تحب تبقى رئيس أمريكا ولا محافظ بورسعيد ؟؟؟

[abzoabzo]

واضح انه اجابة السؤال واضحة وصريحة شيء مش محير على الاطلاق طبعا رئيس أمريكا ياباشا .
بورسعيد ايه موقعها على الخريطة يا معلم ؟ وبعدين طبعا الاخوة اللي بيحبوا بورسعيد حيقولولي لا طبعاً دي حاجة كبيرة جدا . ماشي ياشباب حاجة كبيرة طبعا على عيني وعلى راسي، المهم أمريكا طبعا أكبر قوة اقتصادية وعسكرية في العالم يعني ولا كلمة
طيب يا شباب بعيد عن المناظر والمنظرة والكلام الفارغ نحسبها بالورقة والقلملو سيادتك رئيس أمريكا حتاخد كام في السنة ؟ تخيل 650 ألف دولار في السنة . اي والله العظيم هما دول بسطيب سيادتك مفيش بدل سفر بدل حضور جلسات بدل تمثيل ، على اعتبار ان رئيس أمريكا أكبر ممثللا ياباشا مفيش حاجة من دي خالص ، يعني سعادة جناب رئيس أمريكا بعد 8 سنين حرق في أعصابه لإدارة أكبر دولة في العالم ومع جبر الكسور لصالحه يعني نحسبله السنة بمليون دولار يكون إجمالي دخله 8 مليون دولارعموما مش وحش برده لأن أكيد لما حابقى رئيس أمريكا حيدوني الجنسية ومش حاضطر إني أركب مركب واغرق بيها في ايطاليا مثلا
طيب سيادة محافظ بورسعيد بياخد كام ؟؟؟ مش حنتكلم على الموضوع ده كتير لأن حكاية بياخد كام دي متفرعة جداً
احنا حنتلكك للباشا على أحد تصريحاته اللي قالها وهو مش واخد باله يا عيني ، فسيادته صرح لجريدة الأهرام في نهاية العام الماضي ان بورسعيد عملت دخل لمصر يقدر ب 4 مليار جنيه وهو حصيلة بيع أراضي في مناطق مختلفة تابعة لبورسعيد، جميل ربنا يخلي بورسعيد لمصر دايما ، لكن اللي يهمنا ان سيادة المحافظ له نسبة قانونية في هذه المبالغ 3% طبعا نسبة بسيطة تعالوا نحسبها 3% من 4 مليار يعني 120 مليون جنيه طيب نحولهم دولار على اعتبار ان الدولار ب 6 جنيه يطلعوا 20 مليون دولار، اي والله العظيم محافظنا الهمام كسب 20 مليون دولار في 7 سنين ورئيس أمريكا كسب 8 مليون دولار في 8 سنين يعني محافظ بورسعيد كسب مرة ونصف ضعف مرتب رئيس أمريكا في فترة زمنية أقل بعام كاملتخيل سيادتك في دولة قال سيادة وزير التخطيط محمد عثمان أن 40% من سكانها يستحقون الدعم ، في دولة يقوم الناس فيها بالاضراب لزيادة مرتباتهم 200 جنيه يعني 35 دولار بس في دولة أتخن موظف فيها مرتبه يبلغ 300 دولار يكسب محافظها 20 مليون دولار.. احنا بنتكلم عن محافظ مش وزير .. محافظ مش رئيس وزراء .. محافظ مش رئيس جمهوريةمش عارف اقول ايه
انا عموما حجزت على مركب رايحة ايطاليا بكره
((خلي بالك من العيال يا باتعه))


منقول


_____________________
تعديل حجم الخط و النقل للإجتماعي
مشرف الـعـــــــــام

[faroukahafeez]

امال محافظ 6 أكتوبر أو حلوان اللى فيها القاهرة الجديدة

هيكون مكسبهم كام من كمية الأراضى المهولة اللى بتباع كل يوم

[otefa]

بصراحة لا ده ولا ده ده الي بيمسك ادارة شركة بينامش الليل فما بالك ............ وده يدعيلي و100 يدعو عليا ....... لا يسيدي انا عايز اعيش وانام كويس
والستر والصحة مفيش احلي منهم

[Samah AbdAllah]

لا بلاش خالص احب ابقا مواطن بسيط

لا يسأل عن رعية .. .. ده حمل صعب وامانة حسابها عسير

[aif]

الحمد لله
لا بورسعيد ولا امريكا ولا شيكا بيكا
انا كفاية عليا ابقى رئيس بيتنا
وربنا يقدرني عليه

[Samir Elshahawy]

بس برضه أحب أكون رئيس أمريكا علي الاقل و انا رايح اي مشوار الناس هاتقعد في بيوتها علشان امشي في الشارع بعربيتي لوحدي من غير ما أضطر اعمل غرز أو أستني في أشارات و لا أخاف من لجان مرور و لا يهمني رادارات

ساعتها هاأمشي في الشارع و مافيش خوف من اللجنة لأن باختصار هأكون "انا اللجنة - أنا اللجنة"

[Bossy_Fadl]

وفي حديث للرسول الكريم صلى الله عليه وسلم: ( من ولي عشرة ولم يعدل فيهم جاء يوم القيامة ويداه ورجلاه ورأسه في ثقب فاس)

