تحذير هام جدااااااااا بخصوص نوكيا

[محمد البحيري]

بعد الي حصل لازم انبه كل واحد بينخدع بالمظاهر
واحد صاحبي كان شغال في شرم ولما رجع لقيت معاه محمول تحفه قولتله ايه ده قالي 6697 قولت يمكن جابه من حد هناك ولسه منزلش مصر بكام ده ياعم ب3000 جنيه
تمر الايام والتليفون يقع سوفت وير قولتله ولا يهمك وديه التوكيل يغيروه قالي اصل ده صيني قولتله ااااااااااااااه صيني ملوش ضمان ولا توكيل ولا قطع غيار يعوض عليك ربنا
فعلا الموبايل امكانياته متخليهوش يقل عن 5000 جنيه كفايه التاتش سكرين بتاعته ولكن ........صيني

خدو بالكو بقي لاني عرفت بعدها ان الحاجات دي مغرقه عبد العزيز والسوق كله وممكن تلاقي اسمها نوكلا مش نوكيا nokla وليس nokia

[hazem_khidr]

و لسه ياما حنشوف :?
الف شكر لتوضيحك يا باشا :)

[sokasoon]

Re: تحذير هام جدااااااااااااااااااا

اسمها نوكلا مش نوكيا nokla وليس nokia

• يا ولاد الايه مغيرين حرف واحد من الكلمة الl بدل الi
  
  علشان ماتاخدش بالك من الكلمة لانك ببساطة اول ماتقرا
  
  كلمة nok خلاص مش بتبص على الباقى وتقول ده نوكيا

[محمد البحيري]

وانا بدور في النت لقيت موضوع بيحذر من هذه الظاهره الغريبه مرفق بالصور
فهل يسمح الساده المشرفين بوضع لينك للموضوع لتعم الفائده؟
مع العلم انه منتدي اخر
وسبحان الله لقيت صوره الموبايل الي الواد اشتراه فيهم وواضح انه منتشر في مصر

[memo_hefnawy]

أستاذ جعيدى طبعا مسموح ترفق صور طالما لم تخرج عن إطار القواعد و الأدب :)

[محمدايهاب]

أنا في واحد صاحبي أشترى من شارع عبدالعزيز هناك بيغيروا الشاحن و البطارية و شاحن العربية و السماعات الأصلية بتانية غير أصلية و يبوعوها أرخص أربعين خمسيين جنية بالكتيير فلازم نحذر

[أبوسيف]

اشتريت N73 من عبدالعزيز والشاحن والبطارية فعلا مكملوش شهر ، الظاهر مفيش فايدة فى البلد دى وحسبى الله ونعم الوكيل فأى واحد معندوش ضمير :(

[Ahmed Samy]

طب ما نشتري من حتت كويسة ولو أغلى شوية

[Abdallah]

طيب انا محتاج بطارية لتليفون 6670 , يا ترى اجيبها منين ؟؟؟

[أبوسيف]

طب ما نشتري من حتت كويسة ولو أغلى شوية

ما كنتش أعرف الا بعد ما اشتريت ، عموما اهو درس واتعملته.

[OsKaR]

بالمناسبه و انا في اسكنريه في المنشيه لقيت اعلان في محل غريب (( مفاجأة الموسم N95 بالف و خمسائه جنيه)) طبعا انا اتهبلت و دخلت المحل و كنت هشتريها فعلا دخلت المحل و اتفرجت على العده نفس الشكل و نفس السوفت ويرو نفس امكانيات n95 و بتلت التمن حاجه تجن الدماغ و و كعاده اي واحد رايح يشتري عده فكيت الكفر و عشان اشوف البطاريه و السيريال واشوف العده ملعوب فيها ولا ايه و عيني جت على الاصدار بدل ملاقي مكتوب Nokia N95 لقيت مكتوب Smile N95 و من تحت مكتوب العباره المشهوره MADE IN CHINA كل اللي عملته اني :) Smile في وش الراجل و مشيت
** ملحوظه طبعا العده ملهاش ضمان و لا قطع غيار يعني الغلطه بجون **

طيب انا محتاج بطارية لتليفون 6670 , يا ترى اجيبها منين ؟؟؟

انت جيت في جمل يا استاذ عبدالله ممكن تريح دماغ و تشتريها من رايه حاجه نضيفه و عليها ضمان بس غاليه ممكن تعدي المائه جنيه
وفي نوع صيني كويس استخدمته شخصيا اسمه FLY HORSE نوع كويس و تقريبا بعشرين جنيه بس طبعا مش زي الاصلي

[Karim_Monir]

نوكلا ده مشهور قوي وحاجتها تحفة فعلا بس الوقعة تشربها فورا
اللي بيشتري من عبد العزيز لازم يكون عارف الاسعار كويس ولازم يكون عارف ان فيه نوعين
شرعي وعرفي بلغتهم
شرعي معاه كل حاجتة وبلزقة الشاشة الاصلية وشاحن وبطارية والسماعات وكلة اصلي
عرفي تلاقية ممكن ارخص ب 200 بس انت ونصيبك لا سماعة اصلية بيحطوا اللي ب 5 جنية والشاحن مضروب وبطارية بشلن وهكذا
ولازم تكون عينيك في وسط راسك
وفي اكتر من محل ما بيشتغلوش غير في النضيف بس لازم ماتامنش لحد غير عينيك

[محمد البحيري]

أستاذ جعيدى طبعا مسموح ترفق صور طالما لم تخرج عن إطار القواعد و الأدب :)

الف شكر واللينك اهو

http://www.dvd4arab.com/showthread.php?t=591755

[eng_mkhalaf]

مشكور

[Powert]

في شارع عبد العزيز وانت بتشترى اي موبايل نوكيا بغيروا الحاجات الاصلية اللي فيه ويحطوا حاجات مضروبة من عنهم

وفي محلات برضة بتعمل الحكاية دي , نصيحة لما تشتري موبايل تجيبة من التوكيل مش مشكلة انة غالي 100 ولا 200 جنية

لانة هيفرق لو البطارية او الشاحن مش اصليين , انا ليا واحد صحبي مشتري موبايل من دبي نوكلا اللي هو n96i

بس انا اتوهمت لما شوفتة الموبايل فية كل الامكانيات اللي في الدنيا من شاشة بلمس وقلم وكاميرا 5 ميجا وسوفت وير جامد زي نوكيا

الموبايل ده جابة ب 700 جنية مصري ولقت الموبايل ده موجود في محل في ستى ستارز ب 2800 اة و الله ب 2800 من غير ضمان

ومالوش تصليح برة ومالوش اي حاجة يعني تاخد الموبايل من هنا ولو باظ يبقى عوضك على الله


دي الصور اللي في المنتدى