خطاب أوباما ..

[A.Saad]

انا قابل انه يكلم عن العرب بطريقة وحشة
بس يساعدهم
ده اللى مهم


على فكرة
مش المهم انه قال ايات من القرأن
او أنه قال
المهم اللى هيتعمل
ارادة اوباما لوحده مش كافية
لان فيه ناس كتير ليها رقابة عليه

احنا فى الشرق اتعودنا ان الرئيس هو كل حاجة
هناك مش كدة

[WalidAdel]

دا لينك للخطاب كامل 55:45 بس للاسف مش مترجم

http://www.youtube.com/watch?v=6BlqLwCKkeY

[د.أحمد سمير]

( قريت تاريخ نزاع الخلفاء الراشدين على الحكم ) (عرفت سيدنا الحسين اتقتل ليه وإزاي ومن مين... ) مش بس الأمريكان صنعو دولتهم على مدابح .. المسلمين كمان وقعوا في نفس الغلط ... والتاريخ يشهد ...

معلش بس أنا عايز توضيح منك على هذه النقاط الثلاث ..
نزاع الخلفاء الراشدين على الحكم ؟؟؟؟؟؟؟؟ وهذا لا أعلمه ولم يسبق علمي به
سيدنا الحسين اتقتل ليه وازاي ومن مين ؟؟؟؟
المسلمين صنعوا دولتهم على مذابح ؟؟؟ رجاء ذكر مذبحة واحدة على الأقل قام بها المسلمون نحو شعوب أخرى كما فعل الأمريكان
وتقبلي خالص تقديري واحترامي

[نور العمر]

http://www.alnassrah.com/showthread.php?t=20811

ده رابط فيه قصة سيدنا الحسين .. قتل على يد مسلم اسماً

الخلفاء .. مش مقصود منهم الخلفاء الخمسة الراشدين ...
المقصود سلسلة الخلافة الذي كثر عليها النزاعات من هو الأولى ومن هو الأجدر .. حتى سقوط الدولة العثمانية

المسلمين لم يبيدو شعوبا .. وإنما أبادو انظمة بداخلهم طمعا في الحكم

حروب طويلة بين العراق وإيران ... وحرب الكويت والعراق .. كانو بين مسلمين وبين بعض .. الحروب دي راح ضحيتها ناس كتييير جدا

كل قصدي من الحوار .. إن فيه ناس دموية بطبعها ... بتكون دسيسة وسط الشعوب ... أفتكر ايام حرب العراق والكويت سنة 90 كنت بسمع العجب ... لدرجة كنت بقوول مش ممكن دوول يكونو مسلمين إللي بيعملو كدة

والشعب الأمريكي عبارة عن أجناس مختلفة من كل مكان ... مش كل الأجناس دموية ولا كلها ساهمت في الإبادة.

بالنسبة لدولة السعودية
شوفت عنها فيلم تسجيلي كله صراعات وحروب حتى استطاع آل سعوود مسك زمام الأمور .. واعلان المملكة

أنا مش بدافع عن أمريكا أو حد بعينه
ما لم نحيا فيه .. لا نستطيع الحكم الكامل عليه
وكله في علم الله

اشكركم .. وأرجو إن كان هناك معلومة تحتاج لتصحيح ... أحب أتعلم الصح دايما ... وشكرا

[aboelnagah]

انتى شكلك يانور العمر معجبة اوى بأوباما

اكتر من موضوع وانتى بتشكرى فيه , هو بصراحة خلي العالم كله يقف على رجل واحدة من كلامه وادبه وذوقه العالى وفكره الراقى وعلى فكرة الراجل ده زكى جدا جدا جدا ويعجبنى فيه زكائه العالى والفكر المتقدم

الراجل ده يملك عقلية جميلة جدااااا وقدر يكسب ود واحترام ناس كتير جدا

تحية كبيرة لاوباما وربنا يقويه ويجعله طريق للاصلاح

بس على فكرة يانور العمر مش ده العصر الذهبى لامريكا لان الواحد ميقدرش يحكم على نوايا اوباما رغم ان الواضح انه راجل كويس جداا بس ياعالم ايه المتخبى

وميرسى جدا جدا على موضوعك يا نورالعمر

[icehearted girl]

كنت عاوزة انزل موضوع بعنوان وتحطمت احلام الصاوي علي صخور الواقع :d

بس كسلانة بصراحة فهتكلم كدا

الشعب كله من ابسط البسطاء حتي اعلاهم كان حاطط امال وامنيات كبيرة جدا عالخطاب دا ورغم بساطة تفكيرهم الا ان لها دلالة كبيرة

