إعـــــــلان

Collapse

.

,
See more
See less

أشهر جمل بيقولوها الأب و الأم في مصر

Collapse
X
 
  • Filter
  • الوقت
  • Show
Clear All
new posts

  • أشهر جمل بيقولوها الأب و الأم في مصر

    أشهر جمل بيقولوها الأب و الأم



    ...*...*...*...* ...*...*...*...*...*...*...*...*...*...


    *اوعى خيالك المريض يهيالك انك ممكن تاخد منى فلوس تانى.


    * انتا مالك من ساعت ما دخلت البيت و انتا فرحان انتا جاي من انهي غرزة.


    *ذاكر ياموكوس مش فالح غير فى الهيافه والكلام الفاضى.


    * خلصي اكلك وناميلك شويه عشان تقومي تزكريلك شويه.


    ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.


    يا ابني تعالي اقعد معانا ولا انت ماجر اوضه جوه البيت ......


    ابقي نشف الحمام بعد ما تخرج منه.


    يا خويا ياراتك حافظ الدروس اللى عندك زى ما انت حافظ الاغانى كده .


    اعملى حسابك اول م الدراسه تيجى الرسيفر هيتشال هو
    والتليفزيون.


    *قبل الفجر: ارجع بات في المكان اللي انت جاي منه.


    * لو كانت اللي علي التليفون طنط سلوي قوليلها ماما نايمة .


    * ابقى قابلني بكرة تاخد بالجزمة وتاكل كل حاجة غصب عنك.


    يابنى حرام عليك هات قناة الناس الشياطين ماليه البيت.


    * امشى جاتك مشش فى ركبك .


    * جتها نيلة الى عايزة خلف تيجى تتفرج .


    * متحطيش الموبيل جنبك و انت نايمه هيجبلك تخلف عقلي .


    * متتأخرش وهات عيش وانت جاى .


    * هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


    * كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


    * هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).


    *أوعا حد يضحك عليك ويقولك جرب السيجارة دي.


    *ابقى ورينى مين حينفعك فى الاخر من شوية الصيع الى انت مشيلى وراهم .


    * مش ملاحقه علي التليفون ولا الموبيل عملالي فيها الست المهمه.


    *برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.


    * كريم دا عيل بايظ وماتمشيش معاه تاني .


    * مين منى دي انتى كل يوم تصاحبي واحدة جديدة ؟.


    * هياا الوزيرة معندهاش وزاره النهارده قومى يا حبيبتى الساعه10 .


    * قومي ساعدي امك ده اللي هيتجوزك أمه داعية عليه.


    * انا سايبالكوا البيت وماشية ومش حتشوفوا وشي تاني .


    * لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


    * وانت فاكر احنا مستنيين منك حاجه .


    * انتا لو فلحت تبئى تيجى (احم احم ) متهيئلى معروفة على ئبرى .


    * ابقي قبليني لو فلحتي ...بس ديما مش بيقلوا نقبلهم فينّ!!! غربيه .


    * كفايه رغي في التليفونات .


    * اطفي التلفزيون وقوم ذاكر ولا و خش اوضتك .


    * بلاش تمشى حافى البس شبشب وانته داخل الحمام .


    *فلوسك بتروح فين يا هبله انتي بتصرفي على الصبيان؟؟.


    *مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة :D:D .


    * ماتتأخرش علشان عندك كلية بكرة بدرى.


    * انا : ياماما بقه ايه ده ؟؟؟
    ماما:مووو لمـا يــــــخدك .


    * ادلعى ياهبة فى ايامك المهببه .


    * هو انا الخدامه الى ابوكم جبهلكم .


    * الى يطلع من الاوضه يطفى النور وراه .


    *أبوك عندك أهو اتصرف معاه .


    * لو مش فاهم حاجه ارفع ايدك و قول للأستاذ مش فاهم .. متتكسفش .


    * يأبنى المذاكره مابتخلص .... نفسى اشوفك مره ماسك كتاب.


    * اعمل حسابك مش حندخلك جامعه خاصه.


    * قالب ليلك نهارك طول الليل صاحى وطول النهار نايم
    طبعاً ما حضرتش ولا محاضرة ولا سكشن , وطول اليوم صايع بره البيت .


    * مالكش دعوة بالسياسة .. وماتمشيش في مظاهرات .و امشي جوا الحيط :D:D .


    * احمد ربنا الاكل الى مش عجبك ده فى ناس مش لقينه .


