بخصوص اللابتوب ميني

[amir]

اللابتوب ميني الصغير اللي هو 9 او 8 بوصه ده
حد اشتراه
انا بفكر ابيع الابتوب بتاعي توشيبا 15 بوصه و اجيبه نظرا لحجمه الصغير
استخداماتي تنحصر في الدخول علي لانترنت و قراءه ملفات البي دي اف و من ان لاخر شويه باوربوينت
انما لو بيشغل ريد اليرت القديمه دي يبقي فل RED.....
انا حاليا بكتب الموضوع ده من علي واحد ماركه توشيبا nb100
بص بصراحه الكيبورد بتاعته خنقاني شويه في الكتابه حاسس ان الزراير ترتيبها و وضعها مش قد كده
هل ده علشان اول مره استخدمه ولا في موديلات تانيه الكيبورد فيها احسن؟؟
نسيت اقول ان الكتابه و الطباعه برضو اساسيين بالنسبالي
انا شايفه حلو من ناحيه سهوله لحمل و التنقل و بطاريته بتقعد فتره اطول نظرا لقله حجم الشاشه و صغر طاقه البروسيسور
ياريت افاده حلوه من الناس الحلوه لأني خلاص ممكن ابيع التوشيبا بتاعي و اكمل و اجيبه
طبعا لو حد يوفر علي اللف و الدوران و يكتب اسعار يبقي كتر الف خيره

[bishoy02010]

هوة فعلا الكيبورد بتاعتة تخنق بس مع الوقت هتتعود علبها وانتة مش محتاج حاجة اكتر من كده بطبيعة اللى انتة فلتة وكان فى واحد امكانياتة مش قد كدة كانت منزلاة موبينيل ب 1800 باين بس هيعمل كل اللى انتة محتاجة

[tabeb]

1800 بس؟

[icetak]

acer aspire one b 1600-1700 (3 cell battery)
1900 (6 cell battery)
at computer mall el sakhawy

[Dr_Mido]

اة تاع موبينيل دة انا مجربه عندى


تصفحه للنت ممتاز بمودم ال USB

بس امكانياته مش قد كدة

• 9" LCD screen
• Compact size with 30GB hard disk, 1GB RAM
• Windows XP
• Multimedia built-in 1.3 MP ...cam
• WIFI Enabled
• Intel Processor

[bishoy02010]

اة تاع موبينيل دة انا مجربه عندى


تصفحه للنت ممتاز بمودم ال usb

بس امكانياته مش قد كدة

• 9" lcd screen
• compact size with 30gb hard disk, 1gb ram
• windows xp
• multimedia built-in 1.3 mp ...cam
• wifi enabled
• intel processor

بالظبط كدة هيا ديه امكانياتة وصاحب الموضوع مش محتاج اكتر من كدة :)

[الدعم الفنى]

معايا ال MSI Wind U100
من شهر 7 اللي فات تقريبا
كان وقتها ب 4000 جنية
هايل ومكفيني وسيبت نوتبوك الشغل في الشغل رغم ان امكانياتة اكبر
يغور بوزنة
ده مكفيني وبعمل علية حاجات اكتر بكتير من اللي قولت عليها
بس ده افضلهم لان شاشتة 10 بوصة
ده يتساوي بال HP لانهم حاليا بنفس التمن
2800 او 2500
بطارية 3 خلية من ساعتين لساعتين ونص
وجايب شاحن عربية للضروريات ورامية في العربية على طول
اصلة بيشتغل عربية وبيت فثي وقت واحد

دي تجربتي معاه

[Samah AbdAllah]

معايا ال MSI Wind U100
من شهر 7 اللي فات تقريبا
كان وقتها ب 4000 جنية
هايل ومكفيني وسيبت نوتبوك الشغل في الشغل رغم ان امكانياتة اكبر
يغور بوزنة
ده مكفيني وبعمل علية حاجات اكتر بكتير من اللي قولت عليها
بس ده افضلهم لان شاشتة 10 بوصة
ده يتساوي بال HP لانهم حاليا بنفس التمن
2800 او 2500
بطارية 3 خلية من ساعتين لساعتين ونص
وجايب شاحن عربية للضروريات ورامية في العربية على طول
اصلة بيشتغل عربية وبيت فثي وقت واحد

دي تجربتي معاه

هو الدعم الفنى بيشارك فى الموضوعات معانا وبيكتب بالاخضر مش بالاحمر

[Dr_Mido]