وكأنهم نسوا او تناسوا ان الاحداث الجارية مسئول عنها دول ومنظمات وليس شخص بمفرده حتي ولو كان حاكم أكبر في العالم

متناسيين ما وراءه من قوانين تلزمه بالابقاء علي دولته في الصدارة ومتناسيين ان له مرد ومرجع سواء من البرلمان او من الساسة الامريكيين

يعني انا ممكن اتقبل ان هذا الخطاب كان بمثابة تصحيح لبعض الاوضاع ولكن ما لا اقبله هو بناء الامال علي كون هذا الخطاب

بمثابة اعتذار رقيق داخل كلينكس مبلل بدموع الندم لسلسلة الانتهاكات التي حدثت ولا تزال تحدث داخل الدول الاسلامية العربية

أو بمثابة الاسف مثلا

كل دي مهاترات بعيدة عن الواقع تماما

الخطاب شيفاه عادي جدا وبسبط جدا وممكن يتوقعه اي شخص عقلاني يفكر بحيادية تامة ممكن فعلا يكون خطوة جديدة في نجاح العلاقات

المصرية الامريكية

سمعت تعليق عجبني اوي

اوباما حالة عاجبة الناس..مجرد حالة يعني ابتداء من اصوه الافريقية واحترامه للدين الاسلامي وظروف انتخابة كرئيس للولايات المتحدة الامريكية

ودا للاسف ممكن يضلل كتير

احنا لما بيعجبنا القشرة الخارجية بننساق وراها في اغلب الاحيان ونصفق لها ومبنديش الفرصة الكاملة لعقولنا للحكم علي الموقف بحيادية

مممممممممممم

يعني اعتقد نفس الخطاب اللي تم القاؤه لو كان علي لسان وزيرة الخارجية الامريكية السابقة او قبلها حبتين_اثناء فترة توليها وزارة الدفاع_ مثلا

مكنناش هنلاقي نفس رد الفعل المبالغ فيه حاليا

[د.أحمد سمير]

الخلفاء .. مش مقصود منهم الخلفاء الخمسة الراشدين ...
المقصود سلسلة الخلافة الذي كثر عليها النزاعات من هو الأولى ومن هو الأجدر .. حتى سقوط الدولة العثمانية

المسلمين لم يبيدو شعوبا .. وإنما أبادو انظمة بداخلهم طمعا في الحكم

شكراً على التوضيح بالنسبة للخطأ الأول وهو حكاية نزاع الخلفاء الراشدين على الحكم .. وبالنسبة للتوضيح الثاني إن المسلمين لم يبيدوا شعوباً وبالتالي لا تجوز ههنا المقارنة مع دولة مثل أمريكا قامت بإبادة جماعية لشعب أمريكا الأصلي أو من أسمهوهم بالهنود الحمر أو ألقت قنبلة نووية مرتين على شعب بهدف إبادته في أشنع جريمة عرفتها الإنسانية حتى الآن ..

أما بخصوص الصراع على الحكم .. فكل أنظمة العالم منذ نشأة التاريخ وهي تتصارع على الحكم ولنا في التاريخ الفرعوني والروماني والإغريقي وغيرهم أمثلة واضحة ..
وحتى الآن طبيعة التغيير السياسي القسري مرهون بالانقلابات والثورات والتنكيل بالمعارضين لفرض السيطرة ..
هذه هي طبائع الحكم المعروفة حتى الآن .. ولا سبيل لتغييرها على الأقل في المستقبل القريب ..
وأنا لا أود الدخول أكثر في هذه المواضيع حتى لا أفسد موضوعك .. ولو أردتي النقاش في مثل هذه الأمور فلتكن في موضوع منفصل ..
تقبلوا جميعاً خالص مودتي

[casperinoo]

اوباما امل مصر في كاس العالم
:10d5c8~1107:

[هيثم]

[QUOTE=casperinoo;888690]اوباما امل مصر في كاس العالم
:10d5c8~1107:[/QU

حلوه او ىىىىىىىىىىىىىىىىىىىىىىىى
بجد
انا
ضحكت
من
قلبى

[ainshouka]

http://www.alnassrah.com/showthread.php?t=20811

ده رابط فيه قصة سيدنا الحسين .. قتل على يد مسلم اسماً

الخلفاء .. مش مقصود منهم الخلفاء الخمسة الراشدين ...
المقصود سلسلة الخلافة الذي كثر عليها النزاعات من هو الأولى ومن هو الأجدر .. حتى سقوط الدولة العثمانية

