تحب تلعب بايه

[Samah AbdAllah]

العاب الاطفال

كلنا واحنا صغيرن ولغاية دلوقتى طبعا بنحب لعب الاطفال جدا بس اكيد كل واحد فينا كان عنده لعبة بيحبها اكتر من اى لعبة تانية

انامثلا كنت بحب العب بالمكعبات والبازل والالعاب اللى فيها تركيب
وكنت اموت بقا فى لعبة ادوات المطبخ
بس كمان كلنا كنا بنطلب لعب كتير وفى منها كنا بنجيبه وفى لا وفى حاجت بعد ما نشتريها مش كنا بنحبها ولا بتعجبنا

فايه رايكوا لو كل واحد يقولنا اكتر لعبة كان بيحبها وهو صغير مفيش مانع لو لسة بيحبها لحد دلوقتى
وايه اللعبة اللى كان نفسه يشتريها ولما اشتراها معجبتوش ورماها ومبقاش يلعب بيها
وايه اللعبة اللى نفسه لحد انهاردة يشتريها

[Ashraf_Ashraf]

هههههههههههههههههه
وتفكرنا باجمل الايام انا كنت بحب لعب القطارات قوى لدرجه كان نفسى ابقى سواق قطار بس للاسف مش لقيت وظيفه سواق فاضيه عموما انا اشتريت لعبه القطار على الكمبيوتر وعندى قطارات كتيره وانت لا بس ممكن تتفضل تركب درجه اولى
شكرا ليك على الموضوع الظريف ده

[mohmd76]

انامثلا كنت بحب العب بالمكعبات

لا زلت العبها واحتفظ باثنتين منها الى الان
لانها تمثل قمه الغموض والذكاء فى اعادة كل لون الى مكانه
على فكرة اقوم بتجميع لون واحد فقط !!!ههههههههه
اقصى ما استطيعه

[Samah AbdAllah]

مش لسة نفسه فى لعبة ولا مرة جاب لعبة ومعجبتوش انا نفسى فى عربية من الكبار اللى بلاسلكى دى ومش عارفة مش بريح نفسى واشتريها

[ASKAFRAWY]

فكرة حلوة....فكرتنى بغلطة عمرى
لان وانا صغير كنت بحب المراكب جدا لدرجة ان كنت بتمنى اسوق مركب فى الحقيقة لحد مابقيت مهندس بحرى و ندمت اشد الندم و تالمت اشد التالم!!!!
ياريت ايام الطفولة ترجع 2 عشان اغرق كل المراكب اللى كنت بلعب بيها!

[نور العمر]

أنا بقا كنت بحب ألعب بالعرائس إللي واخدة شكل وحجم البيبي الطبيعي
أأكلها
ألبسها
أسرح شعرها
وكان عندي كمان عجلة ليها ... بما إنها بيبي ... وسا عات بتبقى عاوزة تخرج تتفسح بالعجلة

وطبعا ... لا أنسى .... الأخت ... باربي جميلة جميلات العرائس المانيكان
ولسة عندي العروسة البيبي
اتورثت الحمد لله .. نور استلمت التركة .. وكملت المسيرة

[Bossy_Fadl]

انا كان عندي تقريبا كل اللعب الموجودة في وقتها

ال Kitchen set

و Barbies

و ال cubes و ال puzzles

و حتي لعب الاولاد و القطر و المسدسات و J I Joe toys (حد فاكرها؟)

و عجلتي حبيبتي طبعا

بس و لا شي من هادول كنت بالعب بيه

لاني اساسا مكنتش باحب العب

كنت باعطي اختي كل اللعب تبعتي

مكنتش طفله طبيعيه ابدا:k48:

و لا حتي كنت بحب اختلط كتير بالاطفال و العب معهم

انا كنت مجنونة قرايه حتي من قبل ما افوت علي المدرسة

بابا الله يرحمه علمني اقرا من قبل المدرسة فكانت كل هوايتي تجميع و قرايه اكبر كم من القصص و الكتب من و انا عمري شي خمس سنين و الله العظيم

و فضلت الهوايه معي لهلا

الشي الوحيد يالي كنت بحبه و مازلت هو ركوب العجل

و بنتهز فرصه اي مصيف او سفره او هيك لالعب بالعجل

بس لو عندي اطفال بالبيت بحب العب معهم باللعب و العرايس و هالاشيا

و الباقي محدش منهم بيرضي:k26:

