الحاسة السادسة

[نور القمر]

سبحان الله ربنا خلق للانسان 5 حواس وفي ناس بتقول في حاسة سادسة لكن مش موجودة عند كل الناس
انا بعتبر نفسي محظوظة لان ربنا وهبني الحاسة السادسة
في مواقف كتير بتمر عليا بشعر فيها بالحاسة السادسة شغاله
يعني مثلا احيانا كتير ومن ضمنها امبارح بشعر ان في حاجة مش كويسه هتحصل مش موضوع تفاؤل وتشاؤم لكن احساس واحيانا بشعر ان حاجة كويسه هتحصل
وطبعا الاحساس ده بيقلقني وكنت احيانا بتراجع عن فكرة الخروج لما يجيلي الاحساس ده واحيانا بدعي ربنا سبحانه وتعالى بالستر واتوكل عليه واخرج

يوم حادثة الفرامل اللي سابت مني وخبطت الكورلا جالي الاحساس ده وامبارح كمان
لما بيجيلي الاحساس ده وادعي ربنا بالستر بيكون وقع الحدث اخف على نفسي وديما اقول لو مكنتش دعيت ربنا يمكن كان الموضوع يكون اكبر
يعني قدر ولطف


انا فاكرة لما كنت في الحج مع زوجي وفي رمي الجمرات للمرة الثانية الشيوخ اقترحوا علينا ان النساء تبقى بمنى والرجال يرموا عنهم
كان قلبي مقبوض اوي وخايفه على زوجي من الحوادث اللي بنسمعها من دهس الحجاج بالاقدام
بقيت اقنع نفسي ان مفيش حاجة هتحصل واقول منا روحت معاه اول مرة لرمي الجمرات ومكنش الموضوع مقلق بالصورة اللي بنسمعها
وفضلت ادعي ربنا يستر عليه ويحفظه ويرجعه بالسلامة
وفضلت واقفه برة الخيمة في منى منتظراه ... ولما وصل بالسلامة لاحظت عليه ان في حاجة مضيقاه .. قالي ان كل الفلوس اللي معاه اتسرقت
والله قعدت اضحك وحمدت ربنا وقلت له احمد ربنا انها جات على اد الفلوس
كان مستغرب من موقفي ومعتقد اني هزعل
فحكيت له اني كان عندي احساس ان حاجة وحشة هتحصل وان الحمد لله انها جات على فلوس وقلت له اني عامله حسابي في فلوس معايا ومعايا ذهب لو اتزنقنا نبيعه


امثلة تاني للحاسة السادسة عندي
احيانا بكون بكلم اصدقاء لي على الماسنجر ويجيلي احساس بشكل المكان المحيط بيهم وملابسهم ولما بوصفهم بيطلع احساسي صح
لدرجة ان شخصية منهم اعتقد اني هكر واني شغلت الكاميرا من غير ما يعرف

مرة كانت صديقة لي مسافرة اوروبا والمفروض انها تتصل بيا لما توصل علشان اعرف رقمها وفضلت كذا شهر مفيش اتصال
وفي يوم كنت زعلانه منها اوي لانها متصلتش وكنت بعاتبها بيني وبين نفسي مش هتصدقوا ان في نفس الوقت لقيت رقم غريب بيرن عليا
بحثت عنه في النت اشوفه بيتبع اي دولة اوربية ولقيته فعلا تبع البلد اللي سافرتها

اصدقائي المقربين اللي عارفين عني الموضوع ده بيقولولي انتي يتخاف منك ههههههههههه


ممكن تشاركوا معايا بمواقف غريبة مرت عليكم بسبب الحاسة السادسة

[ASKAFRAWY]

انا الحمد لله انهم 5 حواس..وساعات 5 حواس يهنجوا وواحدة بس بتبقى شغالة..كدة رضا
موضوع الحاسة السادسة دة مقلق حبتين و خصوصا ان ممكن يمنعك من عمل حاجة بتحبيها لو حسيتى ان فيها خطر عليكى
هى بتبقى هبة من عند الله و لكن المهم انها متأثرش عليكى

[نور القمر]

انا مؤمنة تماما ان الحذر لا يمنع قدر
انا مش بخلي الموضوع يوصل لدرجة انه يأثر على حياتي بالسلب

