الف مبروك لبرشلونة !!

[El.Hossieny]

منذ دقائق فاز البرسا علي المان 2/ صفر ... بعد مباراة غريبة جاء فيها مانشستر تايه اوي و مش في الفورمة علي عكس برشلونة اللي قدم ماتش اكتر من رائع .. خصوصا الهدف الثاني ل ميسي ( اكتر من رااااائع )

عاما حبيت اقول الف مبروك للبارسا و هارد لاك ل مانشستر :b4_388:

[badblood]

دوري وكأس اسبانيا وبطولة اوروبا للاندية الابطال
3 بطولات في موسم واحد فريق عالمي واحسن فريق في العالم

[Samah AbdAllah]

الف مبروك طبعا انا بحب الكورة الاسبانى اكتر من الانجليزى

ونلتقى فى كاس العالم ونشوف هيكون لمين
اخر كاس انا رشحت ايطاليا والحمدلله فازت هنشوف المرة الجاية واهو نبقا نعمل مكسابقة هنا ونتصل على 09000300

واللى يكسب نعمله ادمن فى نايل موتورز

مش قولنا بلاش كلام فى السياسة:k8:

[badblood]

اعتقد كاس العالم اللي جاي ارجنتيني

[Samah AbdAllah]

لا بدرى اوى نحدد لما البطولة تبدأ نقرر

[MohaMed_Refaat]

منذ دقائق فاز البرسا علي المان 2/ صفر ... بعد مباراة غريبة جاء فيها مانشستر تايه اوي و مش في الفورمة علي عكس برشلونة اللي قدم ماتش اكتر من رائع .. خصوصا الهدف الثاني ل ميسي ( اكتر من رااااائع )

عاما حبيت اقول الف مبروك للبارسا و هارد لاك ل مانشستر :b4_388:

فعلا يا حسينى باشا مانشستير كان تايه وبيلحوس فى الملعب
مش عارف اية اللى حصلة
حرام فريق يعمل كل المشوار دة ويجى فى الاخر يهبل كدة
عموما مبروك للبارسا

[badblood]

لا بدرى اوى نحدد لما البطولة تبدأ نقرر

[AhmedGen2]

فعلا ماتش حلو وأداء جميل من الفريقين هى دى الماتشات فعلا اللى الواحد يتفرج عليها.

سمعت كلام إن كل واحد فى فريق برشلونة هياخد 35 مليون دولار !!

[Terrible_DaRsH]

علشان المان ملعبوش بالاحمر بس لون النادى الاهلى خسروا ..

علشان لبسوا ابيض ( لون الاعداء ) هههه :) :)

اصابتهم اللعنة . دول ماشاطوش كرة واحدة على المرمي و لا استحواذ ولا اى حاجة خالص ..

عموما البطولة القادمة هى بطولة اليوفى يا حبيبي بطولة اليوفى ( على طريفة الشوالى ) :) ..

[MohaMed_Refaat]

ماشى يا درش لون الاعداء
بس يا ريت الاعداء يبقوا عندهم نفس اللعيبة دية حتى لو بالمستوى دة كان زمان الاهلى بقى
بس بطولة اليوفى اية يا درش دة اليوفى السنة دية طالع التالت فى الدورى وفرق 10 نقط بينة وبين الاول فى الدورى
تشامبيون ليج اوروبا عايزة فريق ميجا سوبر علشان يعرف يكمل فية .

[Terrible_DaRsH]

ههههه الاعداء طلائع الجيش يا سيدى مش الزمالك و لا حاجة :)

بس انا بشجع اليوفى من 3 قرون تقريبا .. و بشجعهم اكتر من الاهلى كمان و لو كورة ضاعت و لا حاجة ممن اشد قى شعرى عادى جدا . :)

ان شاء الله الموسم الجديد يرجعوا من تانى و صفقات جديدة بدل الاعيبة الخاينة اللى سابت الفريق دى .

و اللى خلى فرق تعبانة تصعد دور ال8 السنة دى يخلى اليوفى ان شاء الله يوصل لدور مهم على الاقل .

انا لو سافرت ايطاليا فى يوم من الايام ان شاء الله اول حاجة هعملها هزور نادى اليوفينتوس :) و اتصور مع دييل بييرو لاعبي المفضل للابد ..

[MohaMed_Refaat]

خلاص ماشى يا سيدى مشيها طلائع الجيش ولا يهمك
طيب اقبل منى الهدية دى يا درش :::

[Terrible_DaRsH]

هدية مقبولة طبعــــا .. تصدق بالله ان الصورة رسمت ابتسامه على وجهى .. :) :) .

على فكرة انا عندى فولدر جيجا و نصف خاص بديل بييرو . و باقى الهارد مباريات اليوفى :) ..