ما بالك باللي يولي ملايين؟

انا اعرف منين اني راح احكم بالعدل بين ملايين من الناس

انا شخصيا ما سمعت عن حاكم عادل 100% بعد سيدنا عمر بن الخطاب (رضي الله عنه)

حمل تقييييييل و مسئولية صعبة و ربنا يكون في عون اللي بيشيلها

و بعيدا عن كل هاد

الموضوع كتير حلو و فكرته جميلة عن جد

يسلمو يدينك علي النقل

[magyver]

الحمد لله
لا بورسعيد ولا امريكا ولا شيكا بيكا
انا كفاية عليا ابقى رئيس بيتنا
وربنا يقدرني عليه

+1111111111
هههههههههه

[عصام غنايم]

حسبى الله ونعم الوكيل

[kliken]

ما حدش شاف الحلقه اللى كانت معموله عن بورسعيد منطقه اسمها زرزاره كان عملها عمرو الليثى فى دريم كانت بتتكلم عن الناس فى المنطقه دى بيموتوا من الاوبئه و الامراض و المجارى طافحه فى العشوائيات اللى منها ناس تحت خط الفقر بكتير و جنبهم مساكن فاضيه و مش عاوزين يسكنوهم
عمرو الليثى بصراحه ولد هزأ محافظ بورسعيد و العصابه اللى حواليه و تانى يوم على دريم كتبوا على الشريط الاخبارى اللى تحت ان محافظ بورسعيد سلم الاهالى الشقق بعد ما كان معذبهم عليها سنين
حسبى الله و نعم الوكيل و كمان مرتبه بالشكل ده

[mk20022002]

ما حدش شاف الحلقه اللى كانت معموله عن بورسعيد منطقه اسمها زرزاره كان عملها عمرو الليثى فى دريم كانت بتتكلم عن الناس فى المنطقه دى بيموتوا من الاوبئه و الامراض و المجارى طافحه فى العشوائيات اللى منها ناس تحت خط الفقر بكتير و جنبهم مساكن فاضيه و مش عاوزين يسكنوهم
عمرو الليثى بصراحه ولد هزأ محافظ بورسعيد و العصابه اللى حواليه و تانى يوم على دريم كتبوا على الشريط الاخبارى اللى تحت ان محافظ بورسعيد سلم الاهالى الشقق بعد ما كان معذبهم عليها سنين
حسبى الله و نعم الوكيل و كمان مرتبه بالشكل ده

هو انتو عاوزين الراجل يقطع نفسة هيفوق امتى للناس التعبانة و المجارى و الحاجات التافهة دى امال يعد فلوسة و ياستكهم امتى يعنى ............حسبى الله و نعم الوكيل..:

[النوبي]

بصراحة لا ده ولا ده ده الي بيمسك ادارة شركة بينامش الليل فما بالك ............ وده يدعيلي و100 يدعو عليا ....... لا يسيدي انا عايز اعيش وانام كويس
والستر والصحة مفيش احلي منهم

ياراجل بحبح ايدك قول عشره عشرين خمسين مليون

[tutankhamoun]

أيه التخبيط ده ....... محافظ بورسعيد مين .
أنتوا ناسيين أن معاكوا ملك مصر ...... توت عنخ أمون .....

طيب بسبب التخبيط ده ....... هانزل عليكم كهنة آمون و رع و ليلتكم مش فايتة .

و بعدين محافظ بورسعيد بيقسم معايا ... مش أنا الملك ؟؟؟
يعني شكلكوا كدا رايحيين في داهية يا معلمين .

الملك ....... و الحكام اللي تحتي ...... أحم احم ...... واكلنها والعة
و بعدين رئيس أمريكا مين ده ..... هو عنده حضارة 8000 سنة ؟؟
هو عنده هرم ؟؟؟؟؟
هل هو عنده معابد ؟؟؟

أحنا بلد ....... الفراعنة ........
و طويل العمر يطول عمره و ينصره على مين يعاديه هاي هيئ .

[Imhotep]

رئيس امريكا ايه التعبان ده اللى عنده 100 جهاز رقابى عليه و 100 حد يحاسبه عملت ايه سويت ايه ده غير حساب الشعب العسير اللى ممكن يوقعه فى الانتخابات..... طبعا محافظ بورسعيد يكسب عشان الحرية.... ايوه الحرية الواحد يعمل اللى هو عايزه، ما هى مقطوعية و عزبة بقا...... و لاحد يسأل و لا حد يراقب...... و يجعله عامر

[ams]

رئيس امريكا ايه التعبان ده اللى عنده 100 جهاز رقابى عليه و 100 حد يحاسبه عملت ايه سويت ايه ده غير حساب الشعب العسير اللى ممكن يوقعه فى الانتخابات..... طبعا محافظ بورسعيد يكسب عشان الحرية.... ايوه الحرية الواحد يعمل اللى هو عايزه، ما هى مقطوعية و عزبة بقا...... و لاحد يسأل و لا حد يراقب...... و يجعله عامر

صحيح
رئيس امريكا بيتحاسب
المحافظ فى مصر لأ