يمكن عشان انا مالعبت و انا بعدي صغيره فبحاول اعوض طفولتي هلا:k48:

[pro_samir]

من حوالى 20 سنة كدة كان عندى عربية مرسيدس نقل بالريموت كنترول بتمشى اربع اتجاهات جتلى هدية من واحد معرفة كان جاى من برا لأنى كنت واخد دور برد هههههه
كنت كل ما اتعب يجيلى عربيات بالعبيط دلوقتى ولا حد بيعبرنى
لحد الأن بحبها جدا بس مش شغالة
وطبعا كنت بعملها الصيانات الازمة ولما يتحرق موتور مثلا ولا ترس يتكسر اخد حد من قرايبى وانزل سوق الخردة اقعد ادور علية :)

ولما كبرت شوية كنت مقضيها عجل بقى وكل يوم جمعة افرش العدة فى البلكونة وافكك العجلة حتت حتت لحد ما تبقى فتافيت واغسلها كلها بالجاز واشحمها واقفلها وبعدين انزل اقعد اجرب واطلع اعدل تانى وحوارات
أمى كانت بتدعيلى بسبب الجاز والشحم لأن البلكونة كانت بتتحول لبركة جاز هههههه

قلبتو عليا المواجع

[نور القمر]

اكتر لعبة كنت بحبها المكعبات
المرحوم بابا كام جايبلي نوع جميل اوي احسن من بتاع اليومين دول
فيها كل مكونات البيوت من شبابيك وابواب وشجر واثاث وعربيات
وكنت بحب الشطرنج جدا وانا صغيرة ومكنتش بزهق منه
وكنت بركب عجلة لحد ما كبرت واتجوزت
والعرايس وخصوصا الاحجام الكبيرة كنت بموت فيها ولغاية دلوقت بشتريها
والاتاري بتاع زمان كان ادمان
واشتريت واحد بعد الجواز
وكنت محافظة على كل لعبي لحد ما اختي سندريلا جات دمرت كل حاجة
كان نفسي في القطر اوي ومكنش عندي وكان نفسي في النوع اللي بمدخنه بالذات
ولما جبت ابني الاولاني اشتريته و كنت بشتريله بمعدل كل اسبوع لعبه كبيرة على الاقل من الالعاب اللي كان نفسي فيها وبتحجج ان الالعاب ليه هو

[Mohamed.Raafat]

انا عن نفسي كنب بحب ال بالعربيات قوي
و انا صغير كنت عالطول احوش من مصروفي و اروح اشتري عربية من العربيات الصغيرة
ده طبعا غير العربيات الكبيرة اللى بالبطارية
و كان نفسي اجيب عربة اللى بالريموت
و حتى دلوقتي و انا في سني ده ( 23 سنة ) هاري نفسي لعب عربيات ( need for speed)
ادمنت السيارات ( لأ و اللى يغيظ اني كمان شغال في معرض للسيارات ) ( مع اني معايا دبلومة في علوم حاسب ) ههههههه
زي ما بيقولوا دخلت في بوتقة السيارات
و ربنا يستر من اللى جاي

[احمدعبدالعزيز]

اكتر حاجة كنت بموت فيها وانا صغير العجل وما ادراك ما العجل رجلى كلها جروج وكأنى كنت بحارب او بتسالق الجبال ولكن فى النهايه مازلت احب ركوب العجله

[ainshouka]

الميكانو كانت ومازالت اروع لعبة بالنسبالى والقديم منه مش الجديد لان القيم كان حجمه كبير وفيه كل ماتتخيله

واكتر لعبة كرهتها كان خالى جابهالى الجهاز الصغير اللى بيبقى فيه لعبة tetris كنت بتخنق منها وكانت مملة

[Samah AbdAllah]

الميكانو كانت ومازالت اروع لعبة بالنسبالى والقديم منه مش الجديد لان القيم كان حجمه كبير وفيه كل ماتتخيله

واكتر لعبة كرهتها كان خالى جابهالى الجهاز الصغير اللى بيبقى فيه لعبة tetris كنت بتخنق منها وكانت مملة

هى اللعب دى معلش اصل انا عجوزة شوية محضرش اللعب الجديدة دى