    *والله لو منضفتيش الشقه ومسحتيها ما في نزول النهرده .


    * قومي سخني الأكل لأخوكي.


    * ابوكم كان دايم بيطلع الاول على الفصل... " لما كلهم كده امال مين الى بيطلع الاخير .


    |* ومن اشهر الجمل الى بتتقال كل يوم بعد الاكل :

    انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


    |
    * ( حضرتك راجع البيت متأخر و عاوز تتوه الموضوع وانت بتكلم مامتك )

    انت : ماما عاملة ايه مش عارف ليه حاسس انك وحشتيني يا ست الحبايب
    مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟





    ملحوظة هامة ومش لازم ننساها

    طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
    بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
    تحية خاصة لكل الأمهات والأباء تحية شكر وتقدير

    تم حذف الزيادات
    اشراف

  • #2
    الله يرحمك يابابا كان دايما قولي كده ( امشى جاتك مشش فى ركبك )
    وطبعا في حاجات كتير تانيه .
    بس ربنا يخالي الحاجه بتكمل المشوار لوحدها ربنا يديكي الصحه يا امي
    [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

    اخوكم : محمد عماد الدين
    الوظيفه : محاسب
    [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

    Comment


    • #3
      ذاكر
      ذاكر
      ذاكر


      ما فيش فلوس
      هو دة الاكل هاجيبلكم منين
      وجعلناكم شعوبا وقبائل لتعارفوا

      Comment


      • #4
        الواحد افتكر حجات من زمان اوى
        :36_7_7[1]::k4::k32:

        حاجة حلوة فى مصر
        [URL]http://www.nilemotors.com/Nile/showthread.php?t=78539[/URL]

        Comment


        • #5
          أول لما توصل طمنى بالتليفون
          سوق بالراحة
          يابنى كلك لقمة دانت هلكان فى الشغل
          ماتمشيش حافى الأرض ساقعة
          خد معاك الجاكت التقيل إنشالله تحطه فى العربية
          كفاية كومبيوتر إرحم عينيك


          ربنا يخليهم لينا

          Comment


          • #6
            كان ابي عليه رحمه الله يقول لي ربنا يجعلك من سعداء الدنيا والاخره
            د \ محمد البربري

            Comment


            • #7
              فكرتونى بأياااااااااام

              كانت أمى دائما بتذاكرلى الحساب وخصوصا المسائل اللفظية تقراها معايا وتخلص قرايتها وانا مش فاهم حاجه فأقولها دى حتبقى قسمة تقولى جك قسم وسطك
              لألألألأ معلش مخدتش بالى دى حتبقى ضرب تقولى جك ضربة فى بوزك
              بس كده مش فاكر كان بيتقال ايه فى الجمع والطرح

              وكنت لما بغلب فى المسائل اللفظيه كنت بريح دماغى واجمع كل حاجه التفاح عالبرتقال عالجنود على كله وبريح دماغى وهى تلطم

              وكنت لما بنسى ايه هو الواجب اللى خدناه فى المدرسة كانت بتقوللى دايما احنا بعد كده حنجبلك كرسى وتنزل تقعد مع وحيد تحت احسن (وحيد دا جزمجى بيقعد تحت عند باب العمارة بيصلح الجزم)

              كاااااااااااانت اياااااااااااااااااااااااام
              [B][FONT=Garamond]قال رسول الله صلى الله عليه وسلم[/FONT][/B]:"[U]اضمنوا لى ست من أنفسكم أضمن لكم الجنة[/U]
              [COLOR=#1988d1][B]اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم[/B][/COLOR]" [B][FONT=Garamond]صدق رسول الله صلى الله عليه وسلم -صحيح البخارى ومسلم-[/FONT][/B]

              Comment


              • #8
                الله يرحمه بابا كان يشخط الشخطة البيت كله يتكهرب مش دلوقت العين بالعين والسن بالسن والبداي اظلم

                Comment


                • #9
                  بابا الله يرحمه كان طيب جدا بس هى نظرة واحدة والحقيقة مكنتش اقدر ازعله و كان فى بينا لغة حوار وتفاهم
                  ماما بقا لحد دلوقتى بسبب الكمبيوتر او التليفزيون ليها جملة شهيرة


                  يارب النور يقطع
                  [CENTER][URL]https://www.facebook.com/NMTechShop/[/URL] [/CENTER]

                  Comment

                  Working...
                  X