المسلمين لم يبيدو شعوبا .. وإنما أبادو انظمة بداخلهم طمعا في الحكم

حروب طويلة بين العراق وإيران ... وحرب الكويت والعراق .. كانو بين مسلمين وبين بعض .. الحروب دي راح ضحيتها ناس كتييير جدا

كل قصدي من الحوار .. إن فيه ناس دموية بطبعها ... بتكون دسيسة وسط الشعوب ... أفتكر ايام حرب العراق والكويت سنة 90 كنت بسمع العجب ... لدرجة كنت بقوول مش ممكن دوول يكونو مسلمين إللي بيعملو كدة

والشعب الأمريكي عبارة عن أجناس مختلفة من كل مكان ... مش كل الأجناس دموية ولا كلها ساهمت في الإبادة.

بالنسبة لدولة السعودية
شوفت عنها فيلم تسجيلي كله صراعات وحروب حتى استطاع آل سعوود مسك زمام الأمور .. واعلان المملكة

أنا مش بدافع عن أمريكا أو حد بعينه
ما لم نحيا فيه .. لا نستطيع الحكم الكامل عليه
وكله في علم الله

اشكركم .. وأرجو إن كان هناك معلومة تحتاج لتصحيح ... أحب أتعلم الصح دايما ... وشكرا

بصى يانور أولا انا عارف إنى المفروض مخرجش بره الموضوع الأساسى تجنبا لكل المشاكل اللى حصلت قبل كده من مواضيع أخرى بس انا لقيت ان فيه نقطة معينة محتاجة لتوضيح
وهى بالنسبة لموضوع الخلافة لانه يوجد كلام كثير جدا قيل حول هذا الموضوع ودس فيه الكثير من المغالطات ونيل فى عرض الكثير من الصحابة بالباطل

ثانيا ....مواضيع التثقيف الدينى لا يجب أن تؤخذ من الانترنت لانها بحر واسع من الغث والثمين وممكن تلاقى كلام كثير غلط وسط كلمة او اثنتين فقط صحيحتين ؛يعنى ياريت تكون على ايد شيخ مثلا وان تعذر فمن كتب موثوق مصدرها لانه ببعض الكلمات المدسوسة - وما اكثرها- يمكن ان تهدم معتقد
وبالنسبة للكتب التى توضح هذه الفترة يوجد كتاب اسمه (حقبة من التاريخ) تأليف عثمان بن محمد الخميس ويتناول فيه الفترة مابين وفاة الرسول صلى الله عليه وسلم الى مقتل الحسين رضى الله عنه سنة 61 هجريا وهاتى الطبعة المحققة ( يعنى جايب تخريج الاحاديث من حيث الصحة والضعف) ...............بس خلاص كفاية كده

نرجع بقى لموضوعنا بالنسبة لاوباما فأنا عندى رأى مختلف عنه وهو أن الادارة الامريكية بصفه عامة عندها أهداف عامة تسير عليها ومن أهمها مصالحها ومصالح اسرائيل فمهما تعدد الرؤساء فالمصالح ثابتة ولا تتغير
فى الفترة السابقة كانت ادارة بوش وكانت فترة دموية ولكنها كانت مطلوبة حتى تستطيع أمريكا أن تحقق أهدافها وهى أن تتوغل فى المنطقه الاسلامية بالنفوذ العسكرى وذلك لم يكن يتم بالهدوء بل كان يحتاج شخص مثل بوش لكى يقوم بذلك فالبتالى سواء كان بوش موجود او غير موجود كان تلك الحروب ستتم
وبعدما نجحت امريكا فى خلخلة نظام هذه الشعوب واصبح الموضوع ممهدا للدخول فى مزيد من الدول الاخرى جاءت فترة أوباما والذى سيستطيع من خلال حنكته السياسية ووداعته ولباقته فى الحوار فى ان يكمل بقية المشوار بهدوء وذلك لتهدئة الجو مرة أخرى لان العالم الان اصبح ثائرا على امريكا فجاءت فترة اوباما حتى تستطيع امريكا ان تكمل باقى مخططاتها
والدليل على كده ان بقى فيه مشاكل موجودة الان فى باكستان بدات ملامحها تتبلور فى فترة اوباما وكل ذلك تم بهدوء ومزيد من التخدير للعالم الاسلامى

