بتحب مين اكتر مراتك ولا شغلك؟؟؟؟؟

[Samah AbdAllah]

اعترافات مدير مصري ذو خبرة طويلة

مراتك......ولا......شغلك !!!!!!!!!!!! !!!!!


(الجواب تحت)

كل نساء العالم يتهمن أزواجهم بأنهم بيحبو الشغل أكثر منهم

وأنا اصالة عن نفسي ونيابة عن الرجال أعترف بأن هذا صحيح ...........صحيح ...... صحيح ليه....؟؟؟؟؟؟؟


لي أسبابي ومبرراتي التي أرجو منكم التفكير فيها بعين العقل:


أولا .........الشغل بيصرف عليّ .... بس أنا اللي أصرف عليها!!!

ثانيا........في الشغل ممكن تزعق براحتك و زعيقك يجيب نتيجة...



مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك

أنما تزوغ من مراتك .. هيهات ..أنسى …...

رابعا ........في الشغل عندك مدير ممكن ترضيه لو اشتغلت كويس ....

إنما

مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجازه...عندك عارض

واعتيادي



دا غير يوم الجمعة.....والعطلات الرسمية.....بصراحة الشغل خفيف ع القلب.....



أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!

سادسا .........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة…. والكل يضرب لك تعظيم سلام..... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو........ .يا حاج.......... ولما تعجز...تقولك.....يا بركه

سابعا .......الشغل لو زهقت منه ممكن تسيبه بدون مشاكل..... وبسهوله .... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال

ثامنا ......... في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم .....



أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه........ في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين

في النهاية ... بتحب مين أكتر...مراتك ولا شغلك ؟؟



أكيد مراتك ... أحسن يوقع الموضوع دة في ايدها ... تبقى مصيبة

[marq="3;right;3;scroll"]
منقول طبعا
[/marq]


[unload]
نايل موتورز وبس
[/unload]

[bmw323]

مع انى مش متجوز بس مراتى اكيد هكون بحبها أكتر من اى حاجة وهكون شايلها جو عنايا بس هى فين دى:K_crying[1]:
تيجي هى بس وهى تشوف ألى عمرها ماشافتة

[ضيف]

بحب شغلي علشان ولادي و مراتي اللي جابت لي ولادي

[ehabradwan]

بحب ولادي و بعد كده شغلي و بعد كده مراتي

[SHNORY]

بحب شغلي طبعا
وهي مراتي تيجي ايه جنب شغلي
ولا اسيب شغلي ليه اصلا علشانها
صداع
ووجع دماغ
وعامل زي اسمه ايه اللي بيجر العربيات
طالع شايل اكل
نازل شايل قمامه (حلوه قمامه دي)
وانت فين
وقاعد مع مين




ايه ده


دا انا مش متجوز اصلا
يلا ما علينا حبيت اعيش الدور وافضفض علشان لو متجوز كان زماني بكتب شعر في الجواز (عيش جبان تموت مستور )
هههههههههههههههههه

[AlmAhAtmA]

قبل الجواز
كنت بحب شغلي لانه هدف من اهدافي في الحياه
بعد الجواز
بحب شغلي كوسيله احقق بيها كل اللي مراتي بتحلم بيه
لان ببساطه بعد الجواز اصبحت مراتي هيه الحياه

[El Prince]

لأسباب كثيرة :أحب سيارتى أكتر من الاثنين !!!!

[Ahmed Selim]

لأسباب كثيرة :أحب سيارتى أكتر من الاثنين !!!!

أجمد رد ههههههههههههههههههههههههههههه

[نور العمر]

لأسباب كثيرة :أحب سيارتى أكتر من الاثنين !!!!

جديدة

بس ممكن

ههههههه

[نور العمر]

طب بسكوتة ماتيجي نقلب السؤال
ونزنق الزوجات إللي بتشتغل
ونسألها ... بتحبي زوجك أكتر واللا شغلك

أنا أول واحدة أكيد ...... حمتنع عن الإجابة أحسن
هههههههههههههههههههههههههههههههههههههههههههههه

لو حتكلم بجد ... شغلي جزء من حياتي مش ممكن استغنى عنه
لإني فيه وبسببه بفصل عن حاجات كتيير لو ركزت فيها حنكد على جوزي كتيير ( ناقصات عقل بقا ) بس دايما بكون حريصة إن بيتي
يكون مرتاح في كل شيء ولو الدنيا زنقت ... يومين أجازة نظبط الدنيا ونرجع تاني


إيــــــــــــــــــــه دنيــــــــــــــــــــــا