بس لو موضوع تهنيج الخمس حواس ده بيحصل كتير شوف حد يظبط لك السوفت وير

[ASKAFRAWY]

انا مؤمنة تماما ان الحذر لا يمنع قدر
انا مش بخلي الموضوع يوصل لدرجة انه يأثر على حياتي بالسلب

بس لو موضوع تهنيج الخمس حواس ده بيحصل كتير شوف حد يظبط لك السوفت وير

لا خلاص..اصل السوفت وير بتاعى اتلغى من زمان و معملتلوش update
مش مشكله انا متعود على موضوع التهنيج دة..
تفتكرى لو فرمت الحواس تشتغل تانى

[نور القمر]

الخوف لو فرمتها ممكن مش تلاقي لها ويندوز يشتغل عليها وتعيش من غير حواس على طول هههههههههههههه خليها بعيبها احسن من المجازفة
بعد الشر عليك

[aboelnagah]

عندك حق يا نور القمر
كتير مننا بيشعر بالحاسة السادسة بس مش على طول

هو بيكون الواحد قلبه شغال على طول حاسس بكل حاجة وكتير جدا بقول لنفسى انا بالليل هيجيلى صداع جامد

والله والله والله بالليل بلاقى نفسى يجيلى صداع

ساعات كتير بقول حاسس ان انهارده هيحصل كده وبالفعل يحصل زى ما انا توقعت بالظبط

فى اكتر انى ساعات بحلم , والاقى ان الحلم يتحقق بالظبط كانى بعمل بلاى باك

حاجة من عند ربنا

[Imhotep]

موضوع متميز كالعادة يا نور..... احب مشاركتى فيه تكون عن الجانب العلمى لتفسير الحاسة السادسة.......

الحاسة السادسة او ما يعرف بال Extra Sensory Perception او الادراك الذى يعلو الحواس هو احد اهم مجالات بحث علم كامل اسمه ال Parapsychology و هو من المجالات التى ظلت مهملة طويلا بسبب تركيز العلماء على كل ما هو مادى و قابل للقياس و الوزن و ذلك منذ بدايات عصر النهضة العلمية الاوروبية و حتى وقت قريب...... لكن بدأ الالتفات مرة اخرى الى هذا العلم منذ النصف الثانى من القرن العشرين، خاصة مع تطور التقنيات العلمية التى اصبح بمقدورها رصد هذه الظواهر.....

بالنسبة للبشر فالادراك الذى يعلو على الحواس قد يكون اما ارسالا او استقبالا...... بمعنى انه قد يصبح الشخص حائزا على حاسة تجعله يستقبل اشارات معينة على حوادث ستقع فى المستقبل القريب قبل حدوثها وهو ما يعرف بال clairvoyance او ال precognition او قد يكون مرسلا و فى هذه الحالة قد يتحول الشخص الى جهاز ارسال عندما يملك موهبة مثل ال telekenisis او تحريك الاشياء عن بعد او ال levitation او الحركة ضد الجاذبية الارضية مثلما يفعل فقراء الهنود لما يقعد يعزم يعزم وهو جالس القرفصاء على الارض ثم تجده فجأه ارتفع فى الهواء حوالى متر فوق مكانه الذى كان جالسا عليه!
و المجال للحديث عن الظواهر الفوق طبيعية او ال paranormal يمتد و يتسع للكثير و الكثير...... وهو يشمل كائنات حية اخرى غيرالانسان بل وحتى النبات
بالنسبة لى شخصيا فما يحدث احيانا هو انى احس بشئ او شخص سأقابله قبل مقابلتى له بدقيقة مثلا..... و يقال ان هذه الموهبة يمكن تطويرها مع الصفاء النفسى و هو الغير موجود طبعا بسبب العيشة و اللى عايشينها :)

[ASKAFRAWY]

الخوف لو فرمتها ممكن مش تلاقي لها ويندوز يشتغل عليها وتعيش من غير حواس على طول هههههههههههههه خليها بعيبها احسن من المجازفة
بعد الشر عليك

خلاص بقى انسى موضوع التهنيج دة وخلينا فى موضوعك الجامد دة
فعلا انا نفسي اعرف يعنى ايه الحاسة السادسة؟
صاحبها بيحس بايه؟

[member]

كنا نتسوق أنا ووالدتي فرأيت لوحة صغيرة معلّقة مكتوب عليها تغسيل وتكفين شرعي، فقلتلها ناخد النمرة يمكن نحتاجها.


