منتخبنا الموكوس

[Busquets]

مازلت املك الامل!!

حسن شحاته مش سئ ابداً, مش من اول مطب نقول اقتلوه! المشكله فى الحضرى!! الله يرحم ايامه, حالياً مستواه لا يصلح لمنتخب كفر البطيخ اللى جى منه! اللاعب فاقد الثقة بالنفس مثله مثل اغلب اللاعبين تحس انهم صحوهم من النوم و دلقوهم فى الملعب !

الفريق يحتاج طبيب نفسانى! كل فرق اوروبا بتعمل كدا لا اعلم احنا عندنا طبيب او لا بس لازم! لكى يخرج اللاعبين من هذه الحاله

الجزائر فريق لا يساوى نكله, بس احنا اللى صورناه البرازيل

انا واثق اننا لن نخسر من البرازيل بنتيجة كبيرة :) ربنا يستر

[Samir Elshahawy]

يا جماعة مش مهم النتيجة و مش مهم نخسر كام و من مين المهم الاداء المشرف و مافيش أداء يبقي كفاية أننا لعبنا ال 90 دقيقة أصلا هي دي مبادئ الكرة المصرية من زمان الله يحرق اللي زرعها و غرسها في نفوس اللاعبين و الجهاز الفني و الاعلام

بصراحة لازم نعترف أن طول ما أحنا بنفكر في التعادل يبقي عمرنا ما هانكسب و جايز كمان نخسر بالخمسة مش بس تلاته الدنيا كلها بتلعب علشان تكسب مش تتعادل لازم الفكر بتاعنا يتغير و ده مش صعب و بطولة أفريقيا 2008 أثبتت انه ممكن

المهم دلوقتي ننسي اللي فات و نلتفت للي جاي بس برضه نتعلم من أخطائنا و نصحح أوضاعنا لأن الفرصة لسه ماراحتش مش دي نهاية المطاف

و بعدين حتي لو خسرنا و ماوصلناش كأس العالم أيه يعني , ما أحنا اتعودنا علي كده خلاص المهم الاهلي يأخد الدوري و الكأس و يلم كل لاعبي الفرق الاخري المنافسة كي يضعهم علي دكة البدلاء و يحرم الفرق الاخري من مجهوداتهم كي يضمن السيادة و السيطرة بلاعبيه اللي عجزوا و راحت عليهم من بدري

بصراحة لم أر في الملعب احد من منتخب مصر يلعب كرة سوي أبو تريكة ربنا يبارك له و يحميه

[El.Hossieny]

بصراحة لم أر في الملعب احد من منتخب مصر يلعب كرة سوي أبو تريكة ربنا يبارك له و يحميه

و احمد فتحي كمان كان كويس الي حد ما

[Terrible_DaRsH]

قرر الاتحاد الدولى لكرة القدم :

ان مباراة مصر و البرازيل تم تحديد الفورة الا و هى ( 192 هدف ) .

و مفيش لاعب يقول ( و النبي اكمل يمكن اجيب جول ) ..

منتخب زفت و خطة ملعب غريبة و مش عارف ايه اللى جاب عمرو زكى ناحية الشمال طول الماتش !!

و لاعيبة تايهة . تحس ان الحكومة شالت منهم الحوافز او قللت المرتب :(

و الحضرى بيلعب بتناكة علشان جاى له عرض احتراف من نادى خراب بيرج ب 50 جنيه فى الشهر .

بــــــلا وجـــع دماغ :(

[abzoabzo]

يا راجل بلاش الكلام ده للادارة ترفعلنا انذار

[madyyuri]

الحمد الله الذي عافاني مما ابتلي به كثير غيري
انا دلوقت بقالي 10 سنين مبتفرجش علي كورة ومش ناوي كمان 10 سنين لحد حال البلد ما يتعدل

[sherif_habeb]

ربنا يخلى اتحاد البطيخ والمحسوبيات والكوسه وشحاته والحضرى

[MoToRiZeR]

انا مش هقولك غير انك تتخيل مثلا رونالدنيهو داخل علي اوكا او وائل جمعة

يا باشا و هنتخيل ليه .. برشلونة اما لاعب الأهلي هنا و رونالدينهو نزل لأنه مبدأش الماتش .. وائل جمعة اللي كان ماسكه و خلاه ميعملش حاجة بنكلة في الماتش رغم إننا إتغلبنا 4 .. بس الفرق برة لأنها advanced شوية .. بتعرف تجيب أجوان حتي لو مضغوطة .. يعني اللي شاف إمبارح البرازيل و أوروجواي .. أوروجواي كانت طاحنة البرازيل و مع ذلك خسرت بالأربعة !

