سر تعاسه معظم الازواج

[compuland]

هو في احلى من رحة البصل على الصبح كدة لما تشمها تفوقك وتخليك نشيط
ولا ريحة تقلية الملوخية يا روحي عليها
انا سمعت هينزلوا برفانات بروائح المطبخ المختلفة علشان السيدة العاملة اللي مقضياها دليفري ومعندهاش وقت تطبخ اواعداء المطبخ زي حالاتي ومش بيتعطروا بعطور الطبيخ الطبيعيه تتعطر بالبرفاانات الصناعية
وطبعا اي موضه جديدة بتنتشر بين بنات وسيدات مصر بسرعه

ياسلام
هيه ناقصه اصلها برفانات بعطور الطبيخ الطبيعيه.

[نور القمر]

انا عارفه ان الموضوع ده للتهريج والضحك والردود كمان
انا عندي سؤال بجد لكل الاعضاء اللي شاركوا بالموضوع
طبعا مفيش شك ان من حق الزوج يصحى الصبح على مناظر جميله وروائح اجمل
لكن فعلا انتم شايفين انكم هتكونوا اسعد حالاً لوزوجاتكم قلدوا بنات الغرب في كل حاجة حتى المايوهات ؟؟؟؟؟

[compuland]

انا عارفه ان الموضوع ده للتهريج والضحك والردود كمان
انا عندي سؤال بجد لكل الاعضاء اللي شاركوا بالموضوع
طبعا مفيش شك ان من حق الزوج يصحى الصبح على مناظر جميله وروائح اجمل
لكن فعلا انتم شايفين انكم هتكونوا اسعد حالاً لوزوجاتكم قلدوا بنات الغرب في كل حاجة حتى المايوهات ؟؟؟؟؟

هو اشمعنا المايوهات اللى ماسكين فيها
ممكن نعمل كل حاجه تانيه حلوة برضوا فى حدود الدين والعادات والتقاليد
ولا ايه؟

وان كان على المايوه ممكن يتلبس فى البيت بردو

[wesam_salom]

لا تعليق

لانى لو اتكلمت هاجى فى صف الستات

والرجاله هتهدر دمى

[Karim_Monir]

رغم عدم ميلي للاجتماعي اطلاقا لكن هارد:

فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور

لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل

ونفسها تلاقي باب شباك اتفتح عشان تخرج منه،

اللحاف المشجر هو اللي اختاره لما اختار عروسته والبيئة اللي جايه منها يبقي محدش يلوم الا نفسه
والاوضه ضلمة عشان البيوت والعمارات اللي لازقة في بعض ولو فتحت الشباك هايقولها انتي بتخلي الناس تبص عليكي وتبقي وقعتها سودة

ثم يمسك الرجل أنفه بسبب ريحه البصل وغلي اللحمة وهبو المطبخ

ماهو لو كان فكر من الاول وركب شفاط في المطبخ ماكنتش الريحة خنقته
ولو عملته توست وجبنه هايقولها ايه الكلام الفارغ اللي عاملاه ده

ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ

والله كويس انها هيا اللي مستحملاه بترينج التوحيد والنور

ثم تحدف له الفوطة المتسخة المصرية الشهيرة وتقول له ارفع اللحمة من ع النار

فهي تجهز طعام الغداء منذ الصباح،

ماهو لو كان استضف وجاب جوانتي حراري ماكنش هايلاقي الفوطة (المصرية)في وشه (بقت المصرية هيا المتسخة لا والله ونعم الانتماء للي كاتب مش ناقل)
وهو صاحي الضهر بسلامته على اساس انه يوم اجازته ده لو يوم جمعة ماقامش يصلي ليه
ولو مش يوم جمعة كفاية انها واقفة في المطبخ من الصبح عشان بسلامته يتغدى
يبقي كتر خيرها بقي

وبالطبع كل ذلك وهي ترتدي جلابية وتحتها بنطلون وتيشيرت هاي كول صوف

برضه هو وذوقه اذا كان هو لابس من التوحيد والنور ماهي طبعا هاتلبسله تيل نادية
اووف على التفرقة العنصرية دي
اطبخي يا جارية كلف يا باشمهندس

مش هاكمل على الباقي لانه غير لائق اني ارد عليه لانه
لا يناسب عقائدنا ولا طباعنا كشرقيين

