لو حاطط في البنك 100000 جنيه كم تعتبر فوائدها في الشهر ؟؟؟

[karaktar]

يا اخى العزيز هذا الموضوع قتل بحثا من فبل علماء الدين والفقه وهناك من هم مع البنوك فى جزئية ايداع الاموال فقط وليس الاقتراض منها وهناك من هم ضد هذا وكلا منهم له سنده الذى يستند اليه وانا لست فقيه حتا اجادل فى ذلك ولكن امامى امر من امور الدنيا اختلف فيها العلماء كشأن اى مسألة اخرى فى الدين وبأمكانى ان أخذ بأى من الامرين .. ولك جزيل الشكر

ياريت تكون قرأت اللى فى الرابط كويس قبل ماترد ( وعلى فكرة انا مش هادخل فى جدال معاك ايضاً لأنى لا افقه شئ فى المسأله دى ) بس حبيت اجيبلك الاثباتات ان التعامل مع البنوك وفوائدها حرام وهذا ما اجمع عليه علماء كثيرون وليس بخلاف الا طبعاً الشيخ على جمعة مفتى الجمهورية اللى ماشى ورا الحكومة وطبعاً حللها وقعد يجيب حورات واثباتات مالها اى اساس وعلى فكرة الشيخ على جمعة قبل ما يمسك مهمة مفتى الجمهورية كان بيحرم فوائد البنوك وهذا ما قاله شيوخ الازهر فى هذا الرجل
لكن الاساس كما قلت ان الموضوع مافيهوش خلاف ولا يحتمل انك تؤول اللى يمليه عليه ضميرك لأنه امر واضح وبيين ومحرم شرعاً( كما اجمع علماء الامة )
اتمنى ان تقرأ ما فى الرابط وبتمعن
( وربنا يوجهك الى مافيه صواب ورضا لله عز وجل ويهديك الى الطريق الصحيح )

[sha2e]

هنصحك نصيحة لوجه الله

الـ 150 الف دول ممكن تشترى بيهم شقه مش كبيره فى منطقه مش غاليه وتستفيد من ميزة انخفاض الاسعار فى الوقت الحالى
وهتتأجر فى الشهر فى حدود 650 جنيه وممكن أكتر من كده
ده غير الذياده السنوية الل ممكن تحددها فى عقد الايجار

المميزات :
1- ربح حلال 100% ومفهوش اى شبه
2- هتاخد الايجار او الربح كل شهر مش كل 3 او 6 شهور
3- لو احتاجت الفلوس فى اى وقت ممكن تبيع الشقه وتاخد الفلوس الل دفعتها ( ده ان مكسبتش فيها )
4- قيمة رأس المال (العقار) فى ذياده مستمرة عكس البنك الل الفلوس قيمتها فى نقصان مستمر

لو جيت تقارن لو حطيت نفس المبلغ فى شقه او شهادة بنك مدتها 5 سنوات

البنك : هيعطيك عائد سنوى حوالى 12.5 الف جنيه على فترات
الشقة : هتعطيك عائد سنوى حوالى 8 الف جنيه مقسمه على أشهر فى البداية
وفى الغالب القيمة الايجاريه بتزيد 10% فى تجديد العقد سنويا
يعنى بعد خمس سنين هسترتفع القيمة الايجارية الى 12883 جنية سنويا

بعد 5 او 7 سنوات
البنك : هتسترد 150 الف ( فى الغالب سيكون قد تم فقد 75% من قيمتهم ) من وقت الايداع
العقار : فى الغالب ستزيد قيمته ثلاث اضعاف عن وقت الشراء

يعنى بالبلدى كده لو اتنين كل واح معاه نفس المبلغ واحد منهم حط فلوسه فى البنك والتانى اشترى شقه او عقار

بعد 5 او 7 سنين الل اشترى شقه هتجبله أد الل دفعه فيها تلات مرات
فى حين ان الل حط فلوسه فى البنك من سبع سنين مش هيقدرو يجبولو أوضه واحده من شقه صاحبه

ويارب اكون قد وفقت فى عرض وجهة نظري لتعم الفائدة

وشكرا

[fady.bekatcho]

انا برضه كنت فاكر أن البنوك العامة بتدي أعلى من البنوك الخاصة...لكن لما عملت لفة عشان أعمل قرض بضمان وديعة أكتشفت أن ده كلام مش دقيق...

على سبيل المثال...بنك عودة بيدي فائدة 9.5 في المية على الشهادات اللي مدتها أربع أو خمس او سبع سنين..والأحسن من كده انك لو اتزنقت في فلوس ومش عاوز تفك الشهادة زي ما الاستاذه نور العمر عملت ممكن تعمل أوفر درافت بضمات الشهادة لحد خمسة وتمنين في المية من قيمتها وبحسبلك فايدة أعلى اتنين في المية من فايدة الشهادة لكن فايدة يومية يعني لور رجعت الفلوس بعد أسبوع واحد بس بيتحسب عليك فايدة الأسبوع مش فايدة الشهر زي ما البنوك العامة بتعمل...بعد لفة محترمة على البنوك أنا شايف ان ده افضل عرض موجود بين البنوك في حدود ما اعرف.

