جايلى موبيل من السعودية ....

[ahmad--ezzat]

يا جماعة انا جايلى موبيل من خلال شركة فيديكس فى السعودية...ابن خالى باعتهولى من هناك بس قالولة هناك احتمال ميوصلش لان المطار هيمنع دخولة ...بس هو بعتة ودفع الشحن هنالك وكلو..
محدش عندة فكرة بقا اية موضوع المطار يمنع دخولة دة ...مع العلم ان دة مش اول شىء يبعتة
شكرا مقدما

[zocor742]

يمكن مش مطابق للمواصفات المصرية

[ahmad--ezzat]

يمكن مش مطابق للمواصفات المصرية

omnia مش مطابق؟؟

[zocor742]

omnia مش مطابق؟؟

مش فاهم قصد حضرتك فى الرد

[kemo0o]

لا لا لا هيوصل ان شاء الله بس هتدفع له جمارك
سؤال بسيط : وهو بيشحن هل كتب ان الطرد ده هدية ؟؟!! لو كده الجمارك هتقل علية شوية انما غير كده اعتقدهتدفع لك من 200-500 جنية جمرك

محدش عندة فكرة بقا اية موضوع المطار يمنع دخولة دة

ده طبعا كان زمان ممنوع دخول اي جهاز يدعم ال gps لانه كان ممنوع هنا فكان بيتصادر في المطار انما دلوقتي ال gps بقى مسموح بيه
2- لو باعت لك اكتر من جهاز بيعتبروها تجارة وبيطلعوا لك جهاز واحد منهم او جهازين ويصادروا الباقي

يارب اكون قدرت افيدك .... وابقا طمنا وقول لنا عملت ايه !

[medo980]

بوص يا باشا انا بشتغل فى شركة بريد سريع كبيرة منافسة لشركة فيدكس هو اول ما الطرد يوصل هيبعتولك حاجة اسمها اخطار بوصول شحنة وحجزها بالجمرك بتتصل بيهم و المخلص بتاع الشركة هيطلب منك صورة بطاقتك وتفويض منك عشان يفتحلها شهادة اجرئات عشان يشتغلك عليها وبعد كدة هيطلب منك تروح لمرفق الإتصالات بكتالوج الموبايل او هما يبعتوا مندوب من عندهم بس المصاريف بتزيد لو هما راحو المرفق والحكاية دى بتاخد يوم فى المرفق وبعد ما ياخدو الشهادة من المرفق بأن مفيش مانع من دخول الموبايل بترجع تانى للمطار عشان بترفق الشهادة دى مع اوراق الطرد والمخلص بيعرض الورق على الجمارك ودى اخر خطوة وهو بيدفع كل الرسوم وبيطلعلك فاتورة بالمبالغ الى اتصرفت يعنى انت فى الأخر هتدفع 10 % ضريبة مبيعات + 160 رسوم اذن تسليم بوليصة + 100 رسوم عرض مرفق الأتصالات لو هما الى راحو مرفق الإتصالات + 150 اتعاب تخليص الطرد لشركة فيدكس وبعد ما تدفع تستلم الموبايل و فية محاولة انت بتعملها كدة ودة لو الموبايل لسة موصلش المطار انت بتتصل بشركة فيدكس وتقولهم على رقم البوليصة الشحن الى اتبعت بيها الطرد من السعودية وهم بيحاولوا يخرجوها من غير دفع المبالغ دى كلها ارجو ان اكون افدتك

[ahmad--ezzat]

بوص يا باشا انا بشتغل فى شركة بريد سريع كبيرة منافسة لشركة فيدكس هو اول ما الطرد يوصل هيبعتولك حاجة اسمها اخطار بوصول شحنة وحجزها بالجمرك بتتصل بيهم و المخلص بتاع الشركة هيطلب منك صورة بطاقتك وتفويض منك عشان يفتحلها شهادة اجرئات عشان يشتغلك عليها وبعد كدة هيطلب منك تروح لمرفق الإتصالات بكتالوج الموبايل او هما يبعتوا مندوب من عندهم بس المصاريف بتزيد لو هما راحو المرفق والحكاية دى بتاخد يوم فى المرفق وبعد ما ياخدو الشهادة من المرفق بأن مفيش مانع من دخول الموبايل بترجع تانى للمطار عشان بترفق الشهادة دى مع اوراق الطرد والمخلص بيعرض الورق على الجمارك ودى اخر خطوة وهو بيدفع كل الرسوم وبيطلعلك فاتورة بالمبالغ الى اتصرفت يعنى انت فى الأخر هتدفع 10 % ضريبة مبيعات + 160 رسوم اذن تسليم بوليصة + 100 رسوم عرض مرفق الأتصالات لو هما الى راحو مرفق الإتصالات + 150 اتعاب تخليص الطرد لشركة فيدكس وبعد ما تدفع تستلم الموبايل و فية محاولة انت بتعملها كدة ودة لو الموبايل لسة موصلش المطار انت بتتصل بشركة فيدكس وتقولهم على رقم البوليصة الشحن الى اتبعت بيها الطرد من السعودية وهم بيحاولوا يخرجوها من غير دفع المبالغ دى كلها ارجو ان اكون افدتك