لكن كل فعل له رد فعل
واذا كان الكرش موجود فانت السبب فيه باكلك زي فرس النهر وعدم لعبك لرياضة
مش هيا السبب باكلها ومعرفش ايه
قليل من العدل يا سادة

[wesam_salom]

شكرا استاذ كريم

[الطنطاوي]

سبحان الله

مع كل الكلام ده وبرده حلم معظم الشباب هو الزواج

الموضوع سهل جدا

اللي عايز يريح باله من الأمور دي


ما يتجوزش

بسيطة

[wesam_salom]

سبحان الله

مع كل الكلام ده وبرده حلم معظم الشباب هو الزواج

الموضوع سهل جدا

اللي عايز يريح باله من الأمور دي


ما يتجوزش

بسيطة

واللى خلاص الفاس وقعت فى الراس

[muslimah_dentist]

ليس بعد قول أستاذ كريم منير قول

[SHNORY]

اسمحلي ارد علي الموضوع ده جوه الاقتباس علشان دا لازم نحلله كويس قبل ما نرد عليه

يستيقظ الرجل صباحا على السرير الأبيض النظيف وشعاع الشمس ضارب في عينيه،(دا علي اساس انه مفيش قدامه مباني تحجب الشمس او جيران تمنعه انه يفتح الشباك وهو نايم من غير ما حد يبص عليه )

ويمسح وجهه بيده استعدادا للفوقان ثم ينزل من على السرير وهو يرتدي التي شيرت البادي الأبيض (طالما نايم بتي شيرت قطن ابيض يبقي اكيد الراجل رايق ومتظبط ماديا)

مع شورت كاروه قصير ويبحث عن زوجته ليجدها في المطبخ تجهز التوست والجبن المطبوخ(ارخص طقم بوكسر 60 جنيه التوست والجبن المطبوخ معرفش تمنهم بالظبط )

وترتدي فقط تيشيرت أبيض طويل يصل حتى فوق الركبة بعشرين سنتيميتر وترتدي فوقه (لانها اكيد قضت ليله جميله في حضن زوجها وتمتعوا بما احله الله عليهم )

مريلة مطبخ ربما أطول من التيشيرت الأبيض من الأمام ثم يقف الرجل خلفها مباشرة ويقبلها (علشان نفس السبب اللي فات)

ويرمي نفسه على الكرسي المجاور لترابيزة المطبخ ليصنع الكابتشينو حتى يصحصح. (اظن ان حجم المطبخ اللي فيه ترابيزه ده مش موجود في اي حته )

كل هذا بالطبع لا يحدث في الواقع، ولكن يحدث فقط في الأفلام والمسلسلات الأجنبية (ومليون واحد وافقين وراهم بيصوروهم)

التي يتربى عليها الرجل ويعتقد أنه فور زواجه سيفعل ذلك وستكون زوجته على هذه الشاكلة،(لما يكون بيته علي هذه الشاكله )

ولكن الصورة الواقعية ستختلف تماما عن الصورة السابقة،

فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور (علي قد فلوسه )

لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل(من الرطوبه بتاعه الشقه اللي من الداخل اللي جايبها علي قد حاله برضه)

ونفسها تلاقي باب شباك اتفتح عشان تخرج منه،

ثم يمسك الرجل أنفه بسبب ريحه البصل وغلي اللحمة وهبو المطبخ

ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ(بيمسك انفه علشان مستخسر يشتري شفاط للمطبخ وترينج التوحيد والنور جاله هديه في جوازه)

لتنظر له نظرة الضحية للذئب البشري وكأنه السبب في العيشة الضنك،(علشان هو فاهم الدنيا غلط وفكره ان الزوجه لتلبيه رغبته وخلاص)

ثم تحدف له الفوطة المتسخة المصرية الشهيرة وتقول له ارفع اللحمة من ع النار (فوط المطبخ غاليه عليه فبيجيب اي كهنه قديمه من عنده ويعملها فوطه للمطبخ او ممكن يكون بعفانته مسح بيها الجزمه وباظت علي كده واتحولت لخرقه)

فهي تجهز طعام الغداء منذ الصباح،(علشان البوتاجاز 2 عين فيهم واحده مسدوده)

