تحب تاكل إيه النهاردة

[نور العمر]

اتكلمنا كتيير
عن التعاسة الزوجية
والخلافات .. وأحلامك مع زوجة الخيال
ونفسك تصحى الصبح تلاقي جوليا روبرت ... وهكذا
تعالوا نحاول نوصل مع بعض لنقطة تلاقي
انت بتعمل إيه من أول ما تصحى لحد ما تنام
وزوجتك بتعمل إيه من أول ما تصحى لحد ما تنام
الزوجة = ( الفطار -السندوتشات - تحضير الاولاد للمدرسة - وتحضير حضرتك للخروج - تروح الشغل لو بتشتغل - ترجع تجيبب طلباتها وولادها - تحضر الغذاء -
وما بعد الغذاء - توضب في البيت غسيل مكوى تجهيز أكل جديد ترويق - مذاكرة للولاد - بتحب النت تدخل شوية تفك عن نفسها - تنزل تعمل مشوار مع الاسرة - ترجع تعشي - تلبس - تنيم ..................الخ )
المهم ... مفيش نسبة ولا تناسب
طيب ممكن تكون الزوجة الغلبانيتا دي بجانب كل ده محتاجة تبان أمام زوجها في أروق واحسن صورة ---- سهلة ---- مش مشكلة
بس عارف ممكن يكون نفسها في إيه

تيجي يوم جمعة تضحك معاها وتقولها ... نفسك تاكلي إيه النهاردة قوي ومش قادرة تعمليه .... وتقوم حضرتك متطوع بعمل ما تطلبه
واحنا دورنا نساعدك ... ادخل انت بس قوول عاوز تاكل إيه ... وعلينا الوصفات التمام ... واهو بردوا الزوجة الطيبة دي ... تلاقي زوجها مرة واحدة بيفكر يشيل عنها ... ويأكلها من إديه الحلوين دوووووول


هااااااا
قولتوا ايه
اتفقنا

[Samah AbdAllah]

انتى بتحلمى يا نور والنعمة
طيبة طيبة طيبة
دول يوم الاجازة او اى اجازة ياخدوها بيقولوا كلمة واحدة الاجازة دى واخدينها عشان نرتاح من تعب الشغل
لو الزوجة الغلبانة قالت نخرج تلاقى بوتاجاز فرقع فى وشها تعبان مش قادر اه يا رجلى اه ياقلبى وهنخرج نروح فين والزحمة والمرور اللى بيه تكرهى نفسك انك قولتى يلا نخرج ولو خرج يبقا متضرر ومبوز وحالته حالة لو استسلمتى وقعدتى فى البيت تلاقى البيت مكهرب
ههههههههههههه
الحماس اخدنى اصل اقتراحك ده من جماله مفيش راجل هيحققه
بس اقترحى اقتراح ممكن يتنفذ بلاش يطبخ على الاقل خالص يبطل طلبات ويراعى الضغوط اللى عليها طول يوم وشكرا ليه اوى لحد كده

[muslimah_dentist]

و الله يا بنات انتوا بقيتوا تعملوا موضوعات شائكة:k31:(شكلكم هتقلبوا رجالة المنتدى علينا)

بس بالرغم من كل ده الموضوع جميل يا نور بس متهيألى حلم من احلام اليقظة اللى عمرها ماهتتحقق

و استنوا بأه أما نسمع تعليقات الرجالة ع الموضوع

[نور القمر]

متفائلة اوي نور العمر
ده يا بنتي ابسط حاجة لما يكون في عزومة كبيرة سي السيد ورطني فيها اول اتفاق بينا تعرفني قبلها وبلاش سياسة الامر الواقع ده ... مفيش فايدة
تاني اتفاق لازم تساعدني
طبعا اكيد هساعدك
ومجرد ما الاقي نفسي اتورطت فعلا وبدأت ملقيش حد معايا يساعدني

انا اقصى طموحي اخد يوم اجازة من الطلبات ومن كلمة (((ماما)))

[mohmd76]

هههههههههههههههه
الكلام هذا فى الاحلام
يانور
اقرأى قرأن قبل ما تنامى تقريبا هذا كابوس

تيجي يوم جمعة تضحك معاها وتقولها ... نفسك تاكلي إيه النهاردة قوي ومش قادرة تعمليه .... وتقوم حضرتك متطوع بعمل ما تطلبه
واحنا دورنا نساعدك ... ادخل انت بس قوول عاوز تاكل إيه ... وعلينا الوصفات التمام ... واهو بردوا الزوجة الطيبة دي ... تلاقي زوجها مرة واحدة بيفكر يشيل عنها ... ويأكلها من إديه الحلوين دوووووول

[compuland]