معلش ليا تعليق صغير على كلام حضرتك

البنوك العام فيها خاصية ان ممكن تاخد قرض بضمان الشهادة

حتى 80 % او 85 % مش متذكر بالظبط

ودا احنا عاملين وجايبين بية العربية

وبندفع 1 % بس زيادة على فايدة الشهادة

وبالعكس مش محددلى مدة معينة يعنى ممكن اسددة فى سنة او اتنين او عشر سنين كمان

[fady.bekatcho]

وانا كنت جايب الشهادة البلاتينية من ايام ما كانت ب 11 %

[amohsen]

يا اخى العزيز هذا الموضوع قتل بحثا من فبل علماء الدين والفقه وهناك من هم مع البنوك فى جزئية ايداع الاموال فقط وليس الاقتراض منها وهناك من هم ضد هذا وكلا منهم له سنده الذى يستند اليه وانا لست فقيه حتا اجادل فى ذلك ولكن امامى امر من امور الدنيا اختلف فيها العلماء كشأن اى مسألة اخرى فى الدين وبأمكانى ان أخذ بأى من الامرين .. ولك جزيل الشكر

فوئد البنوك ربا صريح بإجماع العلماء

ونفترض أنه مختلف فيه زي ما حضرتك بتقول ولو أنه مش صحيح، كفاية الوعيد اللي في القرآن لمن يتعامل بالربا يخليني أبعد عنه ولو للشبهه، ده ربنا بيقول: فَأْذَنُواْ بِحَرْبٍ مِّنَ اللّهِ وَرَسُولِهِ


الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا فَمَن جَاءهُ مَوْعِظَةٌ مِّن رَّبِّهِ فَانتَهَىَ فَلَهُ مَا سَلَفَ وَأَمْرُهُ إِلَى اللّهِ وَمَنْ عَادَ فَأُوْلَـئِكَ أَصْحَابُ النَّارِ هُمْ فِيهَا خَالِدُونَ (275) يَمْحَقُ اللّهُ الْرِّبَا وَيُرْبِي الصَّدَقَاتِ وَاللّهُ لاَ يُحِبُّ كُلَّ كَفَّارٍ أَثِيمٍ (276) إِنَّ الَّذِينَ آمَنُواْ وَعَمِلُواْ الصَّالِحَاتِ وَأَقَامُواْ الصَّلاَةَ وَآتَوُاْ الزَّكَاةَ لَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ (277) يَا أَيُّهَا الَّذِينَ آمَنُواْ اتَّقُواْ اللّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ (278) فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ (279)
[البقرة : 275-279]

يَا أَيُّهَا الَّذِينَ آمَنُواْ لاَ تَأْكُلُواْ الرِّبَا أَضْعَافاً مُّضَاعَفَةً وَاتَّقُواْ اللّهَ لَعَلَّكُمْ تُفْلِحُونَ [آل عمران : 130]

[mohamed2002]

لو حتحتاج الفلوس قريب يعني مش مستغني عنهم لفترة 3 سنوات يبقي انت تحطهم في حساب توفير في اي بنك اما لو شهادات يبقي بلاتيني البنك الاهلي ,برضة بنك عودة عرضة كويس 9.4% ويصرف شهري عرض كويس,سمعت ان bnbعامل شهادة ب 14% وانا بقول سمعت ولست متاكد

[mohamed2002]

أيوه با ياشا 9.5 في المية على الشهادات وتصرف شهريا...البنك جديد فعلا في مصر..لكن طبعا كل البنوك في البلد بتعمل بترخيص من البنك المركزي...مش عارف موضوع فروع اسكندرية ده لكن على العموم الرقم المختصر بتاعهم 16555 كلمهم واسألهم...وربنا يوفقك لحاجه مناسبة

لبنك عودة فرع بالعصافرة بشارع جمال عبد الناصر امام مدرسة عزيز اباظه

[himatros]

انا توهت ياجماعة معاكوا والله
يعني من الاخر شكلي هعمل زي ما الاخ قال هحطها في مشروع او هسيبها في دفتر توفير

[fars777]

على اساس انى مشترى البلايتنىة بس لما كانت 10 % ولما كانت 12 %
وحاليا 9 % وتقدر تخش الصفحه وتجيب منه الاسعار بتعتهم ودى عينه من الصفحه
دفتر التوفير بالإطلاع 7.75% دفتر التوفير ذو الجوائز 7% دفتر توفير المدخر الصغير 8% دفتر ادخار المعاش 8% شهادات ذات العائد الشهرى المتغير 7.5% شهادات الإيداع الثلاثية 7.25% شهادات الايداع الخمسية 7.25% شهادات المعاش ذات العائد الشهرى 9% الشهادات البلاتينية 9%
ولاسف اغلب حسابى على hsbc فرق كبير مابين اسعار الفائده وفى نفس الوقت المصاريف اللى بياخدها من تحت لتحت بس هو ميزته معملته مختلفه عن البنوك الوطنية

طيب يا باشا مش مختلفين ال 11 وال 12 في المية للبلاتينية مش موجودة حاليا عندهم تسعة في المية بس فيبقى لما يكون عودة بيدي 9,5 يبقى احسن...بالنسبة ل hsbc فهو متميز في قصة خدمة العملاء وكمان عاجبيني فيه قوى خدمة الانترنت بانكينج لكن اسعار فائدته مش منافسة خالص...