وبالطبع كل ذلك وهي ترتدي جلابية وتحتها بنطلون وتيشيرت هاي كول صوف. (لما يقبض الجمعيه حيجيبلها روب بالقسط هو حيشرب مخدرات ولا حيكسي الوليه ماهو اي هدمه حتدفيها)

المصايف بقى

الرجل ينبهر بهذا الممثل الأجنبي الذي يحتضن زوجته على الشاطئ وهي ترتدي مايوه قطعتين(كل اللي حواليه لابسين قطعتين واحيانا قطعه واحده من الاتنين)

ثم يرتميا سويا على الرمال ويتدحرجا إلى أن يصلا إلى البحر

ثم يعودا ويتدحرجا بالعكس على الرمال على الشاطئ الهادئ الخالي من أي بني آدم،(علشان مفيش حمار رمي ازازه بيره كسرها علي الرمله ممكن تدخل في ضهره وتعمله شلل رباعي)

ولذلك يحلم الرجل بأن يكون هو هذا الممثل صاحب العضلات والذي يرتدي البوكسر(شرحت موضوع البوكسر فوق)

وأن تكون معه هذه الفتاة الرشيقة الجميلة التي ترتدي هذا الكاش مايوه وتضع 'صن بلوك' على يديها،(السن بلوك بتاع ايفا المصري كان ب55 جنيه من سنتين)

ولكن في الزواج يا عزيزي انسى كل هذه الخيالات تماما،

فسوف تذهب إلى شاطئ يعج بآلاف المواطنين الذين يبحلقون لأي دراع معدي أمامهم،(الشواطئ الخاصه غاليه عليه )

كما أنك لن تأخذ راحتك معها لأنها مشغولة بإعداد الساندويتشات وكأنها في الجونينة يوم شم النسيم،(علشان عنده الرحله تساوي اكل ثم اكل وهي بتعمل الساندويتشات علشان ممعوش فلوس يغديهم بره)

بالإضافة إلى أن الكرش الذي سيظهر لك بسبب أكلاتها سيمنعك من ارتداء البوكسر،(المكرونه والبطاطس ارخص اكل وبيملي بيهم البيت ولاظم طبعا العيش البلدي مع كل حاجه وبعد كده يدخل ينام زي الخرتيت بعد الاكل)

فضلا عن أنها سوف تتحول إلى كائن غير متناسق التضاريس (ماهي بتاكل معاه من نفس الاكل سالف الذكر )

يجبرها على ألا ترتدي الاختراع الذي يسمى كاش مايوه (برضه لنفس السبب حتحتاج ملايه سرير مش كاش مايوه)

وستكتفي بجلابية مليئة بالتطريز إذا كانت حالتها مستعصية،

أو ترتدي بنطلون برمودا ضيق إذا كانت روشة طحن ومعه شبشب بلاستيك بصباع

وعادة ما يكون بمبي أو لبني وستجلس على كرسي صغير على الرمل أمام البحر مباشرة

وتدلدل رجليها وترفعهما مع كل موجة ببلاهة غريبة وستكون في قمة السعادة ثم تلف وتنظر لك وتقول (ماهي ما صدقت خرجت من القمقم فلازم الحاجات دي تكون غريبه عليها)

' المية حلوة قوي النهاردة .. تعالى خد شاندوشت بلوبيف'(المناسبات عندنا الكائن الرئيسي فيها هو الاكل )

كل هذا وأنت جالس خلفها على الكرسي الأخضر الكبير تحت الشمسية وتنظر لها من فوق الجورنال (صعبان عليه ال20 جنيه تكلفه الفسحه )

وتتحسر على الكاش مايوه والكرة الشاطئية لأن الوضع أصبح حلل محشي وطاولة وجلابية.

بيتهيالي كده حاولت احلل الموضوع بكل بساطه
انا بؤمن بمبدا ان لكل فعل رد فعل
وزي ما كل واحد عاوز من مراته يبقي لازم يعمل علي قد الي هو عاوزه ده
مينفعش اطلب منها تلبس وتحط برفانات وتطبخ احسن اكل وانا مش جايبلها اللي يساعدها علي كده
كان فيه مثل بيقوله اجدادنا
يا جرايه اطبخي
يا سيدي كلف
واتمنالكم حياه سعيده اجمل من اي افلام او روايات
محمد الشنوري

[SHNORY]

