منتخبنا الموكوس

[TaoTao]

دي مباراة تسويقية لعمرو أفندي زكي اللي كان عبء ع الفريق وكل اللي عمله إنه أخد إنذار (هو شحاتة هاياخد عمولة من بيع الافندي؟!)، الكورة تترفع له بس هو في نص الملعب مابيعرفش يقف ع الكورة ولا يباصي كورة صح، ومين أوكا ده؟ وبعدين المنتخب ماتعلمش من خيبة الأهلي؟ مابنعرفش نلعب بمهاجم واحد وعمرنا ماهنعرف لأن نفسياً اللاعب المصري بيعتبر الخطة دي خطة تعادل وليست خطة فوز.
حسبي الله ونعم الوكيل

[badr20590]

الىى كيفنى صح الاخرام بتاعت وائل جمعة حد يشوفله جلابيه بدل ما يطلع من هناك مديون بي كتير

[nazaryia]

اهدى بس يا دكتور أحمد

انا الحمد لله مرضيتش اتفرج عالماتش عشان خايفة على قلبى يقف مرة واحدة بسببهم كفاية ماتش الاهلى وطلائع الجيش اعصابى تعبت فيه وقولت انا بطلت اتفرج على مباريات ايه اللى خلانى اتفرج

حتى مفكرتش اسأل عالنتيجة ببس جاتلنا هنا اهوه على ايدك

مهو الهم ورانا و رانا يا بسكوته
للاسف هو ده منتخبنا شئنا ام ابينا
انا ناوي اشجع منتخب رواندا

[هيثم]

دول اخرهم يلعبوا مع منتخب فاقوس الدولي - مع الاعتذار لفاقوس البلد-

كده منتخب فاقوس هيزعل

[Dr_Ahmed_Abdelghany]

ياجماعة إعملوا زييى
أنا طلقت الكورة من زمان بعد ما علمتنى إن الرياضة مهزوم ومغلوب
أوعو تتابعو أخبار أى فريق ولا تشوفو ماتش ولا تشجعو فريق
لو حكمت وقعدت قدام ماتش اعتبره متسجل ومعاد أو اعتبره زى توم وجيرى
وياريت منروحش كاس العالم أكرم لنا
أما نبقى نعالج اللعيبة من الانيميا والكساح ويبقى عندنا لعيبة فايقة نبقى نلعب

[هيثم]

ياجماعة إعملوا زييى
أنا طلقت الكورة من زمان بعد ما علمتنى إن الرياضة مهزوم ومغلوب
أوعو تتابعو أخبار أى فريق ولا تشوفو ماتش ولا تشجعو فريق
لو حكمت وقعدت قدام ماتش اعتبره متسجل ومعاد أو اعتبره زى توم وجيرى
وياريت منروحش كاس العالم أكرم لنا
أما نبقى نعالج اللعيبة من الانيميا والكساح ويبقى عندنا لعيبة فايقة نبقى نلعب

اسف
لا يوجد حل اخر

[nazaryia]

كده منتخب فاقوس هيزعل

اسف يا باشا ما خدتش بالي ان حضرتك من تلك الدوله العظيمه فاقوس انجيلوس
احنا نستاهل

[هيثم]

اسف يا باشا ما خدتش بالي ان حضرتك من تلك الدوله العظيمه فاقوس انجيلوس
احنا نستاهل

لا داعى للاسف
انا بهرج مع حضرتك يا احمد بيه

[MoToRiZeR]

يا جماعة إيه لازمة جلد الذات بس
الريال و الأرجنتين لسة شايلين 6 أهداف من برشلونة و من بوليفيا (حد يصدق بولفيا تغلب الأرجنتين 6)
مش معقول هنفضل نكسب علي طول .. و اللعيبة دي اللي كنا شالينها و بنقول فرحتوا ال 80 مليون !
أه لعبنا زي الزفت ماتشين بس خلاص يعني مش هنبطل كورة عشان خاطرهم .
ليه اما بنفرح بنفرح أوي زيادة عن اللزوم و اما بنتشائم بنوصل لجلد الذات !
عامة مبروك لزامبيا التأهل .. إلا إذا كان للفريق المصري رأي أخر
الجزائر يا جماعة ده أخرها .. فريق تعبان و مش هيعمل حاجة تاني في التصفيات
المنافسة بين مصر و زامبيا و إحنا لسة مخرجناش .. بس تعادل كمان و منطقياَ نخرج من المنافسة و تحسم لزامبيا .

[Samir Elshahawy]

بصراحة انا ماليش في الكورة أوي بس أتفرجت علي الماتش و ياريتني ما اتفرجت عليه بدل حرقة الدم و النكد علي المسا
كده انا مش هأعرف أروح الجزائر تاني ألا لما منتخب الخيبة يبقي فيه لعيبة يردوا لمصر الهيبة

[casperinoo]

لا والمعلق بيقولك اتخطفنا بالتلات اهداف !!!!

بيفكرنى بالصعيدي اللى خد 99 الم على قفاه على سهوة !!!

[Samir Elshahawy]

علي فكرة يا جماعة الكاميرون و المغرب خسروا برضه أمبارح و من فرق تعبانة توجو و الجابون يعني ده عادي و مش نهاية المطاف

[Dr.Mohamed]

مدرب تعبان وفاشل وطول عمرى بقول عليه كده
شوفوا بعد الحون الاول والتانى والتالت رده فعله ايه قاعد يتفرج
وماحدش يقولى بطوله 2006 و 2008 يا جدعان شوفوا البطولتين تانى احنا ما لعبناش ده كان حظ وتوفيق من ربنا وقتها
حارس فاضل وخاين عايزين ربنا يباركله ازاى و مدرب مغرور بيسانده
ومحمد شوقى الى ما بيلعبش بقاله اد ايه ؟ كان بيعمل ايه
ولا عمر ذكى
ابوتريكه وزيدات و فتحى الراجل اوى و ووائل جمعه كتر خيركم
وانسوا كاس العالم يا رجاله

[CryptonX]

اقولكم حاجة تحرق الدم اكتر ؟

بالصدفة كنت في فندف " تريامف " الي جنب بيت الريس من اسبوع مضى !

لقيتلك المنتخب كله هناك ! و حالة " من الكآبة " في وجه كل اللعيبة وبالاخص ابو تريكة !الي تصورت معاه كمان !! ولا حتى ضحك في الصورة و هم الدنيا كلها علي وشه ! في ايه يا جدعان !! دي الجزائر امال حنيل ايه مع ايطاليا و البرازيل و امريكا !

قابلت الحضري في الاسانسير ! استظرف و بيقولي " مساء الخير ! " قلتله مساء النور ! و الجارسون بتاع الفندق بيقولوا حنعمل ايه في الماتش ؟

قاله " ربنا يستر علينا ! "

يعني منتخب مهزوم نفسيا قبل الماتش اصلا !!

والي يضحك ان يوم الاتنين الي جاي ماتش مصر و البرازيل :)

[El.Hossieny]

انتظروا مبارة البرازيل الاسبوع القادم عشان تتفرجوا و تعلقو علي الماتش بجد