انا عندى حل عملى بنسبه 100 %
يوم الجمعه ده يوم السمك المشوى
اتصل بالراجل بتاع السمك قبل الصلاه
وبعدين يجى ديلفيرى وقت الغداء
ونبقى حلينا المشكله
ولا هيه تعبت ولا انا تعبت وكل تمام وميه ميه

والسمك المشوى مش اغلى يعنى من السمك النى يزيد حوالى 2 او 3 جنيه
يعنى برده مش مكلف
وكمان هتوفر زيت القلى وكهرباء المطبخ والشفاط
وريحه البيت اللى يتتقلب

والسمك المشوى خفيف فى الهضم


ايه رأيكو

[bassem.naguib]

لا تعليق

[compuland]

لا تعليق

ايه ده بجد
قول كلام غير ده
طب اى حاجه

[مؤمنة]

هو ممكن زوجى الحبيب لما يلقينى تعبانه يبعت يجيب اكل من بره
لكن انه يقف فى المطبخ ويعمل اكل دى حتبقى صعبه قوى عليه وعليه وعلى المطبخ يا عينى على المطبخ

[islamnabil]

ياجماعة انتو ليه متخيلين الموضوع صعب
من دافع الحب الواحد ممكن يعمل كده
انا عن نفسي لما بلاقي زوجتي تعبانة بادخل المطبخ و اعمل اللي يقدرني عليه ربنا
الحياة الزوجية عبارة عن مشاركة
من غير كده اكيد حيبقى في مشاكل كتير

[pop3]

اتكلمنا كتيير
عن التعاسة الزوجية
والخلافات .. وأحلامك مع زوجة الخيال
ونفسك تصحى الصبح تلاقي جوليا روبرت ... وهكذا
تعالوا نحاول نوصل مع بعض لنقطة تلاقي
انت بتعمل إيه من أول ما تصحى لحد ما تنام
وزوجتك بتعمل إيه من أول ما تصحى لحد ما تنام
الزوجة = ( الفطار -السندوتشات - تحضير الاولاد للمدرسة - وتحضير حضرتك للخروج - تروح الشغل لو بتشتغل - ترجع تجيبب طلباتها وولادها - تحضر الغذاء -
وما بعد الغذاء - توضب في البيت غسيل مكوى تجهيز أكل جديد ترويق - مذاكرة للولاد - بتحب النت تدخل شوية تفك عن نفسها - تنزل تعمل مشوار مع الاسرة - ترجع تعشي - تلبس - تنيم ..................الخ )
المهم ... مفيش نسبة ولا تناسب
طيب ممكن تكون الزوجة الغلبانيتا دي بجانب كل ده محتاجة تبان أمام زوجها في أروق واحسن صورة ---- سهلة ---- مش مشكلة
بس عارف ممكن يكون نفسها في إيه

تيجي يوم جمعة تضحك معاها وتقولها ... نفسك تاكلي إيه النهاردة قوي ومش قادرة تعمليه .... وتقوم حضرتك متطوع بعمل ما تطلبه
واحنا دورنا نساعدك ... ادخل انت بس قوول عاوز تاكل إيه ... وعلينا الوصفات التمام ... واهو بردوا الزوجة الطيبة دي ... تلاقي زوجها مرة واحدة بيفكر يشيل عنها ... ويأكلها من إديه الحلوين دوووووول


هااااااا
قولتوا ايه
اتفقنا

السلام عليكم ورحمة الله....

والله يا جماعه الموضوع ده كبير ومش هيخلص في كلمتين فإسمحولي أني أطول عليكم شويه :

تعالوا نبص على واحد نجار تلقيه جايب لو ح خشب ومسمار وشغال دق , لا الخشب قال أي من إختراق المسمار ليه و المسمار قال أي من دق الشاكوش فوق دماغه طيب كل ده ليه ... علشان يطلعونا كرسي جميل نعد عليه أو ترابيزه حلوه ناكل فوقيها.

المقصود هنا إن كل مخلوق في الكون ليه دور , هو الحقيقه إنه مكمل لدور مخلوق تاني لتكتمل الدائره .

فالزوجه إذا كانت بتتحمل ضغوط الحياة اليوميه من مأكل و ملبس و نظافه و رعايه أطفال ـــــــــــــــ
والزوج إذا كان بيتجمل ضغوط الحياة اليوميه من عمل وضرورة توفير المأكل و الملبس و الحياة الكريمة لأسرته ــــــــ

فكل ده علشان ينتجوا أبناء صالجين مشرفين جاهزين لخدمة المجتمع كلا حسب دوره علشان تكمل المسيره.

هو ده كل حاجه ؟ .... لأ

المهم في كل ده إن كل طرف يقوم بدوره إبتغاء مرضاة الله يعني ... يارب يا معين أعيني على الصحيان بدري و تجهيز أولادي و الإفطار إبتغاء مرضاتك وطاعة لزوجي التي هي طاعة لك.

