انا خايف علي اوباما يا جماعة ..!

[Terrible_DaRsH]

شكل اوباما كده هيحصل له اللى حصل لبووووش ..

تخيلوا بسبب الرئيس الاستاذ المهندس اوباما الامتحانات اتئجلت من يوم الخميس ليوم الجمعة !!

اه والله اتئجلت بسببه . و كل الجامعات التابعة لمحافظة القاهرة هيتم معاها الكلام ده .

يعنى نصلى الجمعة و نطلع على الامتحان ولا ايه انا مش فاهم .

شيء غريب بجد . ما كانوا اجلوها ليوم السبت طيب ايه الحكمة فى كده .

اول مرة فى حياتى اشوف دراسة يوم الجمعة ! ( محدش عارف هيعملوا فينا ايه يا قرمط ) :)

عموما يا جماعة لو لاقيتوا جزمة زرقاء مقاس 69 بوز طويل طالعة فى الكاميرا ابقوا عارفين مين اللى عملها :)

[msobhy]

انا عارف ان حضرتك بتتريق
بس ممكن نقلب كلامك جد
انا فى لحظه وانا معدى على جامعة القاهره وشايف اللى بيحصل هناك من استعدادات جه فى بالى
لو واحد اتجنن فى ودانه وعمل اى حاجه تافهه ايه اللى ممكن يحصل

والله ان ساعتها فضلت ادعى ربنا انه يجى بالسلامه ويرجع بألف سلامه لبلده
يا عم مش ناقصين مشاكل مع الناس اللى أكبر من الناس الكبيره

[Terrible_DaRsH]

انا عارف ان حضرتك بتتريق

بتريق فى اى جزء فى كلامى ؟؟؟ الامتحانات ولا ضرر اوباما !

[msobhy]

بتريق فى اى جزء فى كلامى ؟؟؟ الامتحانات ولا ضرر اوباما !

+1111111111111111
ضرر أوباما
لأنى فعلا سمعت ناس كتيير بتتكلم عن تأجيل الامتحان

[maikel_nan]

جزمه مقاس 69
همممممممممممم
انا شفتك فين قبل كده
.
.
.
اه ه ه ه ه ه ه ه ه
فى افغانستان
استخبى قبل ما يتقبض عليك
اجرى ى ى ى ى ى

[Ashraf_Ashraf]

انت زعلان على الامتحان اللى اتأجل يوم
امال المحلات اللى هتقفل من يوم الاربعاء لبعد الزياره تعمل ايه
ولا وقف الحال يوم الخميس والشوارع اللى هتتقفل والمواصلات اللى هتقف
ربنا يعديها على خير

[Drift_Lover]

ان بقي استحاله استحاله نفسيتي تصفي من ناحيتهم.
أيآ كان اوباما ولا بوش ولا كلينتون ولا اللي جاي ولا اللي حيروح...

ولو لاقيت حاجه مقاس 42 كلاسيك برباط... ولا حد يجيب سيرة اللي عملها.

قال تعالى في سورة البقرة
بسم الله الرحمن الرحيم.
(وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ {120})
صدق الله العظيم.

[M_55]

طيب اوباما ذنبه ايه ، هو اللي قال اعملوا الاحتياطات الامنية دي ولا قال اقفلوا الشوارع ، دي تدبيرات الأمن المصري الهمام

طيب ماكانوا يختاروا يوم جمعة مثلا بدل ما هايوقفوا حال البلد كلها

ربنا يستر في اليوم ده

[حماده عزو]

أنا بجد مش معا تصرفات الأمن المصرى من غلق محلات وشوارع وربكه لكن هنعمل أيه لينا رب أسمو الكريم
وانا كمان مضرور لانى من يوم الجمعه الى فات الكليه مقفوله وانا دراستى فى التعليم المفتوح يوم الجمعه فقط

[ASKAFRAWY]

المشكلة بقى ان لو حصل قلق اليوم دة ياتري ايه الممكن يترتب على كدة؟
مصر هتبقى عدوة لدودة ولا ايه!
اذا كان لا اوباما ولا ام باما و حدثت تفجيرات الحسين!يبقى بقى لما يجى اوباما هيعملوا ايه!!
ياخوفى يا بدران يحصل اللى فى دماغى!!

[Islam Amer]

تبقي انته أكيد مصر

بكره تلاقي جي في امتحانات اكتب موضوع تعبير عن زياره اوباما

[dode2002]

ولا هيحصل اي حاجه
لعلمكم الدوله المصريه دوله امنيه بحته

[نور القمر]

يمكن حظه يكون احسن من حظ بوش ويطلع عنده انفلونزا الخنازير والحجر الصحي المصري يرجعه من المطار

[نور العمر]

هو حيلقي الخطاب فين
اصل تايهة عن الدنيا خالص
ومقاطعة التليفزيون
من ساعة برنامج انا والحياة إللي حكتلكو عنه

[Terrible_DaRsH]

فى جامعة القاهرة !

بس هو معهوش فلوس يركب طيارة يعنى و لا من جمال الشوارع بتاعتنا اوى هييجى بعربية !

ده ناقص و هو راجع يقعد على قهوة فى الحسين .