منه لله اللى عمل الفايرس الصينى ..

[Terrible_DaRsH]

منه لله اللى عمل الشيء المؤذي ده ..

يا رب يتشل و يموت محروق و يولع فى جهنم كمان .. يا رب تنتقم منه .

بقاله يومين خارب الجهاز خاااااالص .. الجهاز بايظ بايظ بايظ .

حاولت اشيله معرفتش . نود ماشالوش و لا كاسبر كمان .

نزلت اداة كاسبر معملتش حاجة برده . و اخدتها من واحد صاحبي على فلاشة و برده الفايرس راشق فى الجهاز .

انا هولع فى الجهاز خلاص . مش عارف اعمل ايه !!

[tutankhamoun]

عايز حل حلو ............ أشتغل على لينوكس .
سريع و أمان .......... و لا فيروسات .......... و لا يحزنون .
و النسخ كلها شرعية ........ مجانية ............ قانونية تماما .......بعيد عن بني صهيون ميكروسوفت .
و الله يكون في عونك و عون كل من أصيب جهازه بهذا الفيروس .

[Terrible_DaRsH]

متشكر توووت . بس بصراحة عمرى ما استخدمت لينوكس ده خالص .

و لا عمرى شفته اساسا . ده انتاج انهى بلد و ايه نظامه و برامجه و كده ؟

[elpasha009]

متشكر توووت . بس بصراحة عمرى ما استخدمت لينوكس ده خالص .

و لا عمرى شفته اساسا . ده انتاج انهى بلد و ايه نظامه و برامجه و كده ؟

اللينكس ده ملوش بلد:)اللينكس إنتاج العالم كله.وكمان كل أنواع البرامج هتلاقيها متوفرة ليه مجانا وبدون أي كراك ولا أحزنون:)
الموضوع طبعا كبير جدا ومش سهل أبدا إنك تتنقل مرة واحدة ليه غير لو عندك إراده حقيقية فعلا للإنتقال وكمان حب التعلم ويكون عندك شوية وقت.
أنا (وكمان في أعضاء هنا كتير) ممكن نساعدك للإنتقال مرحلة بمرحلة.
أهم حاجة إيه هي مواصفات جهازك وشغلك إيه بالظبط على الكمبيوتر.

[Terrible_DaRsH]

اللينكس ده ملوش بلد:)اللينكس إنتاج العالم كله.وكمان كل أنواع البرامج هتلاقيها متوفرة ليه مجانا وبدون أي كراك ولا أحزنون:)
الموضوع طبعا كبير جدا ومش سهل أبدا إنك تتنقل مرة واحدة ليه غير لو عندك إراده حقيقية فعلا للإنتقال وكمان حب التعلم ويكون عندك شوية وقت.
أنا (وكمان في أعضاء هنا كتير) ممكن نساعدك للإنتقال مرحلة بمرحلة.
أهم حاجة إيه هي مواصفات جهازك وشغلك إيه بالظبط على الكمبيوتر.

متشكر جدا ..

انا شغلى على الكمبيوتر فى كل حاجة ممكن تتخيلها .. يعنى بستخدم كل البرامج الممكنة .

و مواصفات جهازى Ram 512 , GHz 3.06

بس ماعتقدش انى ممكن اغير نهائي .

[elpasha009]

بالعكس محدش طلب منك التغير.ده أهم ميزة في اللينكس إنه ممكن يشتغل على أقل مواصفات ممكنة.
أنا كان قصدي المواصفات بالتفصيل يعني نوع كرت الشاشة.البورده.الموديم.كارت الشبكة....ألخ
كل الحاجات ديه مهمة علشان نقدر نعرف أحسن نسخة تعرف جهازك.

[lancerevolution]

الليونكس ما بيشغلش ألعاب
بس أنا الصراحة حبيته و فى واحد عندنا بيدى كورس ليونكس بأجر رمزى جدا جدا فمشجعنى أخد الكورس دا هو معانا فى الكلية و كل زمايلى خدوا الكورس دا

[hamedo0]

طب بيتسطب ازاى واجيب منين نسخه ليه وهل استخدامه سهل

[Terrible_DaRsH]

شكل الموضوع صعب يا جماعة .

بس ليه اللينوكس ده بالذات .. يعنى ايه الحلو فيه غير انه مش صهيونى و كده .

عمرى ما شفت حد بيستخدمه بصراحة او قال عليه او سمعت عنه فى برنامج حتى .

ممكن شرح للنظام ده او خلفية بس .