[hossam_elwani]

الى بيحدد الفايدة البنك المركزى

بنك bnb سألت فيه بيقول عنده شهادات خماسية تصرف شهريا العائد السنوى 9.5% وشهادات ثلاثية تصرف شهريا العائد السنوى 9%

[sha2e]

انا توهت ياجماعة معاكوا والله
يعني من الاخر شكلي هعمل زي ما الاخ قال هحطها في مشروع او هسيبها في دفتر توفير

احب انوه عن حاجة
انا فى كلامى كنت أقصد انك تجمد الفلوس فى اصول سواء كان شقه او محل او جزء فى عقار او حتى جزء فى قطعة ارض سواء بناء او زراعيه
دى كلها اسمها اصول وممكن تدخلك عائد منها

ودى فرق كبير بنها وبين المشاريع
فى المشاريع نسبة الربح للخسارة فى اليومين دول للاسف حوالى 50% ودى فى حالة توافر قدر من الخبرة كمان
للأسف السوق دلوقتى مش مضمون فمتحولش تجاذف بفلوسك فى مشروع لأن محدش عارف الدنيا هتمشي ازاى فى الايام الل جايا

لو جيت تحسبها هتلاقى امامك ثلات اختيارات :

1- مشروع :
وده نسبة الربح فيه ممكن تزيد عن عائد البنك لكن فى المقابل نسبة الخسارة فيه كبيرة جدا وتعتبر فى الوقت الحالى مخاطرة كبيرة(علشان كده منصحكش اليومين دول بالاختيار ده)

2- البنك :
بتكون نسبة الربح فيه متوسطه ونسبة المخاطرة مش كبيرة لكن فى المقابل قيمة رأس المال بتقل بصورة مستمرة ودى انا وضحتها فى المشاركه السابقة ليا فى نفس الموضوع

3- الاصول :
هنا بتكون نسبة الربح او العائد منها فى البداية بتكون أقل من البنك لكن فى المقابل قيمة رأس المال بتكون فى ذيادة مستمرة وطبعا مع ذيادة القيمة مع الزمن هتزيد العائد منها

ولو ليك اى استفسار احنا معاك

تحياتى

[tahayt]

السلام عليكم
يا جماعة فوائد البنوك حرام قطعا و ليس مسالة خلاف لان كل العلماء فى العالم الاسلامى قالوا بذلك ما عدا بعض علماء الحكومات من ذوى المناصب البراقة
و ياريت تعرفوا ان البنوك ما هى الا وسيط فى الربا , اى ان البنك فى 90% من معاملاتة يفوم على اخذ اموال من المودعين بفائدة معينة ثم اعادة اقراضها لعملاء اخرين بفائدة اكبر ليربح هو فرق الفائدة بين المودعين و المقترضين
هذا هو اساس البنوك التى ابتدعها اليهود فى اوروبا لكى تكون ويائل منظمة للربا اللذى يستولون بها على اموال الناس
فارجو من كل واحد مقدم على وضع فلوسة فى البنك (او الاقتراض) ان يعلم ان المال زائل ولا يعجبة كثرة الخبيث
ولا فائدة من المال من غير بركة اللة
ولا فائدة فى المال من غير رضا اللة
ولا فائدة فى المال اللذى يقودك الى عذاب اللة و غضبة
فقط تمهل قبل ان تتعامل مع البنك و اسال اكثر من عالم دين موثوق فية لا يكون علية ضغوط بسبب منصبة
ثم اسفت قلبك و استعذ باللة من الشيطان و لا تخدع نفسك تحت اغراء المكسب
و تذكر كم من الاموال التى جائت و ضاعت بدون فائد . المهم البركة و رضا اللة
و للعلم كاتب هذة السطور وقع فى الربا و ذاق مرارة الندم و عرف معنى نزع البركة من الحياة يرجو ان يقبل اللة توبتة و يعصمة من الوقوع فى الربا
اسف للاطالة و هدانا اللة جميعا للخير

[himatros]

ان شاء الله هسال بعض العلماء اللي انا اعرفهم شخصيا واسالهم عن الحكاية دي
وتقبل الله منك التوبة يا اخ tahayt

[speed4speed]

فائدة البريد اعلى

111111111111111111111111

[hossam_elwani]

111111111111111111111111

بس البريد عرفت مؤخرا انه مبيحسبش 12 شهر فى السنة بيحسب 11 بس