بشبه عليه انا كمان معرفش ليه
غالبا نسى يخرج ويدخل تانى

[M.Mokhtar]

غروش غروش
بصوا العصفوره

[amir]

طيب
كتر خير الناس اللي شاركت و الله مكنتش متوقع الكم ده من المشاركات
دلوقتي بقي اخوكم عايز يبيع اللابتوب التوشيبا ساتالايت 15 بوصه m70-340 تفتكرو يتباع بكام و معاه شنطه لوجيتك محترمه شيك علي قده
علشان اقدر اشتري الميني لاب ده
بس ممكن لو فيها رزاله كبيره حد يكون قريب من مولات الكمبيوتر ينزل بعد اذنه و يسأل علي الماركات المختلفه و مواصفاتها و اسعارها و لو احب ازود علي مواصفاته سواء رام او هارد يكلف كام
معلش بقي اخوكم مزنوق قوي اليومين دول امتحانات ماجستير و الدنيا زنقت معايا قوي قوي

[Samah AbdAllah]

غروش غروش
بصوا العصفوره

هههههههههههههههههه حلوة ده احنا بنحس بيه من غير حاجة كده حتى لو غير اللون الاخضر

[elpasha009]

دكتور أمير
نصيحة لوجه الله خليك في الأسوس EeePC موديل 1000H أو 1000HE ودول الميزة اللي فيهم:
1-الشاشة 10 بوصة وبالتالي القراءة فيها أحسن بكتير من 8 أو 9 بوصة.
2-تقدر تركب أو تغير الرامات والهارد وكارت الوايرليس بسهولة جدا غير موديلات تانية كتير.
3-الكيبورد وضعيتها وزرايرها ممتازة جدا وزي الكيبورد العادية بالظبط (كمان الكيبورد في موديل 1000HE إتحسنت أحسن من 1000H)
4-بطارية 6 خلية وبتفضل شغالة بالضبط 5 ساعات وإنت طالع (موديل 1000HE بيجي ببطارية 9 خلية بتفضل 9 ساعات بس مش موجودة في مصر)
5-الوايرليس بتاعه يعمل بتقنية A/B/G/N وكمان على تردد 2.4 و5 جيجا.
6-إنتشار رهيب جدا في العالم ومبيعات خرافية وتقدر تعمل سيرش بسيط جدا على الجوجل هتلاقي ناس من كتر حبهم فيه عملو عليه شوية تعديلات وبقى تاتش سكرين:)
7-في موديل من 1000HE بيجي مدمج معاه موديم 3G.يعني تحط شريحة المحمول وتشتغل نت علطول من غير الموديم أبو 500 جنيه بتاع أي شركة من شركات المحمول.
8-السماعات وكمان المايك ستيريو.
9-مش فاكر حاجة تاني دلوقتي:)
د/ أمير الجهاز ده معايا من شهر 12 اللي فات وأنا أصلا شغال في السودان والإمارات ومصر يعني مبكملش في أي بلد من دول شهر وأتنقل.وشغلي والله العظيم في الصحراء.أنا مش عاوز أقول لحضرتك شكل الجهاز عامل إزاي دلوقتي وكمان وقع مني كذا وقعة محترمة.
البطارية مع كل الإستخدام ده ولسه زي ماهي مبتقلش عن 5 ساعات.
الجهاز كنت شاريه ب2700 من شهر 12 ودلوقتي على ما أعتقد إن الموديل الأعلى اللي هو 1000HE بقى ب2500 في مصر و2250 في السعودية والإمارات.

[elpasha009]

نسيت أقول لحضرتك إني شغال عليه 24 ساعة وشغال بثلاثة أنظمة تشغيل (وندوز و2 لينكس) وبشتغل كل حاجة عليه ماعدا الجرافيك شغل بسيط جدا.
حاجة كمان بسيطة جدا وهي إنك لو عملت سيرش على كل الموديلات الموجودة قدامك مش هتلاقي حاجة فيها كل المميزات ديه وبالسعر ده.

[amir]

طيب شكرا علي النصيحه الغاليه
بس هل الهارد ديسك بتاعه عادي ولا solid state hard disk (ssd) as the ssd technology doesnt include a rotating hard disk which saves power and sound and protects the hard disk from accedintal falls?
و ياتري حد عنده سعر مؤكد ليه في مصر؟