفهد يشرب من دمه؟؟
ثانيا : ما هي المتعة في ذلك ؟ وإذا لم يكن هذا التصرف يمثل السادية بعينها فماذا يكون؟
ثالثا : في أي دين أو ملة أقتل حيوان لم يؤذي أحدا ولا يؤكل لحمه ؟
رابعا : بعيدا عن الدين والأخلاق والمباديء : ما الفائدة التي تعود على هؤلاء الناس؟
خامسا : أين تمت هذة العملية الوحشية ؟ هل تمت في مصر ؟ ( لأن هؤلاء يحافظوا على الحيوانات البرية في بلادهم أما هنا فلا يحافظ أحد على أي شيء!!

اه تمت في مصر يا باشا في الصحراء الغربيه
والمصريين لبسوا ملابس خليجيه علشات يلصقوا تهمه الاعتداء علي الغزاله بالخليج
علشان

لأن هؤلاء يحافظوا على الحيوانات البرية في بلادهم أما هنا فلا يحافظ أحد على أي شيء!!

هما قمه التحضر واحنا قمه التخلف
العالم كله شعب الله المختار واحنا الحلقه المفقوده في التطور
وعلي فكره طول ما احنا كارهين مصريتنا وبنستعر منها عمرنا ما حنتقدم
وشكرا