يعنى من الاخر هو مفيش فرق مبينه ومبين بوش او اللى قبلهم لانها سياسة واحدة ولن تتغير

وايام حرب العراق وايران امريكا كانت السبب الرئيسى فيها وحرب الكويت كانت بسبب امريكا ايضا وكان المقصود منها اضعاف العراق نهائيا لانه كانت له قوة فى ذلك الوقت
والحروب دى فعلا قتل فيها مسلمين كثير ولكن بسبب غرور القوة

لكن بالنسبة للسعودية والصراعات اللى فيها انا بصراحة معرفش حاجة عنها فمش حقاوح فيها

و........بس خلاص كفاية كده

[نور العمر]

أشكركم جميعا على مداخلتكم القيمة
وأشكركم أكثر على الحوار البناء
وعلى توضيح الأراء المختلفة بطريقة من الشفافية واحترام الآخرين

تقبلو جميعا تحياتي

وإلى لقاء يا اوباما

[megaman]

مش عارف ليه ياجماعة دايما مستنيين امريكا تعملنا اوتساعدنا او تسلفنا او تدينا معونه او تعفوا عنا وتعاملنا كويس ليه ما بنفكرش نعمل حاجه لنفسنا وبنفسنا على فكرة فى بلاد كتير هى اللى بتزرع وهى اللى بتصنع وهى اللى بتعلم بدون وصاية امريكية لان ربنا وحده اللى بيرزق وهو اللى بيحمى وهو اللى بيدافع وهو اللى بيعطى وهو اللى بياخذ وهو المعز وهو ايضا المذل وتذكروا معى مقولة ابن الخطاب عند ما ذهب ليتسلم مفاتيح بيت المقدس ونصحه على ما اظن ابو عبيدة ابن الجراح الا اتخذت لك ثوبا لانه كان مرقعا فقال له لو غيرك قالها لاوسعته ضربا نحن قوما كنا اذلاء فاعزنا الله بالاسلام فاذا ابتغينا العزة فى غير الاسلام اذلنا الله فالعزه احبائى ليست بعلاقتنا بامريكا ولا باوباما ولكن بعلاقتنا بالله ومن اهم اسس العلاقه بالله اليقين على الله

[هيثم]

نرجع بقى لموضوعنا بالنسبة لاوباما فأنا عندى رأى مختلف عنه وهو أن الادارة الامريكية بصفه عامة عندها أهداف عامة تسير عليها ومن أهمها مصالحها ومصالح اسرائيل فمهما تعدد الرؤساء فالمصالح ثابتة ولا تتغير

عشان نوضح النقطه ديه اكتر لازم نعرف الاتى
السياسه الامريكيه ( والسياسه بشكل عام )
جزءين الاول استراتيجى والثانى تكتيكى
معناه ايه الكلام ده
الاستراتيجيه هى الاهداف العليا للدوله وديه بتختلف من بلد لاخر
اما التكتيك هو طريقه تنفيذ الاستراتيجيه العليا الموضوعه مسبقا
وطبعا الدول المحترمه عندها ادوات كتير جدا لضمان عدم تدخل وجهات نظر الروساء
فى الاستراتيجيه العليا ( ابسطها المجالس النيابيه )



اذن السياسه الامريكيه ما بتتغيرش
طب الدليل ايه
مش هنروح بعيد اوى
طبعا فاكرين كلينتون( الديمقراطى زى اوباما ) كان راجل لطيف وظريف وما فيش بعد كده
بس هو اللى موت مليون ونص طفل فى العراق نتيجه للحصار
و تقريبا ما دخلش فى صراع مسلح مع العراقيين
بس هو اللى مهد الارض لدخول العراق (8 سنين حصار )

وهو ده الفرق بين الديمقراطيين و الجمهوريين كل حزب له طريقه فى التنفيذ
بس فى النهايه النتيجه واحده

[ainshouka]

الموضوع انتهى وخلص وعارف ان معظمنا نسيه بس من اسبوعين تقريبا كان فيه محاضرة للشيخ حازم صلاح ابو اسماعيل كان يتكلم فيه على هذا الخطاب فجبت اللينك بتاعه عشان اللى عاوز يعرف اكتر

http://nas2009....s.com/lkaha.htm

الحلقة الثامنة عشر بعنوان هذا خطابنا و هذا فهمنا تعليق على خطاب أوباما بالقاهرة 02

وهو تحليل رائع لهذا الخطاب

[ainshouka]

اللينك تانى عشان الاولانى مش راضى يشتغل

http://nas2009....s.com/lkaha.htm