عامة انا متأكد إن لو لا قدر الله لعبنا حلو في كأس القارات .. نفس الناس اللي بتطالب بشنق المنتخب هينزلوا يشيلوا علم مصر في الشارع و يقولوا الله عالإبداع .. و فيه تحفيزات كتير للعيبة تلعب حلو في القارات .. لأنه متشاف و عايزين يحترفوا .. و كمان الملاعب حلووة مش زي ملعب بليدة اللي الكورة بتنط فيه و هي عالأرض .. و مفيش جماهير بتلف حوالين الفندق تقول النصر أو الشهادة و الجهاز الفني بتاعنا مش هيتسمم قبل الماتش بيوم .. يمكن ربنا ينفخ في صورتهم .

لو حد بيخش علي موقع الفيفا .. الجزء الخاص بكأس القارات .. و شاف التعليقات عالمجموعة بتاعتنا هيلاقي برازيليين بيقولوا إنهم بيرشحوا مصر تصعد مع البرازيل و تطيح بإيطاليا و أمريكا بسبب إنهم شافوا فريق متميز جداَ بيلعب في أفريقيا 2008 .. شوفوا الغرب بيقولوا إيه علي فريقتنا و إحنا بنتخلي عنه و بنقول لعيبة زبالة و مدرب فاشل .. دوام الحال من المحال يا رجالة و الفريق دلوقت في كبوة لازم نقف وراه عشان نلحق نفسنا .

رغم إني أهلاوي إلا إني عرفت جمهور الزمالك قد إيه أصيل و 100 100 عشان بيفضل واقف ورا فرقته في أحلك و أصعب الظروف ! حتي لو إستمرت سنين ! و دول ماتشين يا رجالة .. فين روح أفريقيا .

[Nader]

يا جماعة مش مهم النتيجة و مش مهم نخسر كام و من مين المهم الاداء المشرف و مافيش أداء يبقي كفاية أننا لعبنا ال 90 دقيقة أصلا هي دي مبادئ الكرة المصرية من زمان الله يحرق اللي زرعها و غرسها في نفوس اللاعبين و الجهاز الفني و الاعلام

بصراحة لازم نعترف أن طول ما أحنا بنفكر في التعادل يبقي عمرنا ما هانكسب و جايز كمان نخسر بالخمسة مش بس تلاته الدنيا كلها بتلعب علشان تكسب مش تتعادل لازم الفكر بتاعنا يتغير و ده مش صعب و بطولة أفريقيا 2008 أثبتت انه ممكن

المهم دلوقتي ننسي اللي فات و نلتفت للي جاي بس برضه نتعلم من أخطائنا و نصحح أوضاعنا لأن الفرصة لسه ماراحتش مش دي نهاية المطاف

و بعدين حتي لو خسرنا و ماوصلناش كأس العالم أيه يعني , ما أحنا اتعودنا علي كده خلاص المهم الاهلي يأخد الدوري و الكأس و يلم كل لاعبي الفرق الاخري المنافسة كي يضعهم علي دكة البدلاء و يحرم الفرق الاخري من مجهوداتهم كي يضمن السيادة و السيطرة بلاعبيه اللي عجزوا و راحت عليهم من بدري

بصراحة لم أر في الملعب احد من منتخب مصر يلعب كرة سوي أبو تريكة ربنا يبارك له و يحميه

ياريت الاداء كان مشرف، كانت حاجة تهون علينا، الشوط الأول قلنا ممكن ربنا يسهل ونخطف هدف، لكن الشوط التاني كان في لاعيبة تانية في الملعب.