دعوة للهدوووووووووء

[نور العمر]

ليه كل ما ندخل في حوار ديني أو سياسي
نقلبها خنااااق
يا جماعة ... احنا السبب الرئيسي في عدم تطبيق
الديموقراطية صح
لإننا مش بنحترم آراء بعض ولا بنتعامل بحسن النوايا
وكل واحد بيعشق رأيه في المقام الاول
بصرف النظر عن رأي الآخرين
جميل جدا نقوول رأينا .. بس بهدوووووووووء
من غير تجريح أو إساءة ... لازم نعود لسانا على اللباقة في الحوار والتكيف مع الاحوال
ونعود آذنا على سماع كل الآراء والتعامل معها بهدوووء
وعمر ما كان الرأي العنيف أو الجارح ... سلطان متوج على باقي الآراء .. ولا دليل إنه الرأي الأصوب أو الأقوى
ولا الاختلاف في الرأي في أحد المواضيع
يكون سبب على الحكم على المنتدى بالكامل
أو بأعضاء كان لهم مكانة عند من تصادم معهم بالرأي وأصبحو يشكلون له صدمة الآن
وكل واحد بيقول رأيه .. بتحكمه حالته المزاجية
إللي محدش بيكون عارفها أو ملم بيها
وقت ما عرض الرأي

في النهاية
كلنا أخوة في الله

[Samah AbdAllah]

مش بس كده يانور لو لاحظتى هتلاقى اننا دايما نسيب الموضوع الرئيسى ونتخد احد الردود اوالمشاركات محور للنقاش ويبقا هو الموضوع الرئيسى وننسى اصلا الهدف من الموضوع
اذا رغبت ان يسمع رايك ويحترم فيجب عليك سماع واحترام اراء الاخرين

[نور العمر]

شكرا بسكوتة على المداخلة

بس اظاهر مفيش حد هادي غيرنا

واضح ان مهدئات درافت جابت نتيجة

لعلاج الانهيار العصبي

ههههههههههههههه

طبعا فهماني

[meza]

حضرتك عارفة يا أستاذة نور .. إن ده سبب عزوف الكثيرين من الأعضاء المحترمين عن الدخول فى أى حوارات على المنتدى مع إن آرائهم كانت قيمة جداً ... و أيضاً عزوف البعض عن المشاركة فى المنتدى.

[نور العمر]

حضرتك عارفة يا أستاذة نور .. إن ده سبب عزوف الكثيرين من الأعضاء المحترمين عن الدخول فى أى حوارات على المنتدى مع إن آرائهم كانت قيمة جداً ... و أيضاً عزوف البعض عن المشاركة فى المنتدى.

لو كل واحد أخد الاختلاف في الرأي بمحمل شخصي ... حنوصل للا تلاقي
وأنا مش مع الخروج من المنتدى او العزووف عن المشاركة ..
إلا لو المنتدى بكل كياناته ... غير جدير بالاحترام والمتابعة
وده طبعا مش موجود .. والحمد لله
المحترمين كتييييير جدا ... ويزيدنا شرف ينورو المنتدى علطول
ولا يتركوه لأي سبب

[Samah AbdAllah]

اللى بيحب نايل موتورز مش هيسيبه لاى سبب ومش معقول خلاف مع اى من الاعضاء هيسبب ترك للمنتدى وباقى الاعضاء وصحبتهم الجميلة

عارفة يا نور انى ممكن ازعل من مشاركة مكتوبة سواء موجهه ليا او لشخص اخر لكن دائما اقول لنفسى ان قريتها باسلوبى وبمخيلتى لطريقة القاءهاو الذى قد يختلف مع اسلوب كاتبها او الطريقة اللى كتبها بيها وربنا اعلم بالنوايا

فعلا لازم نهدى ونتعامل مع بعض بحب ومودة ورحمة

ألسنا اسرة نايل موتورز ؟؟؟؟؟؟؟

[mohmd76]

الاخر واختلاف وجهات النظر يسببوا كثيرا من عدم فهم الاخر وتقبل رأيه

كلامى ملعبك ههههههههه
شكرا على المشاركة والموضوع

[zyadahmed]