رغم عدم ميلي للاجتماعي اطلاقا لكن هارد:
اللحاف المشجر هو اللي اختاره لما اختار عروسته والبيئة اللي جايه منها يبقي محدش يلوم الا نفسه
والاوضه ضلمة عشان البيوت والعمارات اللي لازقة في بعض ولو فتحت الشباك هايقولها انتي بتخلي الناس تبص عليكي وتبقي وقعتها سودة
ماهو لو كان فكر من الاول وركب شفاط في المطبخ ماكنتش الريحة خنقته
ولو عملته توست وجبنه هايقولها ايه الكلام الفارغ اللي عاملاه ده

هههههههههههههههههههههههههههههههههههههههههههههههههه ههههههه
والله ما شوفت ردك غير بعد ما رديت
الله ينور يا كيمو ومعلش بقي اني كررت جزء من كلامك بس مكنتش شوفته

[نور العمر]

كن عذب مع زوجتك ... ستجد منها عذوبة
الفت انتباهها لما تحبه فيها .. سجدها تهتم به
ضع لوائح للشياكة المطلوبة في البيت وبرا البيت ... دايما حتحافظ على الصورة إللي ترضيك
كن زوج امريكاني .... أو حتى بريطاني ... ستجد ما يسرك

[Samah AbdAllah]

على فكرة الكلام ده غلط خالص وغير واقعى يمكن كان صح فى القرن اللى فات ولا من 20 ولا 30 سنة

لكن الستات دلوقتى هى اللى بتشتكى تلاقى الزوجة انيقة وشيك مهتمة بنفسها جدا والزوج شكله استغفر الله العظيم مش كلهم طبعا
الستات اتعلموا الدرس واهتموا باناقتهم ورشاقتهم والرجالة العكس
تلاقى الست ماشية مش باينة جنب جوزها اصلا هى ياعينى مفيش شوية شوية هتختفى ومش بتاكل وبتعمل ريجيم على طول عشان تعجب البيه وهو بياكل ولا همه يعمل 3 ولا 4 منها
اللى يشوفها جنبه يفتكرها بنته
فبلاش ظلم للستات بقا وكل واحد يبدا بنفسه ويبص فى المرايا قبل ما يتكلم ويعيب على زوجته

[Ahmed Sharaf]

اسمحلي ارد علي الموضوع ده جوه الاقتباس علشان دا لازم نحلله كويس قبل ما نرد عليه


بيتهيالي كده حاولت احلل الموضوع بكل بساطه
انا بؤمن بمبدا ان لكل فعل رد فعل
وزي ما كل واحد عاوز من مراته يبقي لازم يعمل علي قد الي هو عاوزه ده
مينفعش اطلب منها تلبس وتحط برفانات وتطبخ احسن اكل وانا مش جايبلها اللي يساعدها علي كده
كان فيه مثل بيقوله اجدادنا
يا جرايه اطبخي
يا سيدي كلف
واتمنالكم حياه سعيده اجمل من اي افلام او روايات
محمد الشنوري

سيدى الفاضل , أرجو من حضرتك إختيار الالفاظ الموجودة فى مداخلة حضرتك على رد الفاضل كريم منير حيث ان اغلبها شتيمة.

[jisso82]

انا عارفه ان الموضوع ده للتهريج والضحك والردود كمان
انا عندي سؤال بجد لكل الاعضاء اللي شاركوا بالموضوع
طبعا مفيش شك ان من حق الزوج يصحى الصبح على مناظر جميله وروائح اجمل
لكن فعلا انتم شايفين انكم هتكونوا اسعد حالاً لوزوجاتكم قلدوا بنات الغرب في كل حاجة حتى المايوهات ؟؟؟؟؟

لأ طبعا بس المفروض الزوجين يتعاونوا إنهم يحتفظوا بحد أدنى من شكل العلاقة الجميلة بينهم و تانى بكرر شكل مش موضوع يعنى يحاولوا على قد ما يقدروا روتين الحياة ما يطغاش بشكل كامل على حياتهم و لو حتى باستغلالهم المناسبات أعياد ميلاد جواز أجازات تبقى فرصة يرجعوا فيها لمراهقة ما قبل الزواج و يعتبروا نفسهم لسة مااتدبسوش قصدى مااتجوزوش.

و رد خاص على آخر سؤال لو نفسنا تقلدوا الغرب فى كل حاجة كان أولى نتجوز من الغرب أفضل بدل التقليد