لو انت مصرى جاوب قبل ما تقرا الاجابة

[ehabbasha30]

حوار مصرى جدا

وأتحدى أى أحد يشكك فى مصرية قائله

# يقال إن87%من الشعب المصرى ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى .

# تقرير :45% من الشعب المصرى مصابون بمرض السكرما تعليقك ؟
ــ آدى اللى خدناه من" الحلوانى " اللى بنى مصر .

# ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .




# ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .

# ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .



# ما أهم قاعدة موجودة فى مصر ؟
ــ ان مفيش قاعدة لأى حاجة

# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .


# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا ..





# امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)


# امتى هناكل جوافة من انتاج مزارع توشكى ؟
ــ لما نلاقى المشمش!!!!!

# ما العلاقة بين عصام الحضرى وسمن روابى ؟
ــ الطعم فلاحى وتحدى .

# هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" .

# 60 %من الرجال المصريين يشخرون وهم نائمون ...... ما تعليقك ؟
ــ ال 40 % الباقيين بيشخُرووا وهما صاحيين .

# ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة ..

# ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .

# ما الفرق بين الزوجة المصرية والزوجة اللبنانية ؟
ــ 0 4 كيلو جرام على الأقل .

# بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .

# من المستفيد من الزحام الذى يسيطر على شوارع القاهرة ؟
ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

## ليه بيقدموا الساعة ساعة عندنا فى الصيف ؟
ــ علشان مصر تتقدم بينا .

### لماذا يقال عن الشعب المصرى انه شعب فوضوى ؟
ــ علشان بيكره " النظام. "

[wildwest100]

جامدا جدااااااااااااااا

[aboelnagah]

هههههههههه

[eng.octooo]

بجد موضع جامد مووووووووووووت بس انا عنى سوال

## ليه بيقدموا الساعة ساعة عندنا فى الصيف ؟
ــ علشان مصر تتقدم بينا .

مع ان ليبيا والسعودية والسودان جنبنا لو قلنا ان الموقع الجغرافى ومابيغيروش حاجة

[هيثم]

عشرة / عشرة

[Samah AbdAllah]

[marq="3;right;3;scroll"]
موضوع دمه خفيف ضمن حملة هم يبكى وههم يضحك
[/marq]

[ابو سيف]

[marq="3;right;3;scroll"]
بجد جامدة جدااااااااااااااااا
[/marq]

[pro_samir]

هههههههههه
جامد

[ashrafsadany]

يا راجل دا اسمو كلام بردو أمال فيين التفائل والنظر للنقططين الى فى قعر الكوباية

[LONLY]

جامده جدا شكرااااااااااااا

[mahamedaraby]

هههههههههههه

" هى دى مصر ياعبله "

[ehabbasha30]

الف شكر على ردودكم ويارب اكون سبب لابتسامة احد منكم

يا راجل دا اسمو كلام بردو أمال فيين التفائل والنظر للنقططين الى فى قعر الكوباية

بينى وبينك يا اشرف اصل وانا بكتب الموضوع عطشت فشربت النقطتين اللى كانو فى الكباية ... فملقيتش حاجة اتفائل بيها

[lancerevolution]

جامدة جدا

[هيثم]

الحلوة نقول عليها حلوة

[zeka127]

يبقى انت اكيد فى مصر