[michohat]

من زمان ونفسى اغير واسبنى من الوندز وادخل عالم اللينكس
جهازى
Amd Phenom X3 8450
MB GiagByte 780 ud3h
ram 2
استخدماتى استخدام مكتبى (اوفس / انترنت/ شات)
برامج داتا بيز اوركل و شوية فوتو شوب و شوية برامج تحويل صوتيات اعمل بيها نغمات للموبيل
وعاوز اسئل ايه الاماكن اللى بتدى كورسات لينكس

[tutankhamoun]

اللينوكس نظام تشغيل زي الماك و زي الويندوز .
اللينوكس هو مشغل أكثر من 50 % من سيرفرات العالم .
اللينوكس هو مُشغل 94 % من السوبر كمبيوتر حول العالم .
اللينوكس له برامجه الخاصة به .
اللينوكس برامجه مجانية و يوجد منها الالاف .
اللينوكس بيشغل ألعاب عادي جدا بس الألعاب بتاعته هو مش بتاعة ويندوز .
زي ألعاب ويندوز مينفعش نشغلها على الماك !!!!! صح .

اللينوكس مبني على نظام تشغيل أسمه يونكس و ده تم إنتاجه سنة 1969 و كان بالأساس معني بالأمان و الأستقرار .
اللينوكس هو النظام المتبع في بعض الدوائر الحكومية في أوروبا نظرا لأمانه الشديد .
اللينوكس .............. كلام كتييييييييييير ممكن يتقال .
ممكن يا جماعة تدخلوا على المدونة بتاعتي تقرأوا بعض المواضيع و أنا حاطط هناك موضوع عن طريقة تحميل النظام على الجهاز .
بس قبل ما تعمل أي خطوة لازم ترجع لواحد يكون فاهم علشان ما تبوظش الدنيا .
و أحنا هنا معاكوا على المنتدى و أيضا اللي عايز أي معلومة أنا تحت أمره .
هاحط شوية صور توضيحية للنظام من جهازي علشان الناس تشوف الحاجة بعينها .
ياريت برضه اللي عايز ينزل النظام على جهازه يعرفنا مكونات الجهاز بالتفصيل زي الأخ الباشا ما قال في مداخلته السابقة .

[Terrible_DaRsH]

شكرا جدا استاذ توت ..

و لكن سؤال عبيط شوية معلش ..

هل الفوتو شوب و بقية البرامج المعتادة و الالعاب مش هتشتغل فى اللينوكس ده و لا ايه ؟؟

[tutankhamoun]

[lancerevolution]

mac for design
lunix for servers
windows for solitaire

[tutankhamoun]

شكرا جدا استاذ توت ..

و لكن سؤال عبيط شوية معلش ..

هل الفوتو شوب و بقية البرامج المعتادة و الالعاب مش هتشتغل فى اللينوكس ده و لا ايه ؟؟

العفو يا أخي الكريم .
اللينوكس زي ما قلت قبل كدا نزام تشغيل مختلف .
يعني أيه مختلف
يعني له قواعد مختلفة في التعامل مع الهارد وير بتاع الجهاز .
يعني زي سير كاتينة بتاع 128 ........ مينفعش يركب على مرسيدس ... صح .
كل حاجة لها نظامها .

بالنسبة للفوتو شوب .
الشركة عاملة نسخة لنظام تشغيل لينوكس .
و فيه برامج محاكاه ممكن تشغل بعض برامج ويندوز على لينوكس .و منهم نسخة الفوتو شوب بتاعة ويندوز
و لكن الشركات الكبيرة دلوقتي بتعمل نسخ ليوندوز و لينوكس مع بعض .
زي قواعد البيانات أوراكل ......... و الفوتوشوب .......

بالنسبة للألعاب ........ لينوكس عنده الألعاب بتاعته المخصوصة له .
و فيه منها ألعاب قوية زي بتاعة ويندوز بالظبط علشان برضه الشركات المنتجة بتكون عاملة نسخة للينوكس مع نسخة ويندوز .
و لكنها غير مجانية .......... و يجب دفع ثمنها قبل التحميل .

بالنسبة لألعاب لينوكس ........ فيه كام لعبة فيهم مؤثرات ثلاثية الأبعاد ... و قويين و لكن ليس بنفس العدد المتاح على ويندوز .و ده سبب من أسباب أنتشار ويندوز و هو الألعاب .

إنما فيه كل اللي تتمناه
برامج أنترنت زي اللي أنا بستخدمها .
برامج حزم مكتبية زي الوورد و الأكسل و الباوربوينت و أسم البرنامج الأشهر على لينوكس هو ....... أوبن أوفيس ........ و أوبن أوفيس له نسخة بتشتغل على ويندوز و هي نسخة شرعية مجانية من شركة صن .