هيا العملية سايحة شوية اعذرنى ...امال المفروض الشركة دى وظيففتها اية

على العموم انا مريت بالموقف دة بس كان لاب توب...ودفعت 500 جنية (ودة بيتوقف على وزن الشىء)...وكلمونى قبل ما يجوا بنص ساعة...وقالولى مطلوب كذا كذا ...فقط لا غير

بس بالنسبة للمطار والكلام دة انا معتقدش انى هتبهدل كدة

[ahmad--ezzat]

معلش يا جماعة محدش يعرف الجمرك بتاع التليفون قد اية تقريبا؟

[memohamada]

طب هو لية بعتهولك فى طرد , كان ممكن يبعتة مع اى حد نازل مصر و انت تاخدة منة ومنغير ضرائب ولا رسوم شحن ولا جمارك ولا وجع دماغ خاااالص

[AshTurbo]

بخصوص مكان وصول الطرد بالنسبة ليا كانت كل الطرود بتيجي على البيت مباشرة من أي حته في العالم سواء خليج أو حتى أمريكا دي مش مشكلة وأعتقد بتدفع مبلغ بسيط لشركة الشحن عشان يوصلك الطرد لحد البيت بس المشكلة في الجمارك اللي بتدفع بصراحة الواحد بيدفع مبلغ وقدرة وعندنا هنا بيستهبلوا في أسعار الجمارك يعني مش مبلغ بسيط وعموماً أنت في مسألة الموبايلات أو اللابتوب ممكن أي حد نازل مصر ياخد الموبايل أو اللابتوب معاه على أنه أستعمال شخصي ومش حيتجمرك بأذن الله .

[ahmad--ezzat]

بخصوص مكان وصول الطرد بالنسبة ليا كانت كل الطرود بتيجي على البيت مباشرة من أي حته في العالم سواء خليج أو حتى أمريكا دي مش مشكلة وأعتقد بتدفع مبلغ بسيط لشركة الشحن عشان يوصلك الطرد لحد البيت بس المشكلة في الجمارك اللي بتدفع بصراحة الواحد بيدفع مبلغ وقدرة وعندنا هنا بيستهبلوا في أسعار الجمارك يعني مش مبلغ بسيط وعموماً أنت في مسألة الموبايلات أو اللابتوب ممكن أي حد نازل مصر ياخد الموبايل أو اللابتوب معاه على أنه أستعمال شخصي ومش حيتجمرك بأذن الله .

ياجماااعة الاب توب معفى من الجمارك ...انا جالى لابتوب قبل كدة......

لكن الموبيلات لا عليها جمارك

[mokhtar]

يا جماعة انا جايلى موبيل من خلال شركة فيديكس فى السعودية...ابن خالى باعتهولى من هناك بس قالولة هناك احتمال ميوصلش لان المطار هيمنع دخولة ...بس هو بعتة ودفع الشحن هنالك وكلو..
محدش عندة فكرة بقا اية موضوع المطار يمنع دخولة دة ...مع العلم ان دة مش اول شىء يبعتة
شكرا مقدما

شوف يا سيدى الموضوع ده حصل معانا بالزبط اخويا فى قطر كان بعت لاخويا التانى هنا موبايل htc 3400 تاتش سكرين وكان باعته على البريد القطرى يعنى ييجى على البريد المصرى لما وصل كانت حوارات كبيره وبوليكه اولا لازم يبعتوه لوزاره الاتصالات تقريبا عشان يتاكدوا انه مش ممنوع يدخل مصر قمه الغباء طبعا وبعدين لما يرجع ويتوافق عليه بتدفع الجمرك بتاعه + ارضيه يعنى لو العمليه دى اخدت 3 ايام يدفعك تمن تخزينه + الجمرك احنا دفعنا حوالى 450 جنيه بس التفاصيل الدقيقه مش فاكرها طالما هو باعتها على فيدكس يبقى اعتقد فرع فيديكس اللى هنا مطالب يجيبهولك لحد البيت الا اذا حصل حاجه يبقى تتابع معاهم
بس نصيحه بعد كده ماتحاولش تبعت فى البريد او الطرود لو حد نازل يجيبه معاه محدش هيكلمه لانه بيبقى شخصى