انا قريت موضوع الاستاذ عمرو خالد وحسيت انه اتظلم قوى من ناس كتير وخصوصا احد الاخوة صغار السن اللى قال عليه كلام جارح فى بداية الموضوع استفز كتير من الناس المحترمين للرد مع ان الاولى انهم كانوا يفهموا الاخ غلطته وكان الموضوع عدى باخوة وسلام بدل الانقسام بين سلف ومعتدلين ( واصلا الاخ اللى شتم عمرو خالد لا هو سلف ولا هو معتدل) هذا الانقسام اللى بنعانى منه فى كل حياتنا وعانيت منه شخصيا لما كنت عايش فى دولة قطر ...... ياريت نعرف اننا مسلمين ومن اهل السنة ولا نقبل المس بديننا سواءا بالغلو فيه او التهاون فيه
وبصفتى مدرس تاريخ عايز ااقول لحضراتكم ان الامة الاسلامية شهدت تمزقات وخلافات كتير كانت بداياتها حوار زى اللى دار فى المنتدى هنا وبدون قصد توسع وياريت كانت الادارة قفلت الموضوع بدرى شوية او تدخلت تدخل عاقل حكيم لمنع الخلاف
وهدانا الله واياكم للحق وارشاد

[Terrible_DaRsH]

كل ده راجع لعدم القراءة و الاطلاع و قلة المعلومات و المكابرة ..

شخصيا لما اكون مش عارف حاجة او معنديش خلفيه عنها . بسال فيها على طول و ده مش عيب احسن مما افتى من دماغى او اكذب و كله بيعدى !!

اما بخصوص موضوع عمرو خالد . ( فاسالوا اهل الذكر ان كنتم لا تعلمون ) .. اكتر من مرة الاقى واحد بيشتم فيه وبيكرهه لمجرد انه سمع من واحد انه بيعمل اعلان لقناة art و معندهوش اى علم باى حاجة ..

يا ريت يا جماعة نترك مساحة لاختلاف وجهات النظر و بلاش الحيادية شوية ..

[نور العمر]

شوفو جمال الديموقراطية

شوفو جمال الالتقاء من أجل مصلحة أكبر

أوباما وهيلاري كلينتون

بعد منافسة على الرئاسة

هم مزيج واحد لهدف أعظم

هو الارتقاء بسياسات أمريكا

قمة الديموقراطية
قمة احترام الرأي والرأي الآخر
قمة التواضع
قمة ترجيح المصلحة العامة عن المصالح والأهواء الشخصية

امتى حنوصل للمستوى ده في التعامل والتفكير ؟؟؟؟؟؟؟؟؟؟

[jisso82]

اللى بيحب نايل موتورز مش هيسيبه لاى سبب ومش معقول خلاف مع اى من الاعضاء هيسبب ترك للمنتدى وباقى الاعضاء وصحبتهم الجميلة

عارفة يا نور انى ممكن ازعل من مشاركة مكتوبة سواء موجهه ليا او لشخص اخر لكن دائما اقول لنفسى ان قريتها باسلوبى وبمخيلتى لطريقة القاءهاو الذى قد يختلف مع اسلوب كاتبها او الطريقة اللى كتبها بيها وربنا اعلم بالنوايا

فعلا لازم نهدى ونتعامل مع بعض بحب ومودة ورحمة

ألسنا اسرة نايل موتورز ؟؟؟؟؟؟؟

معلش اسمحيلى أختلف معاكى اللى بيحب أو يكره نايل موتورز أو أى منتدى ده بيبقى بناءا على المواقف اللى حصلتله فى المنتدى ده و لغة الحوار بينه و بين أعضاء المنتدى و الحمد لله على الرغم من نزول التوبيك ده و اعترافنا بإن فى أحيانا نوع من التعصب و خروج عن النص من بعض الأعضاء إلا إنهم فعلا الحمد لله أقلية و مش مأثرين على الروح الجميلة للمنتدى.
بس لو الناس اللى فيه زى منتدى تانى مش حابب أذكره و مش عايز أفتكره أصلا كنت عارض فيه عربيتى للبيع بتمن ما عجبش الناس و حسوا إنه فيه مبالغة لقيت تانى يوم بعدها مش مشاركات و تعليقات سخيفة و بس لأ كمان إيميلا شتايم بأفظع ما ممكن تسمعيه على الرغم من إن العربية اتباعت عن طريق المنتدى هنا الحمد لله بنفس السعر اللى كنت محدده فى المنتدى التانى فطبعا لو كان اللى حصللى هناك حصللى هنا كان طبعا هتبقى أول و آخر مشاركة ليا فى المنتدى بصرف النظر عن مدى استفادتى منه

[aboelnagah]

بجد موضوع جميل جداااااااااا وله هدف اجمل وارقى

بس المشكلة ان احنا مش بنصبر لحد ما نسمع راى اللى قدامنا واكتر الناس مننا تلاقى ان هما شايفين ان رايهم هو اللى صح فقط لا غير وطبعا ده مش صح

لو ف المنتدى او برة المنتدى فالقعلية واحدة , ميزة الشعب الاجنبى ان هما عندهم صبر وبيصبر لحد ما يوصل لهدفه

