ايام زمان

[dode2002]

السلام عليكم
فاضي قلت اتكلم معاكم شويه وكل واحد يقول رائ
زمان في نهاية السبعينات وبداية الثمانينيات طبعا انا كنت لسه صغير لاني مواليد 1976
كانت السيارات غير منتشره بهذا الشكل
وكنا نعتمد علي المواصلات وكانت المواصلات عباره عن الاوتوبيس وسيارات الاجره وكانت الاوتوبيسات لها بوز كبير كده وطالع للامام والكراسي كانت زي الدكك وكنا بنقول عليه الحلزونه هههههههههههه طبعا تريقه
وسيارات الاجره كانت السيارات الفورد المكببه دي
المهم في الموضوع كانت الحياه بسيطه وبطيئه جدا لدرجه انني كنت اركب الاوتوبيس مع والدي عليه رحمه الله وكنت لازم اقعد جنب الشباك واقعد طول الطريق اعد عواميد النور والشجر طول طريق السفر تخيل بقي السرعه كانت كام علشان تعرف تعد
المهم صحيح السرعه كانت بطيئه والسفر كان طويل ومتعب بس مش ممل والان
السرعه مش هقول والسفر مش طويل ومش متعب زي الاول بس ممل
السؤال بقي
انا طبعا الاول بالنسبالي احسن وياريت الايام ترجع ومش عاوز عربيه بس الهدوء وعدم السرعه يرجع تاني
هل ده حنين للماضي ام انه لو تم تحديد السرعه بتقفيل الموتور علي سرعات معينه هترجع الايام تاني[marq="3;right;3;scroll"][/marq]

[MohaMed_Refaat]

عموما بكل المقاييس
ايام زمان ليها طعم ومذاق مختلف عن الان صحيح هذة الايام عرابيات سريعة وفارهة
لكن زمان احلى بكتير الدنيا كانت بخير زى موالدى دايما يقول لكن دلوقتى الدنيا بقت تيك اواى

حتى من ناحية الناس الناس كانت طيبة وراضية ومفيش حد بياذى حد ولا يتخانق معاة من غير سبب
انما الان كل يوم نسمع عن جريمة قتل فى شقة او جريمة ذبح اطفال ايام مايعلم بيها الا اللة .

[Terrible_DaRsH]

اللى يثبت ان ايام زمان كانت احلى ..

ان البنات زمان كانوا بمينى جيب طول الوقت و لبسهم كان فيه شيء المرفوض و كان عدد المحجبات قليل كمان و مع ذلك محدش كان بيسمع عن جريمه اغتصاب .

[pro_samir]

ابسط حاجة خالص ان الواحد لما بيتفرج على صورة قديمة ولا صورة لمصر زمان بيحس بهدوء نفسى فظيع
تحس كدة فى وشوش الناس براحة البال والطيبة ...

يا ترى رايحة على فين يا دنيا !

[Samah AbdAllah]

احلى حاجة فى الام زمان ان الشوارع كانت فاضية ومفيش زحمة ولا ناس كتير ولا سيارات

[samirayad]

كل مابتزيد التكنولوجيا وبنستغلها غلط ......كل ما بيتدهور الحال....

[MTAK]

قالها عبد المنعم مدبولى

زمان زمان و زمان

طيب يا صبر طيـــــــــــــــــــب

[youtube]www.youtube.com/watch?v=IuOuzAYHTio[/youtube]

[mohmd76]

ليت الزمان يعود يوما

اتعجب من جمال القاهرة فى الافلام القديمة وخصوصا فيلم ضربه شمس حاجه مش معقوله سيارات قليله تخطيط رهيب لميدان التحرير كوبرى للمشاة وميدان رمسيس ايضا والمترو كما هو تماما نفس اللون وخط السير ما حدث فى ال25 سنه الحاليه التخلف بعينه لان كل من جاء فى اى موقع يهد ما فعله السابق وفعل اى شىء من غير اى دراسه او تخطيط

[dode2002]

كل ده كلام جميل بس محدش رد علي السؤال
لو تم تحديد السرعه بتقفيل الموتور علي سرعه معينه هل سوف ترجع ايام زمان
وعلي فكره الفكره دي مطبقه في سيارات الجيش وهي تقفيل الموتور علي سرعه معينه لايمكن تخطيها مهما دوست علي البنزين واقصد بسيارات الجيش سيارات نقل الجنود مثل الماجروس والبيكاسو

[OlaOsman]

ليت الزمان يعود يوما

اتعجب من جمال القاهرة فى الافلام القديمة وخصوصا فيلم ضربه شمس حاجه مش معقوله سيارات قليله تخطيط رهيب لميدان التحرير كوبرى للمشاة وميدان رمسيس ايضا والمترو كما هو تماما نفس اللون وخط السير ما حدث فى ال25 سنه الحاليه التخلف بعينه لان كل من جاء فى اى موقع يهد ما فعله السابق وفعل اى شىء من غير اى دراسه او تخطيط

زمان كانوا بيعملوا مشاهد مطاردات في شوارع القاهرة بقلب جامد.. اما دلوقتي فلو شفت مشهد مطاردة واحد مصورينه في القاهرة هاقولهم هأأو

[dode2002]

محدش رد برده علي السؤال

[gade2]

حتى من ناحية الناس الناس كانت طيبة وراضية ومفيش حد بياذى حد ولا يتخانق معاة من غير سبب
انما الان كل يوم نسمع عن جريمة قتل فى شقة او جريمة ذبح اطفال ايام مايعلم بيها الا اللة .[/quote]
هى دى احلى حاجه فى مصر

[sha2e]

كل ده كلام جميل بس محدش رد علي السؤال
لو تم تحديد السرعه بتقفيل الموتور علي سرعه معينه هل سوف ترجع ايام زمان

الشعب المصرى الفهلوى الاصيل أكيد هيشوف اى حل للموضوع ده
ولو غلب خالص هيشيل الموتور ويحط بداله واحد استيراد وساعة الفحص هيرجع الاصلى لحد ما يفحص

واهلا بيك فى مصر

[MohaMed_Refaat]

اللى يثبت ان ايام زمان كانت احلى ..

ان البنات زمان كانوا بمينى جيب طول الوقت و لبسهم كان فيه شيء المرفوض و كان عدد المحجبات قليل كمان و مع ذلك محدش كان بيسمع عن جريمه اغتصاب .

يا سلام عليك يا رش انت جبت ناحية جميلة فعلا من ايام زمان الجميلة يظهر اد اية ان الناس كانت كلها خير وطيبة وجمال وحب الخير للاخرين .
نفسى كنت اتولد فى احد هذة الازمنة الجميلة حتى ولو لم يكن فى عربيات حديثة
لكن راحة البال هناء ومتعة فعلا ..

[dode2002]

ايه يا اخواني واحد بس الي رد علي سؤالي