يعني يارب أعيني على تحمل مشاق العمل وضغوط الحياة لكي أوفر الحياة الكريمه لرعيتي إبتغاء مرضاتك .

طيب حاجه تانيه.... تحبوا تعملوا عمل يضحك الله كما يليق بجلاله سبحانه وتعالى؟؟؟

لو استيقظ الزوج ليلا لصلاة الفجر وأراد إيقاظ زوجته فأبت فردخ على وجهها الماء " رش على وشها حبة ميه " فهذا يضحك الله عز وجل و العكس لو الزوجة هي الفاعله.

هي دي الموده بين الزوجين إذا كان فعل صغير زي ده يرضي الله بهذا القدر فما بال بفعل الزوجه الشقيانه طول اليوم وكيف حال الزوج إلي طلعان عينه طول اليوم هو كل ده لو نتيجته رضى الله سبحانه و تعالي يبقي يستاهل و لا لأ ؟

نصيحه من واحد متزوج بقاله 4 سنين وعنده من رزق الله بنتين وزوجته بتعمل ...

* حاولوا تخلوا تعبكم وأفعالكم كلها لوجه الله و ابتغاء مرضاته ... وهتشوفوا مرضاته سبحانه هتفرق قد ايه
* حاولوا تجربوا الكلام اللين وبلاش الردود الجاهزه والكلام المستفز فالكلمه الطيبه صدقه و الله العظيم
* حاولوا تسرقوا من الزمن لحظات تتشاركم فيها الذكريات السعيده والمواقف الطريفه وبلاش التريقه هه

للزوجه :

[overline] لا تؤذي زوجك فتدعوعليك الحورالعين

قال صلى الله عليه وسلم : "لا تؤذي امرأة زوجها في الدنيا إلا قالت زوجته من الحور العين
لا تؤذيه قاتلك الله فانما هو عندك دخيل يوشك أن يفارقك إلينا " . والسؤال : هل هناك أخت مؤمنة تؤذي زوجها؟أ أ . - بالطبع لا -. فاحرصي يا أختاه على إدخال السعادة والسرور على زوجك فان الغريب يأنس الى غريب مثله ونحن في غربة لا يعلمها إلا الله فعلينا أن نتراحم فيما بيننا لتكون المودة والرحمةبين الزوج وزوجه كما قال تعالى : { ومن اياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون } (الروم : 21) .
[/overline]

للزوج :

رفقا بالقوارير

والحمد لله حمدا كثيرا طيبا مباركا فيه ملئ السموات و ملئ الأرض و ملئ ما بنهما و ملئ ماشئت بعد ذلك كما ينبغي لجلال وجهك و عظيم سلطانك

[memaid]

انا نفسي اعرف ليه في بعض الازواج بيتعاملوا مع زوجاتهم بمبدأ انه مخنوق منها ومش بيحب يخرج معاها ولا يفرحها ولا يريحها انا عايز اعرف مش هي دي نفس البنت اللي كنت بتلبس لها اغلى واحسن ماعندك وتتشيك وتحط بارفان وتخرجوا تتفسحوا و يبقى اسعد وقت وانتوا مع بعض وتبقوا مش عايزين تروحوا ونفسكوا ييجي اليوم اللي تعيشوا مع بعض ... اهو اليوم جه ليه بقى مش حاسين بده ليه مخنوقين ومكسلين نتبسط عارف ان مليون واحد هيرد ويقول ضغوط الحياة وانا باشتغل وبتعب ونفسي استريح يوم اجازتي انا معاك طب ليه ماتعتبرش الاجازة دي عشان اشيل من دماغي اي هموم واخرج انا ومراتي واولادي ده انت كده حتى تعود اولادك انهم يبقوا يعرفوا يعيشوا حياتهم مش كلها هم وضغوط وبعدين احنا عايشين اد ايه ده في علم الغيب وصدقني اللحظة اللي الواحد بنبسط فيها بيشيل من عليه هموم كتير و في نفس الوقت بيجدد الحياة الزوجية وبيحس انه لسه بيحب مراته وهي بتحس انه اغلى حاجة عندها ومش نكدي .. انا اسف اني طولت عليكم بس الموضوع ده بيستفزني جدا وعلى فكرة انا لسه مااتجوزتش و ان شاء الله ادامي 10 شهور وعارف ان مية الف واحد هيقول انت لسه ماجربتش الحياة الزوجية وضغوطها بس انا مقتنع تماما ان دي مسالة مبدا وماحدش بيجبر حد على التغيير للاوحش وانا مادام بحب البني ادمة اللي استامنت نفسها على وانا شهدت ادام ربنا اني اسعدها يبقى لازم اقدرها واقدر نعمة ربنا واحاول اسعدها على اد ما اقدر وشكرا

[M.Mostafa80]

مش هكدب عليكو وأقول بدخل المطبخ
لأ لكن لما بحس أنها تعبانه ومش قادره تعمل حاجه بعملهالها لو فى أستطاعتى
وساعات لما حس أنها نفسها فى أكله ومش قادره تعملها بجيبها من بره جاهزه

[احمدعبدالعزيز]

السلام عليكم ورحمة الله....