نفس اليوم بالليل جدي توفي (الله يرحمه ويغفر له ما تقدم من ذنبه)

[sa3dawy]

انا الحمد لله انهم 5 حواس..وساعات 5 حواس يهنجوا وواحدة بس بتبقى شغالة..كدة رضا

هههههههههههههههههههههههههههههههههههههههههههههههههه هههه
عندك حق واللة

[نور القمر]

شكرا mahora على مرورك انا فعلا قريت شوية في تفسير الظواهر الغريبة بس بصراحة انا المعلومات بتطير مني بسرعه


ASKAFRAWY باختصار الحاسة السادسة بتخليك تشعر بحاجات معينة هتحصل ممكن تتحقق بنفس التفاصيل اللي دارت في مخك ووممكن تختلف بعض الشيء

حكاية member فكرتني بموقف شوفته قبل حدوثه ب 5 دقايق بنفس التفاصيل سبحان الله

ايام مكنت عايشه في ابوظبي كنت لسه جديدة هناك ومعنديش تليفون وكنا بنخرج نكلم اهلنا في مصر من تليفون الشارع
وانا في الطريق للتليفون مع زوجي تخيلت الحوار اللي هيدور بين زوجي ووالده وانه هايقوله ان جدتي توفت وشوفت الموقف بالظبط بعدها ب 5 دقايق بنفس كلمات زوجي ونفس تعبيرات وشه ونفس نظراته ليا والله العظيم زي ما بقولكم
!! ... وبصراحة انا حسيت ان ده نوع من تخفيف الصدمة من عند ربنا لاني كنت الحفيدة المدللة عند جدتي الله يرحمها

[Imhotep]

شكرا mahora على مرورك انا فعلا قريت شوية في تفسير الظواهر الغريبة بس بصراحة انا المعلومات بتطير مني بسرعه


ASKAFRAWY باختصار الحاسة السادسة بتخليك تشعر بحاجات معينة هتحصل ممكن تتحقق بنفس التفاصيل اللي دارت في مخك ووممكن تختلف بعض الشيء

حكاية member فكرتني بموقف شوفته قبل حدوثه ب 5 دقايق بنفس التفاصيل سبحان الله

ايام مكنت عايشه في ابوظبي كنت لسه جديدة هناك ومعنديش تليفون وكنا بنخرج نكلم اهلنا في مصر من تليفون الشارع
وانا في الطريق للتليفون مع زوجي تخيلت الحوار اللي هيدور بين زوجي ووالده وانه هايقوله ان جدتي توفت وشوفت الموقف بالظبط بعدها ب 5 دقايق بنفس كلمات زوجي ونفس تعبيرات وشه ونفس نظراته ليا والله العظيم زي ما بقولكم
!! ... وبصراحة انا حسيت ان ده نوع من تخفيف الصدمة من عند ربنا لاني كنت الحفيدة المدللة عند جدتي الله يرحمها

هو ده بالظبط اللى بيسموه ال precognition او الادراك الباطنى لشئ قبل حدوثه بوقت قصير...... و اقوى منه ال clairvoyance او الشفافية التى تحس بما هو ابعد من ذلك.....

[mohmd76]

telekenisis

اعتقد استاذ ماهر انها تليباسى الاتصالعن بعد او التخاطر والتخاطب عن بعد
telepace

[Nile_Storm]

الحمد لله عل ال 5 حواس
بس فعلا ساعات بحس ان فيه حاجه وحشه هتحصل و لكن لا اعتقد ان تصل لمرحله الحاسه السادسه
و اعتقد ان كلها تهيؤات بما اني انسان منفعل و شديد التوتر دائما

[Samah AbdAllah]

انا مش بحس ان فى حاجة هتحصل بس احيانا بحس فى موقف معين انى عيشته قبل كده وابقا عارفة ايه اللى هيحصل وكأنى بتفرج على فيلم