وبجد الواحد جواه حاجات كتير نفسه يفضفض شوية

وميرسى جدا لموضوعك يانور العمر , وبجد انا معجب جدا بموضوعاتك وبحس ان تفكيرك فى اختيار المواضيع بعقلية كبيرة وفاهمة

[نور العمر]

بجد موضوع جميل جداااااااااا وله هدف اجمل وارقى

بس المشكلة ان احنا مش بنصبر لحد ما نسمع راى اللى قدامنا واكتر الناس مننا تلاقى ان هما شايفين ان رايهم هو اللى صح فقط لا غير وطبعا ده مش صح

لو ف المنتدى او برة المنتدى فالقعلية واحدة , ميزة الشعب الاجنبى ان هما عندهم صبر وبيصبر لحد ما يوصل لهدفه

وبجد الواحد جواه حاجات كتير نفسه يفضفض شوية

وميرسى جدا لموضوعك يانور العمر , وبجد انا معجب جدا بموضوعاتك وبحس ان تفكيرك فى اختيار المواضيع بعقلية كبيرة وفاهمة

كل الكلام ده ليا انا مممممممممممم

يا فندم الف شكر .. وانت إللي مشرف المواضيع كلها .. بمداخلاتك الجميلة ...

ويا رب نكون صحبة طيبة دايما

[نور العمر]

معلش اسمحيلى أختلف معاكى اللى بيحب أو يكره نايل موتورز أو أى منتدى ده بيبقى بناءا على المواقف اللى حصلتله فى المنتدى ده و لغة الحوار بينه و بين أعضاء المنتدى و الحمد لله على الرغم من نزول التوبيك ده و اعترافنا بإن فى أحيانا نوع من التعصب و خروج عن النص من بعض الأعضاء إلا إنهم فعلا الحمد لله أقلية و مش مأثرين على الروح الجميلة للمنتدى.
بس لو الناس اللى فيه زى منتدى تانى مش حابب أذكره و مش عايز أفتكره أصلا كنت عارض فيه عربيتى للبيع بتمن ما عجبش الناس و حسوا إنه فيه مبالغة لقيت تانى يوم بعدها مش مشاركات و تعليقات سخيفة و بس لأ كمان إيميلا شتايم بأفظع ما ممكن تسمعيه على الرغم من إن العربية اتباعت عن طريق المنتدى هنا الحمد لله بنفس السعر اللى كنت محدده فى المنتدى التانى فطبعا لو كان اللى حصللى هناك حصللى هنا كان طبعا هتبقى أول و آخر مشاركة ليا فى المنتدى بصرف النظر عن مدى استفادتى منه

لكل مجال دخلاء بيدخلوا بس عشان يشوهو الصورة
دعك من هذا النوع من الناس
ودايما سعة الصدر والصبر والهدوووء ... مطلوب نعلم نفسنا عليهم ...
عشان نعرف نتعامل مع كل انماط البشر

تلعب كورة ...
واللا بلاش
دي بتعصب المصريين أكتر
هههههههههههههههههههههه

[Samah AbdAllah]

معلش اسمحيلى أختلف معاكى اللى بيحب أو يكره نايل موتورز أو أى منتدى ده بيبقى بناءا على المواقف اللى حصلتله فى المنتدى ده و لغة الحوار بينه و بين أعضاء المنتدى و الحمد لله على الرغم من نزول التوبيك ده و اعترافنا بإن فى أحيانا نوع من التعصب و خروج عن النص من بعض الأعضاء إلا إنهم فعلا الحمد لله أقلية و مش مأثرين على الروح الجميلة للمنتدى.
بس لو الناس اللى فيه زى منتدى تانى مش حابب أذكره و مش عايز أفتكره أصلا كنت عارض فيه عربيتى للبيع بتمن ما عجبش الناس و حسوا إنه فيه مبالغة لقيت تانى يوم بعدها مش مشاركات و تعليقات سخيفة و بس لأ كمان إيميلا شتايم بأفظع ما ممكن تسمعيه على الرغم من إن العربية اتباعت عن طريق المنتدى هنا الحمد لله بنفس السعر اللى كنت محدده فى المنتدى التانى فطبعا لو كان اللى حصللى هناك حصللى هنا كان طبعا هتبقى أول و آخر مشاركة ليا فى المنتدى بصرف النظر عن مدى استفادتى منه

اعتقد كده ان راينا واحد لان نايل موتورز هو نايل موتورز باعضاءه المميزين باخلا قهم و اللى مهما حصل من اختلاف بين اى حد منهم مش هيوصل للاهانات او التجريح واذا فى شخص تصرف بهذا الاسلوب هو اللى هيطرد من المنتدى مش العضو المتضرر من هجومه دفاعى عن نايل موتورز هو دفاع عن كل شخص محترم هو عضو فى نايل موتورز