والله يا جماعه الموضوع ده كبير ومش هيخلص في كلمتين فإسمحولي أني أطول عليكم شويه :

تعالوا نبص على واحد نجار تلقيه جايب لو ح خشب ومسمار وشغال دق , لا الخشب قال أي من إختراق المسمار ليه و المسمار قال أي من دق الشاكوش فوق دماغه طيب كل ده ليه ... علشان يطلعونا كرسي جميل نعد عليه أو ترابيزه حلوه ناكل فوقيها.

المقصود هنا إن كل مخلوق في الكون ليه دور , هو الحقيقه إنه مكمل لدور مخلوق تاني لتكتمل الدائره .

فالزوجه إذا كانت بتتحمل ضغوط الحياة اليوميه من مأكل و ملبس و نظافه و رعايه أطفال ـــــــــــــــ
والزوج إذا كان بيتجمل ضغوط الحياة اليوميه من عمل وضرورة توفير المأكل و الملبس و الحياة الكريمة لأسرته ــــــــ

فكل ده علشان ينتجوا أبناء صالجين مشرفين جاهزين لخدمة المجتمع كلا حسب دوره علشان تكمل المسيره.

هو ده كل حاجه ؟ .... لأ

المهم في كل ده إن كل طرف يقوم بدوره إبتغاء مرضاة الله يعني ... يارب يا معين أعيني على الصحيان بدري و تجهيز أولادي و الإفطار إبتغاء مرضاتك وطاعة لزوجي التي هي طاعة لك.

يعني يارب أعيني على تحمل مشاق العمل وضغوط الحياة لكي أوفر الحياة الكريمه لرعيتي إبتغاء مرضاتك .

طيب حاجه تانيه.... تحبوا تعملوا عمل يضحك الله كما يليق بجلاله سبحانه وتعالى؟؟؟

لو استيقظ الزوج ليلا لصلاة الفجر وأراد إيقاظ زوجته فأبت فردخ على وجهها الماء " رش على وشها حبة ميه " فهذا يضحك الله عز وجل و العكس لو الزوجة هي الفاعله.

هي دي الموده بين الزوجين إذا كان فعل صغير زي ده يرضي الله بهذا القدر فما بال بفعل الزوجه الشقيانه طول اليوم وكيف حال الزوج إلي طلعان عينه طول اليوم هو كل ده لو نتيجته رضى الله سبحانه و تعالي يبقي يستاهل و لا لأ ؟

نصيحه من واحد متزوج بقاله 4 سنين وعنده من رزق الله بنتين وزوجته بتعمل ...

* حاولوا تخلوا تعبكم وأفعالكم كلها لوجه الله و ابتغاء مرضاته ... وهتشوفوا مرضاته سبحانه هتفرق قد ايه
* حاولوا تجربوا الكلام اللين وبلاش الردود الجاهزه والكلام المستفز فالكلمه الطيبه صدقه و الله العظيم
* حاولوا تسرقوا من الزمن لحظات تتشاركم فيها الذكريات السعيده والمواقف الطريفه وبلاش التريقه هه

للزوجه :

[overline] لا تؤذي زوجك فتدعوعليك الحورالعين

قال صلى الله عليه وسلم : "لا تؤذي امرأة زوجها في الدنيا إلا قالت زوجته من الحور العين
لا تؤذيه قاتلك الله فانما هو عندك دخيل يوشك أن يفارقك إلينا " . والسؤال : هل هناك أخت مؤمنة تؤذي زوجها؟أ أ . - بالطبع لا -. فاحرصي يا أختاه على إدخال السعادة والسرور على زوجك فان الغريب يأنس الى غريب مثله ونحن في غربة لا يعلمها إلا الله فعلينا أن نتراحم فيما بيننا لتكون المودة والرحمةبين الزوج وزوجه كما قال تعالى : { ومن اياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون } (الروم : 21) .
[/overline]

للزوج :

رفقا بالقوارير

والحمد لله حمدا كثيرا طيبا مباركا فيه ملئ السموات و ملئ الأرض و ملئ ما بنهما و ملئ ماشئت بعد ذلك كما ينبغي لجلال وجهك و عظيم سلطانك

بارك الله فيك احسنت الرد على الموضوع ...

[أبو إياد]

كل البنات اللى موجودين هنا بيحسسونى انهم لا اتجوزوا وعاشوا الحياه الزوجيه

انا مش هاتكلم غير عن فتره الحمل بس واول سنتين للمولود ياعنى 3سنوات شوفوا حال الزوج بيكون عامل ازاى ؟